სოციალური თემა • 1771273157

„ფულადი დახმარება 7 000 ლარის ნაცვლად, იქნება 20 000 ლარი...“ - დეტალები

ორმაგდება იმ თანხების რაოდენობა, რომელიც გათვალისწინებულია სამსახურებრივი მოვალეობის შესრულების დროს დაშავებული პოლიციელებისთვის, - განაცხადა შინაგან საქმეთა მინისტრის მოადგილემ ალექსანდრე დარახველიძემ შსს-ს მიერ მომზადებულ ცვლილებათა პაკეტზე საუბრისას.მისივე თქმით, სამსახურებრივი მოვალეობის შესრულების დროს გარდაცვლილ პოლიციელთა და მეხანძრე-მაშველთა ოჯახების კომპენსაციის ოდენობა 30 000 ლარი ხდება.„კანონმდებლობით ინერგება ძალიან მნიშვნელოვანი ინსტიტუტი, რაც გულისხმობს სამედიცინო შვებულებას პოლიციელებისთვის, რომლებმაც სამსახურებრივი მოვალეობის შესრულების დროს მიიღეს ჯანმრთელობის დაზიანება. აღნიშნული ცვლილებები თანაბრად გავრცელდება, როგორც პოლიციელებზე, ასევე მეხანძრე-მაშველებზე“, - განაცხადა ალექსანდრე დარახველიძემ.შინაგან საქმეთა სამინისტრომ კიდევ ერთი ცვლილებათა პაკეტი მოამზადა, რომელიც პოლიციელთა სოციალური გარანტიების გაუმჯობესებას ეხება. პოლიციის შესახებ კანონპროექტით, ჯანმრთელობის დაზიანების შემთხვევაში ერთჯერადი ფულადი დახმარების ოდენობა იზრდება.7 000 ლარის ნაცვლად, პოლიციელს გადაეცემა 20 000 ლარი, ნაკლებად მძიმე დაზიანებისას 15 000 ლარი, ჯანმრთელობის მსუბუქი დაზიანების შემთხვევაში კი 10 000 ლარი. კანონს დაემატება შვებულება, ჯანმრთელობის მდგომარეობის გამო, რომელიც აქამდე არ არსებობდა.სამსახურებრივი მოვალეობის შესრულების დროს პოლიციელის გარდაცვალების შემთხვევაში, 15 000 ლარის ნაცვლად გარდაცვლილი პოლიციელის ოჯახს ერთჯერადად 30 000 ლარი გადაეცემა. დაკრძალვის ხარჯები განისაზღვრება ორი ათასი ლარის ოდენობით.

პოლიტიკა • 1771242406

ალექსანდრე დარახველიძე: კარგია, რომ შევთანხმდით, „კამიტი“ არ გამოგვიყენებია, საია-ც ადასტურებს, რომ ეს იყო სიცრუე, დეზინფორმაცია

