პოლიტიკა • 1779423966

რეალურ პრობლემაზე საუბარს რომ თავი აარიდონ, გამოგონილ ბრალდებებზე საუბრობენ, წერილებით ესაუბრებიან ევროპას - გიორგი კაპანაძე

პრემიერის ღია წერილი ევროკავშირის ლიდერებს და ევრობიუროკრატების დუმილი დანიაში მომხდარი ძალადობრივი დარბევიდან 1 კვირის თავზე.ოპოზიციურ სპექტრში პრემიერის წერილს აკრიტიკებენ. პარტიის "ერთიანობა - ნაციონალური მოძრაობის" პოლიტიკური საბჭოს წევრის, გიორგი კაპანაძის განცხადებით, მმართველი გუნდი საქართველოში არსებული პრობლემების გადაფარვას ცდილობს."ოცნებას" არ შეუძლია, არც სურვილი აქვს, არც საკმარისი ძალისხმევა, რომ ისაუბროს იმ პრობლემაზე, იმ გაჭირვებაზე, რომელიც ჩვენს ქვეყანაშია და რომელიც რეალურად აწუხებს ხალხს. რეალურ პრობლემაზე საუბარს რომ თავი აარიდონ, გამოგონილ ბრალდებებზე საუბრობენ, წერილებით ესაუბრებიან ევროპას და სხვადასხვა განვითარებულ სახელმწიფოებს", - განაცხადა გიორგი კაპანაძემ.

პოლიტიკა • 1779423884

ნინო წილოსანი პრემიერის ღია წერილის ადრესატებზე: ამ ადამიანების დუმილი კიდევ ერთხელ გვარწმუნებს, რომ მათთვის ადამიანის უფლებები არაფერია

 ეს ადამიანები [ურსულა ფონ დერ ლაიენი, ანტონიო კოშტა და რობერტა მეცოლა] სრულად დუმან და განცხადებებს არ აკეთებენ და ეს ყველაფერი იმის ფონზე, რომ პრემიერ-მინისტრმა მათ საჯაროდ მიმართა, - განაცხადა საქართველოს პარლამენტის თავმჯდომარის მოადგილე ნინო წილოსანმა.მისი თქმით, ღია წერილზე ბრიუსელის მხრიდან მდუმარება იმაზე მიუთითებს, რომ ევრობიუროკრატებისთვის ადამიანის უფლებებზე საჯაროდ საუბარი გარკვეულ შემთხვევებში მხოლოდ პოლიტიკური ინსტრუმენტია.„რა თქმა უნდა, ამის ფონზე, ამ ადამიანების დუმილი კიდევ ერთხელ გვარწმუნებს, რომ მათთვის ადამიანის უფლებები არაფერია თუ არა ვიღაცის შემთხვევაში გამოსაყენებელი ბერკეტი და ინსტრუმენტი და ვხედავთ როგორ მახინჯურადაც იყენებენ ამ ინსტრუმენტს“, - აღნიშნა წილოსანმა.კოპენჰაგენში განვითარებული მოვლენების ფონზე საქართველოს პრემიერ-მინისტრმა ურსულა ფონ დერ ლაიენს, ანტონიო კოშტასა და რობერტა მეცოლას ღია წერილით მიმართა, რომელზედაც ამ დრომდე ოფიციალური პასუხი არ მიუღია.

შოუბიზნესი • 1779383573

„ამ დღეებში დაიდება ძალიან ლამაზი სიმღერა...“ - ნუცა შანშიაშვილი პრემიერისთვის ემზადება

