საზოგადოება • 1715006501

,,მოლოდინებზე ვერაფერს გეტყვით - ისეთი სიტუაციაა, წინასწარ ვერაფერს განსაზღვრავ“ - მეოთხე დღეა, სვანეთში სამაშველო ოპერაცია გრძელდება

უკვე მეოთხე დღეა, სვანეთში სამაშველო ოპერაცია გრძელდება. ორ დაკარგულ ახალგაზრდას ამ დრომდე უშედეგოდ ეძებენ.გუშინ, მდინარე ნაკრაში გაუჩინარებული ეკა ვიბლიანის ცხედარი იპოვეს. მასთან ერთად, ავტომობილში კიდევ ორი მოზარდი - გიორგი ვიბლიანი და საბა გვარმიანი იყო.მე-12 კლასელები სოფელ ჭუბერიდან, მაისობის დღესასწაულიდან ბრუნდებოდნენ, რა დროსაც, სავარაუდოდ, მანქანა მოსრიალდა და მდინარე ნაკრაში გადავარდა. მას შემდეგ, სამაშველო ოპერაციაში ჩართული არიან ადგილობრივებიც.,,ერთი ვიპოვეთ და ორს ვეძებთ. მოლოდინებზე ვერაფერს ვერ გეტყვით, ისეთი სიტუაციაა, რომ [წინასწარ] ვერაფერს განსაზღვრავ“ - განაცხადა ადგილობრივმა.

ჰოროსკოპი • 1715005638

დააჯამეთ თქვენი ტელეფონის ნომრის ციფრები და გაიგეთ, რა გავლენას ახდენს ის თქვენს ბედ–იღბალზე

ნუმეროლოგიის თანახმად, ციფრები მხოლოდ ჩვენს ხასიათზე კი არ მოქმედებენ, არამედ, იმ მოვლენებსაც განსაზღვრავენ, რომელიც ჩვენს ირგვლივ ხდება. შესაძლებელია, თქვენი ტელეფონის ნომერი იყოს იმის მიზეზი, რომ ბიზნესში წარმატებას ვერ მიაღწიეთ, ან პირადი ცხოვრება არ აგეწყოთ… გაიგეთ, რა შინაარსის მატარებელია თქვენი ტელეფონის ნომერი და თითოეული ციფრი.იმისთვის, რომ საკუთარი ტელეფონის ნუმეროლოგიური ნომერი განსაზღვროთ, უნდა შეკრიბოთ მისი ყველა ციფრი და მიღებული შედეგის ციფრები დააჯამოთ. მაგ., 557 24 40 11 ნომრის (ნომერი მოგონილია) ნუმეროლოგიური ნომერი იქნება: 5+5+7+2+4+4+0+1+1=29; 2+9=11; 1+1=2ამ მარტივ ციფრს (ამ შემთხვევაში – 2-ს), გარკვეული აზრი და დატვირთვა გააჩნია და ის, ნუმეროლოგიის მიხედვით, ჩვენს ბედ-იღბალზე მოქმედებს.გაეცანით თითოეული ნომრის მნიშვნელობას:1 – საუკეთესო ნომერია ბიზნესმენების და კარიერისტებისთვის. თუმცა, არც ისე იღბლიანია მათთვის, ვინც თავის მეორე ნახევრის ძიებაშია.2 – ეს ნომერი რომანტიზმის მატარებელია და იდეალურად ერგება ადამიანებს, ვინც სიყვარულზე ოცნებობს და ასევე, კარგია ვაჭრობის სფეროს წარმომადგენლებისთვის.3 – მწერლებისთვის და იმ ადამიანებისთვის არის, ვისი სამუშაოც ამბების შეთხზვას უკავშირდება. მაგრამ, თუ პიროვნება ამბიციურია და გარკვეული მიზანი აქვს, უმჯობესია, სხვა ნომერი აირჩიოს. სრულად

სპორტი • 1715004840

ქართველმა მილიარდერმა მიხეილ ლომთაძემ საფეხბურთო კლუბ Wycombe Wanderers-ის აქციების 90% იყიდა