კარგია, რომ შევთანხმდით, „კამიტი“ არ გამოგვიყენებია და საია-ც ადასტურებს ამ ფაქტს, რომ ეს იყო სიცრუე, დეზინფორმაცია, რომელიც გავრცელდა, – ამის შესახებ საქართველოს შინაგან საქმეთა მინისტრის მოადგილემ, ალექსანდრე დარახველიძემ განაცხადა.დარახველიძეს კითხვა დაუსვეს „ახალგაზრდა იურისტთა ასოციაციის“ განცხადებაზე, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებენ. მათი მხრიდან სარჩელში ნახსენები არ არის სიტყვა „კამიტი“.ალექსანდრე დარახველიძის განცხადებით, საქართველოში ადგილი ჰქონდა ძალადობრივ აქციას და პოლიციაზე, სახელმწიფო უწყებებზე, მათ შორის პარლამენტის შენობაზე თავდასხმის დროს, პოლიციის შესახებ კანონი განსაზღვრავს, რას საშუალებები შეიძლება იყოს გამოყენებული.„რაც შეეხება კონკრეტულ შემთხვევებს, არაერთგზის განვმარტეთ, 2024 წლის ნოემბერ-დეკემბრის თვეში, რაც საზოგადოებამაც კარგად იხილა, არ იყო მშვიდობიანი აქცია, ეს იყო ძალადობრივი აქცია, ხელისუფლების დამხობის მცდელობა და ამაზე გამოძიება მიმდინარეობს საქართველოს გენერალურ პროკურატურაში. არაერთი პირის მიმართ უკვე შესაბამისი პასუხისმგებლობაც დადგა და წარდგენილი აქვს ბრალდება. შესაბამისად, საზოგადოებამ იხილა, რომ ადგილი ჰქონდა ძალადობრივ აქციას. ძალადობრივი აქციის დროს, როდესაც ადგილი აქვს თავდასხმას პოლიციაზე, სახელმწიფო უწყებებზე, მათ შორის პარლამენტის შენობაზე და ა.შ. პოლიციის შესახებ კანონი შავით თეთრზე განსაზღვრავს, რა საშუალებები შეიძლება იქნას გამოყენებული. ეს არის როგორც აქტიური, ისე პასიური თავდაცვის საშუალებები, მათ შორის ცრემლსადენი გაზი, წყლის ჭავლი და ა.შ.რაც შეეხება ბრძანება 10.02-ს, ნამდვილად არსებობდა ასეთი ჩანაწერი, თუ არ ვცდები, 2021 წლამდე, რომლითაც შეზღუდული იყო წყლის ჭავლისა და გაზის ერთობლივად და პარალელურ რეჟიმში გამოყენება, თუმცა ვინაიდან ეს არ გამომდინარეობდა კანონის აკრძალვიდან, ჩვენ გავეცანით ასევე სხვადასხვა ქვეყნის გამოცდილებას, მათ შორის ეუთო/ოდირის სტანდარტებს, ამნესტის კონკრეტულ ანგარიშებს, იქ არანაირი შეზღუდვა და აკრძალვა არ ყოფილა. კანონში განსაზღვრულია მთავარი პრინციპი პროპორციულობასთან დაკავშირებით, სპეციალური საშუალება და ძალა გამოყენებული უნდა იქნას იმ პროპორციულობით, რა საფრთხეც არსებობს. თითოეულ ჩვენგანს გვინახავს არაერთი ფაქტი, ევროპული ქვეყნების პოლიცია რა ტიპის ძალებს იყენებს აქციის მოძალადე წევრების წინააღმდეგ, გვინახავს სპეციალური სასამსახურო ძაღლები, ცხენებით აქციის დაშლა და ა.შ. ამ შემთხვევაში იმ პროპორციით იყო გამოყენებული ის საშუალებები, რა ტიპის თავდასხმებიც არსებობდა პოლიციასა და სახელმწიფო უწყებებზე. ეს არაერთ საქმეში დევს. გახსენით ღია სივრცეში არაერთი ვებგვერდი და შეგიძლიათ ნახოთ, როგორ ხდებოდა „მოლოტოვის კოქტეილებით“ თავდასხმა, რამდენი ათასი ერთეული პიროტექნიკა იქნა გამოყენებული პოლიციელების წინააღმდეგ და სახეზე გვყავს ადამიანები, რომლებმაც დამწვრობა მიიღეს. 171 პოლიციელი არის „მშვიდობიანი“ მომიტინგეების მხრიდან დაშავებული. ძალიან ბევრ მათგანს დასჭირდა ქირურგიული ჩარევა, ერთმა ადამიანმა მხედველობა დაკარგა, ერთმა – სმენა. პროპორცია განისაზღვრება ყოველ კონკრეტულ შემთხვევაში კონკრეტული ვითარებიდან გამომდინარე“, – განაცხადა ალექსანდრე დარახველიძემ.

საზოგადოება • 1771240708

ალექსანდრე დარახველიძე: ახალი შენობა მოემსახურება მიგრაციის დეპარტამენტის თანამშრომლებს, აქამდე მათ უწევდათ მუშაობა იმ შენობაში, სადაც პარალელურად განთავსებული იყო დროებითი განთავსების ცენტრი

