საზოგადოება • 1750518840

საქართველოს პრეზიდენტმა 37 პირი შეიწყალა

საქართველოს პრეზიდენტმა მიხეილ ყაველაშვილმა 37 პირი შეიწყალა. შეწყალება შეეხო 29 არასაპატიმრო და 5 საპატიმრო სასჯელის მქონე პირს, ხოლო 3 პირს მოეხსნა ნასამართლობა.საქართველოს პრეზიდენტის მიერ მისთვის კონსტიტუციით მინიჭებული ექსკლუზიური უფლებამოსილების გამოყენება ეფუძნება ჰუმანიზმის პრინციპს და სახელმწიფო ინტერესს.

პოლიტიკა • 1750337639

საქართველოს პრეზიდენტი აშშ-სა და უნგრეთში ახლად დანიშნულ ელჩებს, ასევე ევროპის საბჭოში საქართველოს ახალ მუდმივ წარმომადგენელს შეხვდა

საქართველოს პრეზიდენტმა მიხეილ ყაველაშვილმა, აშშ-სა და უნგრეთში საქართველოს ახლად დანიშნულ საგანგებო და სრულუფლებიან ელჩებთან, ასევე ევროპის საბჭოში საქართველოს ახალ მუდმივ წარმომადგენელთან გამართა შეხვედრა.მიხეილ ყაველაშვილმა დიპლომატებს თანამდებობებზე დანიშვნა მიულოცა და მათ მომავალ საქმიანობაში წარმატებები უსურვა.საქართველოს საგანგებო და სრულუფლებიან ელჩებად აშშ-ში თამარ ტალიაშვილი, უნგრეთში ნიკოლოზ ლალიაშვილი, ხოლო ევროპის საბჭოში საქართველოს ახალ მუდმივ წარმომადგენლად ხატია წილოსანი დაინიშნნენ.შეხვედრა პრეზიდენტის სასახლეში გაიმართა.

პოლიტიკა • 1750234784

ნიკოლოზ სამხარაძემ თურქ კოლეგასთან უსაფრთხოების საკითხებზე ისაუბრა

საგარეო ურთიერთობათა კომიტეტის თავმჯდომარე ნიკოლოზ სამხარაძე თურქეთის პარლამენტის საგარეო ურთიერთობათა კომიტეტის თავმჯდომარეს, ფუატ ოქტაის შეხვდა.განხილვის მთავარი თემა იყო უსაფრთხოების საკითხები და რეგიონის სიახლოვეს მიმდინარე კონფლიქტები, მათ შორის, რუსეთ-უკრაინის ომი, ირანსა და ისრაელს შორის მიმდინარე კონფლიქტი და ზოგადად, ახლო აღმოსავლეთში მიმდინარე პროცესები. მხარეებმა ხაზი გაუსვეს სომხეთსა და აზერბაიჯანს შორის კონფლიქტის მშვიდობიანად გადაწყვეტის პროცესში საქართველოსა და თურქეთის მნიშვნელოვან როლს.კომიტეტების თავმჯდომარეებმა საქართველოსა და თურქეთში არსებულ შიდაპოლიტიკურ ვითარებაზე და ორ ქვეყანას შორის არსებულ ურთიერთობებზე, მათ შორის, სავაჭრო-ეკონომიკური თანამშრომლობის გაძლიერებაზე ისაუბრეს.„საინტერესო და დროული შეხვედრა მქონდა თურქ კოლეგასთან. უსაფრთხოების საკითხებთან ერთად, ორ ქვეყანას შორის არსებულ ურთიერთობებზე, სავაჭრო ბრუნვის კიდევ უფრო მეტად გაზრდაზე და შუა დერეფნის სატრანსპორტო და ლოჯისტიკური პოტენციალის მაქსიმალურად ათვისებაზე ვისაუბრეთ. საუბარი ასევე გვქონდა ორმხრივ ურთიერთობებში დადებით დინამიკაზე, რომლის კარგი მაგალითიც არის ის მრავალი ვიზიტი, რომელიც ორ ქვეყანას შორის წელს უკვე შედგა და ასევე სამომავლო ვიზიტები, მათ შორის, მომავალ თვეში დაგეგმილი საქართველოს პრეზიდენტის ვიზიტი თურქეთში“ - განაცხადა ნიკოლოზ სამხარაძემ.საგარეო ურთიერთობათა კომიტეტის თავმჯდომარემ თურქ კოლეგას საქართველოს ოკუპირებულ რეგიონებში არსებულ ვითარებასთან დაკავშირებით ინფორმაცია მიაწოდა.ნიკოლოზ სამხარაძემ ფუატ ოქტაის დახმარება სთხოვა სირიის ახალ ხელისუფლებასთან, რომ სირიამ აფხაზეთის და ცხინვალის ე.წ. დამოუკიდებლობის აღიარება უკან წაიღოს.მხარეებმა, კომიტეტების სამომავლო თანამშრომლობაზე ისაუბრეს. მიმდინარე წელს უკვე დაგეგმილია საქართველო-აზერბაიჯანი-თურქეთის საგარეო ურთიერთობათა კომიტეტების სამმხრივი შეხვედრა.ნიკოლოზ სამხარაძემ თურქეთის საგარეო ურთიერთობათა კომიტეტის თავმჯდომარე 2026 წელს, ოფიციალური ვიზიტით თბილისში მოიწვია.ინფორმაციას საქართველოს პარლამენტი ავრცელებს.