ნუცა შანშიაშვილი გულშემატკივრებს სასიამოვნო სიახლეს უზიარებს. მუსიკოსი ახალი სიმღერის პრემიერისთვის ემზადება, რომლის ავტორიც კომპოზიტორი სოფი რაფაელაა. მომღერალი სოციალური ქსელის მომხმარებლებს იმ ემოციაზე უყვება, რაც სიმღერის მოსმენისას დაეუფლა. „მთელი ჩემი ცხოვრება აწყობილია სიურპრიზებით, მოულოდნელი ამბებით და საერთოდ, ხელოვნება, თუ რამე შემიქმნია, ყველაფერი, ყოველთვის ხდებოდა სპონტანურად. გიყვებით 3 დღის წინანდელ ამბავს... მირეკავს გიორგი შალვაშვილი საქმესთან დაკავშირებით, ვსაუბრობთ, დავასრულეთ და მერე, მწერს უეცრად, რომ რაღაც სიმღერა უნდა ჩაგიგდო, შენ უნდა იმღეროო, შენი ხმა მესმის, რომ შენ გააკეთებ ამ სიმღერასო....მომდის სიმღერა, ჩავრთე, მოვუსმინე და გულ-ღვიძლი ამომიტრიალდა, ემოციამ შემიპყრო - დამამონა იმან, რასაც მოვუსმინე. ეს არის ახალგაზრდა, ძალიან ნიჭიერი, ბერძენი-ქართველი კომპოზიტორი სოფი რაფაელა, ტექსტის ავტორიც თვითონ არის - გადმომიგზავნა გამზადებული მუსიკა.პრემიერას დაელოდეთ, ამ დღეებში დაიდება ახალი სიმღერა, რომელიც ჩემ სულს შეეხო და მერე განვიხილოთ... დავდებ და გაგიზიარებთ ამ მაგარ, ქართულ, ძალიან, ძალიან ლამაზ სიმღერას „მათენდება“ -  ავტორი სოფი რაფაელა; ტექსტი, მუსიკა, ვოკალი ჩემი; არანჟირება დავით ალავიძე - დაგველოდეთ“, - ამბობს ნუცა შანშიაშვილი. ნახეთ, ვიდეო:

მსოფლიო • 1779365580

Reuters: პეტერ მადიარს უნგრეთში პრემიერის თანამდებობაზე ყოფნის მაქსიმალური ვადის რვა წლით განსაზღვრა სურს

უნგრეთის მმართველმა პარტია „ტისამ“, რომლის ლიდერიც პრემიერ-მინისტრი პეტერ მადიარია, პარლამენტში საკონსტიტუციო ცვლილებათა პაკეტი დაარეგისტრირა, რომლის თანახმადაც მთავრობის თავმჯდომარის თანამდებობაზე ყოფნის ვადა რვა წლით განისაზღვრება. ინფორმაციას Reuters-ი ავრცელებს.ცვლილებათა პაკეტის თანახმად, ადამიანებს, რომლებიც უკვე იკავებდნენ უნგრეთის პრემიერის თანამდებობას რვა და მეტი წლის განმავლობაში, აღნიშნულ პოსტზე დანიშვნის საშუალება აღარ ექნებათ.კანონპროექტში აგრეთვე აღნიშნულია, რომ პრემიერ-მინისტრი, რომელსაც თანამდებობაზე ყოფნის რვა წელი შეუსრულდება, დაუყოვნებლივ უნდა გადადგეს.გარდა ამისა, მადიარს სურს გააუქმოს სუვერენიტეტის დაცვის სამმართველო, რომელიც მისმა წინამორბედმა ვიქტორ ორბანმა 2023 წელს შექმნა. უწყება უმეტეს წილად იმ მედიასაშუალებების სიის შედგენით იყო დაკავებული, რომლებიც უნგრეთის სუვერენიტეტს საფრთხეს უქმნიდნენ.

საზოგადოება • 1779362709

მომხმარებელი უფრო ინფორმირებული იქნება საუკეთესო ფასებზე, სექტორში იქნება გამჭვირვალობა - შოთა ბერეკაშვილი საოჯახო კალათის პროგრამაზე

"საოჯახო კალათის პროგრამისთვის" ერთიანი ელექტრონული პლატფორმა იქმნება.ახალი ციფრული სივრცე მომხმარებლებს სხვადასხვა სავაჭრო ქსელში საბაზისო პროდუქტებზე არსებულ საუკეთესო შეთავაზებებსა და ფასებს გააცნობს.პრემიერის ინიციატივით დაწყებული პროექტის ფარგლებში, მარკეტები ვალდებულები იქნებიან, კონკურენციის სააგენტოს ინფორმაცია ყოველკვირეულად მიაწოდონ.პარლამენტის ეკონომიკური პოლიტიკის კომიტეტის თავმჯდომარის, შოთა ბერეკაშვილის განცხადებით, აღნიშნული ინიციატივა ხელს შეუწყობს მომხმარებლის ინფორმირებულობას, ასევე კონკურენციას და გამჭვირვალობას."პირველ რიგში, მომხმარებელ უფრო ინფორმირებული იქნება საუკეთესო ფასებზე. მეორე, სექტორში იქნება გამჭვირვალობა. აღნიშნული პლატფორმა ასევე ხელს შეუწყობს ქსელებს შორის კონკურენციას. კონკურენცია არის საუკეთესო მექანიზმი, როდესაც მომხმარებელი იღებს საუკეთესო ფასს. რომ შევაჯამოთ, აღნიშნული მოდელი ეფუძნება მაზრის თავისუფლებას, კონკურენციას, გამჭვირვალობას, რაც არის და ყოველთვის იყო ჩვენი მიზანი. საბოლოო ჯამში, მომხმარებელი იღებს საუკეთესო ფასს", - განაცხადა შოთა ბერეკაშვილმა.