აღნიშნული შენობა მოემსახურება მიგრაციის დეპარტამენტის თანამშრომლებს, სხვადასხვა სამმართველოს მოსამსახურეებს. აქამდე მათ უწევდათ მუშაობა იმ შენობაში, სადაც პარალელურად განთავსებული იყო დროებითი განთავსების ცენტრი, - განაცხადა შინაგან საქმეთა მინისტრის მოადგილემ ალექსანდრე დარახველიძემ.მისივე თქმით, ახალი, თანამედროვე, ევროპული სტანდარტების შენობა, რომელიც ადაპტირებულია სპეციალური საჭიროების მქონე და შეზღუდული შესაძლებლობების მქონე პირთა საჭიროებებზე, მოემსახურება, როგორც გაძევების მიმართულებას, ასევე თავშესაფრის მიმართულებას.„აქ არის ასევე განთავსებული სხვადასხვა სამმართველოები. ძალიან მნიშვნელოვანია, რომ მიგრაციის დეპარტამენტი უკვე გაძლიერებული ინფრასტრუქტურული და ადამიანური რესურსით შეძლებს, რომ შეასრულოს ის მთავარი ამოცანა, რაც არის უკანონო მიგრაციის წინააღმდეგ ბრძოლა, კანონიერი საფუძვლის გარეშე მყოფი პირების ქვეყნიდან გაძევება და მათ მიმართ კანონით გათვალისწინებული ღონისძიებების აღსრულება“, - აღნიშნა ალექსანდრე დარახველიძემ.მთავრობის მეთაური, შინაგან საქმეთა მინისტრთან ერთად მიგრაციის ახალ დეპარტამენტში იმყოფებოდა. მიგრაციას როგორც ერთ-ერთ გამოწვევას ხელისუფლება ეფექტიანად პასუხობს და ამას სტატისტიკა ადასტურებს.

პოლიტიკა • 1770979171

იმ მძღოლებს და ავტომფლობელებს, რომლებიც შეიძენენ ავტომობილებს 2026 წლის 1 აპრილამდე და მათი ტრანსპორტირება საზღვარგარეთიდან დაიწყება 2026 წლის 1 აპრილამდე, ეს ცვლილება არ შეეხება - ალექსანდრე დარახველიძე

 შინაგან საქმეთა მინისტრის მოადგილემ, ალექსანდრე დარახველიძემ მთავრობის მიერ მიღებული გადაწყვეტილება მედიასთან განმარტა.„ცვლილება ძალაში შედის პირველი აპრილიდან, თუმცა იმ მძღოლებს და ავტომფლობელებს, რომლებიც შეიძენენ ავტომობილებს 2026 წლის 1 აპრილამდე და მათი ტრანსპორტირება საზღვარგარეთიდან დაიწყება 2026 წლის 1 აპრილამდე, ეს ცვლილება არ შეეხებათ. ასევე ცვლილება არ ეხება რეექსპორტზე გასატან ავტომობილებს და იმ ავტომობილებს, რომელიც უკვე საქართველოშია და რეგისტრირებულია“, - აღნიშნა დარახველიძემ.მთავრობის დადგენილებით, საქართველოში პირველი აპრილიდან იკრძალება 6 წელზე მეტი ასაკის M1 კატეგორიის ავტომობილების იმპორტი, პირველადი და დროებითი რეგისტრაცია.

პოლიტიკა • 1770790827

ალექსანდრე დარახველიძე საქართველოში აშშ-ის საელჩოს რეგიონული უსაფრთხოების ოფიცერს შეხვდა

შინაგან საქმეთა მინისტრის მოადგილემ, ალექსანდრე დარახველიძემ შეხვედრა გამართა საქართველოში ამერიკის შეერთებული შტატების საელჩოს რეგიონული უსაფრთხოების ოფიცერთან, დეივ ჰედლესტონთან.შინაგან საქმეთა სამინისტროს ინფორმაციით, შეხვედრის ფარგლებში, მხარეებმა განიხილეს არსებული და სამომავლო საპოლიციო თანამშრომლობის აქტუალური საკითხები.„მინისტრის მოადგილემ აღნიშნა, რომ შინაგან საქმეთა სამინისტრო მიესალმება პარტნიორობის გაღრმავებას, უწყების კომპეტენციას მიკუთვნებულ საკითხებთან დაკავშირებით და იმედი გამოთქვა, რომ მხარეთა ერთობლივი მუშაობით, ორმხრივი თანამშრომლობა მომავალში კიდევ უფრო ინტენსიურად წარიმართება. თავის მხრივ, ამერიკის შეერთებული შტატების საელჩოს რეგიონული უსაფრთხოების ოფიცერმა მადლობა გადაუხადა ალექსანდრე დარახველიძეს არსებული მრავალწლიანი ნაყოფიერი პარტნიორობისთვის და თანამშრომლობის გაღრმავების მზაობა გამოთქვა“, – ნათქვამია შსს-ს ინფორმაციაში.