პოლიტიკა • 1750166640

თურქეთის პარლამენტის თავმჯდომარესთან შეხვედრაზე აქცენტი გაკეთდა ჩვენს ქვეყნებს შორის თანამშრომლობის აუცილებლობაზე, რეგიონში არსებული ვითარებიდან გამომდინარე - ნიკოლოზ სამხარაძე

თურქეთის პარლამენტის თავმჯდომარესთან შეხვედრაზე აქცენტი გაკეთდა ჩვენს ქვეყნებს შორის თანამშრომლობის აუცილებლობაზე, რეგიონში არსებული ვითარებიდან გამომდინარე, – ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.მისივე თქმით, ქართულმა დელეგაციამ თურქულ მხარეს დიდი მადლობა გადავუხადეთ საქართველოს ტერიტორიული მთლიანობის მხარდაჭერისთვის.„თურქეთის პარლამენტის თავმჯდომარესთან შეხვედრაზე ძირითადი აქცენტი გაკეთდა ჩვენს ქვეყნებს შორის მჭიდრო თანამშრომლობის აუცილებლობაზე, რეგიონში არსებული ვითარებიდან გამომდინარე. ვგულისხმობ ომებს, რომლებიც მიმდინარეობს ჩვენი საზღვრების ჩრდილოეთით და სამხრეთით. მნიშვნელოვანია, რომ საქართველომ და თურქეთმა კიდევ უფრო მეტად ითანამშრომლონ უსაფრთხოების, განათლების, კულტურის, ეკონომიკისა და ვაჭრობის მიმართულებით. შევთანხმდით, რომ თანამშრომლობას გავაგრძელებთ საპარლამენტო ასამბლეებში, აქამდეც გვქონდა ძალიან კარგი თანამშრომლობა ქართულ და თურქ საპარლამენტო დელეგაციებს სხვადასხვა საერთაშორისო ორგანიზაციაში. თურქულ მხარეს დიდი მადლობა გადავუხადეთ საქართველოს ტერიტორიული მთლიანობის მხარდაჭერისთვის. ასევე მათ ვთხოვეთ, მხარდაჭერა ჩვენი არაღიარების პოლიტიკის გაძლიერებისთვის, განსაკუთრებით, იმ ქვეყნებში, სადაც თურქეთს მნიშვნელოვანი გავლენა და ბერკეტები აქვს. საუბარი იყო საგანმანათლებლო გაცვლით პროექტებზე, ვაჭრობაზე და მაღალი დონის ვიზიტების გაცვლაზე. მოგეხსენებათ, რომ თურქეთს მომავალ წელს საქართველოს პრეზიდენტი ეწვევა. რა თქმა უნდა, მთავარი და ძირითადი საკითხი უსაფრთხოების გარემოს შენარჩუნებაა და ამაში აუცილებლად ვითანამშრომლებთ მომავალში, რათა რეგიონში იყოს მშვიდობა და სტაბილურობა“, – განაცხადა სამხარაძემ.

