პოლიტიკა • 1746118260

ეკა სეფაშვილი: რუსეთსა და ოკუპირებულ აფხაზეთს შორის პირდაპირი, რეგულარული ფრენების განახლება, ოკუპანტის მიერ ოკუპირებულ ტერიტორიაზე ჩადენილი მორიგი დარღვევაა

„ხალხის ძალის“ საერთაშორისო ურთიერთობების მდივანმა ეკა სეფაშვილმა მედიასთან რუსეთსა და ოკუპირებულ აფხაზეთს შორის პირდაპირი, რეგულარული ფრენების განახლების შესახებ კომენტარი გააკეთა.ეკა სეფაშვილის თქმით, ეს ოკუპანტის მიერ ოკუპირებულ ტერიტორიაზე ჩადენილი მორიგი დარღვევაა.„ამ სიტუაციაში, როცა რუსეთის მხრიდან საქართველოს მიმართ არსებობს ოკუპაციის ფაქტი და ამ ოკუპაციიდან გამომდინარე, ადამიანის უფლებების დარღვევის უამრავ მაგალითს ვხედავთ, მათ შორის, თავისუფალი გადაადგილებისა თუ მშობლიურ ენაზე სწავლის შეზღუდვას და ა.შ., ესეც ერთ-ერთი დარღვევაა. ამ დარღვევასთან დაკავშირებით საქართველოს ხელისუფლებამ რაც შეიძლება გააკეთოს, არის ის, რომ ყველა შესაბამის ფორმატში, საერთაშორისო დღის წესრიგში, ეს საკითხი დასვას და რუსეთის ფედერაციის მიერ ოკუპირებულ ტერიტორიებზე დარღვევებით ოპერირებას ხაზი გაუსვას.ჩემთვის რამდენადაც ცნობილია, საერთაშორისო საავიაციო მიმოსვლაში ეს რეისები არ შედის, ანუ, საერთაშორისო საზოგადოების მიერ აღიარებული არ არის.სულ ახლახან, გუშინ, ევროპის საბჭოში, ევროსაბჭოს დელეგაციამ და წარმომადგენლობამ საქართველოს ტერიტორიულ მთლიანობას ხაზი კიდევ ერთხელ გაუსვა და რუსეთს მოუწოდა, რომ 2008 წლის 12 აგვისტოს გაფორმებული ხელშეკრულება შეასრულოს, რომელიც მშვიდობის დამყარებასა და მთელ რიგ სხვა ვალდებულებების შესრულებას შეეხება. თუმცა, მოგეხსენებათ, რომ რუსეთი ჩვენი ქვეყნისთვის ოკუპანტია და იგი უგულებელყოფს არა მარტო ამ, არამედ, მთელ რიგ სხვა საერთაშორისო ვალდებულებებს“, - აღნიშნა ეკა სეფაშვილმა.

პოლიტიკა • 1745310806

ნანა კაკაბაძე - მარგინალებად ქცეული ოპოზიციური უმცირესობა უმრავლესობას მოუწოდებს, აიტაცონ მათი რუსოფობიური რიტორიკა, გაზარდონ პროტესტის მასშტაბები და დაამხონ ხელისუფლება- ამიტომ არა აქვს პერსპექტივა ოპოზიციური გამოსვლების მასშტაბების გაზრდას