სამართალი • 1770362738

სამართალდამცველებმა ქვეყნის მასშტაბით ჩატარებული საპოლიციო და პრევენციული ღონისძიებების შედეგად 31 ერთეული უკანონო ცეცხლსასროლი იარაღი ამოიღეს - დაკავებულია 39 პირი

სამართალდამცველების მიერ, ბოლო 2 დღის განმავლობაში, ქვეყნის მასშტაბით, ჩატარებული საპოლიციო და პრევენციული ღონისძიებების შედეგად, ამოღებულია 31 ერთეული უკანონო ცეცხლსასროლი იარაღი, საბრძოლო მასალა და დიდი რაოდენობით სხვადასხვა სახის ნარკოტიკული საშუალება. დაკავებულია 39 პირი - ამის შესახებ შინაგან საქმეთა მინისტრის მოადგილემ, ალექსანდრე დარახველიძემ დღეს გამართულ ბრიფინგზე განაცხადა.მისივე თქმით, სამართალდამცავებმა შესაბამისი ღონისძიებები თბილისსა და საქართველოს ყველა რეგიონში ჩაატარეს.„საქართველოს შინაგან საქმეთა სამინისტროს თანამშრომლები, 24-საათიან რეჟიმში აგრძელებენ დანაშაულთან ბრძოლას, შესაბამისი საპოლიციო და მათ შორის პრევენციული ხასიათის ღონისძიებების გატარების გზით. სამართალდამცველების მიერ, ბოლო 2 დღის განმავლობაში, ქვეყნის მასშტაბით, ჩატარებული საპოლიციო და პრევენციული ღონისძიებების შედეგად, ამოღებულია 31 ერთეული უკანონო ცეცხლსასროლი იარაღი, საბრძოლო მასალა და დიდი რაოდენობით სხვადასხვა სახის ნარკოტიკული საშუალება – სულ დაკავებულია 39 პირი.აღნიშნული ღონისძიებები სამართალდამცველებმა, მოსამართლის განჩინების საფუძველზე, თბილისსა და საქართველოს ყველა რეგიონში ჩაატარეს. პოლიციელებმა დაკავებულების პირადი, საცხოვრებელი სახლების, დამხმარე სათავსოებისა და ავტომანქანების ჩხრეკისას, ნივთმტკიცებად ამოიღეს დიდი რაოდენობით ცეცხლსასროლი და ავტომატური ცეცხლსასროლი იარაღები, ხელყუმბარები, მჭიდები და ასეულობით ვაზნა. ასევე, ამოღებულია დიდი ოდენობით სხვადასხვა სახის ნარკოტიკული საშუალება. გამოძიება საქართველოს სისხლის სამართლის კოდექსის 236-ე, 260-ე და 273-ე მუხლებით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.აქვე, გვსურს საზოგადოებას შევახსენოთ, რომ გასული წლის სტატისტიკური მონაცემების თანახმად, რეგისტრირებული დანაშაულის გახსნის მაჩვენებელი უპრეცედენტოდ მაღალ ნიშნულზეა და 70%-ს შეადგენს. განსაკუთრებით აღსანიშნავია, რომ შემცირებულია სიცოცხლისა და ჯანმრთელობის წინააღმდეგ ჩადენილი დანაშაულების რაოდენობა. აღნიშნული სტატისტიკური მონაცემები სწორედ შინაგან საქმეთა სამინისტროს თანამშრომლების მიერ გატარებული ეფექტიანი საპოლიციო და მათ შორის პრევენციული ხასიათის ღონისძიებების შედეგია.ჩვენი მიზანია, საზოგადოებისთვის უსაფრთხო გარემოს უზრუნველყოფა და აღნიშნული მიმართულებით პრევენციული ხასიათის საპოლიციო ღონისძიებები მომავალშიც აქტიურად გაგრძელდება”, - განაცხადა დარახველიძემ

სამართალი • 1770361588

VIDEO: სპეციალური ბრიფინგი შსს-ში

სამართალდამცველების მიერ, ბოლო 2 დღის განმავლობაში, ქვეყნის მასშტაბით ჩატარებული საპოლიციო და პრევენციული ღონისძიებების შედეგად, ამოღებულია 31 ერთეული უკანონო ცეცხლსასროლი იარაღი, საბრძოლო მასალა და დიდი რაოდენობით სხვადასხვა სახის ნარკოტიკული საშუალება, - ამის შესახებ შინაგან საქმეთა სამინისტროში გამართულ ბრიფინგზე გახდა ცნობილი.როგორც მინისტრის მოადგილემ ალექსანდრე დარახველიძემ განაცხადა, სულ დაკავებულია 39 პირი. 

