საზოგადოება • 1715326357

რა თქვა ნუცა ბუზალაძემ ნახევარფინალური შოუს შემდეგ

„ჩემი ოცნება იყო, საქართველო გასულიყო ფინალში შვიდი წლის შემდეგ, ბედნიერი ვარ,“ – ამის შესახებ ევროვიზიის სიმღერის კონკურსზე საქართველოს წარმომადგენელმა, ნუცა ბუზალაძემ ნახევარფინალური შოუს შემდეგ გამართულ პრესკონფერენციაზე განაცხადა. „დიდი მადლობა ყველას, რომ მენდნენ. ვგრძნობდი ენერგიას სცენაზე. მადლობა, რომ დამაჯერეთ, რომ ოცნებები ნამდვილად ხდება. ჩემი ოცნება იყო, საქართველო გასულიყო ფინალში შვიდი წლის შემდეგ. ბედნიერი ვარ.ამაყი ვარ ჩემი ქვეყნით, საქართველოთი. ამაყი ვარ, რომ ქართველი ვარ. მინდოდა, მეჩვენებინა ის ცეცხლი, რომელიც ქართველებშია. სცენაზე ვგრძნობდი ჩემი ქვეყნიდან ენერგიას, მიყვარს ჩემი ქვეყანა. ძალიან ბევრი ადამიანი მუშაობდა ამ ნომერზე და ყველას დიდი მადლობა ასე მუშაობისთვის.როდესაც ასე მუშაობ, ეს შრომა ყოველთვის შედეგის მომტანია. ეს იყო ჩემი ოცნება“, – განაცხადა ნუცა ბუზალაძემ პრესკონფერენციაზე.

საზოგადოება • 1715324997

ნუცა ბუზალაძე 11 მაისს ევროვიზიის ფინალში 24-ე ნომრად წარდგება

საქართველოს წარმომადგენელი ევროვიზია 2024-ზე, ნუცა ბუზალაძე ფინალში გადავიდა, სადაც, კონკურსის პროდიუსერების გადაწყვეტილებით, ის 24-ე ნომრად იმღერებს.11 მაისს 23:00 საათზე შვედეთის ქალაქ მალმეში ევროვიზია 2024-ის ფინალი გაიმართება, სადაც საქართველოს წარმომადგენელი ნუცა ბუზალაძე თავის საკონკურსო სიმღერას Firefighter-ს შეასრულებს.საერთო ჯამში ფინალში 26 ქვეყანა წარდგება: შვედეთი, უკრაინა, გერმანია, ლუქსემბურგი, ნიდერლანდები, ისრაელი, ლიეტუვა, ესპანეთი, ესტონეთი,ირლანდია, ლატვია, საბერძნეთი, დიდი ბრიტანეთი, ნორვეგია, იტალია, სერბეთი, ფინეთი, პორტუგალია, სომხეთი, კვიპროსი, შვეიცარია, სლოვენია, ხორვატია, საფრანგეთი და ავსტრია.ევროვიზიის ფინალის ხმის მიცემაში მონაწილეობს, როგორც ჟიური, ასევე მაყურებელი. ჟიურის ქულებს კონკურსის მონაწილე 37-ივე ქვეყანა გამოაცხადებს. ამავე ქვეყნებიდან შესაძლებელია საქართველოსთვის ხმის მიცემა.ევროვიზიის სიმღერის კონკურსის პირდაპირ ტრანსლაციას საქართველოს პირველი არხი შემოგთავაზებთ.

საზოგადოება • 1715321118

“ჩემი ოცნება იყო, რომ საქართველო გასულიყო ფინალში, ამაყი ვარ ჩემი ქვეყნით…” - ნუცა ბუზალაძე

