საზოგადოება • 1714817502

ჯანსაღ პროტესტს ყოველთვის მივესალმები და ვუერთდები კიდეც, მაგრამ ეს რადიკალური, ფანატიკური, შეპყრობილი ბღავილი - თქვი, რასაც ჩვენ ვამბობთ, თორემ გადაგივლით და მიწასთან გაგასწორებთო, არის ამაზრზენი - თორნიკე ნაროზაული

პოეტი თორნიკე ნაროზაული აქციის მონაწილეების მხრიდან საზოგადოების წევრების და მათ შორის, ცნობადი სახეების მიმართ ბულინგის და ზეწოლის შემთხვევებს ეხმიანება.პოეტი სოციალურ ქსელში ვრცელ პოსტს აქვეყნებს, სადაც აღნიშნავს, რომ დარბევაა, როცა პიროვნულად ეხები და ლანძღავ ადამიანებს... საერთო ჯგუფებსა და ჩათებში ითხოვ მათ მიმართ ბულინგს... მათი გვერდების „დარეპორტებას“ და პიროვნულ დამცირებას, მხოლოდ იმიტომ, რომ ჩუმად არიან ან სიტყვა-სიტყვით თქვენს ლოზუნგებს არ იმეორებენ.მისივე თქმით, ძალით პატრიოტებს, რომლებსაც საკუთარი თავის გარდა ცხოვრებაში არაფერზე უდარდიათ, რომლებიც გამუდმებით იქ დგანან, სადაც ხალხის უმრავლესობა დგას, იმას აკეთებენ, რაც ტრენდულია და იმას იმეორებენ, რასაც სხვები ამბობენ, საერთოდ რაზე გაქვთ პრეტენზია? თუ გგონიათ, რომ თქვენს ყველა პოსტს, სთორის და კომენტარს არ ეტყობა, რომ ყალბია... რომ ზოგი შიშითაა დაწერილი, ზოგი სხვისი წამბაძველობით, ზოგი თავის გამოსაჩენად... რომ იქ ნამდვილი არაფერია?!„წავიკითხე, ხვიჩა კვარაცხელიას სამარცხვინო განცხადება მეთქი, გინდოდათ, ალბათ, დამეწერა, მაგრამ მადლობა ღმერთს, ამ ბიჭს გონებაც ისეთივე აქვს მიმადლებული, როგორც ფეხბურთის თამაშის ნიჭი.„გული მწყდება, რომ დღეს სიტყვებით უფრო ვაფასებთ ადამიანისპატრიოტიზმს, ვიდრე საქციელით“. - სხვაგვარად ამ სიტყვებს ვერ დაწერდა. ეს ის კაცია, რომელმაც მთელ მსოფლიოს გააგებინა ჩვენი ქვეყნის შესახებ, რომელმაც შეცვალა ქართველი ემიგრანტებისადმი დამოკიდებულება, არა მხოლოდ იტალიაში, არამედ მსოფლიოს სხვადასხვა ქვეყანაში.რომელმაც ქართულ ფეხბურთს იმედი და რწმენა დაუბრუნა.რომელმაც თავდაჯერება შემატა ქართველ ფეხბურთელებს.რომელმაც, ლამის, მარტომ გაიყვანა საქართველოს ნაკრები ევროპის ჩემპიონატზე და ერთი ღამით მაინც შეძლო მთელი ერის გაერთიანება.რომელმაც იმაზე მეტი საქმე გააკეთა საქართველოს ევროპული მომავლისთვის, ვიდრე ერთად აღებულმა, ხელისუფლებამ, ოპოზიციამ და იმ ხალხმა, რომლებიც დღეს ხვიჩას ლანძღავენ.აკა მორჩილაძის წერილის შემდეგ მივხვდი, რომ ამ ხალხს აკა მორჩილაძის ან ხვიჩა კვარაცხელიას აზრის მოსმენა კი არ სურდათ, როცა ამას ითხოვდნენ, არამედ მხოლოდ ის უნდოდათ, მათ აზრს დათანხმებულიყვნენ ეს ადამიანები, თან ზუსტად იმ სიტყვებით, რითაც თვითონ საუბრობენ.ამას ფანატიზმი ჰქვია. როგორც უკვე ვთქვი, ბოლშევიკები სხვას არაფერს აკეთებდნენ.ჯანსაღ პროტესტს ყოველთვის მივესალმები და ვუერთდები კიდეც, მაგრამ ეს რადიკალური, ფანატიკური, შეპყრობილი ბღავილი - თქვი, რასაც ჩვენ ვამბობთ, თორემ გადაგივლით და მიწასთან გაგასწორებთო - არის ამაზრზენი!