საზოგადოება • 1769589840

რევაზ სოხაძემ მსოფლიო ბანკის ევროპის და ცენტრალური აზიის ინფრასტრუქტურის რეგიონულ დირექტორს შეხვდა

საქართველოს ინფრასტრუქტურის მინისტრი რევაზ სოხაძე მსოფლიო ბანკის (WB) ევროპის და ცენტრალური აზიის ინფრასტრუქტურის რეგიონულ დირექტორს, ჩარლზ კორმიერს და მსოფლიო ბანკის სამხრეთ კავკასიის რეგიონულ დირექტორს, როლანდ პრაისს შეხვდა. ინფორმაციას ინფრასტრუქტურის სამინისტრო ავრცელებს.შეხვედრაზე მინისტრმა ჩარლზ კორმიერს გააცნო ინფრასტრუქტურის სამინისტროს საქმიანობის ძირითადი მიმართულებები, მიმდინარე და დაგეგმილი პროექტები, რომლებიც ქვეყნის მდგრად ეკონომიკურ განვითარებას და სატრანსპორტო ხელმისაწვდომობის გაუმჯობესებას ემსახურება.მხარეებმა დეტალურად განიხილეს მიმდინარე და სამომავლო ინფრასტრუქტურული პროექტები: ქვეყნის საერთაშორისო საგზაო დერეფნების განვითარება, კახეთის მაგისტრალის ახალი მონაკვეთების მშენებლობა, მათ შორის ბადიაური – ჩალაუბანის, ჩალაუბანი – ბაკურციხის, გურჯაანი (ჩუმლაყი) – თელავის მონაკვეთების, საავტომობილო გზების მოვლა-შენახვის თანამედროვე მეთოდოლოგიების დანერგვა და სხვა პრიორიტეტული მიმართულებები.შეხვედრაზე ასევე ყურადღება დაეთმო წყალარინებისა და სხვადასხვა მუნიციპალური ინფრასტრუქტურის განვითარების მიმართულებით თანამშრომლობის გაგრძელებისა და გაფართოების შესაძლებლობებს.მხარეებმა ხაზი გაუსვეს საქართველოს განვითარების პროცესში მსოფლიო ბანკის ჩართულობის მნიშვნელობას და მიმოიხილეს არსებული თანამშრომლობის შედეგები.ინფრასტრუქტურის მინისტრმა მსოფლიო ბანკის წარმომადგენლებს მადლობა გადაუხადა მრავალწლიანი მხარდაჭერისა და საქართველოს მდგრად განვითარებაში შეტანილი მნიშვნელოვანი წვლილისთვის. შეხვედრის დასასრულს მხარეებმა კიდევ ერთხელ დაადასტურეს მზადყოფნა, გააძლიერონ თანამშრომლობა და განაგრძონ ერთობლივი პროექტების ეფექტიანი განხორციელება.შეხვედრას ესწრებოდნენ ინფრასტრუქტურის მინისტრის მოადგილე მზია გიორგობიანი, საავტომობილო გზების დეპარტამენტის თავმჯდომარე ლევან დარახველიძე, მუნიციპალური განვითარების ფონდის აღმასრულებელი დირექტორი ბექა ურუშაძე.

პოლიტიკა • 1769504136

ეს ფორმატი სწორედ იმისთვის არის შექმნილი, რომ სახელმწიფოებმა გამოთქვან თავიანთი მოსაზრებები, ამა თუ იმ ქვეყანაში არსებულ ადამიანის უფლებათა მდგომარეობის შესახებ - ხათუნა თოთლაძე