„რატომ ვერ იზრდება პროტესტის მასშტაბები. დღეს საქართველოში არა მხოლოდ ხელისუფლებაში ან მის მომხრეებში, არამედ  თვითონ ოპოზიციურ სპექტრშიც კი დაიწყო საუბრები მიზეზებზე და გამოსავლის გზების ძიება, თუ რატომ ვერ იღებს ოპოზიციური გამოსვლები მასობრივ ხასიათს, რატომ შემოიფარგლება ამ პროტესტის მასშტაბები მხოლოდ რამდენიმე ასეული, ან უკეთეს შემთხვევაში, რამდენიმე ათასი ადამიანის მიერ რუსთაველის გადაკეტვით“,- ამის შესახებ „ერთიანი ნეიტრალური საქართველოს" წევრი ნანა კაკაბაძე სოციალურ ქსელში წერს.კაკაბაძე აღნიშნავს, რომ დღეს მსოფლიოში სრულიად სხვა რეალობაა, რომელიც რადიკალურად განსხვავდება მიტინგომანიისგან და ხელისუფლებების ძალადობრივი დამხობების მცდელობებისგან.მისივე თქმით, „მარგინალებად  ქცეული, ოპოზიციური უმცირესობა  სწორედ საქართველოს მოქალაქეთა უმრავლესობას მოუწოდებს, რომ აიტაცონ მათი რუსოფობიური რიტორიკა და გვერდით დაუდგნენ, გაზარდონ პროტესტის მასშტაბები და დაამხონ ხელისუფლება. უმრავლესობა კი უმცირესობას  უბრალოდ, ეკითხება: „მერე რა იქნება?“ რაზეც არსებობს ბუნდოვანი პასუხი, რომ იქნება კოალიციური მთავრობა, რომელიც დასავლეთის კეთილგანწყობასაც დაიბრუნებს, რუსეთსაც მოერევა და ქვეყანასაც გააერთიანებს. როდესაც ეკითხებიან - „როგორ?“ ამაზე პასუხია: „მოგვეხმარეთ ხელისუფლებაში მოსვლაში და მერე გეტყვით!“ მაგრამ ხალხს მწარე გამოცდილება აქვს და კარგად ახსოვს, რომ ის „სისხლიანი 9 წელიც“ მათი ასეთი მიხმარების შედეგად დადგა. მით უმეტეს, რომ ოპოზიცია „იმ 9 წლის“ მთავარი შემოქმედის გათავისუფლებასაც კი ითხოვს“.„რატომ ვერ იზრდება პროტესტის მასშტაბები დღეს საქართველოში არა მხოლოდ ხელისუფლებაში ან მის მომხრეებში, არამედ  თვითონ ოპოზიციურ სპექტრშიც კი დაიწყო საუბრები მიზეზებზე და გამოსავლის გზების ძიება, თუ რატომ ვერ იღებს ოპოზიციური გამოსვლები მასობრივ ხასიათს, რატომ შემოიფარგლება ამ პროტესტის მასშტაბები მხოლოდ რამდენიმე ასეული, ან უკეთეს შემთხვევაში, რამდენიმე ათასი ადამიანის მიერ რუსთაველის გადაკეტვით.რამდენიმე დღის წინ გმირთა მოედანზე, სტუდენტების მიერ მორიგი ფიცის დადების დროს ამ ფიცის წამკითხველმა შუახნის მოქალაქემ ზურაბ ცეცხლაძემ გულდაწყვეტით იკითხა, რატომ ხდება,  რომ როდესაც ერთი წლის წინ 5 ათასმა სტუდენტმა ამ ადგილას ერთგულების ფიცი დადო, მათგან დღეს მხოლოდ 50 სტუდენტი გამოვიდა ამ ფიცის ერთი წლისთავის აღსანიშნავად და ახალი ფიცის დასადებადო? ამ დროს კი ჩემი 19 წლის ვაჟი ოპოზიციური აქტიურობის გამო სხვა 50 პირთან ერთად ციხეში იტანჯებაო.ოპოზიციაში კითხვების დასმა უკვე გაბედეს, მაგრამ სწორი პასუხების გაცემას ჯერ ვერავინ ბედავს. ცდილობენ ოპო-გამოსვლების მცირე მასშტაბები დააბრალონ ხელისუფლების პროპაგანდას, საქართველოში დამყარებულ „არნახულ დიქტატურას“, „რუსულ-კაგებეშნიკურ“ მართვის მეთოდებს და ა. შ.  სინამდვილეში საქმე გაცილებით რთულად არის და ჩვენ შევეცდებით ადეკვატური, ლოგიკური და სწორი (ჩვენი აზრით) პასუხი გავცეთ კითხვას, საგარეო თუ საშინაო  ძალების მობილიზაციის მიუხედავად, რატომ ვერ იძენს ოპოზიციური მოძრაობა მასობრივ და მასშტაბურ ხასიათს.დავიწყოთ იმ რეალობით, რომელსაც არასოდეს აღიარებს დღევანდელი ქართული ოპოზიცია - ხელისუფლებამ არჩევნებში გაიმარჯვა და ოპოზიცია დამარცხდა, ანუ ხელისუფლებას გაცილებით მეტი მომხრე ჰყავს, ვიდრე მოწინააღმდეგე.ამის მიუხედავად, ოპოზიციას შეეძლო განვლილ ნახევარ წელიწადში გაეზარდა მხარდამჭერთა რიცხვი, მაგრამ ის მოქმედებს 80-90-იანი ეროვნული მოძრაობის მიერ დამკვიდრებული პრაქტიკით და იმდროინდელი კლიშეებით: „ძირს რუსეთის დამპალი იმპერია!“ „რუსეთი ოკუპანტია და მასთან დალაპარაკება ქვეყნის ღალატია!“ „ვინც იტყვის, რომ რუსეთის გარდა სხვა ქვეყანას ან რომელიმე პოლიტიკურ ძალას საქართველოს ბედნიერება და სიკეთე არ უნდა, ის საქართველოს მოღალატეა!“ და ა.შ. და ა. შ. თავის დროზე ჩვენი თაობის მიერ გამოყენებულმა ზემოხსენებულმა ლოზუნგებმა დადებითი როლი შეასრულეს ეროვნულ მოძრაობაში და გარკვეულ დადებით შედეგებსაც მიაღწიეს, მაგრამ დღეს 30-35 წლის წინანდელი ტაქტიკით მოქმედება სრული ანაქრონიზმია. მით უმეტეს, რომ დღეს ამ ლოზუნგებს ეფარებიან 90-იანი წლების პარტკომები (ნათელაშვილები), კომკაშირის მდივნები (ხაზარაძეები) 9 აპრილის შემდეგ კომ.პარტიაში გაწევრიანებულები (დ.უსუფაშვილები) და სხვები, რომლებიც მაშინ ჩვენ გვებრძოდნენ.ინერციით 2000-იან წლებშიც გაგრძელდა ეროვნული მოძრაობის ერთფეროვნება და სწორხაზოვნება, რასაც დაემატა 2003 წლის ვარდების რევოლუციად წოდებული სახელმწიფო გადატრიალების წარმატებით განხორციელების ფაქტი, რამაც  დღევანდელი რევოლუციურად განწყობილი მასისთვის მარტივად დასაჯერებელი გახდა, რომ ხელისუფლების დასამხობად და ძალაუფლების ხელში ჩასაგდებად საკმარისია ანტირუსული ისტერიის გაღვივებით ხალხის „აგდება“ და  პარლამენტში შეჭრა. როდესაც ამას ვერ ახერხებენ ლიდერები, ოპო-მასას ფლუსტრაცია ეუფლება, მიზეზებს ეძებს და პასუხებს ლიდერებისგან ითხოვს.დღეს მსოფლიოში სრულიად სხვა რეალობაა, რომელიც რადიკალურად განსხვავდება მიტინგომანიისგან და ხელისუფლებების ძალადობრივი დამხობების მცდელობებისგან. ხალხს ბევრი რამ ასწავლა პრაქტიკამ: ასწავლა ის, რომ მასების ემოციების, აღქმების და გრძნობების გამძაფრებაზე დამყარებულ პოლიტიკას ხშირ შემთხვევაში მხოლოდ გაცხადებული მიზნების უკუშედეგები მოაქვს, რომ პოლიტიკოსს უფლება აქვს მხოლოდ საკუთარი თავის მსხვერპლად შეწირვაზე ისაუბროს და არა იმანიპულიროს სხვა ადამიანების ან მით უმეტეს, მთელი სახელმწიფოს მსხვერპლად შეწირვით.პრაქტიკამ,  ის ილუზიებიც წარსულს ჩააბარა, რომ ნატოს დახმარებით უკრაინა დაამარცხებდა რუსეთს, მას გამოფიტავდა, დაშლიდა და ამით ჩვენც ვიხეირებდით, რადგან რუსეთს ჩვენთვის აღარ ეცლებოდა და საქართველო გაერთიანდებოდა.მოვლენების შემდგომმა  განვითარებამ  გვაჩვენა, რომ ამ გზით წასულ უკრაინას ნატო არათუ ვერ ეხმარება სათანადოდ, არამედ ამერიკა უკრაინისგან ნატოზე უარის თქმას და ტერიტორიული დანაკარგების აღიარებასაც კი  მოითხოვს.დღეს დასავლეთისგან ათასჯერ დასანქცირებული რუსეთი ამერიკას გამარჯვებულის პოზიციიდან უთანხმებს მშვიდობის პირობებს, ხოლო დანარჩენი მსოფლიო, რომელიც ამ ომში რუსეთს განადგურებას ან სტრატეგიულ დამარცხებას უწინასწარმეტყველებდა, დღეს მასთან  მშვიდობიან მოლაპარაკებებს მიესალმება.ამ მოცემულობიდან გამომდინარე, საქართველოს მოქალაქეთა უმრავლესობამ გაიგო და გაითავისა, რომ ჩვენ არ ვართ ქვეყანა, რომელსაც რუსეთთან ომის შემთხვევაში ტერიტორიების დაბრუნების შანსი გვაქვს, პირიქით, გვაქვს საფრთხე, რომ კიდევ უფრო მეტი ტერიტორიები დავკარგოთ, როგორც ეს უკვე მოხდა 2008 წელს, ან საერთოდ გავნადგურდეთ. ხალხის უმრავლესობამ ეს გაიგო და მიხვდა, რომ პოლიტიკა არა ემოციების, არამედ რაციონალიზმის ადგილია და ყველა ემოციურ შეთავაზებას რაციონალურად აფასებს.მარგინალებად  ქცეული, ოპოზიციური უმცირესობა  სწორედ საქართველოს მოქალაქეთა უმრავლესობას მოუწოდებს, რომ აიტაცონ მათი რუსოფობიური რიტორიკა და გვერდით დაუდგნენ, გაზარდონ პროტესტის მასშტაბები და დაამხონ ხელისუფლება.უმრავლესობა კი უმცირესობას  უბრალოდ, ეკითხება: „მერე რა იქნება?“ რაზეც არსებობს ბუნდოვანი პასუხი, რომ იქნება კოალიციური მთავრობა, რომელიც დასავლეთის კეთილგანწყობასაც დაიბრუნებს, რუსეთსაც მოერევა და ქვეყანასაც გააერთიანებს. როდესაც ეკითხებიან - „როგორ?“ ამაზე პასუხია: „მოგვეხმარეთ ხელისუფლებაში მოსვლაში და მერე გეტყვით!“ მაგრამ ხალხს მწარე გამოცდილება აქვს და კარგად ახსოვს, რომ ის „სისხლიანი 9 წელიც“ მათი ასეთი მიხმარების შედეგად დადგა. მით უმეტეს, რომ ოპოზიცია „იმ 9 წლის“ მთავარი შემოქმედის გათავისუფლებასაც კი ითხოვს.ამიტომ არა აქვს პერსპექტივა ოპოზიციური გამოსვლების მასშტაბების გაზრდას და რაც მალე მიხვდება ამას ოპოზიცია და ხელს აიღებს ერთი ადგილის ტკეპნისაგან, მით მალე გაჯანსაღდება პოლიტიკური მდგომარეობა საქართველოში. ხოლო თუ ამის გაგების უნარი არ ექნება დღევანდელ ოპოზიციას, ის პოლიტიკურ ჭაობში ჩარჩება და პოლიტიკური ცხოვრების გაჯანსაღებაში ახალი ოპოზიცია მიიღებს მონაწილეობას.“- წერს ნანა კაკაბაძე.