რა თავისუფალი სიტყვა, რა განსხვავებული აზრის პატივისცემა, რა კულტურა, რა ერთობა და სიყვარული - ოჯახის წევრებიც კი ერთმანეთს ჭამენ, როგორ თუ შენ სხვა აზრზე დგახარო! ისინი, ვინც მთელი ცხოვრება ერთად მოდიოდნენ, ერთად უძლებდნენ უამრავ გასაჭირს, ტრაგედიას, ტკივილს... ერთმანეთს ლანძღავენ და მიწასთან ასწორებენ...როდესაც ხელისუფლებას აკრიტიკებ იმის გამო, რომ შენი აზრის გამოხატვის თავისუფლებას ზღუდავს, როცა აქციებს სპეცრაზმით არბევს...შენ რომელი მართლმსაჯულებით და უფლებით არბევ მორალურად, განსხვავებული აზრის მქონე ადამიანებს? გინდა სოციალურ სივრცეში და გინდა რეალურ ცხოვრებაში?რით განსხვავდები, მათგან, ვისაც ებრძვი?იმით, რომ არ შეგიძლია სპეცრაზმი მიუქსიო მათ, ვინც არ გეთანხმება? ან უარესი - გეთანხმება, მაგრამ შენი სიტყვებით არ საუბრობს?!(ჰო, დარბევაა, როცა პიროვნულად ეხები და ლანძღავ ადამიანებს... საერთო ჯგუფებსა და ჩათებში ითხოვ მათ მიმართ ბულინგს... მათი გვერდების „დარეპორტებას“ და პიროვნულ დამცირებას, მხოლოდ იმიტომ, რომ ჩუმად არიან ან სიტყვა-სიტყვით თქვენს ლოზუნგებს არ იმეორებენ.)მით უმეტეს, ამ ძალით პატრიოტებს, რომლებსაც საკუთარი თავის გარდა ცხოვრებაში არაფერზე უდარდიათ, რომლებიც გამუდმებით იქ დგანან, სადაც ხალხის უმრავლესობა დგას (არა იმიტომ, რომ იქ სიმართლეა, უბრალოდ იმიტომ, რომ იქ უმრავლესობაა...), იმას აკეთებენ, რაც ტრენდულია და იმას იმეორებენ, რასაც სხვები ამბობენ, (და დარწმუნებული ვარ, დღეს, ამ განცხადების გამო, უმრავლესობა, ხვიჩას რომ აქებდეს, თავადაც შეაქებდნენ...) საერთოდ რაზე გაქვთ პრეტენზია? თუ გგონიათ, რომ თქვენს ყველა პოსტს, სთორის და კომენტარს არ ეტყობა, რომ ყალბია... რომ ზოგი შიშითაა დაწერილი, ზოგი სხვისი წამბაძველობით, ზოგი თავის გამოსაჩენად... რომ იქ ნამდვილი არაფერია?!ყველაფერს ითამაშებთ და ყველაფერს მოიტყუებით, მაგრამ სამშობლოს სიყვარულს ვერა!ჰოდა, ნუ აჰყვებით ამ ძალით პატრიოტ, ბრმა წინამძღოლებს, თითებს რომ ილესავენ კლავიატურაზე. პირადად ვიცნობ ბევრ მათგანს და ისიც ვიცი, რაცაა მათი პატრიოტიზმი... საკუთარი თავის გარდა, რომ არავინ ადარდებთ ქვეყნად და მხოლოდ პოპულარობაზე, პირად ანგარიშსწორებასა და კეთილდღეობაზე ფიქრობენ.ასეთი რადიკალიზმით, ზეწოლით, დამცირებით და ბულინგით, ბევრი ადამიანის თვალში, იმ ჯანსაღ ნაწილსაც ჩრდილს აყენებთ, რომელიც მთელი სულით და გულით საქართველოს უკეთესი მომავლისთვის იბრძვის.ანთხიეთ ეგ თქვენი სიძულვილი, ბოღმა და გესლი, საქართველოს მტრებს, მაგრამ ერთმანეთს - არა!ასე ვერაფერში გავიმარჯვებთ.დედა გვეტირება ასე. არ მაქვს იმის ილუზია, რომ ამ ნაწერიდან სწორ აზრს გამოიტანთ, მაგრამ სულ ერთია. რაც დავწერე, დავწერე“, - წერს თორნიკე ნაროზაული.