პოლიტიკა • 1779355238

ლევან ჟორჟოლიანი: პრემიერის ინიციატივით, კონკურენციისა და მომხმარებლის სააგენტომ დააინიცირა ახალი ელექტრონული პლატფორმის პროექტი, სადაც განთავსდება საუკეთესო შეთავაზებები და ფასები, მომხმარებელი მაქსიმალურად იქნება ინფორმირებული

საქართველოს პრემიერ-მინისტრის ინიციატივით, ასევე საპარლამენტო კომისიის ჩართულობით, კონკურენციისა და მომხმარებლის სააგენტომ დააინიცირა ახალი პროექტი, რომელიც გულისხმობს ელექტრონული პლატფორმის შექმნას, სადაც განთავსდება საუკეთესო შეთავაზებები და ფასები, - განაცხადა საქართველოს მთავრობის ადმინისტრაციის უფროსმა ლევან ჟორჟოლიანმა.მისივე თქმით, აღნიშნული უზრუნველყოფს მომხმარებლის მაქსიმალურ ინფორმირებულობას იმის შესახებ, თუ რომელი ქსელი სთავაზობს მას გარკვეულ პროდუქციაზე საუკეთესო შეთავაზებას. როგორც ლევან ჟორჟოლიანმა აღნიშნა, ასევე, გაძლიერდება ქსელებს შორის კონკურენციის ხარისხი.„ქსელებს ექნებათ ვალდებულება, ინფორმაცია წარმოადგინონ ყოველკვირეულად, შესაბამისად, მომხმარებელი მაქსიმალურად იქნება ინფორმირებული იმის შესახებ, თუ რომელი ქსელი სთავაზობს გარკვეულ პროდუქციაზე საუკეთესო შეთავაზებას, ან ფასს. აღნიშნული ასევე უზრუნველყოფს კონკურენციის გაძლიერებას ქსელებს შორის“, - აღნიშნა ლევან ჟორჟოლიანმა.

პოლიტიკა • 1779309167

პრემიერი: როგორ შეიძლება, ისეთ ქვეყანაში, როგორიც საქართველოა, მრავალსაუკუნოვანი კულტურის მქონე ქვეყანაში, გვარამია იყოს ოპოზიციის ერთ-ერთი ლიდერი, ან ბოკუჩავა, ვაშაძე, ჯაფარიძე, პარლამენტში შემოვიდნენ გახარიები

სუბიექტურად რომ შევხედოთ, ამ სპექტრით საუკეთესო პირობებია შექმნილი მე-11 არჩევნების მოსაგებად 2028 წლის 28 ოქტომბერს. ეს არის იდეალური, როცა შენი ოპონენტი არის გვარამია, როცა შენი ოპონენტია ზურა ჯაფარიძე, თინა ბოკუჩავა და ასეთი დეგრადირებული ადამიანები, რა თქმა უნდა, სუბიექტურად, ჩვენთვის საუკეთესო ფონია შექმნილი არჩევნების მარტივად მოსაგებად, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ში.მთავრობის მეთაურის შეფასებით, ამის მიუხედავად, მნიშვნელოვანია ქვეყნის ინტერესებზე ზრუნვა და ქვეყნის ინტერესებშია, რომ გვარამია არ იყოს ოპოზიციის ერთ-ერთი ლიდერი.„როგორ შეიძლება, ისეთ ქვეყანაში, როგორიც საქართველოა, მრავალსაუკუნოვანი კულტურის ქვეყანაში, გვარამია იყოს ოპოზიციის ერთ-ერთი ლიდერი, ან ბოკუჩავა, ან ვაშაძე, ან ჯაფარიძე. ესენი როგორ შეიძლება იყვნენ ოპოზიციის ლიდერები. პარლამენტში შემოვიდნენ გახარიები - ეს პარტია. ან ინტელექტის დონე ნახეთ, ან კეთილსინდისიერების დონე, როგორ შეიძლება, ასეთ ხალხს ერქვას ოპოზიცია საქართველოში - მრავალსაუკუნოვანი კულტურის მქონე ქვეყანაში. ასეთ ხალხს, ინტელექტისგან და კეთილსინდისიერებისგან სრულად დაცლილ ხალხს არ შეიძლება, ერქვას ოპოზიცია. ამიტომ, ჩვენ უნდა ვიზრუნოთ ამ მდგომარეობის შეცვლაზე, გაჯანსაღებაზე. ამისთვის უნდა გამოვიყენოთ ყველა სამართლებრივი მექანიზმი და ყველაზე ეფექტური სამართლებრივი მექანიზმი არის საკონსტიტუციო სასამართლო, რომელსაც მივმართეთ შესაბამისი სარჩელით“, - განაცხადა ირაკლი კობახიძემ.