ომი უკრაინაში • 1745044839

უკრაინაში დაღუპული რუსი სამხედრო მოსამსახურეთა რიცხვი 940 000-ე გაიზარდა

უკრაინის შეიარაღებული ძალების ინფორმაციით, დაღუპული რუსი სამხედრო მოსამსახურეთა რიცხვმა 940 150-ს მიაღწია.ბოლო 24 საათის განმავლობაში, უკრაინის მხრიდან 1180 რუსი ოკუპანტის ლიკვიდაცია მოხდა.ბოლო ინფორმაციით, უკრაინის მხრიდან განადგურებულია ოკუპანტების 10 676 ტანკი, 22 266 საბრძოლო ბრონირებული მანქანა, 26 600 საარტილერიო სისტემა და სხვა.

პოლიტიკა • 1744979641

არ არის აუცილებელი ყოველდღე რუსთაველის გამზირზე ყოფნა, მაგრამ ეს ყველაფერი თუ გესმის, საკუთარ რაღაცნაირ გრაფიკს შეადგენ - ზურაბ ჯაფარიძე

დღეს ყველაფერი რუსთაველის პროტესტზე დგას. ის, რომ ჩვენ არ ვაღიარებთ 26 ოქტომბრის არჩევნების ცესკო-ს მიერ დაწერილ შედეგებს, გარედან ეს ჩანს მხოლოდ რუსთაველზე პროტესტში, – ამის შესახებ „კოალიცია ცვლილებებისთვის“ ერთ-ერთი ლიდერი ზურაბ ჯაფარიძე სოციალურ ქსელში წერს.მისი თქმით, არ არის აუცილებელი ყოველდღე რუსთაველის გამზირზე ყოფნა და ეს ვისაც ესმის, „რაღაცნაირ გრაფიკს“ შეადგენს.„გელა მთხოვდა დამეწერა, რატომ არის მნიშვნელოვანი რუსთაველზე ყოველსაღამოური პროტესტის შენარჩუნება, კაი ხანია, მე ვიკიდებდი, რადგან, შეიძლება შეცდომით, მაგრამ მაინც მაქვს განცდა, ვისაც ეს არ ესმის ან ესმის, მაგრამ ვერ ახერხებს, დამატებით ახსნასაც დიდი აზრი არ აქვს, რადგან გელა ჩასვეს 12 დღით. გალიდან რუსებს გამოქცეულ ადამიანს, რომელსაც არაფერი დაუშავებია, „კაპეზეზე“ ახვედრებენ აღდგომას ეს მართლა უსისხლო ნაბიჭვრები, ამ სურვილს მაინც შევუსრულებ. რუსთაველის პროტესტზე დგას დღეს ყველაფერი – ის, რომ ჩვენ არ ვაღიარებთ 26 ოქტომბრის არჩევნების ცესკო-ს მიერ დაწერილ შედეგებს, გარედან ეს ჩანს მხოლოდ რუსთაველზე პროტესტში.ის, რომ ჩვენ ვითხოვთ ახალ არჩევნებს, ეს ჩანს მხოლოდ რუსთაველზე პროტესტში; ის, რომ ჩვენ ვერ შეგვაშინა ადამიანების წამებამ, დაპატიმრებამ, ცილისწამებამ, უსამართლობამ, ფორმიანი თუ უფორმო „ტიტუშკების“ თარეშმა, ეს ჩანს მხოლოდ რუსთაველზე პროტესტში; ის, რომ ახალ-ახალი რეპრესიული „კანონები“, რომლებსაც „იღებს“ რეჟიმი, ვერ ტეხს წინააღმდეგობის სულისკვეთებას, ეს ჩანს მხოლოდ რუსთაველზე პროტესტში; ის, რომ ჩვენ ისევ ვიბრძვით, რათა საქართველო გახდეს დასავლური სტრუქტურების თანასწორი წევრი, თანმდევი უსაფრთხოებითა და კეთილდღეობის დონით, ეს ჩანს რუსთაველზე პროტესტში; ის, რომ 12-წლიანმა რუსულმა ჰიბრიდულმა ომმა ვერ გაგვტეხა, ვერ შეგვაყვარა ოკუპანტი, ვერ აგვირია თავგზა და ისევ გვესმის, სადაა სიკეთე და სად – ბოროტება, ეს ჩანს რუსთაველზე პროტესტში; ის, რომ მომავალთან მიმართებაში ასეთ სრულ გაურკვევლობაშიც კი, არჩევნებიდან 6 თვის შემდეგ ვერავინ ბედავს ღიად ტრ..ის თამაშს და რუსული რეჟიმისთვის ლეგიტიმაციის მიცემას, არის რუსთაველზე პროტესტის დამსახურება; ის, რომ გარედან არ მოდის რეჟიმის აღიარებების კასკადი და ივანიშვილის „შნირებს“ უწევთ აქეთ-იქეთ წოწიალი, ოღონდ ვინმემ სადმე ხელი ჩამოართვას, არის რუსთაველზე პროტესტის დამსახურება; ის, რომ სანქციები არათუ არ წყდება, არამედ სულ უფრო მეტი ქვეყანა ერთვება ამ პროცესში, არის რუსთაველზე პროტესტის დამსახურება; ის, რომ ზოგადად პროტესტი არ ჩაკვდა, რასაც ძალიან სწრაფი ტემპით მოჰყვება სამოქალაქო სექტორის, კრიტიკული მედიის, ოპოზიციური პოლიტიკური ძალების განეიტრალება, გაცილებით მეტი ძალადობა და გაცილებით მეტი დაკავებები, არის რუსთაველზე პროტესტის დამსახურება. ამიტომ ვფიქრობ, რომ ყველაფერი დგას იმ ხალხზე, ვინც საღამოობით დგას რუსთაველზე.არ არის აუცილებელი ყოველდღე იქ ყოფნა, მაგრამ ეს ყველაფერი თუ გესმის, საკუთარ რაღაცნაირ გრაფიკს შეადგენ. ეს თუ მოახერხა ასობით ადამიანმა, მოახერხებს ათასიც და ათობით ათასიც. დეკემბრის დასაწყისში, დილის 06:00-სკენ რომ იწყებდნენ ხოლმე დარბევას და მსვლელობით გავდიოდით რუსთაველიდან, ათასობით ვყვიროდით – ბოლომდე. ეს „ბოლომდე!“ იყო ყველანაირი დათქმების გარეშე (ასე თუ მოხდება, ისე თუ მოხდება). ჰოდა, ჯერ არ გავსულვართ ბოლოში ბოლომდე“, – წერს ჯაფარიძე.

პოლიტიკა • 1744898520

ნინო წილოსანი: ადამიანი, რომელიც ყოველთვიურად ფინანსდება რუსეთიდან, არ შეიძლება აკეთებდეს ანტირუსულ საქმეს

