BLACKPINK-ი ახალ მინი-ალბომს გამოუშვრბს

კეი-პოპ ჯგუფმა BLACKPINK თავისი მესამე მინი-ალბომი დააანონსა. ჩანაწერი სახელწოდებით Deadline 2026 წლის 27 თებერვალს გამოვა.

ეს სათაური იმეორებს ჯგუფის ბოლო ტურნეს სახელწოდებას, რომელიც 2025 წლის 5 ივლისს, სამხრეთ კორეაში, გოიანგის სტადიონზე დაიწყო და იანვრის ბოლოს ჰონგ-კონგში დაგეგმილი სამი შოუთი დასრულდება.

მინი-ალბომში შევა ჯგუფის სინგლი JUMP, რომელიც გასული წლის ივლისში გამოვიდა. ეს იყო მათი პირველი ახალი მუსიკალური ნამუშევარი ბოლო 3 წლის განმავლობაში.

ახალი პროექტი მოჰყვება პერიოდს, როდესაც ჯგუფის წევრები საკუთარ სოლო კარიერაზე იყვნენ ფოკუსირებულნი. ამ დროის განმავლობაში ლისამ, ჯენიმ, როზემ და ჯისუმ სოლო ალბომები გამოუშვეს.