ცინცინატის მასტერსის საკვალიფიკაციო ეტაპის ფინალში ნიკოლოზ ბასილაშვილი კოლტონ სმიტს შეხვდება

ქართველი ჩოგბურთელი ნიკოლოზ ბასილაშვილი ცინცინატის 1000-ქულიანი მასტერსის ტურნირის საკვლიფიკაციო ეტაპის ფინალშია.

საკვალიფიკაციო ეტაპის ნახევარფინალში ბასილაშვილმა მსოფლიო რეიტინგის 155-ე ნომერი კრისტოფერ ეუბანკსი სამ სეტში – 6:4, 4:6, 7:6 დაამარცხა.

ცინცინატის მასტერსის ძირითად ბადეში გასასვლელად ქართველი ჩოგბურთელი ამერიკელ კოლტონ სმიტს შეხვდება, რომელიც კლასიფიკაციაში 136-ე პოზიციას იკავებს.

ნიკოლოზ ბასილაშვილი ამჟამად რეიტინგის 112-ე ნომერია.