სამართალი • 1746219664

დაკავებულია ინტერპოლის ცირკულარით ძებნილი უცხო ქვეყნის მოქალაქე – სუსი კადრებს ავრცელებს

საქართველოს სახელმწიფო უსაფრთხოების სამსახურმა კონტრტერორისტული ოპერაციების ფარგლებში კომპლექსურად გატარებული საგამოძიებო და ოპერატიულ-სამძებრო ღონისძიებების შედეგად, ქალაქ რუსთავში უცხო ქვეყნის ინიციატივით ინტერპოლის ცირკულარით ძებნილი, უცხო ქვეყნის ერთი მოქალაქე დააკავა.სუსი დაკავების კადრებს ავრცელებს:

პოლიტიკა • 1746118560

დავით ქართველიშვილი: მარგინალიზაცია, ჭაობი, კვლავ იმის იმედი, რომ განუხორციელებელი მაიდანი ამჯერად მაინც გაისვრის ავრორასავით, მაგრამ არც 1917 წელია და არც ის რუსეთია

პარტია „ხალხის ძალის“ წევრი დავით ქართველიშვილი რადიკალების პოლიტიკურ გეგმებს მედიასთან ეხმიანება.საქართველოში მორიგი მაიდანი, რა თქმა უნდა, არ შედგება, - განაცხადა ექსპერტმა და აღნიშნა, რომ რადიკალებს აქვთ იმედი, რომ პროცესები დაიძაბება და დაიწყება მაიდანი, თუმცა ამაოდ.დავით ქართველიშვილი რუსი პრენკერების, ლექსუსის და ვოვანის მორიგ გადაცემასაც ეხმიანება, სადაც ჰელსინკის კომისიის ერთ-ერთი კომიტეტის წევრმა საქართველოს მაიდანიზაციის პროცესზე ისაუბრა.„მარგინალიზაცია, ჭაობი, კვლავ იმის იმედი, რომ განუხორციელებელი მაიდანი ამჯერად მაინც გაისვრის იმ ავრორასავით, რომელმაც 1917 წელს მსოფლიო გადატრიალებას შეუწყო ხელი. მაგრამ არც 1917 წელია, არც ის რუსეთია, რომლის იმედი ალბათ აქვთ რევოლუციური წინაპირობების კუთხით. დღეს საქართველოში მორიგი მაიდანი, რა თქმა უნდა, არ შედგება მიუხედავად იმისა, რომ სამწუხაროდ, ძალიან ხალისობენ რუსი პრანკერები ლექსუსი და ვოვანი საქართველოს თემატიკით.დღეს უკვე უკრაინის პრეზიდენტის ადმინისტრაციის ყოფილი მოადგილის სახელით, ჰელსინკის კომისიის ერთ-ერთი კომიტეტის წევრს დაუკავშირდნენ, საქართველოს მაიდანიზაციის პროცესებზე დაუსვეს კითხვები და მან თქვა, რომ განიხილებოდა უკრაინაში მყოფი ქართული ლეგიონის დესანტირება საქართველოში, მათი აქტიური ჩართვა ამ რევოლუციური მაიდანის პროცესში და ჩვენ ამაზე აქტიურად ვმუშაობთ და ვმსჯელობთო. კი ბატონო, ისინი მსჯელობენ ამაზე.გუშინ გამოქვეყნდა სუს-ის 2024 წლის ანგარიში, სადაც ჩამოთვლილია ყველა ის მცდელობა, რომელსაც არ იშურებენ ჩვენი დაუძინებელი მეგობრები და მათი ადგილობრივი მარიონეტები თუ ლაქიები, რომ რამენაირად გამოსტაცონ ამ უიმედო სიტუაციას ხელისუფლებაში დაბრუნების იმედის ნაპერწკალი. ამ ყველაფერს აკეთებენ იმ ფონზე, როდესაც თითქმის ყოველდღიურად პირდაპირ ეთერში უსმენენ თუ რასთან ჰქონდა საქმე საქართველოს 2003-12 წლებში. ძალიან ავადმყოფი უნდა იყო, რომ ეს არ გესმოდეს, ამ ყველაფრისგან, მოსმენილისგან იღებდე აგზნებულ სიამოვნებას და გსურდეს ამ ყველაფრის დაბრუნება საქართველოში. ეს ყველაფერი ვერ დაბრუნდება, სულ რომ ორი ქართული ბატალიონის გადმოსხმა მოუწიოთ აქ (რომ ვერ გადმოსვამენ, ეს სხვა საკითხია)“, - განაცხადა დავით ქართველიშვილმა.