შემთხვევა • 1714817147

სენაკში მიკროავტობუსი გზიდან გადავარდა - არიან დაშავებულები (ვიდეო)

სენაკში, სოფელ თეკლათთან ავტოსაგზაო შემთხვევა მოხდა. პირველადი ინფორმაციით, მიკროავტობუსი გზიდან გადავარდა.ამასთან, ვრცელდება ინფორმაცია, რომ მიკროავტობუსს მეორე ავტომობილი შეეჯახა.მომხდარის შედეგად, დაშავდა რამდენიმე პირი. ისინი შესაბამის კლინიკაში გადაჰყავთ.გზის ამ მონაკვეთზე მოძრაობა ნაწილობრივ პარალიზებულია. 

საზოგადოება • 1714817146

სურსათის ეროვნული სააგენტო მოსახლეობას აფრთხილებს

სურსათის ეროვნული სააგენტო აღდგომის დღესასწაულთან დაკავშირებით მოსახლეობას რჩევებს აძლევს.სააგენტო მოუწოდებს მოსახლეობას, მალფუჭებადი და მაღალი რისკის სურსათი შეიძინოს მხოლოდ ორგანიზებული ვაჭრობის პირობებში, ისეთ სარეალიზაციო ობიექტებში, სადაც დაცულია შენახვისა და რეალიზაციის მოთხოვნები, სანიტარიულ-ჰიგიენური ნორმები.„სურსათის ეროვნული სააგენტო, აღდგომის დღესასწაულის მოახლოებასთან ერთად, ადგილობრივ და იმპორტირებულ კვერცხს, ხორცსა და სხვა მოთხოვნად სურსათს აქტიურად ამოწმებს. სააგენტო მოუწოდებს მოსახლეობას, მალფუჭებადი და მაღალი რისკის სურსათი შეიძინოს მხოლოდ ორგანიზებული ვაჭრობის პირობებში, ისეთ სარეალიზაციო ობიექტებში, სადაც დაცულია შენახვისა და რეალიზაციის მოთხოვნები, სანიტარიულ-ჰიგიენური ნორმები.ხორცის შეძენისას მნიშვნელოვანია ყურადღება მიაქციოთ:შენახვისა და განთავსების პირობებს - ხორცი უნდა ინახებოდეს სუფთა, დახურულ მაცივარში, შესაბამისი ტემპერატურული რეჟიმის დაცვით - 7-დან 10 გრადუსამდე; შენახვის ვადა 48 საათია.სხვადასხვა წარმომავლობის ხორცი (საქონელი, ცხვარი, ღორი, თხა) მაცივარში განცალკევებით უნდა იყოს განთავსებული. ასევე, ცალ-ცალკე უნდა განთავსდეს სხვადასხვა ქვეყნიდან იმპორტირებული ხორცი.ეტიკეტი გამოკრული უნდა იყოს თვალსაჩინო ადგილას იმ მაცივარზე, რომელშიც ინახება სურსათი.გასაყიდი ხორცის ეტიკეტზე დატანილი უნდა იყოს შემდეგი ინფორმაცია:თუ ხორცი მიღებულია საქართველოში დაბადებული, გაზრდილი ცხოველისგან („წარმოშობა − საქართველო"), მითითებული უნდა იყოს ცხოველის საიდენტიფიკაციო საყურე ნიშნის ნომერი;თუ ხორცი იმპორტირებულია, მითითებული უნდა იყოს იმპორტიორი ქვეყანა და მწარმოებელი;ქვეყნის დასახელება (სადაც მდებარეობს სასაკლაო), სასაკლაოს აღიარების ან პირობითი აღიარების ნომერი (სადაც დაიკლა ცხოველი); ასევე დამზადების თარიღი და საათი.კვერცხის შეძენისას ყურადღება მიაქციეთ შენახვისა და რეალიზაციის პირობებს, ვარგისიანობის ვადას, ეტიკეტს, რომელზეც დატანილი უნდა იყოს ინფორმაცია კვერცხის წარმოშობის ქვეყნისა და დადების თარიღის შესახებ.მომხმარებლისათვის კვერცხის მიწოდება უნდა განხორციელდეს მისი დადებიდან 21 დღის განმავლობაში, ხოლო თუ კვერცხი ინახება 0°C-დან 10° C- მდე, შესაძლოა გამოიყენოთ მისი დადებიდან 1 თვის განმავლობაში.გაითვალისწინეთ - ვეტერინარული ზედამხედველობის გარეშე დაკლული ხორცისა და ცხოველური წარმოშობის სხვა პროდუქტებისგან (რძე, ყველი, თევზი, კვერცხი და ა. შ) ადამიანის დაავადების რისკი საკმაოდ მაღალია“,-აღნიშნულია სურსათის ეროვნული სააგენტოს მიერ გავრცელებულ ინფორმაციაში.

