თალაკვაძე - კიდევ ერთხელ ვნახეთ, რომ „გერმანული მოდელი“ საქართველოს კონსტიტუციასთან შესაბამისი არ არის

16:31 11-30-2019
14

დღეს კიდევ ერთხელ ვნახეთ, რომ „გერმანული მოდელი“ საქართველოს კონსტიტუციასთან შესაბამისი არ არის, - ამის შესახებ საქართველოს პარლამენტის თავმჯდომარემ, არჩილ თალაკვაძე, დიპლომატიური კორპუსის მონაწილეობით ხელისუფლებისა და ოპოზიციის შეხვედრის დასრულების შემდეგ განაცხადა.

მისივე თქმით, გარკვეული პასუხისმგებლობა 2020 წლის არჩევნებზე ოპოზიციურმა პარტიებმაც უნდა აიღონ.

„მოდელი, რომელსაც ჩვენ მხარს ვუჭერდით ერთი წლის წინ საკონსტიტუციო რეფორმის ფარგლებში, „ქართულმა ოცნებამ“ მიიღო. რა თქმა უნდა, ჩვენ გვქონდა სურვილი, რომ შეცვლილიყო პროპორციული არჩევნების თარიღი ამჯერად 2024 წლიდან 2020 წლამდე. თუმცა ამ გადაწყვეტილებას ნებისმიერ დემოკრატიულ სახელმწიფოში საბოლოო ჯამში იღებს პარლამენტი. ასეთი გადაწყვეტილება მიიღო პარლამენტმა. რა თქმა უნდა, ჩვენც გულდაწყვეტილი ვართ, რომ ეს გადასვლა ვერ მოხდა, თუმცა ყველამ უნდა მიიღოს, რომ ეს არის პარლამენტის გადაწყვეტილება და უნდა გააგრძელოთ მოძრაობა.

ჩვენ რასაც ვგეგმავთ, ეს არის, რომ მოვემზადოთ 2020 წლის არჩევნებისთვის, ჩვენ მას აუცილებლად დემოკრატიულად და გამჭვირვალედ ჩავატარებთ.

გარკვეული პასუხისმგებლობა 2020 წლის არჩევნებზე ოპოზიციურმა პარტიებმაც უნდა აიღონ. დღეს კიდევ ერთხელ ვნახეთ, რომ „გერმანული მოდელი“ არ არის შესაბამისი საქართველოს კონსტიტუციასთან, ამაზე მომდევნო კონსულტაციებში შესაძლოა, ჩვენ კიდევ დავხარჯოთ დრო“, - განაცხადა არჩილ თალაკვაძემ.