პოლიტიკა • 1779308754

პრემიერი: იმედი გვაქვს, რომ უკრაინასთან ურთიერთობები გადაიტვირთება. როგორც არ უნდა გაგრძელდეს ეს ყველაფერი, მზად ვართ, დავრჩეთ ცალმხრივი მეგობრობის რეჟიმში, თუმცა იმედი გვაქვს, ეს ცალმხრივი მეგობრობა გადაიზრდება ორმხრივ მეგობრობაში

იმედი გვაქვს, რომ უკრაინასთან ურთიერთობები გადაიტვირთება, ეს არის მნიშვნელოვანი, რადგან ჩვენს ქვეყნებს და ხალხებს აკავშირებთ ტრადიციული მეგობრობა, ჩვენ გვაქვს განსაკუთრებული სოლიდარობის განცდა უკრაინელი ხალხის მიმართ, იმ მძიმე ვითარებაში, რაც არის შექმნილი ჩვენს მეგობარ ქვეყანაში, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.როგორც მთავრობის მეთაურმა აღნიშნა, განსაკუთრებულად მნიშვნელოვანია ურთიერთობების გადატვირთვა უკრაინის ხელისუფლებასთან.„გავიხსენებ შეხვედრას, რომელიც შედგა უკრაინის პრეზიდენტის ინიციატივით. ძალიან მეგობრულ რეჟიმში წარიმართა დაახლოებით 10-წუთიანი შეხვედრა. საუბარი იყო ურთიერთობების გაჯანსაღების მნიშვნელობაზე ორივე მხრიდან, დანარჩენ დეტალებზე ვერ ვისაუბრებთ, დახურული შეხვედრა იყო. ინიციატივა იყო, მყისიერად დავუდასტურეთ, მანამდეც წინაპირობები ამისათვის არ არსებობდა. რაც მთავარია, ეს შეხვედრა შედგა და ძალიან მეგობრულად ვისაუბრეთ სხვადასხვა საკითხთან დაკავშირებით. ჩვენ იმედი გვაქვს, რომ ურთიერთობები გადაიტვირთება, ეს არის მნიშვნელოვანი, რადგან ჩვენს ქვეყნებს აკავშირებს ტრადიციული მეგობრობა და ჩვენს ხალხებს აკავშირებს ტრადიციული მეგობრობა, ჩვენ გვაქვს განსაკუთრებული სოლიდარობის განცდა უკრაინელი ხალხის მიმართ, იმ მძიმე ვითარებაში, რაც არის შექმნილი ჩვენს მეგობარ ქვეყანაში. ასეთ ვითარებაში ჩვენთვის განსაკუთრებულად მნიშვნელოვანია ურთიერთობების გადატვირთვა უკრაინის ხელისუფლებასთან. ვნახოთ, იყო ბევრი ფაქტორი, რამაც შექმნა პრობლემები ამ ურთიერთობებში. აღარ მინდა, დეტალებში გავიხსენო ეს ყველაფერი, ელჩებთან დაკავშირებული ნაბიჯები, მეორე ფრონტთან დაკავშირებული განცხადებები და ა.შ. რაც იყო. მოხდა ეს ყველაფერი, მთავარია, რომ წინ გავიხედოთ. იმედი გვაქვს, ურთიერთობები გადაიტვირთება, ამას სჭირდება კონკრეტული ნაბიჯების გადადგმა. მე კიდევ ერთხელ გავიმეორებ, რომ ასეც და ისეც, როგორც არ უნდა გაგრძელდეს ეს ყველაფერი, ჩვენ მზად ვართ, დავრჩეთ თუნდაც ცალმხრივი მეგობრობის რეჟიმში., თუმცა იმედი გვაქვს, ეს ცალმხრივი მეგობრობა გადაიზრდება ორმხრივ მეგობრობაში.ჩვენ მშვიდად ველოდებით მოვლენების განვითარებას. აქამდე ვცხოვრობდით იმით, რაც ხდებოდა ორ ქვეყანას შორის ურთიერთობებში, მათ შორის სანქციები, პირადად მე მაქვს დაწესებული მათი მხრიდან სანქციები და ამას ყველაფერს მშვიდად ვუყურებდით. მომავალშიც რა თქმა უნდა, მზად ვართ, მშვიდად შევხედოთ ჩვენს ურთიერთობებს, გამოწვევებს, სირთულეებს, მათ შორის, თუმცა ვიტოვებთ უკეთესის იმედს, რომ ეს ყველაფერი შეიცვლება და ის დამოკიდებულება, რაც იყო მანამდე, შეიცვლება განსხვავებული დამოკიდებულებით“, - განაცხადა ირაკლი კობახიძემ.