პოლიტიკა • 1746083152

ჰესლინკის კომისიის უფროსი პოლიტიკური მრჩეველი: USAID-ი და NED-ი საზღვარგარეთ, მათ შორის საქართველოში ვოუქიზმის იდეოლოგიას ავრცელებდნენ

ჰესლინკის კომისიის უფროსი პოლიტიკური მრჩეველი, პოლ მასარო რუსი პრანკერების, ვოვანისა და ლექსუსის მახეში გაება.პრანკერებმა მას 2015-2019 წლებში უკრაინის პრეზიდენტის ადმინისტრაციის ხელმძღვანელის მოადგილის, კონსტანტინ ელისეევის სახელით დაურეკეს. რუს პრანკერებს აინტერესებდათ, თუ რა აზრის იყო მასარო აშშ-ში USAID-ის და NED-ის დახურვაზე.„ეს სამწუხაროა. ბევრს წარმოუდგენია, რომ ეს ბიჭები საკუთარ იდეოლოგიებს საზღვარგარეთ ავრცელებდნენ, რაც აშშ-ის ინტერესებს არ შეესაბამებოდა. საუბარია მემარცხენე ფრთასა და ვოუქიზმის იდეოლოგიაზე. ბრალდებების ნაწილი გადაჭარბებული იყო, ხოლო ნაწილი - სიმართლე. სინამდვილეში, ეს სააგენტოები დიდი ხანია რეფორმირებას საჭიროებდნენ. ვფიქრობ, რომ თქვენს რეგიონში, განსაკუთრებით კი უკრაინასა და საქართველოში ეს ძალიან, ძალიან პროდუქტიული პროექტები იყო. სამწუხაროა, რომ ისინი წყალს გააყოლეს. ეს ნამდვილად ცუდია“, - თქვა მასარომ.

პოლიტიკა • 1746004722

სუსი ასახავს იმ რეალობას, რისი გავლაც საქართველოს ბოლო არჩევნების შემდეგ მოუწია, ხშირ შემთხვევაში, საქართველოში დაფინანსება უკანონო პოლიტიკური მიზნებისთვის გამოიყენებოდა - ირაკლი ქადაგიშვილი

სახელმწიფო უსაფრთხოების სამსახური ასახავს იმ რეალობას, რისი გავლაც საქართველოს ბოლო არჩევნების შემდეგ მოუწია. ვუყურებდით, როგორ იყო საპარლამენტო არჩევნების არალეგიტიმურად გამოცხადების მცდელობა და ამას როგორ მოჰყვა ე.წ. საპროტესტო აქციების აგორება, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა სუს-ის ანგარიშთან დაკავშირებით განაცხადა.ქადაგიშვილის თქმით, საპროტესტო აქციების მიზანი კი იყო პარლამენტის შტურმით აღება, სახელმწიფო ინსტიტუციების ჩამოშლა და ახალგაზრდების მეშვეობით ამ ყველაფრის განხორციელება.„ხედავდით, რომ ეს ყველაფერი ფინანსდებოდა. ეს მხოლოდ ჩვენი მიგნება არ არის, ამაზე ამერიკის ახალმა ადმინისტრაციამაც ისაუბრა. ხშირ შემთხვევაში, საქართველოში ეს დაფინანსება უკანონო პოლიტიკური მიზნებისთვის გამოიყენებოდა. მიზანიც და პროცესიც უკანონო იყო. სუს-ის საქმიანობამაც განაპირობა, რომ საქართველოში პროცესები ამ სცენარით არ დაგვირგვინდა“, – განაცხადა ირაკლი ქადაგიშვილმა.

პოლიტიკა • 1746001302

სუსის მაღალ პროფესიონალიზმზე როცა ვსაუბრობთ, ეს ნიშნავს, რომ საქმე ფაცაფუცით და გადარბენით არ კეთდება, საზოგადოება უფრო მეტს გაიგებს - ლევან მახაშვილი

სახელმწიფო უსაფრთხოების სამსახურის დამსახურებაა, რომ საქართველოს დამოუკიდებლობის მოპოვების შემდეგ, შიდა თუ გარე გამოწვევების მიუხედავად, სახელმწიფო მშვიდობას ინარჩუნებს და ამავე დროს ეკონომიკური პროგრესისთვის გარემოს ქმნის, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა განაცხადა.მახაშვილის თქმით,  სუს-ის ანგარიშში ყველა საფრთხეა მიმოხილული, რაც შიდა თუ გარე ფაქტორებს უკავშირდება.„დახურულ ფორმატში უფრო სიღრმისეული განხილვა გვექნება, მაგრამ სუსი-ს ანგარიში არ სჭირდებოდა და საზოგადოებისთვის ნათელი იყო, თუ რა პროცესებთან გვქონდა საქმე, როცა გასულ წელს, სხვადასხვა ძალები, სხვადასხვა ფორმით სახელმწიფო ინსტიტუტების შერყევას, ჩამოშლას და სახელმწიფო გადატრიალების მოწყობას ცდილობდნენ. ამისთვის დახურული ანგარიშები სულ არ არის საჭირო, ხელის გულზე იყო საზოგადოებისთვის გასულ წელს მიმდინარე პროცესები. რასაც სუს-ის ანგარიშში ვკითხულობთ, ფაქტობრივად, ეს მიმოხილვაა, რასაც გასულ თვეებში ჩვენი თვალებით ვუყურებდით. სხვადასხვა საკითხზე გამოძიება მიმდინარეობს. სწორედ ამას უკავშირდება ცალკეულ ფონდებში საგამოძიებო პროცესების ჩატარება. როცა ვსაუბრობთ, რომ სუს-ი მაღალი პროფესიონალიზმით ეკიდება საქმეს, ეს იმას ნიშნავს, რომ საქმე ფაცაფუცით და გადარბენით არ კეთდება – პროკურატურასთან და სხვა უწყებებთან ერთად მტკიცებულებების მოძიება ხდება. მიმდინარე საქმეებია და დარწმუნებული ვარ, საზოგადოება უფრო მეტს გაიგებს“, – განაცხადა მახაშვილმა.

