პოლიტიკა • 1714125787

ირაკლი ღარიბაშვილი საქართველოში ირანის ისლამური რესპუბლიკის საგანგებო და სრულუფლებიან ელჩს მაჰმუდ ადიბის შეხვდა

„ქართული ოცნების“ თავმჯდომარე, ირაკლი ღარიბაშვილი, საქართველოში ირანის ისლამური რესპუბლიკის საგანგებო და სრულუფლებიან ელჩს მაჰმუდ ადიბის შეხვდა.შეხვედრაზე ისაუბრეს საქართველოსა და ირანის ისლამურ რესპუბლიკას შორის არსებული ორმხრივი თანამშრომლობის საკითხებზე.საუბარი ასევე შეეხო საქართველოსა და რეგიონში მიმდინარე მოვლენებს და არსებულ გამოწვევებს. ხაზი გაესვა მშვიდობისა და სტაბილურობის მნიშვნელობას.

საზოგადოება • 1714125060

„ბევრს ჰგონია, რომ სუხიშვილების დიეტის დროს მხოლოდ „ნაბეღლავი“ და არაჟანი უნდა მიიღონ, ეს მცდარი აზრია" - რას ამბობენ სუხიშვილების მოცეკვავეები

 „სუხიშვილების" მოცეკვავეები, ნათია ბაკურაძე და მარიამ მათიაშვილი, „ვარსკვლავურ დუეტში“ ერთმანეთის შეკითხვებს პასუხობენ:მარიამი: „მეუღლემ ჩვენი ქორწილის წინა დღეს ისწავლა ქართული ცეკვის მონახაზი, თან, ფაქტობრივად, სუხიშვილების წინაშე იცეკვა. ძალიან ამაყი ვიყავი“. ნათია ბაკურაძე: „16 წლის რომ ვიყავი, მამა გარდამეცვალა... ცეკვა აღარ მინდოდა. რაღაც პერიოდი საერთოდ გავჩერდი“.მარიამი: „ბევრს ჰგონია, რომ სუხიშვილების დიეტის დროს მხოლოდ „ნაბეღლავი“ და არაჟანი უნდა მიიღონ. ეს მცდარი აზრია, ასე რომ იყოს, ვარჯიშის დროს წავიქცეოდით“.ნათია: "პროექტ "კუნძულში“ გამარჯვების შემდეგ თავდაჯერებული გავხდი და უფრო მეტად შევიყვარე საკუთარი თავი“.

პოლიტიკა • 1714124866

ნამდვილად არიან ისეთი უცხოელი პოლიტიკოსები, რომლებსაც არც ღირსება დაუკარგავთ და სიმართლის თქმაც შეუძლიათ, ასეთი ადამიანები პატივს სცემენ სხვის აზრსაც და სხვა ქვეყნის დამოუკიდებლობასაც - ლევან ნიკოლეიშვილი ბელგიელი პოლიტიკოსის განცხადებაზე

ექსპერტი ლევან ნიკოლეიშვილი, სოციალურ ქსელში ეხმიანება ბელგიის სენატისა და ევროპული საბჭოს საპარლამენტო ასამბლეის წევრის ბობ დე ბრაბანდერის განცხადებას, რომლის თანახმად, საქართველოს ხელისუფლებას სრული უფლება აქვს გამჭვირვალობის კანონი მიიღოს, ევროკავშირი კი, რომელიც დემოკრატიულ ინსტიტუტად დაარსდა, უფრო და უფრო არადემოკრატიული ხდება.ექსპერტის თქმით, უცხოეთში არიან პოლიტიკოსები, რომლებსაც ღირსება არ დაუკარგავთ და პატივს სცემენ როგორც სხვის აზრს, ისე ქვეყნის დამოუკიდებლობასაც."ნამდვილად არიან ისეთი უცხოელი პოლიტიკოსები, რომლებსაც არც ღირსება დაუკარგავთ და სიმართლის თქმაც შეუძლიათ. ასეთი ადამიანები პატივს სცემენ სხვის აზრსაც და სხვა ქვეყნის დამოუკიდებლობასაც. ეს კაცი არ არის პირველი და არც უკანასკნელი, მათი რიცხვი კი აუცილებლად გაიზრდება!" - წერს ნიკოლეიშვილი Facebook-ზე.