პოლიტიკა • 1779308684

პრემიერი: ხალხის დახოცვა „გაუპრავეს“ სააკაშვილის რეჟიმს 2011 წლის 26 მაისს, მწვანე შუქი აუნთეს, სწორედ, ამ ე.წ. დემოკრატებმა, ბრიტანელებმა, გერმანელებმა და სხვებმა, შესაბამისად, მათთვის სრულიად ორგანული და მისაღებია ის, რაც მოხდა დანიაში

მწვანე შუქი იყო თავიდან ბოლომდე ანთებული იმის მიმართ, რაც მოხდა 2007 წელს ტელეკომპანია იმედში. მწვანე შუქი ე.წ. დემოკრატიული ქვეყნების მხრიდან. იქ იყო ბრიტანეთიც, გერმანიაც, სხვებიც. მაშინ გახსოვთ ვინმე დასანქცირებული, ან ვინმეს მიმართ რაიმე უხეში განცხადება გაკეთებული?, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა აღნიშნა, რომ ორმაგი სტანდარტები იმდენად თვალსაჩინო გახდა, რომ ქართულ საზოგადოებას შეცდომაში ვეღარ შეიყვანენ.„მწვანე შუქი იყო თავიდან ბოლომდე ანთებული იმის მიმართ, რაც მოხდა 2007 წელს ტელეკომპანია იმედში. მწვანე შუქი ე.წ. დემოკრატიული ქვეყნების მხრიდან. იქ იყო ბრიტანეთიც, გერმანიაც, სხვებიც. მაშინ გახსოვთ ვინმე დასანქცირებული, ან ვინმეს მიმართ რაიმე უხეში განცხადება გაკეთებული? - ესეც ხომ „გაუპრავეს“ და ამის შემდეგ „გაუპრავეს“ საპრეზიდენტო არჩევნები იმ კაცს, რომელმაც სისხლიანი რეჟიმი დაამყარა საქართველოში და ახლა ეს ადამიანები ჩვენ გველაპარაკებიან დემოკრატიაზე. რა თქმა უნდა, მათთვის აბსოლუტურად მისაღებია ის, რაც ხდება დანიაში, იმიტომ რომ მანამდე მათთვის აბსოლუტურად მისაღები იყო ის, რაც მოხდა 26 მაისს, საქართველოში, როდესაც ხალხი დახოცეს პირდაპირ. ხალხის დახოცვა „გაუპრავეს“ სააკაშვილის რეჟიმს 2011 წლის 26 მაისს, როდესაც შემდეგ გახსოვთ, ცხედრები განათავსეს ჯიხურების თავზე, რომ დენით დაღუპვის იმიტაცია მოეწყოთ და ეს „გაუპრავეს“, ამაზე მწვანე შუქი აუნთეს, სწორედ, ამ ე.წ. დემოკრატებმა, ბრიტანელებმა, გერმანელებმა და სხვებმა. ამიტომ მათთვის სრულიად ორგანული და მისაღებია ის, რაც მოხდა დანიაში, იმიტომ რომ მანამდე ამას "აპრავებდნენ" თბილისში, "აპრავებდნენ" სხვა ქვეყნებში, სადაც მათთვის მისაღები იყო დიქტატორული რეჟიმები, სისხლიანი ავტორიტარული რეჟიმები. ეს ორმაგი სტანდარტები იმდენად თვალსაჩინო გახდა უკვე, მთელი მსოფლიოს მასშტაბით იმდენი მაგალითი იხილა უკვე საზოგადოებამ, რომ არ მგონია, შეცდომაში ქართული საზოგადოების შეყვანა კიდევ იყოს შესაძლებელი“, - აღნიშნა პრემიერმა.