პოლიტიკა • 1745930445

სახელმწიფო უსაფრთხოების სამსახურის კონტრტერორისტული ძალისხმევის შედეგად, ქვეყანაში უსაფრთხო გარემო ნარჩუნდება - სუსი

სახელმწიფო უსაფრთხოების სამსახურის ცნობით, 2024 წელს სახელმწიფო უსაფრთხოების სამსახური აქტიურად განაგრძობდა კონტრტერორისტული მიმართულებით საქმიანობას. ტერორისტული საფრთხეების წინააღმდეგ გატარებული პრევენციული ღონისძიებების ფარგლებში სამსახური ახორციელებდა საფრთხეების იდენტიფიცირებასა და გამოვლენას, აქტიურად თანამშრომლობდა საერთაშორისო პარტნიორებთან ტერორიზმსა და ძალადობრივ ექსტრემიზმთან დაკავშირებული ინფორმაციის მოპოვებისა და გაზიარების კუთხით, განაგრძობდა კონტრტერორისტული საქმიანობის განხორციელების მექანიზმების გაუმჯობესებას."სახელმწიფო უსაფრთხოების სამსახურის მიერ განხორციელებული კონტრტერორისტული ძალისხმევისა და აღნიშნული მიმართულებით სხვა რელევანტურ უწყებებთან ერთობლივი მუშაობის შედეგად, გასული წლების მსგავსად, საანგარიშო პერიოდში საქართველო ტერორისტული ორგანიზაციებისა და მათი მხარდამჭერებისთვის ხელსაყრელ სამოქმედო არეალს არ წარმოადგენდა.აშშ-ის სახელმწიფო დეპარტამენტის ყოველწლიურ ანგარიშში საქართველოს მიერ განხორციელებული კონტრტერორისტული საქმიანობა კვლავ პოზიტიურად შეფასდა და აღინიშნა, რომ საანგარიშო პერიოდში უსაფრთხოების მიმართულებით ქვეყანა ამერიკის შეერთებული შტატების მტკიცე პარტნიორად რჩებოდა.აშშ-ის სახელმწიფო დეპარტამენტის ანგარიშში ნათქვამია, რომ საქართველოს შესწევს ტერორისტული ინციდენტების გამოვლენის, შეკავების, მათზე რეაგირების უნარი. საქართველო ჩართულია სხვადასხვა საერთაშორისო კონტრტერორისტულ, მათ შორის, ტერორიზმის დაფინანსების წინააღმდეგ მიმართულ ფორმატებში და ასრულებს გაეროს უშიშროების საბჭოს შესაბამის რეზოლუციებს.ევროპულმა კომისიამ საქართველოს შესახებ ევროკავშირის გაფართოების პოლიტიკის თაობაზე 2024 წლის 30 ოქტომბერს გამოქვეყნებულ კომუნიკეში, რომელიც განკუთვნილი იყო ევროპარლამენტისა და ევროკავშირის საბჭოსთვის, დადებითად შეაფასა ტერორიზმთან ბრძოლის სფეროში საქართველოს მიერ გადადგმული ნაბიჯები. დოკუმენტის თანახმად, საქართველოს ანტიტერორისტული კანონმდებლობა შეესაბამება ევროკავშირის სამართლებრივ ჩარჩოს და შესაბამის საერთაშორისო სამართალს, მათ შორის, გაეროს უშიშროების საბჭოს რეზოლუციებს."ეკონომიკისა და მშვიდობის ინსტიტუტის" ყოველწლიური ანგარიშის თანახმად, საქართველო ტერორიზმის გავლენისგან თავისუფალ ქვეყნებს განეკუთვნება."ეკონომიკისა და მშვიდობის ინსტიტუტის" მიერ გამოქვეყნებულ ყოველწლიურ ანგარიშში "გლობალური ტერორიზმის ინდექსი", ტერორიზმის გავლენის კრიტერიუმებით შეფასებისას საქართველომ წელსაც ერთ-ერთი საუკეთესო პოზიცია დაიკავა, რაც 2024 წელს საქართველოში ტერორისტული ინციდენტებისა და ტერორიზმის, როგორც საფრთხის გავლენის, არარსებობას გულისხმობს.სამსახურის მიერ გატარებული კონტრტერორისტული ღონისძიებებისა და ძალისხმევის შედეგად, საქართველოში რადიკალური/ექსტრემისტული კერები და ტერორისტული თავდასხმები არ დაფიქსირებულა," - აღნიშნულია გავრცელებულ იფორმაციაში. 