 ჩემი ოცნება იყო, საქართველო გასულიყო ფინალში შვიდი წლის შემდეგ, ბედნიერი ვარ, – ამის შესახებ ევროვიზიის სიმღერის კონკურსზე საქართველოს წარმომადგენელმა, ნუცა ბუზალაძემ, ნახევარფინალური შოუს შემდეგ გამართულ პრესკონფერენციაზე განაცხადა."დიდი მადლობა ყველას, რომ მენდნენ. ვგრძნობდი ენერგიას სცენაზე. მადლობა, რომ დამაჯერეთ, რომ ოცნებები ნამდვილად ხდება. ჩემი ოცნება იყო, საქართველო გასულიყო ფინალში შვიდი წლის შემდეგ. ბედნიერი ვარ. ამაყი ვარ ჩემი ქვეყნით, საქართველოთი. ამაყი ვარ, რომ ქართველი ვარ. მინდოდა, მეჩვენებინა ის ცეცხლი, რომელიც ქართველებშია. სცენაზე ვგრძნობდი ჩემი ქვეყნიდან ენერგიას, მიყვარს ჩემი ქვეყანა. ძალიან ბევრი ადამიანი მუშაობდა ამ ნომერზე და ყველას დიდი მადლობა ასე მუშაობისთვის. როდესაც ასე მუშაობ, ეს შრომა ყოველთვის შედეგის მომტანია. ეს იყო ჩემი ოცნება", – განაცხადა ნუცა ბუზალაძემ პრესკონფერენციაზე.American Idol-ში მონაწილეობისა და კაილი მინოუგთან დუეტის შესახებ დასმულ კითხვაზე ნუცა ბუზალაძემ აღნიშნა, რომ American Idol-მა ის მოამზადა ევროვიზიაზე გამოსვლისთვის."მე ბევრს ვლაპარაკობ ოცნებებზე. ეს იყო American Idol-ის ფინალი. American Idol-ი ძალიან განსხვავდება ევროვიზიისგან. American Idol-ი არის ამერიკელებისთვის, ევროვიზია არის საერთაშორისო. American Idol-მა მომამზადა, რომ ევროვიზიაზე წარმედგინა ჩემი ქვეყანა. ორივე პროექტში დიდი შრომა ჩავდე. ამაყი ვიყავი კაილი მინოუგთან სიმღერის გამო. ესეც ოცნების ახდენა იყო – ბავშვობაში როდესაც მის სიმღერებს მღეროდი სარკესთან და შემდეგ უცებ გიწევს სცენაზე მასთან ერთად დგომა. მნიშვნელოვანია, გვჯეროდეს, რომ ოცნებები ხდება და ჩემი ცხოვრება ამის დასტურია“, – განაცხადა ნუცა ბუზალაძემ.საქართველოს წარმომადგენელს კიდევ ერთი შეკითხვა სომხეთიდან დაუსვეს, რომლის წარმომადგენელიც ასევე მოხვდა ფინალში."ძალიან ვღელავდი. დიდხნიანი მეგობრობა გვაკავშირებს. თქვენ იმსახურებთ ფინალში ყოფნას. გასაოცარი იყო", – დასძინა ნუცა ბუზალაძემ.საქართველოს წარმომადგენელი ნუცა ბუზალაძე ევროვიზიის ფინალში გადავიდა. ევროვიზია 2024-ის მეორე ნახევარფინალი 9 მაისს გაიმართა.

საზოგადოება • 1715320119

„ძალიან მინდა საქართველომ უმასპინძლოს ევროვიზიას მომავალ წელს”- ნინი შერმადინი

საქართველო ევროვიზია 2024-ის ფინალშია. ნუცა ბუზალაძის შთამბეჭდავ გამოსვლას მომღერალი ნინი შერმადინი ეხმაურება სოციალურ ქსელში და წერს, რომ ძალიან უნდა მომავალ წელს ევროვიზიის მასპინძელი საქართველო იყოს.„საქართველო ფინალშია არ ვიცი რამდენი წლის მერე! ძალიან მინდა საქართველომ უმასპინძლოს ევროვიზიას მომავალ წელს! რაც გინდა მეძახეთ ახლა! ხო და აქვე გეტყვით, რომ არავის შევტენილვარ და არც ვეტენები არასდროს. მიხარია და გამიხარდება ჩემი ქვეყნის წარმატება ყოველთვის.პ.ს არა რუსეთს! არა რუსულ კანონს! არა ყველას და ყველაფერს რაც რუსეთთან დაგვაკავშირებს.წინ ევროპისკენ!“, – წერს ნინი შერმადინი.