ადამიანი, რომელიც ყოველთვიურად ფინანსდება რუსეთიდან, არ შეიძლება აკეთებდეს ანტირუსულ საქმეს, - განაცხადა „დღის ქრონიკაში“ პარლამენტის თავმჯდომარის მოადგილე ნინო წილოსანმა.უმრავლესობის წევრი გამოეხმაურა „ქრონიკის“ ინფორმაციას, რომლის მიხედვითაც ელენე ხოშტარიას ოჯახს რუსეთიდან აპრილში 250 ათას დოლარამდე ჩაერიცხა.წილოსანის თქმით, მაშინ, როდესაც ხოშტარია ფაქტობრივად რუსულ ფულზე ზის, მას ჰყოფნის თავხედობა, რომ ვინმეს რუსი ან პრორუსი უწოდოს.„ელენე ხოშტარიას რომ გაეზარდა დაფინანსება, რა თქმა უნდა, ალბათ არავის გვიკვირს, რადგან ის ზუსტადაც რომ ოკუპანტის საქმეს აკეთებს. ამ ქვეყანას უთხრის ძირს და ფაქტობრივად მუდმივი რევოლუციური პროცესების რეჟიმში ჰყავს. ელენე ხოშტარიას როდესაც ეკეტება სხვადასხვა დაფინანსების წყაროები, რომელიც ჩვენთვის აქამდე ცნობილი იყო, მას რჩება მუდმივი დაფინანსების წყარო რუსეთიდან და, რა თქმა უნდა, საკითხავიც აღარ არის ალბათ, რისთვის ჯილდოვდება ეს ადამიანი ყოველთვიურად და განსაკუთრებით გაზრდილი ჰონორარით. მისი აქტივობა ალბათ ყველასთვის ცნობილია და შესაძლოა ეს პირდაპირ პროპორციული იყოს იმასთან, რასაც ის აკეთებს აქ. ამიტომ, რა თქმა უნდა, ამ ადამიანის მორალურ მხარეზეც აღარ ვსაუბრობ, როდესაც ის იკვებება რუსეთიდან და ფაქტობრივად რუსულ ფულზე ზის. ამის შემდგომ ყოფნის თავხედობა, რომ ვინმეს უწოდებს რუსს ან პრორუსს. თავისთავად, აქ უკვე მისი აღარც როგორც პოლიტიკოსის, არამედ უბრალოდ როგორც ადამიანის მორალიც ცნობილია, მაგრამ ფაქტია, რომ ამას ყოველ ჯერზე სათანადო შეფასება უნდა მიეცეს. ადამიანი, რომელიც ყოველთვიურად ფინანსდება რუსეთიდან, არ შეიძლება აკეთებდეს ანტირუსულ საქმეს. თან ვიცით მათივე წარმოდგენით როგორი ქვეყანა არის რუსეთი და როდესაც რუსეთი მას გარკვეულწილად არ ასანქცირებს, თუ არ უწყვეტს ამ დაფინანსებას, რა თქმა უნდა, ისმის კითხვა, რისთვის უხდის ამ ფინანსურ მადლობას რუსეთი ელენე ხოშტარიას“, - აღნიშნა წილოსანმა.

პოლიტიკა • 1744707876

მამუკა მდინარაძე რუსეთთან დიპლომატიური ურთიერთობების შესაძლო აღდგენაზე: ვიდრე საქართველოს ტერიტორიები არის ოკუპირებული, მსგავს საკითხებზე ჩვენი მხრიდან პოზიტიური პასუხი ვერ იქნება

 ვიდრე საქართველოს ტერიტორიები არის ოკუპირებული, მსგავს საკითხებზე ჩვენი მხრიდან პოზიტიური პასუხი ვერ იქნება, - ასე უპასუხა საპარლამენტო უმრავლესობის ლიდერმა, მამუკა მდინარაძემ, ჟურნალისტის შეკითხვას რუსეთთან დიპლომატიური ურთიერთობების აღდგენის თაობაზე.  როგორც მან აღნიშნა, თუ ოკუპანტი მსგავს საკითხებზე დაიწყებს საქართველოსთვის პოზიტიურ კონტექსტში საუბარს, შემდეგ შეიძლება ყველაფერზე ლაპარაკი, მაგრამ ვიდრე საქართველოს ტერიტორიების ოკუპაციას ახორციელებს, ასეთი სუბიექტი და ოკუპანტი ქვეყანა დიპლომატიური ურთიერთობის აღდგენაზე დადებით პასუხს ვერ მიიღებს. „ვიდრე საქართველოს ტერიტორიები არის ოკუპირებული მსგავს საკითხებზე ჩვენი მხრიდან პოზიტიური პასუხი ვერ იქნება, მაგრამ როდესაც ოკუპანტი ამ საკითხზე დაიწყებს საქართველოსთვის პოზიტიურ კონტექსტში საუბარს, მერე ვილაპარაკოთ ყველაფერზე, მაგრამ ვიდრე საქართველოს ტერიტორიების ოკუპაციას ახორციელებს, ასეთი სუბიექტი და ოკუპანტი ქვეყანა და მხარე, დიპლომატიური ურთიერთობის აღდგენაზე ჩვენი მხრიდან დადებით პასუხს ვერ მიიღებს“, - განაცხადა მამუკა მდინარაძემ.

პოლიტიკა • 1744611301

დიახ, დღეს უფრო მეტი ვაჟკაცი, ქართველი ბიჭი იქნებოდა ცოცხალი, საკუთარ ოჯახებში და საკუთარ შვილებთან, ვიდრე სააკაშვილის ღალატისა და რუსული ოკუპაციის ხელშეწყობის შემდეგაა! - ზურაბ ქადაგიძე

„კომისიას ვერ აშავებენ და წულუკიანს ერჩიან, მოგონილი ბრალდებით - სააკაშვილმა აგვისტოს გმირები საკუთარ პიარს შესწირა, როგორ თქვაო?!“, - წერს სოციალურ ქსელში „ხალხის ძალის“ წევრი ზურაბ ქადაგიძე.მისი თქმით, ფაქტია, რომ დღეს უფრო მეტი ვაჟკაცი, ქართველი ბიჭი იქნებოდა ცოცხალი, საკუთარ ოჯახებში და საკუთარ შვილებთან, ვიდრე სააკაშვილის ღალატისა და რუსული ოკუპაციის ხელშეწყობის შემდეგაა.„ქართული ექსტრემიზმი, ყველა „ბედნიერებასთან“ ერთად, ჭკუასუსტობით გამოირჩევა და პრიმიტიული ლოგიკით მოქმედებს:რუსეთი ოკუპანტია და ეს ფაქტი ყველა ბრალდებას აბათილებს, თუნდაც სააკაშვილის მთავრობას ეღალატა სახელმწიფო ინტერესებისთვის;მერე რა, თუ რეზერვისტები საზეიმო კორიდორისთვის ესაჭიროებოდა...მერე რა, თუ ტრიბუნა და დროშები მიჰქონდა ცხინვალში, საკვების, ტყვია-წამლისა და იარაღით მომარაგების მაგივრად...მერე რა, თუ მოსახლეობის ევაკუაცია არ გამოაცხადა და ხალხი გაწირა...მთავარია, რუსეთია ოკუპანტი!სინამდვილეში, 2008 წლის აგვისტოს ომი და ქართველი ხალხის უბედურება, ყველამ საკუთარი საქმისთვის გამოიყენა:საქართველოდან გასული რუსული ჯარი უფრო მასშტაბურად შემოვიდა საქართველოში...ამერიკის პრეზიდენტობის კანდიდატმა მაკკეინმა მთელი თავისი საპრეზიდენტო კამპანია რუსულ ოკუპაციაზე ააწყო...სააკაშვილმა 7 ნოემბრისას დაზიანებული რეპუტაციის აღდგენა სცადა და რუსთაველზე, „მიშა-მიშა“ აძახებინა ხალხს...მხოლოდ მოსახლეობა, გაუბედურებული ოჯახები და სამაჩაბლოს ძირძველი ტერიტორიები დარჩა უსაშველოდ მიტოვებული!დიახ, სააკაშვილმა ამერიკელ „ნეოკონებთან“ შეთანხმებითა და კრემლთან სტრატეგიული მოკავშირეობით, სახელმწიფო ღალატი ჩაიდინა და ამისათვის სამაგალითოდ უნდა დაისაჯოს!P.S. იმ იდიოტურ არგუმენტზე, რომ რუსეთი მაინც აპირებდა ოკუპაციას, უფრო პრიმიტიული პასუხით აგიხსნით რეალობას - დღეს რომ სოხუმისკენ ქართული ჯარი დაიძრას, საყოველთაო მობილიზაცია არ გამოცხადდეს, ტყვია-წამლისა და პირველადი დახმარების ნაცვლად ტრიბუნა და დროშები წაიღოს რეზერვმა, [რის ფონზეც] რუსები უფრო მეტი ტერიტორიების ოკუპაციას მოახდენენ - ეს ვისი პასუხისმგებლობა იქნება?დიახ, 2008 წლის აგვისტოს ომი სააკაშვილისა და „ნეოკონების“ ერთობლივი ავანტიურა იყო, სადაც კრემლმა იმაზე მეტი მიიღო, ვიდრე ოდესმე!დიახ, დღეს უფრო მეტი ვაჟკაცი, ქართველი ბიჭი იქნებოდა ცოცხალი, საკუთარ ოჯახებში და საკუთარ შვილებთან, ვიდრე სააკაშვილის ღალატისა და რუსული ოკუპაციის ხელშეწყობის შემდეგაა!“ - წერს ზურაბ ქადაგიძე.

