მსოფლიოში ყველაზე პოპულარული TikToker-ი, ხაბი ლემი დააკავეს
1749463502
შვიდი მოსწავლეა დაშავებული და შვიდივე კლინიკაში რჩება - ახალი დეტალები ავტობანზე მომხდარ ავარიაზე
ავარია ავტობანზე - სურამი-ხაშურის დამაკავშირებელ წრესთან, გვიან ღამით, მიკროავტობუსი, რომელსაც ექსკურსიაზე მყოფი ბავშვები გადაჰყავდა, ავარიაში მოყვა. ერთმანეთს რამდენიმე ავტომობილი შეეჯახა.
შემთხვევის ადგილზე მობილიზებული იყო სასწრაფო სამედიცინო დახმარების, მეხანძრე-მაშველებისა და სამართალდამცველების რამდენიმე ეკიპაჟი.
დაშავებულები ხაშურის საავადმყოფოში გადაიყვანეს. შემთხვევას მსხვერპლი არ მოჰყოლია.
როგორც „მოზაიკას“ უთხრეს "შვიდი მოსწავლეა დაშავებული და შვიდივე მათგანი კლინიკაში რჩება".
წყაროს ცნობით, სამ მოსწავლეს თავის ტრავმა აქვს მიღებული.
მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც სატრანსპორტო საშუალების მოძრაობის, ანუ უსაფრთხოების წესების დარღვევას გულისხმობს, რამაც ადამიანის ჯანმრთელობის მდგომარეობის დაზიანება გამოიწვია.
