BTS-ის ახალი ალბომი 20 მარტს გამოვა

სამხრეთკორეული კეი-პოპ ჯგუფი BTS ახალ ალბომს 2026 წლის 20 მარტს გამოუშვებს, რის შემდეგაც მსოფლიო ტურნეში გაემგზავრება. შესაბამისი განცხადება 1 იანვარს მუსიკოსების სააგენტომ გაავრცელა.

ეს ბოლო 3,5 წლის განმავლობაში ჯგუფის შვიდივე წევრის პირველი ერთობლივი რელიზი იქნება. BTS-ის წევრებმა აქტიური მუსიკალური მოღვაწეობა სამხრეთ კორეაში სავალდებულო სამხედრო სამსახურის გავლის გამო შეაჩერეს. ცნობილია, რომ ალბომში 14 ტრეკი შევა, მსოფლიო ტურნეს განრიგი კი 14 იანვარს გასაჯაროვდება.