რჩევები • 1714124460

3 შემთხვევა, როდესაც კატეგორიულად უნდა თქვათ უარი წყლის მიღებაზე

ბევრი მეცნიერი იხრება იმ აზრისკენ, რომ ახლგაზრდობის შენარჩუნების საიდუმლო ორგანიზმის ხარისხიანი წყლით და იმ რაოდენობით მომარაგებაშია, რომელიც აუცილებელია ნორმალური ნივიერებათა ცვლის პროცესისთვის. წყალი უნივერსალური გამხსნელია, იგი ასრულებს „სატრანსპორტო სისტემის“ როლს (გადააქვს მკვებავი ნივთიერებები, ანტისხეულები, ენზიმები, მეტაბოლიზმის პროდუქტები და ა.შ), გამოაქვს ორგანიზმიდან ნივთიერებათა ცვლის პროცესის პროდუქტები და ხელს უწყობს თერმული წონასწორობის შენარჩუნებას.3 შემთხვევა, როდესაც კატეგორიულად უნდა თქვათ უარი წყლის დალევაზე:1. კვების დროს და შემდეგ.თუ კვებასთან ერთად სითხეს მიირთმევთ, ეს კუჭის წვენს გაათხელებს. ეს მნიშვნელოვნად გაართულებს კუჭის ისედაც რთულ ამოცანას, გაარკვიოს და გადაამუსავოს ის, რაც შეჭამეთ. გამოიწვევს საჭმლის მონელების პრობლემებს, სიმძიმის შეგრძნებას და ასევე ყელში წმოგივათ მთელი მირთმეული მასა. მით უმეტეს, თუ წყლის ნაცვლად რაიმე სახის „გაზიანს“ აირჩევთ, შედეგი უარესი იქნება.ჭამის შემდეგ დაუყოვნებლივ დალიოთ მთელი ჭიქა წყალი, ეს კიდევ უფრო უარესია. რაც, სხვათა შორის, ასევე ეხება ლანჩის ან სადილის შემდეგ ჩაის დალევის უდანაშაულო ჩვევას. ამ გზით თქვენ უფრო ზრდით უკვე გაწელილ კუჭს და მცირე ხნის შემდეგ, საკვების ჩვეულებრივი ულუფა იდუმალებით შეწყვეტს გაზრდილი მადის დაკმაყოფილებას. ეს არის დამახინჯებული გზა ზედმეტი კილოგრამებისკენ.ჭამის შემდეგ, უმჯობესია დაელოდოთ მინიმუმ 20 წუთი და მხოლოდ ამის შემდეგ მიიღოთ ნებისმიერი სითხე -წყალი, ჩაი, ყავა, მაგრამ ჭამამდე ნახევარი საათით ადრე ერთი ჭიქა წყლის დალევა კიდევ უფრო კარგი იდეა იქნება. ამ გზით თქვენ "გააღვიძებთ" კუჭს, მოამზადებთ მას სწრაფად ჭამისთვის და ამით დააჩქარებთ მეტაბოლიზმსაც. ასევე, ალბათ ნაკლებს შეჭამთ, ვიდრე გეგმავდით, რადგან ძალიან ხშირად ნამდვილ შიმშილს ბანალურ წყურვილში ვურევთ.2. ძილის წინ. თუ დილით შეშუპება გაწუხებთ, ეს იმის ბრალია, რომ ძილის წინ წყალს სვამთ. ბევრი აღნიშნავს, რომ საღამოს უფრო მძაფრად გრძნობს შიმშილისა და წყურვილის გრძნობას. რაც უფრო გვიან დალევთ ბოლო ჭიქა სითხეს, მით უფრო დიდია ალბათობა იმისა, რომ დილით მეფუტკრეს სახით გაიღვიძოთ. შეშუპება კი ძალიან შორს არის დღის ყველაზე სასიამოვნო დასაწყისისგან, ხოლო ღამით ტუალეტში სირბილი არ არის საუკეთესო დასვენება.დალიეთ წყალი ძილის წინ არაუგვიანეს ორმოცი წუთით ადრე. მაგრამ დილის დაწყება ერთი ჭიქა წყლით (სასურველია თბილი და ლიმონით) ძალიან კარგი იქნება. ის ყავაზე უკეთ გაღვიძებს და გამხნევებს.3. ვარჯიშის დროს.სპორტსმენები, რომლებიც ვარჯიშის დროს სვამენ ლიტრ წყალს, გამოცდილი დიეტოლოგის თვალი მათში დაინახავს არა ჯანსაღ კუნთებს, არამედ თირკმელებისა და გულ-სისხლძარღვთა სისტემის პრობლემებს, რადგან ბევრი სითხის მოხმარებამ მოკლე დროში, გულისცემის გახშირებით არცერთ სპორტსმენს არ მოუტანა სარგებელი.დალიეთ ბევრი წყალი (სურვილისამებრ) ვარჯიშამდე ერთი საათით ადრე და ვარჯიშიდან დაახლოებით ნახევარი საათის შემდეგ. ხოლო თავად ვარჯიშების დროს, ჩამოიბანეთ პირი და დალიეთ რამდენიმე ყლუპი, მეტი არა.