საზოგადოება • 1715314146

“7 წლის შემდეგ საქართველო ევროვიზიის ფინალშია…” - ნუცა ბუზალაძის ემოციური მიმართვა

შვედეთის ქალაქ მალმეში ევროვიზიის სიმღერის კონკურსის მეორე ნახევარფინალში, საქართველოს წარმომადგენელმა ნუცა ბუზალაძემ ცეცხლი დაანთო. შეასრულა საკონკურსო სიმღერა, „Firefighter“ - ნუცა ევროვიზიის ფინალშია!ნუცა ემოციურ მიმართვას ავრცელებს: "7 წლის შემდეგ საქართველო ევროვიზიის ფინალშია"

საზოგადოება • 1715289280

„Thank you Europe, საქართველო მიყვარხარ!“ ნუცა ბუზალაძე ევროვიზიის ფინალშია

შვედეთის ქალაქ მალმეში ევროვიზიის სიმღერის კონკურსის მეორე ნახევარფინალში, საქართველოს წარმომადგენელმა ნუცა ბუზალაძემ ცეცხლი დაანთო. შეასრულა საკონკურსო სიმღერა, „Firefighter“ - ნუცა ევროვიზიის ფინალშია!„მადლობა ევროპა, საქართველო, მიყვარხარ!“ - თქვა ნუცამ ცეცხლოვანი შოუს შემდეგ. 

ტაბლოიდი • 1715286884

VIDEO: „მიყვარხარ, საქართველო!“ - კადრები ნუცა ბუზალაძის შთამბეჭდავი გამოსვლიდან

შვედეთის ქალაქ მალმეში ევროვიზიის სიმღერის კონკურსის მეორე ნახევარფინალში, საქართველოს წარმომადგენელმა ნუცა ბუზალაძემ ცეცხლი დაანთო. შეასრულა საკონკურსო სიმღერა, „Firefighter“.ნუცა მეთერთმეტე ნომრით წარდგა.„საქართველო, მიყვარხარ!“ - ეს მისი სიტყვებია, რომელიც წარმოდგენის შემდეგ ქართულად წარმოთქვა.ნახეთ კადრები ↓ 

ტაბლოიდი • 1715281617

ნუცა ბუზალაძე ევროვიზიის კონკურსზე მე-11 ნომრად წარდგება

შვედეთის ქალაქ მალმეში დღეს, 23:00 საათზე ევროვიზიის სიმღერის კონკურსის მეორე ნახევარფინალი დაიწყო, სადაც საქართველოს წარმომადგენელი ნუცა ბუზალაძე თავის საკონკურსო სიმღერას, Firefighter-ს შეასრულებს.საქართველოსთან ერთად დღეს იმღერებენ საბერძნეთის, მალტის, ნიდერლანდების, შვეიცარიის, ისრაელის, სომხეთის, ნორვეგიის, ბელგიის, ავსტრიის, ესტონეთის, დანიის, სან მარინოს, ალბანეთის, ჩეხეთის და ლატვიის წარმომადგენლები. დღეს სცენაზე ასევე იმღერებენ საფრანგეთის, იტალიისა და ესპანეთის წარმომადგენლებიც.კონკურსის დაწყებამდე https://www.esc.vote/-ზე საქართველოსთვის ხმის მიცემა მსოფლიოს ყველა ქვეყნიდანაა შესაძლებელი, მეორე ნახევარფინალში მონაწილე ქვეყნების გარდა. მეორე ნახევარფინალში მონაწილე ქვეყნები ხმის მიცემას 9 მაისს, კონკურსის მსვლელობისას შეძლებენ. შეგახსენებთ, რომ, კონკურსის წესების თანახმად, საკუთარ ქვეყანას ხმას ვერ მისცემთ.კონკურსის წესების მიხედვით, ნახევარფინალიდან ფინალში გადასვლას მხოლოდ მაყურებელი წყვეტს და ხმის მიცემის პროცესში ჟიური არ მონაწილეობს.ევროვიზიის პირდაპირ ტრანსლაციას საქართველოს პირველი არხი შემოგთავაზებთ.