პოლიტიკა • 1745852677

სახელმწიფო უსაფრთხოების სამსახურის უფროსი აშშ-ის საელჩოს გამოძიების ფედერალური ბიუროს (FBI-ს) სამართლებრივ ატაშეს შეხვდა

სახელმწიფო უსაფრთხოების სამსახურის უფროსმა ანრი ოხანაშვილმა აშშ-ის საელჩოს გამოძიების ფედერალური ბიუროს სამართლებრივ ატაშესთან ალექსანდერ ტიგაისთან გაცნობითი ხასიათის შეხვედრა გამართა.შეხვედრაზე მხარეებმა სახელმწიფო უსაფრთხოების სამსახურსა და აშშ-ის გამოძიების ფედერალურ ბიუროს შორის არსებული წარმატებული თანამშრომლობა და სამომავლო პრიორიტეტული მიმართულებები განიხილეს. ხაზგასმით აღინიშნა ორ ქვეყანას შორის სამართალდაცვით და უსაფრთხოების სფეროში მტკიცე პარტნიორული ურთიერთობების მნიშვნელობა. მხარეებმა ასევე ისაუბრეს თანამშრომლობის უფრო მეტად გაღრმავების შესაძლებლობებსა და სამომავლო გეგმებზე.აშშ-ის საელჩოს გამოძიების ფედერალური ბიუროს (FBI-ს) ატაშემ ანრი ოხანაშვილს სახელმწიფო უსაფრთხოების სამსახურის უფროსის თანამდებობაზე დანიშვნა მიულოცა და მომავალ საქმიანობაში წარმატება უსურვა.შეხვედრას ესწრებოდნენ სახელმწიფო უსაფრთხოების სამსახურის უფროსის პირველი მოადგილე ირაკლი ბერაია, სუსის უფროსის მოადგილე გელა გელაძე, კონტრტერორისტული ცენტრის დირექტორი ბაჩა მგელაძე და FBI-ის ატაშეს მოადგილე სემუელ ჰენკსი. 

პოლიტიკა • 1745402641

ეუთო-ს გენერალური მდივანი არ უნდა ჩამოსულიყო, მაგრამ ჩამოვიდა რუტინულ შეხვედრაზე, ეს არაფერს ცვლის „ქართული ოცნების“ ლეგიტიმაციის თვალსაზრისით - თაზო დათუნაშვილი

ესაა ეუთო-ს გენერალური მდივნის რუტინული პირველი ვიზიტი წევრ ქვეყნებში, რომელიც არის ტექნიკური მოვლენა. ამაზე თქმა, რომ რაიმე ფორმით არის „ქართული ოცნების“ ხელისუფლებაში ყოფნის ლეგიტიმაცია, ძალიან უბადრუკი არგუმენტია. არაფრის მომცემი არ არის ამ თვალსაზრისით ეუთო-ს გენერალური მდივნის ვიზიტი, – ამის შესახებ პარტია „ლელოს“ პოლიტიკური საბჭოს წევრმა, თაზო დათუნაშვილმა ეუთო-ს გენერალური მდივნის, ფერიდუნ სინირლიოღლუს საქართველოში ვიზიტთან დაკავშირებით განაცხადა.თაზო დათუნაშვილის თქმით, ყველაზე მთავარი დასკვნა ეუთო-მ გააკეთა არჩევნების შეფასებისას.„ეუთო-ს გენერალური მდივანი არის კონსენსუსის წესით არჩეული პირი. ეუთო-ს წევრი დღემდე არიან რუსეთის ფედერაცია, ყაზახეთი, ყირგიზეთი, თურქეთი და ა.შ. არჩეული არის 2024 წლის დეკემბერში, შესაბამისად, ეს არის მისი რუტინული პირველი ვიზიტი წევრ ქვეყნებში, რომელიც არის ტექნიკური მოვლენა. ამაზე თქმა, რომ ეს რაიმე ფორმით არის „ქართული ოცნების“ ხელისუფლებაში ყოფნის ლეგიტიმაცია, ძალიან უბადრუკი არგუმენტია ისედაც სასაცილო მდგომარეობაში მყოფი ხელისუფლების. ვურჩევდი, რომ ეს არგუმენტი არ გაიმეორონ. თუ არ უნდათ, რომ ეუთო-ს გენერალური მდივანიც ჩამოვიდეს, ამაზეც შეილება მუშაობა. უბრალოდ, არაფრის მომცემი არ არის ამ თვალსაზრისით ეუთო-ს გენერალური მდივნის ვიზიტი.ეს კაცი ერთი თვის წინ მოსკოვში იყო ვიზიტით. ყველაზე მთავარი დასკვნა ეუთო-მ გააკეთა არჩევნების შეფასებისას, რომ არ ჩატარდა თანაბარ გარემოში, სახელმწიფო რესურსები იყო გამოყენებული მმართველი პარტიის სასარგებლოდ და ხდებოდა ამომრჩევლის ინტიმიდაცია, ანუ მათზე ძალადობა არჩევანის დეფორმაციისთვის. ეს არის მთავარი, რაც ეუთო-მ თქვა. შემდეგ ეუთო-ს მისიამ თქვა, რომ საქართველოში 350-ზე მეტი ადამიანი აწამეს სისტემურად დეკემბრის თვეში. ეს არის პასუხი, როგორ იქცევა „ქართული ოცნება“, თუ ვლაპარაკობთ ლეგიტიმაციაზე, ის უნდა დაფიქსირდეს ბრიუსელში, ვაშინგტონში, პარიზში.უნდა ჩამოსულიყო თუ არა? ჩემი აზრით, არ უნდა ჩამოსულიყო, მაგრამ ჩამოვიდა ამ რუტინულ შეხვედრაზე და ეს კაცი ვერ გააჩერეს მოსკოვში ჩასვლისგანაც. ამიტომ ასეთი რაღაცები მოხდება, გაერო-ს გენერალური მდივანი ან სამდივნოდან ვინმე ჩამოვიდეს, მაგრამ ეს არაფერს ცვლის ლეგიტიმაციის თვალსაზრისით“, – განაცხადა თაზო დათუნაშვილმა.