პოლიტიკა • 1779308624

პრემიერი: „იმედისთვის“ და „პოს ტვ“-თვის დაწესებული ბრიტანული სანქცია არის ბევრად უფრო უხეში დარღვევა ადამიანის უფლებების და მედიის თავისუფლების, ვიდრე ის, რაც ვიხილეთ თუნდაც დანიაში

„იმედისთვის“ და „პოსტვსთვის“ დაწესებული ბრიტანული სანქცია არის ბევრად უფრო უხეში დარღვევა ადამიანის უფლებების და კონკრეტულად მედიის თავისუფლების, ვიდრე ადამიანის უფლებების ის დარღვევა, რაც ვიხილეთ თუნდაც დანიაში, ხომ უკიდურესად უხეში და ბრუტალური იყო რაც ვიხილეთ დანიაში, ამასთან შედარებითაც კი ბევრად უხეში დარღვევაა ადამიანის უფლებების ის, რაც მოხდა ბრიტანეთში „იმედთან“ და „პოსტვ“-სთან მიმართებით, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა აღნიშნა, რომ ეს ყველაფერი აჩვენებს ევროკავშირის ღირებულებით დეგრადაციას.„ჩვენ ჩავატარეთ ბრიფინგი დანიაში მომხდართან დაკავშირებით და, პრინციპში, რაც მოხდა „იმედთან“ და „პოსტვ“-სთან დაკავშირებით, ვგულისხმობ კიდევ უფრო მძიმე ფაქტს, არა ევროპარლამენტში საქმიანობის შეჩერებას, არამედ ბრიტანეთის მიერ ტელევიზიის დასანქცირებას, ეს ბევრად უფრო მძიმეა ადამიანის უფლებების კუთხით. რა თქმა უნდა, რაც მოხდა დანიაში, იმას ვერანაირად ვერ გაანეიტრალებ აღქმაში, მაგრამ ჩემთვის „იმედისთვის“ დაწესებული ბრიტანული სანქცია არის ბევრად უფრო უხეში დარღვევა ადამიანის უფლებების და კონკრეტულად მედიის თავისუფლების, ვიდრე ის ადამიანის უფლებების დარღვევა, რაც ვიხილეთ თუნდაც დანიაში. ხომ უკიდურესად უხეში და ბრუტალური იყო რაც ვიხილეთ დანიაში, ამასთან შედარებითაც კი ბევრად უხეში დარღვევაა ადამიანის უფლებების ის, რაც მოხდა ბრიტანეთში „იმედთან“ და „პოსტვ“-სთან მიმართებით. ესეც აჩვენებს დეგრადაციას. თან ბრიტანეთი, ინგლისი კონკრეტულად, არის ქვეყანა, სადაც წარმოიშვა ადამიანის უფლებები თანამედროვე გაგებით და ასეთი ქვეყანა აბსოლუტურად არაფრად აგდებს მედიის თავისუფლებას და დგამს ისეთ ნაბიჯებს, რომელიც ვერც ერთი სტანდარტით ვერ გამართლდება. თავისი მარტივი წესები აქვს მედიის თავისუფლებაში ჩარევას. არსებობს სახელმძღვანელოები ინგლისურენოვანი, გერმანულენოვანი, ფრანგულენოვანი, ყველანაირი, არ არსებობს სახელმძღვანელო, რომლის მიხედვითაც შეიძლება გაამართლო იმ ფორმის ჩარევა მედიის თავისუფლებაში, რაც ვიხილეთ ბრიტანეთის მხრიდან. ასეთი სახელმძღვანელო უბრალოდ არ არსებობს, ასეთი მეცნიერული მიდგომა უბრალოდ არ არსებობს. ზუსტად ისეთი ბრუტალური აქტი იყო, რაც გააკეთა ბრიტანეთმა, ამის გაგრძელება იყო შემდეგ ევროპარლამენტი, რაც ვიხილეთ დანიაში. შესაბამისად, ესეც აჩვენებს იმ უმძიმეს სახეს, რომლითაც წარსდგა ბოლო დროს ევროპული ბიუროკრატია ფართო საზოგადოების წინაშე. არავითარი ახსნა და გამართლება ამ ყველაფერს არ აქვს, არც იმას, რაც მოხდა ბრიტანეთში, არც იმას, რაც ვიხილეთ ევროპარლამენტში. ეს აჩვენებს ევროკავშირის ღირებულებით დეგრადაციას, ამის იქით სხვა შეფასება ვერ გაკეთდება“, - აღნიშნა პრემიერმა. 