პოლიტიკა • 1714123490

საქართველოს ხელისუფლებას სრული უფლება აქვს გამჭვირვალობის კანონი მიიღოს - ვხედავთ, რომ ევროკავშირი, რომელიც დემოკრატიულ ინსტიტუტად დაარსდა, უფრო და უფრო არადემოკრატიული ხდება - ბელგიელი სენატორი

ბელგიელი სენატორი, ევროკავშირის ლიდერების, მათ შორის შარლ მიშელისა და ჟოზეფ ბორელის მხრიდან, უცხოური გავლენის გამჭვირვალობის შესახებ საქართველოს კანონპროექტის კრიტიკას არადემოკრატიულ ქმედებას და სუვერენულ სახელმწიფოზე თავდასხმას უწოდებს.„ქრონიკასთან“ ექსკლუზიურ ინტერვიუში, ბელგიის სენატისა და ევროპული საბჭოს საპარლამენტო ასამბლეის წევრი ბობ დე ბრაბანდერი აღნიშნავს, რომ საქართველოს ამ კანონის მიღების სრული უფლება აქვს, ევროპელი ლიდერების მხრიდან კი ევროკავშირის არაწევრი სახელმწიფოს შიდაპოლიტიკური გადაწყვეტილებების კრიტიკა მიუღებელია.ბელგიელი კანონმდებელი აცხადებს, რომ ევროკავშირის ამჟამინდელი ლიდერები ხშირად იყენებენ ასეთ თავდასხმებს იმ სახელმწიფოების წინააღმდეგ, რომლებიც მათ დღის წესრიგს არ იმეორებენ.„ვფიქრობ, ევროკავშირის მხრიდან ასეთი კრიტიკა იმ სახელმწიფოს მისამართით, რომელიც ჯერ არ არის წევრი სახელმწიფო, კიდევ ერთხელ მოწმობს, თუ რა მიმართულებით მიდის ბლოკი. ეს კანონპროექტი ითვალისწინებს იმ არაკომერციულ სუბიექტთა საჯარო რეესტრში რეგისტრირებას, რომელთა დაფინანსების 20%-ზე მეტი უცხოეთიდან შედის, ვფიქრობ საქართველოს ხელისუფლებას სრული უფლება აქვს ასეთი კანონი მიიღოს, თუმცა, ბოლო წლებში ვხედავთ, რომ ევროკავშირი, რომელიც დემოკრატიულ ინსტიტუტად დაარსდა უფრო და უფრო არადემოკრატიული ხდება. ევროკავშირის დღევანდელი ლიდერები კონკრეტულ დღის წესრიგს ემსახურებიან, ეს დღის წესრიგი არის ანტიკონსერვატიული, არადემოკრატიული და ეწინააღმდეგება სიტყვის თავისუფლებას. როდესაც კონკრეტული სახელმწიფოები საკუთარი თავის დაცვას ცდილობენ ყოველივე ამისგან, ევროპელი ლიდერები ასე დაჟინებით მოქმედებენ. ვფიქრობ ამ კანონპროექტის ინიცირების გამო ისინი საქართველოს სწორედ ამავე მიზეზის გამო ესხმიან თავს. ევროკავშირის ლიდერების მხრიდან იმავე კრიტიკას მაგალითად ისეთ ქვეყნებში, როგორიცაა უნგრეთი, რომელიც ქრისტიანი და კონსერვატორი სახელმწიფოა, რომელიც კონკრეტულად იმ ხაზზე არ მოძრაობს, რომელიც ევროკავშირს სურს. ვფიქრობ ზუსტად იმავეს ხედავენ საქართველოში და სწორედ ამიტომ ესხმიან ასე თავს“, - განაცხადა ბელგიელმა სენატორმა.