საქართველოს კალათბურთელთა ნაკრები დღეს ესპანეთს დაუპირისპირდება

მსოფლიო ჩემპიონატის შესარჩევი ეტაპის ფარგლებში საქართველოს კალათბურთელთა ნაკრები დღეს ესპანეთს დაუპირისპირდება. მატჩი კუნძულ ტენერიფეზე გაიმართება და 22:45-ზე დაიწყება.

ეს თამაში ნაკრების მაისურით ბოლო იქნება გიორგი შერმადინისთვის.

27 ნოემბერს საქართველოს საკალათბურთო ნაკრებმა მსოფლიოს 2027 წლის ჩემპიონატის შესარჩევი ეტაპი თბილისში, უკრაინასთან მატჩით გახსნა. „ჯვაროსნები“ დაძაბულ ბრძოლაში 79:92 დამარცხდნენ.