პოლიტიკა • 1779308565

პრემიერი: აზერბაიჯანში ხელმოწერილი შეთანხმებები არის უპრეცედენტო მნიშვნელობის, ამ შეთანხმებებს აქვს პრინციპული მნიშვნელობა ქვეყნის ეკონომიკური განვითარებისთვის, ენერგეტიკული უსაფრთხოებისა და სატრანზიტო ფუნქციის გაძლიერებისთვის

აზერბაიჯანში ხელმოწერილი შეთანხმებები არის უპრეცედენტო მნიშვნელობის, ყველა ამ შეთანხმებას აქვს პრინციპული მნიშვნელობა ჩვენი ქვეყნის ეკონომიკური განვითარებისთვის, ენერგეტიკული უსაფრთხოებისა და ჩვენი სატრანზიტო ფუნქციის გაძლიერებისთვის, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა მადლობა გადაუხადა აზერბაიჯანულ მხარეს და აღნიშნა, რომ ეს ეს არ იყო სტანდარტული მოლაპარაკებები ორ მთავრობას შორის, არამედ ეს იყო მეგობრებს შორის დიალოგი.„რეალურად, შედეგებიდან ჩანს, რომ მუდმივად იზრდება ჩვენი ქვეყნის როლი შუა დერეფანში, მთლიანად შუა დერეფნის როლიც იზრდება ზოგადად, გვერდით რომ გადავდოთ ცოტა ხნით ჩვენი ქვეყნის მნიშვნელობა ამ დერეფანში. 2020 წლის შემდეგ 7-ჯერ არის გაზრდილი ტვირთბრუნვა შუა დერეფანში. რა თქმა უნდა, ჩვენ ამით მაქსიმალურად უნდა ვისარგებლოთ და ვსარგებლობთ კიდეც და ამ კუთხით, ის შეთანხმებები, რომლებსაც ხელი მოვაწერეთ აზერბაიჯანში არის უპრეცედენტო მნიშვნელობის, დატვირთვის. სხვადასხვა მიმართულებით მოეწერა ხელი შეთანხმებებს და ყველა არის კავშირში ჩვენი სატრანზიტო ფუნქციის განვითარებასთან. ეს ეხება გაზის იმპორტს და გაზის ტრანზიტს, სადაც ძალიან სასარგებლო, უკიდურესად სასარგებლო შინაარსის შეთანხმებები გაფორმდა. რაც მთავარია, ჩვენ მივიღეთ სათანადო ფასები, მივიღეთ სათანადო მოცულობები, რაც არის უკიდურესად მნიშვნელოვანი ჩვენი ქვეყნის ენერგეტიკული უსაფრთხოებისთვის და მადლობა უნდა გადავუხადოთ აზერბაიჯანულ მხარეს, ეს არ იყო სტანდარტული მოლაპარაკებები ორ მთავრობას შორის, ეს იყო მეგობრებს შორის დიალოგი, რამაც მოგვცა ძალიან სწორი შეთანხმება ყველა თემასთან დაკავშირებით, ეს ეხება გაზს - იმპორტს და ტრანზიტს, ეხება ელექტროენერგიის იმპორტსა და ტრანზიტს, ასევე ბაქო-თბილისი-სუფსის მილსადენს, რომელიც გაჩერებული იყო ბოლო 3 წლის განმავლობაში, შესაბამისად, ქვეყანა კარგავდა წელიწადში ათეულობით მლნ ლარის პოტენციურ შემოსავალს და ამ მილსადენის ფუნქციონირება აღდგება, აქაც გვაქვს საუკეთესო პირობები უზრუნველყოფილი. რაც შეეხება რკინიგზას, ბაქო-თბილისი- ყარსის რკინიგზა ამუშავდება თვის ბოლოდან და ამასთან ერთად, აღდგა სამგზავრო სარკინიგზო მიმოსვლა საქართველოსა და აზერბაიჯანს შორის. ყველა ამ შეთანხმებას აქვს პრინციპული მნიშვნელობა ჩვენი ქვეყნის ეკონომიკური გაძლიერებისთვის, ენერგეტიკული უსაფრთხოებისა და ჩვენი სატრანზიტო ფუნქციის გაძლიერებისთვის. კიდევ ერთხელ მადლობა აზერბაიჯანულ მხარეს მეგობრული დამოკიდებულებისა და შესაბამისი შეთანხმებისთვის და მადლობა ეკონომიკის სამინისტროს, მინისტრსა და მთლიანად მის გუნდს, რომელმაც მრავალთვიანი მოლაპარაკების საფუძველზე მოგვცა ეს იდეალური შედეგი“, - აღნიშნა პრემიერმა.