ჟენევაში გაეროს უნივერსალური პერიოდული მიმოხილვის ფარგლებში საქართველოში ადამიანის უფლებების მდგომარეობის შესახებ ანგარიში განიხილეს. ანგარიში საქართველოს სამთავრობო დელეგაციამ წარადგინა. სიტყვით გამოსვლისას, ალექსანდრე დარახველიძემ, ყურადღება გაამახვილა ქალთა მიმართ და ოჯახში ძალადობის აღკვეთისა და არასრულწლოვანთა უფლებების დაცვის საკითხებზე.შინაგან საქმეთა მინისტრის მოადგილემ, დამსწრე საზოგადოებას, ბოლო პერიოდში, ქვეყანაში მიმდინარე საპროტესტო აქციების დროს პოლიციის მიერ მართლწესრიგის უზრუნველსაყოფად გატარებული ღონისძიებები გააცნო. დელეგაცია ჟენევაში საქართველოს საგარეო საქმეთა მინისტრის მოადგილის ხათუნა თოთლაძის ხელმძღვანელობით იმყოფებოდა."ეს ფორმატი სწორედ იმისთვის არის შექმნილი, რომ სახელმწიფოებმა გამოთქვან თავიანთი მოსაზრებები, ამა თუ იმ ქვეყანაში არსებულ ადამიანის უფლებათა მდგომარეობის შესახებ. მათ შორის შეიძლება არსებობდეს გარკვეული წუხილები, გარკვეული კონკრეტული რეკომენდაციები სხვადასხვა უფლებრივი მდგომარეობის გაუმჯობესების მიმართულებით და რაც ყველაზე მნიშვნელოვანია, ასევე აღიარებები, რომელსაც სახელმწიფოები ვერ მალავენ, როდესაც საქმე ეხება ბოლო წლების განმავლობაში, კონკრეტულად საქართველოში განხორციელებულ რეფორმებს, იქნება ეს საკანონმდებლო ინიციატივების თუ სხვადასხვა მიმართულებით, რასაც კონკრეტული ეფექტი აქვს ადამიანის უფლებათა მდგომარეობაზე. კითხვა არცერთი არ დარჩა პასუხგაუცემელი, ყველა თემასთან მიმართებით გვქონდა ჩვენ პოზიციები. როგორც წესი, სახელმწიფოები შემდეგ უკვე მოგვიწოდებენ ჩვენ, რომ გავაგრძელოთ მუშაობა ამა თუ იმ მიმართულებით საიმისოდ, რომ მომავალი ციკლის ფარგლებში კიდევ უფრო უკეთესი ფორმით წარვდგეთ გაეროს წევრი სახელმწიფოების წინაშე და ვაჩვენოთ ის პროგრესი, რომელიც ამ რეკომენდაციების შემდეგ, უკვე აღების შემთხვევაში გვექნება როგორც შესრულების მდგომარეობა. დაველოდებით ჩვენ ოფიციალურად ამ რეკომენდაციების მიღებას, შემდეგ უკვე განვიხილავთ ქვეყნის შიგნით მთავრობასთან და პარლამენტთან შეთანხმებით", - აცხადებს საქართველოს საგარეო საქმეთა მინისტრის მოადგილე ხათუნა თოთლაძე.

პოლიტიკა • 1769503632

ჩვენ დადებითად ვაფასებთ საქართველოს მიერ ადამიანის უფლებათა დაცვის ეროვნული სტრატეგიის მიღებას, რაც ქვეყანაში ადამიანის უფლებათა დაცვის მექანიზმების გაძლიერებას ემსახურება - სერბეთის წარმომადგენელი მაიდა კრსიკაპა