პოლიტიკა • 1750163695

თურქეთის დიდი ეროვნული ასამბლეის თავმჯდომარე - გვინდა, განვაახლოთ სამმხრივი მექანიზმი საქართველოს, თურქეთსა და აზერბაიჯანს შორის

გვინდა, განვაახლოთ, გავაცოცხლოთ სამმხრივი მექანიზმი საქართველოს, თურქეთსა და აზერბაიჯანს შორის, – ამის შესახებ თურქეთის დიდი ეროვნული ასამბლეის თავმჯდომარემ, რუმან ქურთულმუშმა საქართველოს პარლამენტის თავმჯდომარესთან, შალვა პაპუაშვილთან ერთობლივ ბრიფინგზე განაცხადა.რუმან ქურთულმუშის თქმით, საქართველოსა და თურქეთის ურთიერთობები ყველა სფეროში ვითარდება.„დღეს მქონდა პატივი, მივსალმებოდი საქართველოს პარლამენტის თავმჯდომარეს, დელეგაციასთან ერთად. მქონდა ძალიან კონსტრუქციული ორმხრივი შეხვედრა მასთან და მინდა, კიდევ ერთხელ გავიმეორო, კეთილი იყოს თქვენი მობრძანება, ბატონო პარლამენტის თავმჯდომარევ, თურქეთის დიდ ეროვნულ კრებაში. ჩვენს ორ ქვეყანას აქვს დიდი ისტორია მეგობრობის, თანამშრომლობის და დღეს ჩვენი შეხვედრით ორმხრივი ურთიერთობები კიდევ ღრმავდება.რაც შეეხება საპარლამენტო დემოკრატიას, ჩვენ მნიშვნელოვანი წვლილი შეგვაქვს ორ ქვეყანას შორის ურთიერთობებში. გვქონდა შანსი, შესაძლებლობა, რომ ამაზე გვესაუბრა დღეს, რათა შემდგომში განვავითაროთ, გავაღრმაოთ უკვე არსებული ორმხრივი ურთიერთობები. ხაზი გავუსვით მეგობრობის ჯგუფების მუშაობას, რომლებიც ორივე პარლამენტში არსებობს. მათი მუშაობა უკვე დაწყებულია და კიდევ უფრო უნდა ინტენსიური გახდეს, გააღრმაონ თავიანთი თანამშრომლობა. რაც შეეხება ვითარებას, ჩვენ მოგვიწია გადადება საქართველოს, თურქეთსა და აზერბაიჯანს შორის თანამშრომლობის სამმხრივი მექანიზმის და გვინდა, განვაახლოთ, გავაცოცხლოთ ეს მექანიზმი. გვსურს, წელს ჩატარდეს ეს შეხვედრა და თანამშრომლობის ამ სამმხრივ მექანიზმში აგრეთვე ჩაერთოს სხვა ქვეყნებიც კავკასიიდან. ჩვენ შევთანხმდით ამაზე.ჩვენი თანამშრომლობა, ჩვენი ურთიერთობები გრძელდება, ვითარდება ყველა სფეროში. იმედია, მომავალ თვეში საქართველოს პრეზიდენტი ეწვევა ვიზიტით თურქეთს. ამგვარად, კიდევ უფრო გაღრმავდება ურთიერთობები ქვეყნებს შორის. იმედი მაქვს და სურვილს გამოვთქვამ, რომ ეს შეხვედრები უფრო დააჩქარებს და ინტენსიურს გახდის ჩვენს ურთიერთობებს. ვსარგებლობ ამ საშუალებით და ხაზს ვუსვამ, რომ მზად ვართ ნებისმიერი თანამშრომლობისთვის საქართველოსთან“, – განაცხადა თურქეთის დიდი ეროვნული ასამბლეის თავმჯდომარემ.მისივე განმარტებით, თურქეთის სახელით, მხარს უჭერს საქართველოს ტერიტორიულ მთლიანობას, სუვერენიტეტს.„ყველა საერთაშორისო ფორუმზე ხაზს ვუსვამთ ამ ფაქტს და კიდევ ერთხელ მსურს, გავუსვა ხაზი, რაც შეეხება სუვერენიტეტს და ტერიტორიულ მთლიანობას და აგრეთვე თურქეთის მხარდაჭერას საქართველოს მიმართ. გვინდა, საქართველო დაუბრუნდეს ევროკავშირის საპარლამენტო ურთიერთობებს, კავშირებს, როგორც თურქეთი“, – აღნიშნა თურქეთის დიდი ეროვნული ასამბლეის თავმჯდომარემ.მომზადებულია სინქრონული თარგმანის მიხედვით.