პოლიტიკა • 1779308505

პრემიერი: ადგილობრივი აგენტურის და მათი უცხოელი პატრონების მხრიდან არის მცდელობა, დაგვაპირისპირონ სომხეთთან, მათ შორის შედარებებით. ამას ვერ ექნება ვერავითარი წარმატება, ჩვენ მაქსიმალურად ვგულშემატკივრობთ ჩვენს მეგობარ სომხეთს

ჩვენ მაქსიმალურად ვგულშემატკივრობთ ჩვენს მეგობარ ქვეყანა სომხეთს, სომეხ ხალხს, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში.ირაკლი კობახიძემ უპასუხა შეკითხვას, თუ რა შთაბეჭდილებას ტოვებს მასზე ბრიუსელის გარკვეული ძალების დამოკიდებულება საქართველოსა და სომხეთის მიმართ.„რაც შეეხება სომხეთთან შედარებას, ჩვენთვის ეს ცოტა უხერხული თემაა იმიტომ, რომ ჩვენ ვართ მეზობლები, გვაქვს ძალიან მეგობრული ურთიერთობები, სტრატეგიული პარტნიორობა. აქედან გამომდინარე, ჩვენგან არასწორია შევედაროთ სომხეთს. ამაში არ შევალთ, რა თქმა უნდა, არასწორი იქნება ჩვენ. მაგრამ, ზოგადად შევაფასებ იმ მცდელობებს, რასაც ვხედავთ აქაც ადგილობრივი აგენტურის და მათი უცხოელი პატრონების მხრიდან, რომ რაღაცნაირად დაგვაპირისპირონ სომხეთთან, მათ შორის შედარებებით. ამას ვერ ექნება ვერავითარი წარმატება ვერავითარი კუთხით, ვერც ერთი მიმართულებით. ჩვენ მაქსიმალურად ვგულშემატკივრობთ ჩვენს მეგობარ ქვეყანა სომხეთს, სომეხ ხალხს. ეს არის ერთადერთი, რაც შეიძლება ვთქვათ სომხეთთან დაკავშირებით.მინდა, მადლობა გადავუხადო სომხეთის პრემიერ-მინისტრს, რომელსაც აქვს გამორჩეული დამოკიდებულება საქართველოს მიმართ და ეს არის გამოხატული მეგობრულ ურთიერთობებში, მათ შორის უშუალოდ მთავრობებს შორის. მან პირდაპირ ისიც კი თქვა, რომ საქართველოს გარეშე სომხეთის ევროინტეგრაციაზე საუბარი იყო წარმოუდგენელი. ამას რა განცხადება მოჰყვა ერთ-ერთი ევროპელი მაღალჩინოსნის მხრიდან, ესეც გახსოვთ. მან თქვა, რომ სომხეთი არის უმოკლესი გზა, რომელიც აკავშირებს შუა აზიას ევროპასთან. როგორც ჩანს, ეკონომიკურ სტაგნაციასთან და სხვა სიკეთეებთან ერთად, გეოგრაფიის გაკვეთილებშიც მაინც და მაინც ძლიერად არ აქვთ საქმე ევროპელ ბიუროკრატებს“, - განაცხადა პრემიერმა.