საქართველოს თავდაცვის სამინისტრო მწუხარებით იუწყება

13:01 05-12-2019
25405

თავდაცვის სამინისტროს ოფიციალურ ფეისბუქ გვერდი სამხედრო მოსამსახურის გარდაცვალების შესახებ ინფორმაციას ავრცელებს. უწყების ცნობით, 24 წლის რიგითი ვლადიმერ მახათაძე ვაზიანის საველე წვრთნების ბაზაზე გარდაცვლილი დღეს იპივეს.  

საქართველოს თავდაცვის სამინისტრო ღრმა მწუხარებას გამოთქვამს საქართველოს თავდაცვის ძალების სამხედრო მოსამსახურის, რიგითი ვლადიმერ მახათაძის (29.10.1994) გარდაცვალების გამო. სახმელეთო ჯარების დასავლეთ სარდლობის მესამე ქვეითი ბრიგადის 31-ე ბატალიონის საკონტრაქტო სამხედრო მოსამსახურე 12 მაისს, ვაზიანის საველე წვრთნების ბაზაზე გარდაცვლილი იპოვეს.

ამ ეტაპზე ინტენსიური საგამოძიებო და ოპერატიული ღონისძიებები მიმდინარეობს. სამხედრო პოლიციის დეპარტამენტის გამოძიების მთავარი სამმართველოს აღმოსავლეთ საგამოძიებო სამმართველომ გამოძიება საქართველოს სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

საქართველოს თავდაცვის სამინისტრო უსამძიმრებს გარდაცვლილის ოჯახის წევრებსა და ახლობლებს, - ვკითხულობთ სამინისტროს ოფიციალურ განცხადებაში.