პოლიტიკა • 1750162069

იმედია, მომავალ თვეში საქართველოს პრეზიდენტი თურქეთს ეწვევა ვიზიტით და ამგვარად კიდევ უფრო გაღრმავდება ურთიერთობები. თურქეთის სახელით მხარს ვუჭერთ საქართველოს ტერიტორიულ მთლიანობას, სუვერენიტეტს - რუმან ქურთულმუში

ჩვენი თანამშრომლობა, ჩვენი ურთიერთობები გრძელდება, ვითარდება ყველა სფეროში, იმედია, მომავალ თვეში საქართველოს პრეზიდენტი თურქეთს ეწვევა ვიზიტით და ამგვარად კიდევ უფრო გაღრმავდება ურთიერთობები ქვეყნებს შორის, - განაცხადა თურქეთის დიდი ეროვნული ასამბლეის თავმჯდომარე რუმან ქურთულმუშმა საქართველოს პარლამენტის თავმჯდომარესთან შეხვედრის შემდეგ გამართულ ერთობლივ ბრიფინგზე.იგი გამოთქვამს იმედს და სურვილს, რომ აღნიშნული შეხვედრები კიდევ უფრო დააჩქარებს და უფრო ინტენსიურს გახდის ქვეყნებს შორის ურთიერთობებს.„ამ საშუალებით ვსარგებლობ და ხაზს ვუსვამთ, რომ მზად ვართ საქართველოსთან ნებისმიერი თანამშრომლობისთვის. თურქეთის სახელით მხარს ვუჭერთ საქართველოს ტერიტორიულ მთლიანობას, სუვერენიტეტს, ყველა საერთაშორისო ფორუმზე ხაზს ვუსვამთ ამ ფაქტს“, - აღნიშნა მან.

პოლიტიკა • 1749734868

მიხეილ ყაველაშვილი საქართველოში კატარის სახელმწიფო ელჩს, ჰასან აჰმედ ალი მოჰამედ ალ მუთავას შეხვდა

საქართველოს პრეზიდენტი მიხეილ ყაველაშვილი საქართველოში კატარის სახელმწიფო ელჩს ჰასან აჰმედ ალი მოჰამედ ალ მუთავას შეხვდა.პრეზიდენტის სასახლეში გამართულ გაცნობითი ხასიათის შეხვედრაზე მხარეებმა ქვეყნებს შორის არსებული მეგობრული და პარტნიორული ურთიერთობები განიხილეს, ასევე სხვადასხვა სფეროში თანამშრომლობის გაღრმავების პერსპექტივებზე იმსჯელეს.მიხეილ ყაველაშვილმა აღნიშნა, რომ ქართული მხარე მიესალმება საქართველოსა და კატარს შორის თავისუფალი ვაჭრობის შეთანხმებაზე მოლაპარაკებების დაწყების გადაწყვეტილებას.პრეზიდენტი მიიჩნევს, რომ ქვეყნებს შორის თავისუფალი ვაჭრობის რეჟიმის შემოღება ახალი შესაძლებლობების ფანჯარას გახსნის სხვადასხვა ინდუსტრიების ხელშეწყობისა და განვითარებისთვის, როგორც საქართველოში, ასევე სპარსეთის ყურის ქვეყნებში.თავის მხრივ, კატარის სახელმწიფო ელჩმა ჰასან აჰმედ ალი მოჰამედ ალ მუთავამ მიხეილ ყაველაშვილს პრეზიდენტად არჩევა მიულოცა და აქტიური თანამშრომლობისთვის მზაობა დაუდასტურა.ინფორმაციას საქართველოს პრეზიდენტის ადმინისტრაცია ავრცელებს.

