,,სადგურის მოედნის" მიმდებარედ, ჩამონგრეული კორპუსიდან 100-ზე მეტი ადამიანია გაყვანილი - ტრაგედიის ადგილი უკვე დასუფთავებულია

თბილისში, თევდორე მღვდლის 10 ნომერთან, ტრაგედიის ადგილი უკვე დასუფთავებულია. მუშაობდა მძიმე ტექნიკაც. "თბილსერვის ჯგუფის" თანამშრომლებმა ტერიტორიის მოწესრიგება მას შემდეგ დაიწყეს, რაც შინაგან საქმეთა სამინისტრომ საგამოძიებო მოქმედებების დასრულების შესახებ ოფიციალურად განაცხადა; მუშაობა დაასრულეს ექსპერტებმაც.

შენობაში ეტაპობრივად შესვლის უფლება მიეცათ ადგილობრივებს. პირადი ნივთების გამოსატანად, მაშველების მეთვალყურეობის ქვეშ შესვლა მათ დღეს, დილის 10:00 საათიდან ისევ მიეცემათ.

კორპუსიდან საერთო ჯამში 102 ადამიანია გაყვანილი.