შოუბიზნესი • 1715248771

ნუცა ბუზალაძე დღეს ევროვიზიის კონკურსზე მე-11 ნომრად წარდგება - როგორ მივცეთ ხმა

შვედეთის ქალაქ მალმეში დღეს 23:00 საათზე ევროვიზიის სიმღერის კონკურსის მეორე ნახევარფინალი გაიმართება, სადაც საქართველოს წარმომადგენელი ნუცა ბუზალაძე თავის საკონკურსო სიმღერას Firefighter-ს შეასრულებს.საქართველოსთან ერთად დღეს იმღერებენ: საბერძნეთის, მალტას, ნიდერლანდების, შვეიცარიის, ისრაელის, სომხეთის, ნორვეგიის, ბელგიის, ავსტრიის, ესტონეთის, დანიის, სანმარინოს, ალბანეთის, ჩეხეთის და ლატვიის წარმომადგენლები. დღეს სცენაზე ასევე იმღერებენ: საფრანგეთის, იტალიის და ესპანეთის წარმომადგენლებიც.კონკურსის დაწყებამდე https://www.esc.vote/-ზე საქართველოსთვის ხმის მიცემა მსოფლიოს ყველა ქვეყნიდანაა შესაძლებელი, მეორე ნახევარფინალში მონაწილე ქვეყნების გარდა. მეორე ნახევარფინალში მონაწილე ქვეყნები ხმის მიცემას 9 მაისს, კონკურსის მსვლელობისას შეძლებენ. შეგახსენებთ, რომ კონკურსის წესების თანახმად, საკუთარ ქვეყანას ხმას ვერ მისცემთ.

საზოგადოება • 1715240865

“ხმის მიცემა დაიწყო“ – ნუცა ბუზალაძე მიმართვას ავრცელებს

ნუცა ბუზალაძე 2024 წლის ევროვიზიის სიმღერის კონკურსზე საქართველოს სიმღერით -Firefighter წარადგენს. ნუცა დღეს, 9 მაისს მე-11 ნომრად იმღერებს.https://www.esc.vote/ -ზე ხმის მიცემა უკვე დაიწყო. მხოლოდ ერთი დღით, 9 მაისის 23:00-მდე საქართველოსთვის ხმის მიცემა მთელი მსოფლიოდანაა შესაძლებელი, გამონაკლისია მეორე ნახევარფინალის მონაწილე ქვეყნები.ხმის მიცემის წესებზე თავად ნუცა ბუზალაძეც საუბრობს საკუთარ ვიდეომიმართვაში.

საზოგადოება • 1715226592

დღეს ნუცა ბუზალაძე საქართველოს ევროვიზიაზე წარადგენს

ევროვიზიის სცენაზე, ნუცა ბუზალაძე, 9 მაისს მე-11 ნომრად გამოვა და წარადგენს საქართველოს სიმღერით Firefighter.

საზოგადოება • 1715196633

"სადაც ჩავდივარ, ყველა ქვეყანაში ჩემი დროშა ფრიალებს" - ნუცა ბუზალაძე

მომღერალ, ნუცა ბუზალაძის ახალი ვიდეო ვრცელდება: „ჩემს პოზიციას, რაც გამიკეთებია, ვამტკიცებ ბავშვობიდან, სადაც ჩავდივარ, ყველა ქვეყანაში ჩემი დროშა ფრიალებს. არასდროს, არც ერთ კონკურსზე სხვა ქვეყნის სახელით მონაწილეობა არ მიმიღია. შემოთავაზება ბევრი იყო, მაგრამ ჩემი ქვეყანა იმდენად მიყვარს, ისეთი ოჯახიდან ვარ, მამაჩემი ყველა ომში პირველ ხაზზე იბრძოდა. ეს მებრძოლი ხასიათი მე გამოყოლილი მაქვს.ჩემი სიმღერაც მინდოდა ყოფილიყო ქართველი ხალხის და ქართველი ქალის ხასიათის წარმოსაჩენი.  მე ყვალაფერს გავაკეთებ იმისთვის, რომ 9 მაისს ჩემმა ხალხმა ძალიან იამაყოს. მე ყველაფერს გავაკეთებ მისთვის, რომ 9 მაისს გავაერთიანო საქართველო როგორც ეს ამერიკან აიდოლის დროს ხდებოდა. ჩემს მესიჯს სცენიდან ვიტყვი”- ამბობს ნუცა ბუზალაძე.