პოლიტიკა • 1745323899

ზურაბ ჯაფარიძე - ეუთო-დან ყველგან ჩადიან და ყველას ელაპარაკებიან

ადრე გვქონდა კომუნიკაცია ეუთო-სთან, მაგრამ, სამწუხაროდ, ეუთო არის ორგანიზაცია, სადაც გადაწყვეტილებები მიიღება კონსენსუსით. მათ შორის ეუთო-ს წევრი არის რუსეთი, ამიტომ ეუთო-ში მიიღება ისეთი გადაწყვეტილებები, რომლებსაც რუსეთიც უნდა დათანხმდეს. ასეთი ორგანიზაციაა, ამიტომ ამას უნდა შევეგუოთ. ყველგან ჩადიან და ყველას ელაპარაკებიან, – ამის შესახებ „კოალიცია ცვლილებისთვის“ ერთ-ერთმა ლიდერმა, ზურაბ ჯაფარიძემ ეუთო-ს გენერალური მდივნის, ფერიდუნ სინირლიოღლუს საქართველოში ვიზიტთან დაკავშირებით განაცხადა.ჯაფარიძის თქმით, იგივე ადამიანი ცოტა ხნის წინ ჩასული იყო მოსკოვში და მოსკოვშიც ჰქონდა შეხვედრები.„ეუთო-ს ინსტიტუტი არის ოდირი, ადამიანის უფლებებისა და დემოკრატიული ინსტიტუტების ორგანიზაცია, არის ეუთო-ს შემადგენელი ნაწილი, რომელსაც გამოქვეყნებული აქვს დასკვნა 26 ოქტომბრის არჩევნებთან დაკავშირებით. იქ წერია ყველაფერი“, – აღნიშნა ზურაბ ჯაფარიძემ.

პოლიტიკა • 1745317065

უვიზო მიმოსვლის შეჩერება ადვილი არ არის, ევროკავშირმა რეგლამენტი უნდა შეცვალოს, ასევე ეს იქნება უსინდისო დამოკიდებულება იმ კანდიდატი ქვეყნის მიმართ, რომელიც სხვა კანდიდატ ქვეყნებს წინ უსწრებს - გია ვოლსკი