ქართველმა მილიარდერმა მიხეილ ლომთაძემ Wycombe Wanderers-ს აქციების 90% იყიდა. კერძოდ, Feliciana EFL Ltd-მა მის მფლობელობაში არსებული აქციები მიხეილ ლომთაძის საკუთრებაში არსებულ კომპანია Blue Ocean Partners II Limited-ს გადასცა.აღნიშნულის შესახებ ინფორმაციას კლუბი ვებგვერდზე თავად ავრცელებს. ამავე ინფორმაციის თანახმად, ლომთაძე, ედუარდ ვიშნიაკოვსა და დენ რაისთან ერთად კლუბის დირექტორთა საბჭოს შეუერთდა.„დიდი პატივია, რომ მერგო შესაძლებლობა, კლუბი წინ წავწიო და Wycombe Wanderers-ის წარმატებული მომავლის ნაწილი ვიყო. ჩვენი მიზანია მივაღწიოთ გრძელვადიან წარმატებებს როგორც მოედანზე, ისე მის გარეთ, ფინანსურად მდგრადი კლუბის აშენებით. საფეხბურთო სამყარო ძალიან სწრაფად ვითარდება და ჩვენი პრიორიტეტი იქნება მონაცემთა ანალიტიკისა და ტექნოლოგიების ინტეგრირება კლუბის მუშაობის ახალ დონეზე გადასაყვანად. მე ასევე მჯერა ახალგაზრდების განვითარების - ეს იქნება კლუბის ძირითადი ხედვა“, - განაცხადა მიხეილ ლომთაძემ. ცნობისთვის, მიხეილ ლომთაძე ყაზახური საფინანსო ტექნოლოგიური კომპანია Kaspi.kz-ის მმართველი საბჭოს ხელმძღვანელი და კომპანია Kaspi Bank-ის მფლობელია. ის Bloomberg-ისა და fobres-ის მილიარდერთა სიაში გვხვდება.ამ დროისთვის ლომთაძე Forbes-ის მილიარდერთა რეიტინგში 532-ე პოზიციაზეა. მისი ქონება 5.7 მლრდ დოლარად არის შეფასებული, ხოლო Forbes-ის რეიტინგში შესვლისას, ანუ 2021 წელს ლომთაძის ქონება 3.2 მლრდ დოლარს შეადგენდა.რაც შეეხება Bloomberg-ის მილიარდერთა რეიტინგს, აქ ლომთაძე 6.19 მლრდ დოლარის ქონებით 459-ე პოზიციაზეა.რაც შეეხება Wycombe Wanderers, ის 1887 წელს ბუკინგემშირში სამხრეთ-აღმოსავლეთ ინგლისში დაარსდა. transfermarkt-ის მონაცემებით, კლუბის საბაზრო ღირებულება ამ დროისთვის 8.4 მილიონ დოლარს შეადგენს.წყარო

პოლიტიკა • 1715003975

ეჯიბრებოდნენ ერთმანეთს, ვინ უფრო ხშირად და მეტ სიტყვა "რუსულს" იტყოდა, როგორც ჩანს, ეს ხალხი გადაფარებულია შავ ფულს - ანრი ოხანაშვილი ოპოზიციაზე

მათი "არგუმენტი" იყო, ეს არის რუსული კანონი, რუსულში ასე წერია, თქვენთანაც ასე ხომ არ წერია, ანუ ეჯიბრებოდნენ ერთმანეთს, ვინ უფრო ხშირად და მეტ სიტყვა "რუსულს" იტყოდა, - ასე აფასებს პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი, "უცხოური გავლენის გამჭვირვალობის შესახებ" კანონპროექტთან დაკავშირებით ოპონენტების რეაქციას.მისი განცხადებით, ერთადერთი, რაც არასამთავრობო ორგანიზაციებს კანონის მიხედვით ევალებათ, არის ყოველწლიურად ფინანსური დეკლარაციის შევსება, თუმცა, ოხანაშვილი ვარაუდობს, რომ გარკვეული თანხები არამიზნობრივად დაიხარჯა და კანონის მოწინააღმდეგეები გადაფარებული არიან შავ ფულს."ერთადერთი, რაც ამ ორგანიზაციებს ევალებათ, ეს არის ყოველწლიურად, მომდევნო წელს წინა წლის, საფინანსო დეკლარაციის შედგენა, რა თანხები მიიღეს, მიზნობრიობა როგორი იყო, რაში დაიხარჯა კონკრეტულად. შემოსულა ჩვენს ქვეყანაში თანხები, რომლებიც დახარჯულა არამიზნობრივად და როგორც ჩანს, ეს ხალხი გადაფარებულია შავ ფულს." - აღნიშნა ანრი ოხანაშვილმა.

მსოფლიო • 1715003880

ფრანგმა მცხობელებმა მსოფლიოში ყველაზე გრძელი, 143.5 მეტრის სიგრძის ბაგეტი გამოაცხვეს

საფრანგეთის ქალაქ სურესნში, პარიზის მახლობლად, ფრანგმა მცხობლებმა მსოფლიოში ყველაზე გრძელი, 143.5 მეტრის სიგრძის ბაგეტი გამოაცხვეს და ამით რეკორდი დაამყარეს. ყველაზე გრძელი ბაგეტის წინა რეკორდი იტალიელ მცხობლებს ეკუთვნოდათ.როგორც ცნობილია, ბაგეტის გამოცხობას დაახლოებით 10 საათი დასჭირდა. ღონისძიების დასასრულს, რეკორდული სიგრძის ბაგეტი უსახლკაროებს დაურიგდათ.მცხობლების გუნდი, რომელმაც 143.5 მეტრის სიგრძის ბაგეტი გამოაცხო, 18 წევრისგან შედგებოდა. გუნდმა ყველაზე გრძელი ბაგეტის წინა რეკორდი 10 მეტრით გააუმჯობესა. რეკორდული ბაგეტი მცხობლების და კონდიტრების ფრანგული კონფედერაციის დღეს გამოაცხვეს. მცხობელების თქმით ბაგეტის ცომი 152 კილოგრამს იწონიდა.