პოლიტიკა • 1744228581

„ის პარალელი, რომელიც გაავლო ირაკლი კობახიძემ, ერთი მხრივ, ასახავს უშველებელ ტრაგედიას და, მეორე მხრივ, არის სამართლიანი - მისი შეფასება არის სამართლიანი“ - გიორგი ვოლსკი

პარლამენტის პირველი ვიცე-სპიკერი, გიორგი ვოლსკი "ღამის კურიერის" ეთერში ოპონენტების კრიტიკას პასუხობს. საუბარია განცხადებაზე, სადაც ხელისუფლების ოპონენტებმა დღეს უკმაყოფილება გამოხატეს, იმასთან დაკავშირებით, რომ სოციალურ ქსელში, 9 აპრილთან დაკავშირებით, პრემიერ-მინისტრის მიერ გავრცელებულ განცხადებაში არ იყო ნახსენები რუსეთი, როგორც ოკუპანტი ქვეყანა.ვოლსკის თქმით, კობახიძის შეფასება სამართლიანი იყო. ამასთან, მისივე თქმით, რუსეთის ხსენებისგან თავს არავინ იკავებს."ოპონენტების მხრიდან მწვავე კრიტიკას აზრი დაეკარგა ბევრი სხვადასხვა მიზეზის გამო, მაგრამ, ამ შემთხვევაში, მათი გაწიწმატება გამოიწვია ზუსტმა შეფასებამ, დასკვნამ, რაც ირაკლი კობახიძემ მოკლე ფრაზაში ჩადო. ჯერ ერთი, რუსეთი იმ პერიოდში არ იყო, საბჭოთა კავშირი, საბჭოთა ჯარი იყო და, როცა რუსეთზეა ლაპარაკი ან ოკუპაციის თემაზე ან 2008 წლის აგვისტოს თემაზე, არც არავინ იკავებს თავს და ვერც შეიკავებ, რეალობა ასეთია. აქცენტი იყო გაკეთებული იმაზე, რომ უცხო ძალასა და რესურსზე, რომელსაც დღეს ჩვენი ოპონენტები იყენებენ, იმისთვის, რომ პოლიტიკური ცხოვრების ზედაპირზე დარჩნენ.ის პარალელი, რომელიც გაავლო ირაკლი კობახიძემ, ერთი მხრივ, არის უშველებელი ტრაგედია და, მეორე მხრივ, არის სამართლიანი. შეფასება არის სამართლიანი," - აღნიშნა ვოლსკიმ.

პოლიტიკა • 1744199373

არჩილ გორდულაძე: „ფაქტჩექერები“, თუ სხვადასხვა ე.წ მონიტორინგის მწარმოებელი ორგანიზაციები ცდილობენ, რომ ჩვენს ქვეყანაში არსებული რეალობა და სიმართლე რაც არის, დამალონ და დაუმალონ ქართველ ხალხს - ზუსტად იგივე შემთხვევა არის ახლაც, მამუკა მდინარაძესთან დაკავშირებით

 პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ, ჟურნალისტებთან „ ფაქტ ჩეკერებზე“ და მამუკა მდინარაძის გაკეთებულ განცხადებასთან დაკავშირებულ ტყუილზე ისაუბრა.  გორდულაძის თქმით, აშშ-ს წინა ადმინისტრაცია აღნიშნულ ე.წ ფაქთჩეკერებს იყენებდა თავისუფალი აზრის გავრცელების ხელშესაშლელად და დღესაც, სწორედ, მსგავსი „ფაქტ ჩეკერები“ ცდილობენ ჩვენს ქვეყანაში არსებული რეალობის დამალვას.  „ჩვენ გავიხსენოთ ფეისბუქის, მეტას დამფუძნებლის მიერ მიღებული გადაწყვეტილება, რომ ე.წ ფაქთჩეკერები გაუქმდა. რომელთან დაკავშირებითაც თქვა, რომ აშშ-ს წინა ადმინისტრაცია მავალდებულებდაო (ავალდებულებდა მეტას), რომ ამ ფაქტჩეკერების მეშვეობით თავისუფალი აზრის გავრცელებისთვის ხელი შეეშალა. პირდაპირ ჩაეხშოთ განსხვავებული აზრი, ზუსტად ასეთივე ე.წ ფაქტ ჩექერები თუ სხვადასხვა ე.წ მონიტორინგის მწარმოებელი ორგანიზაციები ცდილობენ ხოლმე, რომ ჩვენს ქვეყანაში არსებული რეალობა რაც არის და სიმართლე, დამალონ და დაუმალონ ქართველ ხალხს და ზუსტად იგივე შემთხვევა არის ახლაც, რაც ბატონ მამუკა მდინარაძესთან დაკავშირებით გაკეთდა,“- განაცხადა არჩილ გორდულაძემ.  გორდულაძის თქმით, ოპოზიციის წარმომადგენლები ბედავენ და საუბრობენ, რომ თურმე რა პრობლემაა, დიახ გაუცია მიხეილ სააკაშვილს ასეთი ბრძანება და მამუკა მდინარაძემ ამის შესახებ საზოგადოებას რომ ამცნო, რომ საგამოძიებო კომისიაზე გახდა ეს ყველაფერი ცნობილი, თურმე ტყუილიაო. „ადამიანი ამბობს, რომ საგამოძიებო კომისიაზე გაჟღერდა, სადაც ცნობილი გახდა ქართული საზოგადოებისთვის, მათ შორის იმ ახალგაზრდებისთვის, რომლებიც ახლა საუბრობენ რომ იცით მე რამდენი წლის ვიყავი 2012, 2008 წელსო, როდესაც შეუძლიათ ამ ადამიანებს ნახონ, რომ მიხეილ სააკაშვილმა გასცა ბრძანება ცეცხლის განხსნასთან დაკავშირებით, თურმე ეს ყველაფერი ყოფილა სიცრუე და სიცრუე იმიტომ არის, რომ ეს ყველაფერი ისედაც ვიცოდითო. პრობლემა იმაში კი არ არის, რომ მაშინდელმა მთავარსარდალმა გასცა ბრძანება საომარი მოქმედებების დაწყების თაობაზე, არ გააფრთხილა ადგილობრივი მოსახლეობა, მათ შორის საომარი მოქმედებების მიმდინარეობის დროსაც კი არ გამოიყვანა ხალხი, მიატოვეს პირდაპირ ეს ადამიანები ოკუპანტის წინაშე და ამავდროულად, როდესაც ომი დამთავრდა დაკარგულ ტერიტორიებს ქვების გროვა უწოდეს, შემდეგ 1633 რეზოლუციას მხარი დაუჭირეს და ჩვენს მეომრებსა და ჯარისკაცებს დააბრალეს ომის დანაშაული, რომელიც ისევ და ისევ „ქართული ოცნების“ გუნდმა დაიცვა, როგორც ჰააგაში, ისე სტრასბურგში და ახლა ბედავენ და საუბრობენ, რომ თურმე რა პრობლემაა დიახ გაუცია მიხეილ სააკაშვილს ასეთი ბრძანება და მამუკა მდინარაძემ ამის შესახებ საზოგადოებას რომ ამცნო, რომ საგამოძიებო კომისიაზე გახდა ეს ყველაფერი ცნობილი, თურმე ტყუილიაო. ერთმანეთისგან აბსოლუტურად საწინააღმდეგო განცხადებებს აკეთებენ, საწინააღმდეგო საფუძვლები აქვთ, მაგრამ მერე ცდილობენ, რომ სათაური გამოიტანონ და სამწუხაროდ, აქვთ მოლოდინი, რომ საზოგადოებამ მხოლოდ და მხოლოდ მათი პოსტების, თუ გავრცელებული ინფორმაციის სათაურს წაიკითხავს და აღარ შევა თვითონ სტატიის სიღრმეში. ამას ცდილობენ, ეს არის კლასიკური შემთხვევა როგორ უნდა იმოქმედოს პროპაგანდამ, რომელიც ასე დამახასიათებელი იყო ნაცისტური გერმანიისათვის და ბოლშევიკური, საბჭოთა რუსეთისთვის. ნაცისტების და ბოლშევიკების „კარგ გამოცდილებას“ ეს ადამიანები ცდილობენ , რომ პრაქტიკაშიც გამოიყენონ,“- განაცხადა არჩილ გორდულაძემ.

