ფიზიკოსმა ახსნა, რა მოუვა „შავ ხვრელში“ მოხვედრილ ადამიანს

მეცნიერებმა გამოთქვეს ჰიპოთეზა, რომ  შესაძლოა არსებობდნენ ე.წ.„პრიმიტიული“ შავი ხვრელები, ობიექტები, რომლებიც სამყაროს არსებობის ადრეულ ეტაპზე წარმოიქმნენ. ამის შესახებ Daily Mail-ი ვანდერბილტის უნივერსიტეტის ფიზიკოს რობერტ შერერზე დაყრდნობით წერს.

სამეცნიერო თეორიის მიხედვით, ეს ჰიპოთეტური ობიექტები მიკროსკოპული ზომის მიუხედავად კოლოსალურ მასას ფლობენ,  ფიზიკოსის თქმით, თუნდაც უმცირეს შავ ხვრელთან ადამიანის შეჯახება ტყვიის ჭრილობას გაუტოლდებოდა, რადგან გრავიტაციული ძალები და დარტყმითი ტალღები ორგანიზმის ქსოვილებს მყისიერად გაანადგურებდა.

თუმცა, მსგავს  ანომალიასთან შეჯახების ალბათობა უკიდურესად მცირეა. პრიმიტიული შავი ხვრელები ფართოდ რომ ყოფილიყვნენ გავრცელებული, კაცობრიობა უკვე დიდი ხნის წინ შეეჯახებოდა მათ და ზემოქმედების შედეგებიც ძალიან მძიმე იქნებოდა.