პოლიტიკა • 1749706897

მიხეილ ყაველაშვილი - გმირ მეხანძრე-მაშველებს ვულოცავ პროფესიულ დღეს, სამაგალითოა მათი თავდაუზოგავი შრომა, პროფესიონალიზმი და გამბედაობა

 საქართველოს პრეზიდენტი მიხეილ ყაველაშვილი მეხანძრე-მაშველებს პროფესიულ დღეს ულოცავს.მიხეილ ყაველაშვილის განცხადებით, სამაგალითოა ამ ადამიანების თავდაუზოგავი შრომა, პროფესიონალიზმი და გამბედაობა.„ჩვენს უშიშარ და გმირ მეხანძრე-მაშველებს ვულოცავ პროფესიულ დღეს. სამაგალითოა ამ ადამიანების თავდაუზოგავი შრომა, პროფესიონალიზმი და გამბედაობა. მადლობას ვუხდი თითოეულ მეხანძრე-მაშველს სამშობლოს ერთგულად მსახურებისთვის. ისინი ჩვენი დროის გმირები არიან. გმირები, რომლებიც მზად არიან, სხვათა გადასარჩენად საკუთარი სიცოცხლე დაუფიქრებლად გაიღონ. ქედს ვიხრი სამსახურებრივი მოვალეობის შესრულების დროს დაღუპული თითოეული მათგანის ხსოვნის წინაშე. დღევანდელი დღე სიმბოლური ხაზგასმაა ჩვენი მეხანძრე-მაშველების თავდადების, დაუღალავი შრომის. მსურს, მათ მშვიდობა და ოჯახებში მუდამ ჯანმრთელად და უვნებლად დაბრუნება ვუსურვო“, – ნათქვამია საქართველოს პრეზიდენტის მილოცვაში.

პოლიტიკა • 1748868523

გულითადად ვულოცავ ბატონ კაროლ ნავროცკის უაღრესად კონკურენტულ არჩევნებში გამარჯვებასა და პოლონეთის პრეზიდენტად არჩევას. დარწმუნებული ვარ, თქვენი ლიდერობა კიდევ უფრო გააძლიერებს პოლონეთს - მიხეილ ყაველაშვილი

გულითადად ვულოცავ ბატონ კაროლ ნავროცკის უაღრესად კონკურენტულ არჩევნებში გამარჯვებასა და პოლონეთის პრეზიდენტად არჩევას, - წერს საქართველოს პრეზიდენტი მიხეილ ყაველაშვილი სოციალურ ქსელ X-ზე.როგორც მიხეილ ყაველაშვილი აღნიშნავს, კაროლ ნავროცკის ლიდერობა კიდევ უფრო გააძლიერებს პოლონეთს.„ეს არის მნიშვნელოვანი და საპასუხისმგებლო მისია, რომელსაც გისურვებთ, რომ დიდი წარმატებით გაართვათ თავი.დარწმუნებული ვარ, თქვენი ლიდერობა კიდევ უფრო გააძლიერებს პოლონეთს. მშვიდობასა და წინსვლას გისურვებთ თქვენ და პოლონელ ხალხს.მოუთმენლად ველით თქვენთან ნაყოფიერ თანამშრომლობასა და საქართველო-პოლონეთის ურთიერთობების კიდევ უფრო განმტკიცებას, რის იმედსაც ჩვენს შორის არსებული ღირებულებითი თანხვედრა მაძლევს“, - წერს მიხეილ ყაველაშვილი.