ჟენევაში გაეროს უნივერსალური პერიოდული მიმოხილვის ფარგლებში საქართველოში ადამიანის უფლებების მდგომარეობის შესახებ ანგარიში განიხილეს. ანგარიში საქართველოს სამთავრობო დელეგაციამ წარადგინა. სიტყვით გამოსვლისას, ალექსანდრე დარახველიძემ, ყურადღება გაამახვილა ქალთა მიმართ და ოჯახში ძალადობის აღკვეთისა და არასრულწლოვანთა უფლებების დაცვის საკითხებზე.შინაგან საქმეთა მინისტრის მოადგილემ, დამსწრე საზოგადოებას, ბოლო პერიოდში, ქვეყანაში მიმდინარე საპროტესტო აქციების დროს პოლიციის მიერ მართლწესრიგის უზრუნველსაყოფად გატარებული ღონისძიებები გააცნო. დელეგაცია ჟენევაში საქართველოს საგარეო საქმეთა მინისტრის მოადგილის ხათუნა თოთლაძის ხელმძღვანელობით იმყოფებოდა.ადამიანის უფლებების მდგომარეობის შესახებ ანგარიშის განხილვის დროს, სხვადასხვა ქვეყნების წარმომადგენლებმა საქართველოს შესახებ საკუთარი შეფასებები გააკეთეს."ჩვენ დადებითად ვაფასებთ საქართველოს მიერ ადამიანის უფლებათა დაცვის ეროვნული სტრატეგიის მიღებას, რაც ქვეყანაში ადამიანის უფლებათა დაცვის მექანიზმების გაძლიერებას ემსახურება. ასევე, მივესალმებით ქალთა მიმართ და ოჯახში ძალადობის წინააღმდეგ მიმართულ ძალისხმევას, კერძოდ: სპეციალური სამოქმედო გეგმების შემუშავებას, ამგვარი საქმეების პრიორიტეტიზაციასა და სპეციალიზებული პროკურორების ინსტიტუტის გამოყენებას", - აცხადებს სერბეთის წარმომადგენელი მაიდა კრსიკაპა.სიტყვით გამოსვლების დროს, საუბარი შეეხო მშვიდობიანი შეკრებისა და სამოქალაქო საზოგადოების დამოუკიდებლობის დაცვას, ძალის გადამეტების შემთხვევების გამოძიებას და საქართველოს მთავრობის მიერ განხორციელებულ რეფორმებს ადამიანის უფლებათა დაცვის ეროვნულ სტრატეგიაზე."ჩვენი რეკომენდაცია, რომ საქართველომ დემონსტრანტების წინააღმდეგ ძალის გადამეტების შემთხვევები გამოიძიოს და დაზარალებულებისთვის სამართლიანობა, კომპენსაცია და რეაბილიტაცია უზრუნველყოს. ასევე, გააუქმოს "უცხოური გავლენის გამჭვირვალობის შესახებ" კანონი "უცხოური აგენტების რეგისტრაციის აქტი" და "გრანტების შესახებ კანონში" ცვლილებები", - განაცხადა ჟენევის ოფისში გერმანიის მუდმივი წარმომადგენლობის მრჩეველმა მარი რამბახმა.

პოლიტიკა • 1769493914

მსურს, კიდევ ერთხელ დაგიდასტუროთ, რომ საქართველოში მშვიდობიანი შეკრებებისა და მანიფესტაციის უფლება სრულად არის გარანტირებული საქართველოს კონსტიტუციითა და შესაბამისი კანონმდებლობით - ალექსანდრე დარახველიძე

 ჟენევაში გაეროს უნივერსალური პერიოდული მიმოხილვის ფარგლებში საქართველოში ადამიანის უფლებების მდგომარეობის შესახებ ანგარიში განიხილეს. ანგარიში შეკრებილებს საქართველოს სამთავრობო დელეგაციამ გააცნო.უნივერსალური პერიოდული მიმოხილვა გაეროს ადამიანის უფლებათა საბჭოს მექანიზმია, რომლის ფარგლებშიც წევრი სახელმწიფოები ადამიანის უფლებების დაცვის კუთხით ანგარიშს 5 წელიწადში ერთხელ წარადგენენ. წელს საქართველოს დელეგაციის შემადგენლობაში აღმასრულებელი, საკანონმდებლო და სასამართლო ხელისუფლების წარმომადგენლები იყვნენ."მსურს, კიდევ ერთხელ დაგიდასტუროთ, რომ საქართველოში მშვიდობიანი შეკრებებისა და მანიფესტაციის უფლება სრულად არის გარანტირებული საქართველოს კონსტიტუციითა და შესაბამისი კანონმდებლობით. ამ კონტექსტში მოგახსენებთ, რომ 2024 წლის 28 ნოემბრიდან მიმდინარეობს საპროტესტო აქციები და როგორც თავად აქციის მონაწილეები აცხადებენ, 425 დღეა, ისინი პროტესტის რეჟიმში არიან. ის ფაქტი, რომ 425 დღე ნებისმიერ პირს შეუძლია, სახელმწიფოს ძირითად საკანონმდებლო ორგანოსთან შეიკრიბოს და გამოხატოს პროტესტი ნებისმიერ საკითხზე, ნათლად მიუთითებს, რომ საქართველოში სრულად არის დაცული მშვიდობიანი შეკრების უფლება.რაც შეეხება 2024 წლის ნოემბრის ბოლოსა და დეკემბრის დასაწყისში განვითარებულ მოვლენებს, ეს იყო არა მშვიდობიანი, არამედ კარგად ორგანიზებული, ძალადობრივი აქტი, რომელიც დასაწყისიდანვე მიზნად ისახავდა სახელმწიფო გადატრიალებას და საქართველოში ხელისუფლების დამხობას“, პროტესტის მონაწილეებს აქციაზე ჰქონდათ ისეთი კანონსაწინააღმდეგო ნივთები, როგორებიცაა ე.წ. მოლოტოვის კოქტეილები, პიროტექნიკა, რკინისა და ხის ხელკეტები, კასტეტები, ე.წ. შურდულები, ქვები, რკინის კონსტრუქციები და სხვა.აქციაზე სათანადო რაოდენობის ადამიანების შეკრებისთანავეორგანიზებულად იწყებოდა ძალადობრივი პროცესები, რომელიც გადადიოდა პარლამენტის შენობაზე თავდასხმასა და პოლიციელების მიმართ სასტიკ ძალადობაში.სწორედ ამიტომ, შინაგან საქმეთა სამინისტროს შესაბამისმა დანაყოფებმა გამოიყენეს საერთაშორისო სტანდარტებით გათვალისწინებული პროპორციული ძალა და სპეციალური საშუალებები. ჩვენ ვიმოქმედეთ ზუსტად იმავე სტანდარტით, რითიც მოქმედებს მრავალი ევროპული ქვეყნის პოლიცია", - აცხადებს საქართველოს შინაგან საქმეთა მინისტრის მოადგილე ალექსანდრე დარახველიძე.

