„ეს უბრალოდ არ მესმის...“ კრიშტიანო რონალდო მეგობარს ემოციურად ემშვიდობება

28 წლის ასაკში ტრაგიკულად დაიღუპა „ლივერპულის“ ფეხბურთელი დიოგუ ჟოტა.

არსებული ინფორმაციით, ავტომობილი გზის სავალი ნაწილიდან გადავიდა, რის შემდეგაც მანქანას ცეცხლი გაუჩნდა. გავრცელებული ინფორმაციითვე, მანქანაში იჯდა მისი 26 წლის ძმაც. 

ფეხბურთელი სულ რაღაც 10 დღის წინ დაქორწინდა, რუტე კარდოსოზე. ქორწილი 22 ივნისს შედგა. 

„ეს უბრალოდ არ მესმის. ცოტა ხნის წინ ეროვნულ ნაკრებში ერთად ვიყავით, შემდეგ ქორწილი გქონდა. შენს ოჯახს, მეუღლეს და შვილებს ვუსამძიმრებ, მათ გამძლეობას ვუსურვებ.ვიცი, რომ სამუდამოდ მათთან იქნები. მშვიდად განისვენეთ, დიოგო და ანდრე. ყველას ძალიან დაგვაკლდებით“, - წერს კრიშტიანო რონალდო.