პოლიტიკა • 1744195818

გური სულთანიშვილი: 9 აპრილს მთავარი იყო, ჩვენი ბრძოლა სუვერენიტეტისათვის, დამოუკიდებლობისათვის - დღეს ვინც ამბობთ, ევროპა თუ გვეტყვის ცალ ფეხზე უნდა ვიდგეთო, ეგაა კომპრადორული ელიტა, ეგაა 9 აპრილს რუსის მხარეს მყოფი ქართველი!

 9 აპრილს მთავარი იყო, ჩვენი ბრძოლა სუვერენიტეტისათვის! დამოუკიდებლობისათვის, - წერს ფილოსოფოსი გური სულთანიშვილი, სოციალურ ქსელში.  მისი განცხადებით, დღეს სუვერენიტეტს ხელს უშლიან გარკვეული ევრობიუროკრატიული ორგანოები, "დიფ სტეიტი" და განსაკუთრებით აშშ-ის წინა ადმინისტრაცია, რომელთაც სურდათ საქართველოს ომში ჩართვა და ამით სახელმწიფოს წამიერ ინსტრუმენტად ქცევა შეიარაღებით 100-ჯერ ძლიერ ქვეყანასთან.  სულთანიშვილის თქმით, საქართველო არ აჰყვა შანტაჟის არანაირ ფორმას და შემოტევებს და სწორედ ესაა სუვერენიტეტი.  "9 აპრილზე და უსამშობლოებზე - ცოტა ვრცელი პოსტი. შესავალი დებილებისთვის: რუსეთი ოკუპანტია . ისტორიას რომ დროში კითხვა სჭირდება, ეს არახალია. ამას ჰერმენევტიკული კითხვაც ჰქვია, მაგალითად, მეფე ერეკლეს რომ რუსეთუმედ წარმოაჩენ, შუშანიკს ფემინისტად და დავით აღმაშენებელს ლიბერტარიანელად, "ნაცი" კი არა, დებილი "ნაცი" ხარ.. ეს "ლიბერნაცები" ადრე ამბობდნენ, ილიას ამერიკა უყვარდა და ევროპას აკრიტიკებდაო, კი ეგრე იყო, თუმცა იმ პერიოდის ევროპა იყო ის, რაც ახლაა ამერიკა. ილია მილიტარიზაციას აკრიტიკებდა და დღეს ალბათ სულ სხვა შეხედულება ექნებოდა ამერიკაზე.  ეს შესავალი იმისთვის დამჭირდა, რომ ამეხსნა ერთი რამ, 9 აპრილს მთავარი იყო, ჩვენი ბრძოლა სუვერენიტეტისათვის! დამოუკიდებლობისათვის..  დღეს ამ სუვერენიტეტს ხელს უშლიან გარკვეული ევრობიუროკრატიული ორგანოები, "დიფ სტეიტი" და განსაკუთრებით წინა ადმინისტრაცია... მათ სურდათ ჩავრთულიყავით ომში, ვყოფილიყავით ინსტრუმენტი, თანაც წამიერი. შეიარაღებით ჩვენზე 100 ჯერ ძლიერ ქვეყანა/მეზობელთან, სადაც არც არავინ დაგვიცავდა, უარეს შემთხვევაში ახალი ადმინისტრაცია დაგვაკაჩავებდა, რატომ დაიწყეთ ომიო.  ასევე დაგვიპირისპირდა ევრობიუროკრატია, სრულად უსამართლოდ, დააფინანსეს არეულობები, ტრენინგები, მოლოტოვის სროლის პრაქტიკები და ა.შ. გვიტევდნენ ყველანაირად და რაც მთავარია, გვეუბნებოდნენ რა კანონი მიგვეღო და რა არა, ეს პატარა საქართველო არ აჰყვა შანტაჟის ამ ფორმას, ესაა ზუსტად სუვერენიტეტი.  დღეს ვინ ამბობთ, რომ ევროპა თუ გვეტყვის ცალ ფეხზე უნდა ვიდგეთო, ეგაა კომპრადორული ელიტა, ეგაა 9 აპრილს რუსის მხარეს მყოფი ქართველი!" - წერს გური სულთანიშვილი

პოლიტიკა • 1743667936

დიმიტრი ხუნდაძე: ჩვენ ვიცით, ვინ დაიწყო უშუალოდ ომი (2008 წელს) და ვიცით უკვე ისიც, თუ ვინ მიიყვანა ამ ომამდე საქმე, მაგრამ არ ვიცით კიდევ უფრო მთავარი ფაქტორი - კიდევ ვის აწყობდა ეს ომი

„მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით," - წერს სოციალურ ქსელში „ხალხის ძალის“ გენერალური მდივანი დიმიტრი ხუნდაძე და ხაზგასმით აღნიშნავს, რომ 2008 წლის ომის შესახებ მსოფლიო ლიდერების განცხადებების ფონზე, პარლამენტის საგამოძიებო კომისიის მუშაობა ომის გამომწვევი მიზეზების დადგენის კუთხით, კიდევ უფრო მეტ მნიშვნელობასა იძენს.„დონალდ ტრამპმა ცოტა ხნის წინ, მის წინამორბედ პრეზიდენტებზე საუბრისას განაცხადა ერთი მნიშვნელოვანი ფრაზა: „ბუშის დროს რუსეთმა მიიღო საქართველო”…რას ნიშნავს ეს სიტყვები? ამაზე ამ დღეებში, პარლამენტის დროებითი საგამოძიებო კომისიის მუშაობის დროს კიდევ უფრო მეტად არის დასაფიქრებელი. ტრამპი საუბრობდა ამერიკის ყოფილი პრეზიდენტების შეცდომებზე თუ კიდევ სხვა ქმედებებზე? რატომ „მიიღო” რუსეთმა საქართველო მაშინ, როდესაც ჩვენ გვყავდა უძლიერესი სტრატეგიული მეგობარი ამერიკის სახით, რომელიც სრულად მართავდა პროცესებს საქართველოში სააკაშვილის ხელით? რატომ ვერ მოხდა აგვისტოს ომის პრევენცია მაშინ, როდესაც ქართულ ჯარს და ყველა სტრატეგიულ ობიექტს უცხოელი სპეციალისტები აკონტროლებდნენ? მათ ხელში იყო დაზვერვა და ყველანაირი ინფორმაცია რუსეთიდან მომდინარე საფრთხის შესახებ. მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით. ამაზე მეტყველებს თუნდაც ომის შემდეგ მალევე, ევროკავშირის და ამერიკის მხრიდან ამ თემის მიჩქმალვა. გვესმოდა მხოლოდ „აღშფოთებული” განცხადებები. ასევე, აგვისტოს ომის შემდეგ დასავლეთმა რუსეთთან კიდევ უფრო გააფართოვა ეკონომიკური და პოლიტიკური თანამშრომლობა. დღეს, თანამედროვე გეოპოლიტიკური პროცესებიდან გამომდინარე, მითუმეტეს, უკრაინის ომის ფონზე, აგვისტოს ომის შესახებ კითხვები ბევრად უფრო მეტია, ვიდრე წლების წინ იყო. უკრაინელი ხალხი აუცილებლად გაიგებს, რა მოხდა სამი წლის წინ, ვინ გაყიდა მათი ქვეყანა და რას შეეწირა ათასობით უდანაშაულო უკრაინელი? ქართველი ხალხიც ღირსია იცოდეს, რა მოხდა მაშინ საქართველოში? ეს გვჭირდება არა მხოლოდ ნაცმოძრაობის დასასჯელად, არამედ, იმის გასარკვევად, ვიცოდეთ, გარე ძალებთან მიმართებით ვის როგორ ვუფრთხილდეთ? რუსეთი რომ ოკუპანტია, ეს ვიცით, მაგრამ ჩვენი სტრატეგიული მეგობრები სხვისი “სტრატეგიული მეგობრებიც” იყვნენ მაშინ? რა მოხდა აგვისტოს ომში, ეს ყველაფერი იცის „ვივამედის“ ლუქს პალატაში მოთავსებულმა მაშინდელმა პრეზიდენტმა და კეთილი ინებოს, ხმა ამოიღოს, სანამ ამერიკის ახლანდელი პრეზიდენტი, უკრაინის ომის მსგავსად, აგვისტოს ომის ბურუსით დაფარულ მოვლენებსაც ახდის ფარდას. ჩვენ ვიცით, ვინ დაიწყო უშუალოდ ომი და ვიცით უკვე ისიც, თუ ვინ მიიყვანა ამ ომამდე საქმე, მაგრამ არ ვიცით კიდევ უფრო მთავარი ფაქტორი - კიდევ ვის აწყობდა ეს ომი რუსეთის გარდა საქართველოში და რა გარიგება შედგა მაშინ?" - წერს დიმიტრი ხუნდაძე.„მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით," - წერს სოციალურ ქსელში „ხალხის ძალის“ გენერალური მდივანი დიმიტრი ხუნდაძე და ხაზგასმით აღნიშნავს, რომ 2008 წლის ომის შესახებ მსოფლიო ლიდერების განცხადებების ფონზე, პარლამენტის საგამოძიებო კომისიის მუშაობა ომის გამომწვევი მიზეზების დადგენის კუთხით, კიდევ უფრო მეტ მნიშვნელობასა იძენს.„დონალდ ტრამპმა ცოტა ხნის წინ, მის წინამორბედ პრეზიდენტებზე საუბრისას განაცხადა ერთი მნიშვნელოვანი ფრაზა: „ბუშის დროს რუსეთმა მიიღო საქართველო”…რას ნიშნავს ეს სიტყვები?ამაზე ამ დღეებში, პარლამენტის დროებითი საგამოძიებო კომისიის მუშაობის დროს კიდევ უფრო მეტად არის დასაფიქრებელი. ტრამპი საუბრობდა ამერიკის ყოფილი პრეზიდენტების შეცდომებზე თუ კიდევ სხვა ქმედებებზე? რატომ „მიიღო” რუსეთმა საქართველო მაშინ, როდესაც ჩვენ გვყავდა უძლიერესი სტრატეგიული მეგობარი ამერიკის სახით, რომელიც სრულად მართავდა პროცესებს საქართველოში სააკაშვილის ხელით? რატომ ვერ მოხდა აგვისტოს ომის პრევენცია მაშინ, როდესაც ქართულ ჯარს და ყველა სტრატეგიულ ობიექტს უცხოელი სპეციალისტები აკონტროლებდნენ? მათ ხელში იყო დაზვერვა და ყველანაირი ინფორმაცია რუსეთიდან მომდინარე საფრთხის შესახებ.მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით. ამაზე მეტყველებს თუნდაც ომის შემდეგ მალევე, ევროკავშირის და ამერიკის მხრიდან ამ თემის მიჩქმალვა. გვესმოდა მხოლოდ „აღშფოთებული” განცხადებები. ასევე, აგვისტოს ომის შემდეგ დასავლეთმა რუსეთთან კიდევ უფრო გააფართოვა ეკონომიკური და პოლიტიკური თანამშრომლობა. დღეს, თანამედროვე გეოპოლიტიკური პროცესებიდან გამომდინარე, მითუმეტეს, უკრაინის ომის ფონზე, აგვისტოს ომის შესახებ კითხვები ბევრად უფრო მეტია, ვიდრე წლების წინ იყო. უკრაინელი ხალხი აუცილებლად გაიგებს, რა მოხდა სამი წლის წინ, ვინ გაყიდა მათი ქვეყანა და რას შეეწირა ათასობით უდანაშაულო უკრაინელი? ქართველი ხალხიც ღირსია იცოდეს, რა მოხდა მაშინ საქართველოში? ეს გვჭირდება არა მხოლოდ ნაცმოძრაობის დასასჯელად, არამედ, იმის გასარკვევად, ვიცოდეთ, გარე ძალებთან მიმართებით ვის როგორ ვუფრთხილდეთ?რუსეთი რომ ოკუპანტია, ეს ვიცით, მაგრამ ჩვენი სტრატეგიული მეგობრები სხვისი “სტრატეგიული მეგობრებიც” იყვნენ მაშინ? რა მოხდა აგვისტოს ომში, ეს ყველაფერი იცის „ვივამედის“ ლუქს პალატაში მოთავსებულმა მაშინდელმა პრეზიდენტმა და კეთილი ინებოს, ხმა ამოიღოს, სანამ ამერიკის ახლანდელი პრეზიდენტი, უკრაინის ომის მსგავსად, აგვისტოს ომის ბურუსით დაფარულ მოვლენებსაც ახდის ფარდას. ჩვენ ვიცით, ვინ დაიწყო უშუალოდ ომი და ვიცით უკვე ისიც, თუ ვინ მიიყვანა ამ ომამდე საქმე, მაგრამ არ ვიცით კიდევ უფრო მთავარი ფაქტორი - კიდევ ვის აწყობდა ეს ომი რუსეთის გარდა საქართველოში და რა გარიგება შედგა მაშინ?" - წერს დიმიტრი ხუნდაძე.

პოლიტიკა • 1743574935

საპარლამენტო საგამოძიებო კომისიას სამუშაოდ კიდევ 1 თვე დარჩა და მოსალოდნელია, რომ ნაცების კიდევ უფრო მეტი დანაშაული გასაჯაროვდება - ნანა კაკაბაძე