პოლიტიკა • 1769447383

ალექსანდრე დარახველიძემ ჟენევაში, გაეროს ადამიანის უფლებათა საბჭოს უნივერსალური პერიოდული მიმოხილვის ფარგლებში გამართულ ეროვნული ანგარიშის განხილვაში მიიღო მონაწილეობა

შინაგან საქმეთა მინისტრის მოადგილემ, ალექსანდრე დარახველიძემ ჟენევაში, გაეროს ადამიანის უფლებების საბჭოს უნივერსალური პერიოდული მიმოხილვის (UPR) მე-4 ციკლის ფარგლებში, საქართველოში ადამიანის უფლებების დაცვის მდგომარეობის შესახებ 2025 წლის ეროვნული ანგარიშის განხილვაში მიიღო მონაწილეობა. ამის შესახებ ინფორმაციას შს სამინისტრო ავრცელებს.უწყების ცნობით, ალექსანდრე დარახველიძემ საბჭოს წევრებს საანგარიშო პერიოდში სამინისტროში განხორციელებული რეფორმები და დანაშაულის წინააღმდეგ ბრძოლის კუთხით მიღწეული შედეგები გააცნო. მინისტრის მოადგილემ განსაკუთრებული ყურადღება გაამახვილა იმ საკანონმდებლო ცვლილებებსა და გატარებულ ღონისძიებებზე, რომლებიც ბოლო პერიოდში განხორციელდა უკანონო მიგრაციის, ორგანიზებული დანაშაულის, მათ შორის ნარკოდანაშაულის წინააღმდეგ ეფექტიანად საბრძოლველად.სიტყვით გამოსვლისას, ალექსანდრე დარახველიძემ, ასევე, ყურადღება გაამახვილა ქალთა მიმართ და ოჯახში ძალადობის აღკვეთისა და არასრულწლოვანთა უფლებების დაცვის საკითხებზე.შინაგან საქმეთა მინისტრის მოადგილემ, დამსწრე საზოგადოებას, ბოლო პერიოდში, ქვეყანაში მიმდინარე საპროტესტო აქციების დროს პოლიციის მიერ მართლწესრიგის უზრუნველსაყოფად გატარებული ღონისძიებები გააცნო.უნივერსალური პერიოდული მიმოხილვა (UPR) გაერო-ს ადამიანის უფლებათა საბჭოს მექანიზმია, რომლის ფარგლებშიც წევრი სახელმწიფოები ადამიანის უფლებების დაცვის კუთხით ანგარიშს 5 წელიწადში ერთხელ წარადგენენ. წელს საქართველოს დელეგაციის შემადგენლობაში აღმასრულებელი, საკანონმდებლო და სასამართლო ხელისუფლების წარმომადგენლები შედიან.