„როგორც ჩანს, გადარჩენილები არ არიან...“- ავიაკატასტროფას ინდოეთში, სავარაუდოდ ბორტზე მყოფი ყველა ადამიანი ემსხვერპლა

ინდოეთში ჩამოვარდნილი სამგზავრო თვითმფრინავის ბორტზე მყოფთაგან, სავარაუდოდ ვერავინ გადარჩა. ამის შესახებ BBC ადგილობრივი პოლიციის უფროსზე დაყრდნობით წერს. აჰმედაბედის პოლიციის უფროსის თქმით, "როგორც ჩანს, გადარჩენილები არ არიან".

შეგახსენებთ, ინდოეთში ჩამოვარდნილი სამგზავრო თვითმფრინავის ბორტზე 244 ადამიანი იმყოფებოდა, მათგან 232 მგზავრი და ეკიპაჟის 12 წევრი.

გუჯარათის შტატში, Air India-ს თვითმფრინავი რამდენიმე საათის წინ ჩამოვარდა. ავიაკატასტროფა საცხოვრებელ რაიონში მოხდა. თვითმფრინავი ინდოეთიდან ლონდონის მიმართულებით მიფრინავდა.