წლებია, ოპოზიცია ღიად იბრძვის და არასოდეს მალავს, რომ გარკვეული სიები არსებობს, რომელსაც, მაგალითად, გეგელია ადგენს, ჩააქვს ბრიუსელში და ევროპელ პოლიტიკოსებს ეუბნება, რომ ეს ადამიანები დასასანქცირებელი არიანო, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, უვიზო მიმოსვლის შეჩერება ოპოზიციის გეგმაა, რათა ქვეყანას რაც შეიძლება მეტი ზიანი მიაყენონ, მათ შორის პოლიტიკური, ეკონომიკური და საზოგადოება გააღიზიანონ.„ლარის კურსზე შეტევა გაითვალისწინეთ. ეს ყველაფერი ერთადერთ მიზანს ემსახურება, რომ საქართველოში რაც უფრო ცუდი ვითარება იქნება, მათთვის უკეთესია. შემდეგ დაპირებები მოდის ათასლარიანი პენსიების და ა.შ. ფონს გასვლა სწორედ ამ ზღაპრებით უნდათ. პროცედურულად, უვიზო მიმოსვლის შეჩერება ადვილი არ არის, რადგან ევროკავშირმა გადაწყვეტილების მიღებისას თავისი რეგლამენტი უნდა შეცვალოს. მეორე მხრივ, ეს უნამუსო და უსინდისო დამოკიდებულება იქნება იმ კანდიდატი ქვეყნის მიმართ, რომელიც ყველა კანდიდატ ქვეყანას ყველა მაჩვენებლით წინ უსწრებს.ვხედავთ, რომ მსოფლიო კონიუნქტურა იქმნება არა ფაქტებიდან, არამედ გარკვეული ტრენდებიდან, რაც ამა თუ იმ პოლიტიკურ პარტიას აქვს. რასაკვირველია, „დიფ სთეითის“ არსებობა რეალობაა და გავლენას მხოლოდ საქართველოზე არ ახდენს. მიგრაცია ერთ-ერთი პრობლემურია, მაგრამ ეს პრობლემები ევროპულ ქვეყნებში ღრმად არის გამჯდარი. გერმანიის საგარეო საქმეთა მინისტრმა სირიაში თქვა, რომ მათთვის მიგრაცია აუცილებელია, რათა გერმანიაში შობადობა გაიზარდოს. ეს უკმეხი გამოთქმაა, რაც არასტანდარტულია პოლიტიკოსისთვის, თუმცა ეს მიმანიშნებელია იმ არაჯანსაღი სიტუაციის, რაც ამის გამო შეიქმნა. რასაკვირველია, მიგრაცია სერიოზული პრობლემაა და მას გარკვეული მექანიზმი უნდა დაუპირისპირონ, მაგრამ მათ ასე წარმოუდგენიათ, რომ 61 ქვეყანას სავიზო რეჟიმი უნდა შეეზღუდოს, რათა მათი გავლით ევროპულ სივრცეში ის ადამიანები არ მოხვდნენ, რომელთაც თავისუფალი სავიზო რეჟიმი არ აქვთ.არ შეიძლება, ევროკავშირში რაღაც საკითხს ქვეყნების ნაწილი წყვეტდეს და ამის წინააღმდეგი თუნდაც მცირე ნაწილი იყოს. ასეთ შემთხვევაში, ევროპული საზოგადოება დაიყოფა და გარკვეული პოზიციების მქონე ქვეყნებად დაიხლიჩება მაშინ, როცა ევროსტრუქტურების იდეა და აზრი ის უნდა იყოს, რომ კოორდინაცია მოახდინოს და საერთო პოზიციაზე გავიდეს. „დიფ სთეითის“ დავალება იმდენად ხისტი და მძიმეა, რომ უტიფარი პოზიციის გაჟღერებისგან თავს ვერ იკავებენ. შიდა კონსულტაციები კი არ მიდის, პირდაპირ ამბობენ, რომ ეს საკითხი ასე უნდა გადაწყდეს და ამას ადმინისტრაცია ამბობს და არა ევროპელი ამომრჩეველი. ევრობიუროკრატია არსებობს, რომელსაც კონკრეტული ამოცანა აქვს და მისთვის ეს მიზანი ნებისმიერ საშუალებას ამართლებს. არ შეიძლება, ევროპული ქვეყნების ნაწილმა მეორე ნაწილის საწინააღმდეგო გადაწყვეტილება უმრავლესობით მიიღოს, რადგან ევროკავშირის იდეა სწორედ კონსენსუსი და გამჭვირვალობა, სამართლიანობაა. ეს ადრე თუ გვიან ნეგატიურ შედეგებს მოიტანს“, – განაცხადა გია ვოლსკიმ.

ისტორიები • 1744002807

ციხის ყველა სართული ერთად, ხმის ჩახლეჩვამდე ღრიალებდა გეგას სახელს - რა იყო გეგა კობახიძის უკანასკნელი სიტყვები