„ერთიანი ნეიტრალური საქართველოს“ წევრი, ნანა კაკაბაძე პარლამენტში შექმნილი 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის მუშაობის შესახებ სოციალურ ქსელში წერს.„რას და რატომ იკვლევს საგამოძიებო კომისიაკოლექტიური ნაძ-მოძრაობა და მისი მხარდამჭერები სერიოზულად შეაშფოთა პარლამენტის საგამოძიებო კომისიის მუშაობის პირველმა შედეგებმა. ამიტომ სასწრაფოდ აამუშავეს საკუთარი მედია-პროპაგანდისტები და შეეცადნენ ყურადღების გადატანას იმ მიმართულებით, რომ თითქოს თეა წულუკიანის კომისიის მიზანი 2008 წლის ომში საქართველოს ჯარის გაშავება და ზოგადად, ქართული სახელმწიფოს აგრესორად გამოყვანაა. მათი გათვლებით, საკუთარი მრევლის თავებში კომისიის დანიშნულება უნდა აღქმულიყო, როგორც საქართველოს წინააღმდეგ მიმართული ქმედება - რუსეთის დავალების შესრულება და ოკუპანტის საამებლად გადადგმულ ნაბიჯი.საყოველთაოდ ცნობილი ფაქტია, რომ რამდენიმე წლის წინ სწორედ თეა წულუკიანის ხელმძღვანელობით მოქმედმა ქართველ პროფესიონალთა ჯგუფმა მოიგერია ქართული ჯარის მიმართ რუსეთის პრეტენზიები ჰააგისა და სტრასბურგის სასამართლოებში, სწორედ ამ ჯგუფის ძალისხმევით გაიმარჯვა ამ სასამართლოებში საქართველომ და დაამარცხა რუსეთი. ამიტომ ვიღაცამ შეიძლება თქვას, ნაცებსაც კი არ შეიძლება ჰყავდეთ ისეთი ჩლუნგი და ბრიყვი მრევლი, რომელმაც იცის ეს ფაქტები, მაგრამ საპარლამენტო საგამოძიებო კომისიას მაინც ასეთ ბრალდებებს უყენებდეს, თუმცა, ფაქტია, რომ ნაცური იდეოლოგია ყოველ ჯერზე ახალ რეკორდებს ამყარებს სიცრუეში, სიჩლუნგეში, სიბრმავესა და სიყრუვეში. ამიტომ შეუძლებელია მათ მსჯელობაში რაიმე ლოგიკა ვეძებოთ, როცა მამა-მარჩენალის სახელით მოქმედი „მოსასპობი თაბაგარები“ შეუკვეთავენ „პოლიქრონიონ... პოლიქრონიონ...“-ის ძახილს, ამ შემთხვევაში ამ საცოდავებს ყოველდღე რუსთაველის გადაკეტვა და „ოლააა... ოლააა...“-ს ძახილით ჰგონიათ, რომ გვირაბი სწორი მიმართულებით გაჰყავთ.ასეთებს რამდენიც უნდა უმტკიცო, რომ ამით ყოველდღე უფრო შორდებიან იმ მიზანს, რისთვისაც ამ „გვირაბს თხრიან“, მაინც ლანძღვა-გინებით შეგაჩვენებენ და არც ცემა-ტყეპას დაგაკლებენ - „აბა, ჩვენი მამა-მარჩენალი ხომ არ მოგვატყუებს“-ო,მთავარი საკითხიდან ყურადღების გადატანის მიზნით ნაც-პროპაგანდისტებმა „ჩამჭრელ“ კითხვად შეარჩიეს - „ვინ დაიწყო 2008 წლის ომი?“ არქიფოს მრევლს არ აინტერესებს, რომ ამ კითხვაზე ბევრჯერ გასცეს პასუხი ზემოხსენებულმა სასამართლოებმაც და ტალიავინის კომისიამაც, რომელსაც, სხვათა შორის, თვითონ არქიფო და მისი თაბაგარებიც დაეთანხმნენ და საკუთარი ქმედებით ქართული ჯარის საფრთხის ქვეშ დამყენებლები ახლა აქეთ უბრუნებენ კითხვებს სხვებს.ნაც-პროპაგანდისტებმა შესანიშნავად იციან, რომ საპარლამენტო საგამოძიებო კომისია ომის დაწყებას კი არ იძიებს, არამედ იმას, თუ რამდენად ადეკვატური იყო იმდროინდელი პოლიტიკური თანამდებობის პირების მოქმედებები, რამდენად სწორად იქცეოდნენ ისინი იმისათვის, რომ თავიდან აერიდებინათ ომი და მისი შედეგები - ასეულობით ადამიანის სიკვდილი, ათასობით ადამიანის დაჭრა-დასახიჩრება, ათიათასობით ადგილობრივი მოსახლეობის ლტოლვილად ქცევა და კოდორისა და შიდა ქართლის ტერიტორიების არა მხოლოდ დაკარგვა, არამედ ისტორიული ქართული რეგიონების რუსეთის მიერ დამოუკიდებლად აღიარება. რამდენად სწორი იყო კოდორის ხეობის აფხაზეთად გამოცხადება, იქაური მოსახლეობის განიარაღება და შემდეგ უბრძოლველად დათმობა, ჯერ ერგნეთის ბაზრობის გაუქმება, მერე 2004 წელს იქ სამარცხვინოდ დასრულებული სამხედრო ოპერაციის ჩატარება, ცხინვალის ავტონომიის აღდგენა, „საკუთარი ოსების“ ადგილობრივი ხელისუფლების დანიშვნა, იქ ახალგორის რაიონის შეყვანა და ბოლოს, 2008 წელს, სრულიად მოუმზადებლად და დიდი ბაქი-ბუქით სამხედრო ავანტურაში ჩაბმით იქ მაცხოვრებლების ბედის ანაბარად მიტოვება, ორ დღეში სამარცხვინოდ უკან გამოქცევა და ამ გამოქცევის გამარჯვებად გამოცხადება მხოლოდ იმიტომ, რომ თურმე თბილისისკენ მომავალმა ტანკმა „ორჭოსანთან აუხვია“, ანუ „რუსებს შეეშინდათ“ რუსთაველზე მოზეიმე ხალხის და მათთან მყოფი 5 ქვეყნის პრეზიდენტის.საპარლამენტო საგამოძიებო კომისიას სამუშაოდ კიდევ 1 თვე დარჩა და მოსალოდნელია, რომ ნაცების კიდევ უფრო მეტი დანაშაული გასაჯაროვდება. ამის პარალელურად კი ნაც-პროპაგანდისტები კიდევ უფრო მეტი გაშმაგებით შეებრძოლებიან თეა წულუკიანს და კომისიის სხვა წევრებს, მაგრამ სიმართლის წარმოჩენას და სამართლის დადგენას ვერაფერი შეაჩერებს, რადგან თუ „არ იქნება სამართალი, არ იქნება მშვიდობა!“31 მარტს რუსთაველზე ვიხილეთ ამ სიმართლის ჩახშობის კიდევ ერთი მცდელობა, სადაც რამდენიმე ათასმა შეკრებილმა ჯერ ნახევარი საათი უსმინა სალომეს აბდა-უბდა წაკითხულს, მერე „ცეცხლი გაუხსნა“ ოლიგარქიის ბუდედ შერაცხულ პარლამენტის შენობას და ბოლოს მათმა ნაწილმა სიამაყით აღნიშნა, ხომ ხედავთ 100-150 ათასი ადამიანი შევიკრიბეთ („აუუ.. რამდენი ვააართ!!!“), 8 აპრილამდე დავაცდით პოლიტიკოსებს და თუ გამარჯვებას არ გაგვიფორმებენ, მერე ჩვენ ვიცით - შევიკრიბებით, აღარ დავიშლებით და ამით დავამხობთ „რუსეთუმე ხელისუფლებასო“.ასეთების სიჩლუნგე და სიბრიყვე აღარ უნდა გვაკვირვებდეს, რადგან 4-5 ათას კაცი 100-150 ათასად რომ მოეჩვენებათ, საააკშვილის რეჟიმი - „დემოკრატიის შუქურად“, ოცნების ხელისუფლების პოლიტიკა - „ანტიქართულად და პრორუსულად“, არჩევნებში გაყალბებული ხმების ოდენობა - 400 ათასად, ძალადობრივი მომიტინგეები - „მშვიდობიანად“, მათგან რატომ უნდა გაგვიკვირდეს, რომ იძახონ, სწორედ ჩვენ წარმოვადგენთ საქართველოს, ჩვენი პრეზიდენტიც გვყავს და ამომრჩეველთა უმრავლესობაც, რადგან ჩვენ გავიმარჯვეთ არჩევნებშიო. ხოლო თუ ფაქტები ამ ყველაფრის საწინააღმდეგოა, მით უარესი ფაქტებისთვისო.შეიძლება ვინმემ იკითხოს, ეს ყველაფერი რა კავშირშია საგამოძიებო კომისიასთანო, მაგრამ სწორედაც რომ კავშირი პირდაპირია, რადგან საგამოძიებო კომისიას ფაქტები გამოაქვს დღის სინათლეზე, კოლექტიურ ნაცმოს და მათ პროპაგანდისტებს კი ისე ეშინიათ ფაქტების, როგორც სიბნელეში გამოკეტილ ვირთხებს დღის სინათლის. აღქმებზე დაფუძნებული ბრმა რწმენის მთავარი მტერი ხომ უტყუარი ფაქტებია“, - აღნიშნავს ნანა კაკაბაძე.