პოლიტიკა • 1748866850

მიხეილ ყაველაშვილი საერთაშორისო სავალუტო ფონდის (IMF) მისიის ხელმძღვანელს შეხვდა

საქართველოს პრეზიდენტი მიხეილ ყაველაშვილი საერთაშორისო სავალუტო ფონდის მისიის ხელმძღვანელს, ალეხანდრო ჰაჟდენბერგს, ფონდის აღმასრულებელ დირექტორს, ჟერონ კლიკსა და ფონდის მუდმივ წარმომადგენელს საქართველოში ენდრიუ ჯუველის შეხვდა.პრეზიდენტის სასახლეში გამართულ შეხვედრაზე საუბარი ქვეყანაში არსებულ ეკონომიკურ ტენდენციებს შეეხო და აღინიშნა ეკონომიკური განვითარების პოზიტიური შედეგები.მხარეებმა საქართველოსა და IMF-ს შორის არსებული თანამშრომლობა და პარტნიორობის გაღრმავების პერსპექტივები განიხილეს.აღინიშნა, რომ შექმნილი გეოპოლიტიკური ვითარების მიუხედავად, განხორციელებულმა სწორმა და თანმიმდევრულმა ფისკალურმა პოლიტიკამ დადებითი შედეგი მოიტანა ბევრ სექტორში.მიხეილ ყაველაშვილმა საერთაშორისო სავალუტო ფონდის გუნდს მადლობა გადაუხადა საქართველოს მაკრო-ფისკალური და სტრუქტურული რეფორმების გატარების პროცესში მხარდაჭერისთვის.ინფორმაციას პრეზიდენტის ადმინისტრაცია ავრცელებს.

სპორტი • 1748755659

გილოცავთ, კვარა ჩემპიონია! - მიხეილ ყაველაშვილი

საქართველოს პრეზიდენტი მიხეილ ყაველაშვილი ხვიჩა კვარაცხელიას ჩემპიონთა ლიგის მოგებას ულოცავს.„გილოცავთ, კვარა ჩემპიონია!“, - წერს პრეზიდენტი სოციალურ ქსელში.

საზოგადოება • 1748727202

ყველა ბავშვს ვულოცავ ბავშვთა დაცვის საერთაშორისო დღეს. ახალი თაობა ჩვენი ქვეყნის მომავალია, სწორედ ამიტომ, მათთვის მშვიდი, უსაფრთხო და ლაღი გარემოს შექმნა ჩვენი უპირველესი მოვალეობაა - მიხეილ ყაველაშვილი

ახალი თაობა ჩვენი ქვეყნის მომავალია, სწორედ ამიტომ, მათთვის მშვიდი, უსაფრთხო და ლაღი გარემოს შექმნა ჩვენი უპირველესი მოვალეობაა, - წერს საქართველოს პრეზიდენტი მიხეილ ყაველაშვილი სოციალურ ქსელში.პრეზიდენტი ქართული ოჯახების გაძლიერების მნიშვნელობაზე ამახვილებს ყურადღებას.„ყველა ბავშვს ვულოცავ ბავშვთა დაცვის საერთაშორისო დღეს.ახალი თაობა ჩვენი ქვეყნის მომავალია, სწორედ ამიტომ, მათთვის მშვიდი, უსაფრთხო და ლაღი გარემოს შექმნა ჩვენი უპირველესი მოვალეობაა.ჩვენ ძალისხმევა არ უნდა დავიშუროთ ქართული ოჯახების გასაძლიერებლად, რადგან ქართული ტრადიციებითა და ღირებულებებით სწორედ მათ უნდა აღუზარდონ საქართველოს მომავალი თაობები, რომლებიც ქვეყნის უნიკალურ მემკვიდრეობას ამაყად გადაიბარებენ და ერთიანი საქართველოს იდეას ხორცს შეასხამენ.ჩვენი ვალია შვილებს შევუქმნათ გარემო, სადაც თავიანთი შესაძლებლობების რეალიზებას, მიზნების მიღწევასა და ოცნებების ასრულებას შეძლებენ!" - წერს პრეზიდენტი.