 „თვითმფრინავის ბიჭები“ – ასე ეწოდათ ბიჭებს, რომლებმაც 1984 წელს სცადეს თვითმფრინავის გატაცებით თავი დაეღწიათ იმ ბოროტი საბჭოთა რეჟიმისგან.„თვითმფრინავის ბიჭები” დააკავეს და უმაღლესი სასჯელი – დახვრეტა მიუსაჯეს.  ერთ-ერთი მათგანი გეგა კობახიძე იყო. ის 1961 წლის 6 ივნისს დაიბადა და ცნობილი კინორეჟისორის, მიხეილ კობახიძისა და მსახიობ ნათელა მაჭავარიანის ერთადერთი ვაჟი იყო.მწერალმა დათო ტურაშვილმა ამ ამბავზე წიგნი დაწერა და მას „ჯინსების თაობა” უწოდა.გთავაზობთ ნაწყვეტს დათო ტურაშვილის ნაწარმოებიდან, რომელიც მართლაც საოცარი ისტორიაა:“სიკვდილმისჯილთა საკნები იყო ორთაჭალის ციხის ჯურღმულებში, მიწისქვეშა გუბერსკის სულ ქვედა სართულზე, საიდანაც გაჰყავდათ კიდეც პატიმრები დასახვრეტად იმავე სართულზე არსებულ სპეციალურ ოთახებში. თუმცა იმავე სართულზე არამხოლოდ სიკვდილმისჯილები ისხდნენ და ამიტომაც ციხემ იცოდა, ვინ სად იჯდა, ვინ გაჰყავდათ ან შემოჰყავდათ სართულზე და მით უმეტეს, კარგად იცოდნენ სიკვდილსმისჯილების შესახებ ყველაფერი ერთი სართულით ზემოთ არსებულ საკნებში. სწორედ ზემოთ, სიკვდილმისჯილთა სართულის თავზე, ერთ-ერთ საკანში იხდიდა მაშინ სასჯელს ერთ-ერთი ცნობილი ავტორიტეტი, დიმა ლორთქიფანიძე, რომელიც პარიზში, ქართველი პოლიტიკური ემიგრანტების ოჯახში იყო დაბადებული და მისი ანტისაბჭოური შეხედულებებიც სულ არ იყო შემთხვევითი.მისი საკნის გვერდით კი მაშინ აღმოჩნდა რამდენიმე პატიმარი ქალი, რომლებიც ვაჭრობის გამო იყვნენ დაკავებულები და სანამ მიუსჯიდნენ და ქალთა ზონაში გადაიყვანდნენ, საღამოობით თურმე ღიღინებდნენ ხოლმე. მათი ღიღინის შესახებ დიმა ლორთქიფანიძემ შეიტყო ზედამხედველისგან, რომელმაც ერთხელ უბრალოდ დაიწუწუნა, ნეტა ამ ქალებს რა სიმღერა აუტყდათ, მერე შენიშვნას მე მაძლევს უფროსობაო და ლორთქიფანიძემ ზედამხედველს დაწვრილებით გამოჰკითხა ყველაფერი მოღიღინე პატიმრების შესახებ.ზედამხედველმა მხრები აიჩეჩა, მაგ ქალებიდან ზოგი ბუღალტერია და ზოგიც მაღაზიის გამყიდველი და მეც ეგ მიკვირს, რო ეგრე კარგად მღერიანო. მაშინ პატიმარმა დიმა ლორთქიფანიძემ ზედამხედველი უფრო ახლოს მოიხმო და უფრო ჩუმად უთხრა:– მაგ ქალებმა რომ ხმამაღლა იმღერონ, ქვემოთ თუ გაიგონებენ?– სად ქვემოთ?– სიკვდილმისჯილებში.– დაკეტილ საკნებში, აბა, როგორ გაიგებენ.– დერეფნებში ხომ გაიგებენ?– თუ ბოლო ხმაზე იმღერეს ამ ქალებმა, ქვემოთ დერეფანში ალბათ გაიგონებენ.– ალბათ თუ ნაღდად?– ალბათ.– ახლა მომისმინე. შენი პატივისცემა ჩვენზეა, თუ პატარა თხოვნას შეასრულებ.– სამსახურს ნუ დამაკარგვინებ და…– სამსახური კი მართლა ისეთი გაქვს, რომ აფსუსი იქნება ამის დაკარგვა, მაგრამ მაინც კარგად მომისმინე.– აბა, გისმენ.– ქვემოთ, სიკვდილმისჯილებში გეგა ზის, მსახიობი ბიჭია.– ხო, ვიცი, თვითმფრიავის ამბავზეა, სხვებიც მანდ არიან.– სხვებს ვერ დავეხმარებით, თანაც ეგ დახმარება გეგას ყველაზე მეტად სჭირდება, ოცდაორი თუ ოცდასახმი წლისაა, პატარა ბიჭია.– ჰო, ვიცი. კინოშიც მყავს ნანახი.– კინოც გყვარებია და, აბა, ერთი ეგეც მითხარი, იმ გეგას რომ დასახვრეტად გაიყვანენ, რამდენ ხანში გაიგებ?– ეგრევე გავიგებ, მაგ სართულზე ჩემი ბიძაშვილია ზედამხედველი.– ნაღდი ბიძაშვილია თუ გარე?– ალალი.– მაშინ გაყვანას რომ დაუპირებენ, ეგრევე მეც უნდა ვიცოდე.– სამსახურს ნუ დამაკრგვინებ, ორი პატარა შვილი მყავს და რომ ვიცოდე მაინც, რას აპირებთ.– ისეთს არაფერს.– მე ნუ დამღუპავთ. მაინც?– გეგას რომ გაყვანას დაუპირებენ, ქალებს ვეტყვი, რომ სიმღერა დაიწყონ, რაც შეიძლება ხმამაღლა, ბოლო ხმაზე იმღერონ. ქალებს უთხარი, რომ ჩემი თხოვნაა გეგას გასამხნევებლად, ისიც უთხარი, რომ დასახვრეტად მიჰყავთ.ზედამხედველი გაოგნებული იდგა და ამ უცანურ პატიმარს უსმენდა, რომლის მსგავსიც აქ არ ენახა, არც იმ სხვა ციხეებში, სადაც ადრე, მანამდე მუშაობდა…ისინი ყველანი ერთ დღეს დახვრიტეს, მაგრამ მაქსიმალურად შეეცადნენ, რომ ეს არ გახმაურებულიყო და სამ შემთხვევაში ეს გაცილებით ადვილად გამოუვიდათ, რადგან ბერი და ძმები სპეცილაურად დღისით გაიყვანეს საკნებიდან, რადგან დღისით ციხის ყურადღება უფრო მოდუნებულია და ბოლოს იმ საკნის კარიც გააღეს, რომელშიც გეგა იჯდა.თუმცა გეგა ფეხზე იდგა და მაინც სჯეროდა, რომ ეს არ მოხდებოდა, მიუხედავად იმისა, რომ არ იცოდა, სად მიჰყავდათ. არ იცოდა, რომ დერეფნის ბოლოს იყო ოთახი, სადაც მას თავისი განაჩენი ელოდა. იმ დერეფნის გავლისას კი გეგას სიმღერის ხმა შემოესმა სადღაც შორიდან, სადღაც ზევიდან, მაგრამ იფიქრა, რომ მოეჩვენა და ოდნავ, სულ ოდნავ გაეღიმა კიდეც. ერთი სართულით ზევით კი პატიმარი ქალები მართლა მღეროდნენ, იდგნენ ძალიან ახლოს ჩაკეტილი საკნის სარკმელთან და ხმამაღლა, ტირილით მღეროდნენ. მათი ხმა, გეგასაგან განსხვავებით, კარგად ესმოდა დიმა ლორთქიფანიძეს, რომელიც გამეტებით ურტყამდა თავისი საკნის კარს დასისხლიანებულ მუშტს და მთელი ციხის გასაგონად ყვიროდა. დიმას ხმას მაშინვე მოჰყვა დანარჩენი პატიმრების რეაქცია, რადგან რამდენიმე წამში ორთაჭალის ციხის ყველა პატიმარმა იცოდა, რომ ქვემოთ, სარდაფში, ადამიანი დასახვრეტად მიჰყავდათ. რამდენიმე წამში ციხის ყველა სართული ერთად, ხმით ჩახლეჩვამდე ღრიალებდა გეგას სახელს და როცა გეგა დერეფნის ბოლოს მიუახლოვდა, მთელი ციხე უკვე ისე გუგუნებდა, რომ გეგას გამცილებელმა ზედამხედველებმა საკმაოდ შეშფოთებულებმა გადახედეს ერთმანეთს.შეიძლება აჩქარების ბრალი იყო ან საბჭოთა იმპერიაში მართლაც რაღაც ლპეპოდა, რადგან იმ ოთახში შეყვანისთანავე, ჯალათმა, რომელიც გეგას ელოდებოდა, ინსტრუქციის თანახმად, უკნიდან ესროლა სიკვდილმისჯილს, მაგრამ ტყვია არ გავარდა. პროფესიონალი მკვლელისთვის ეს ისეთი მოულოდნელობა იყო, რომ იგი დაიბნა და აღელდა კიდეც.გეგა კი, საიდანღაც მოგონილი სიმშვიდით, ჯალათისკენ შემოტრიალდა მაშინვე ღიმილით უთხრა:– ადრე ხალხის დახოცვა მაინც შეგეძლოთ, ახლა ეგეც აღარ შეგიძლიათ. მკვლელმა მეორედ გაისროლა და უცებ ყველაფერი დამთავრდა.”გეგა კობახიძე 1984 წლის 3 ოქტომბერს დახვრიტეს.