პოლიტიკა • 1714816135

ედიშერ გვენეტაძე The American Conservative სტატიაზე: მოვლენათა განვითარება მკაფიოდ მიუთითებს, რომ სულ მოკლე ხანში ქალბატონ ენდრიუსის სამშობლოში მოხდება ძირეული ცვლილებები, რაც დადებითად აისახება აშშ-სა და სუვერენულ საქართველოს ურთიერთობებზე

საბედნიეროდ არიან ადამიანები და გამოცემები, რომლებიც ობიექტურად აფასებენ სხვა ქვეყნებში მიმდინარე პროცესებს და ღირსეულ პატივს მიაგებენ ამ სახელმწიფოებში მიმდინარე პროცესებს! - ასე ეხმიანება ექსპერტი ედიშერ გვენეტაძე The American Conservative-ი სტატიას იმის შესახებ, რომ “უცხოური გავლენის გამჭვირვალობის შესახებ“ კანონი გონივრულია.გვენეტაძის თქმით, მოვლენათა განვითარება მკაფიოდ მიუთითებს, რომ სულ მოკლე ხანში სტატიის ავტორის ჰელენ ენდრიუსის სამშობლოში (აშშ) მოხდება ძირეული ცვლილებები, რაც უეჭველი დადებითად აისახება აშშ-სა და სუვერენულ საქართველოს ურთიერთობებზე. „მიუხედავად იმისა, რომ ერთ დროს დემოკრატიის მექად წოდებულ ქვეყანაში ამჟამად ხელისუფლებაში იმყოფება ის ადმინისტრაცია, რომელიც "სხვის თვალში ბეწვს ეძიებს, ხოლო საკუთარში დირესაც ვერ ხედავს"! საბედნიეროდ არიან ადამიანები და გამოცემები, რომლებიც ობიექტურად აფასებენ სხვა ქვეყნებში მიმდინარე პროცესებს და ღირსეულ პატივს მიაგებენ ამ სახელმწიფოებში მიმდინარე პროცესებს! მათ რიგებს მიეკუთვნება ჰელენ ენდრიუსი, რომელიც ხაზგასმით აღნიშნავს ამერიკის დღევანდელი ადმინისტრაციის ქედმაღლურ დამოკიდებულებას საქართველოს ხელისუფლების მიმართ! რომელიც ამ ქალბატონის აზრით ქვეყნის ინტერესებიდან გამომდინარე ატარებს პრაგმატულ, ბალანსირებულ და მოქნილ პოლიტიკას, რაც არამც და არამც არ მოსწონთ თეთრი სახლის ბინადრებს!ვინაიდან, როგორც განვითარებულმა მოვლენებმა უჩვენა საქართველოს ხელისუფლების მიერ სუვერენიტეტის განმტკიცებისათვის მიმართული ღონისძიებები, მათ რიგს უნდა მივაკუთვნოთ კანონი გამჭვირვალობის შესახებ, რაც ოვალურ კაბინეტის ბინადართა უკმაყოფილებას იწვევს! მოვლენათა განვითარება მკაფიოდ მიუთითებს, რომ სულ მოკლე ხანში ქალბატონ ენდრიუსის სამშობლოში მოხდება ძირეული ცვლილებები! რაც უეჭველი დადებითად აისახება აშშ-სა და სუვერენულ საქართველოს ურთიერთობებზე!“ - წერს ედიშერ გვენეტაძე სოციალურ ქსელში.         

საზოგადოება • 1714815451

საჩხერის საკათედრო ტაძარი სამწუხარო ინფორმაციას ავრცელებს

საჩხერის საკათედრო ტაძარი სამწუხარო ინფორმაციას ავრცელებს:„დიდ პარასკევს, იესო ქრისტეს ჯვარცმის დღეს, 91 წლის ასაკში ღვთივგანისვენა საჩხერის წმ. ნინოს სახ. საკათედრო ტაძრის წინამძღვარმა დეკანოზმა დავითმა(კაციტაძე), რომელიც რამდენიმე ათეული წელი ღირსეულად ემსახურებოდა დედაეკლესიას. ორშაბათს, 6 მაისს მამა დავითი გადასვენდება წმ. ნინოს სახ. საკათედრო ტაძარში. 10 საათზე აღევლინება საღმრთო ლიტურგია. 15:00 საათზე ჭიათურისა და საჩხერის მიტროპოლიტი დანიელი(დათუაშვილი) ეპარქიის სამღვდელოებასთან ერთად შეასრულებს წესის აგებას. სამშაბათს, 7 მაისს 10 საათზე აღევლინება საღმრთო ლიტურღია. 14:00 საათზე დეკანოზი დავითი დაიკრძალება ამავე ტაძრის ეზოში არსებულ სასაფლაოზე“, - ნათქვამია სამძიმრის პოსტში.