პოლიტიკა • 1743787020

სოზარ სუბარი: დარწმუნებული ვარ, რომ ანრი ოხანაშვილი ამ უმნიშვნელოვანესი უწყების, სუსის წარმატებული ხელმძღვანელი იქნება

„ხალხის ძალის“ თავმჯდომარემ და პარლამენტის ვიცე-სპიკერმა, სოზარ სუბარმა მედიასთან სუს-ის ხელმძღვანელად ანრი ოხანაშვილის დანიშვნის შესახებ გააკეთა კომენტარი.მისი თქმით, ანრი ოხანაშვილი ამ უმნიშვნელოვანესი უწყების წარმატებული ხელმძღვანელი იქნება.„[სუს-ში], ამ უმნიშვნელოვანეს უწყებაში, რომლის მიზანია, რომ ქვეყნის უსაფრთხოება, როგორც გარე მტრებისგან, ისე, ქვეყანაში არსებული მეხუთე კოლონისგან (რომელიც, სამწუხაროდ, მრავლად გვყავს), იყოს დაცული, დარწმუნებული ვარ, რომ ანრი ოხანაშვილი ხელმძღვანელის პოზიციაზე იქნება ძალიან წარმატებული. მას წარმატებას ვუსურვებ“, - აღნიშნა სოზარ სუბარმა.