რატომ არ უნდა ჩაიცვათ კაბა თვითმფრინავში - ეს უნდა იცოდეთ

ყველა ტანსაცმელი ერთნაირად კომფორტული არ არის, თუ მომდევნო რამდენიმე საათის თვითმფრინავში გატარებას გეგმავთ.

ემირატების ყოფილმა ბორტგამცილებელმა, ირინამ თავის YouTube ბლოგში პრაქტიკული რჩევები გააზიარა, თუ როგორ გავხადოთ შორ მანძილზე ფრენა მაქსიმალურად კომფორტული . მისი ერთ-ერთი ვიდეო ფრენისთვის ტანსაცმლის შერჩევას ეხება.

ირინას თქმით, კაბები - განსაკუთრებით მინი ან მჭიდრო - ხანგრძლივი მოგზაურობისთვის არ არის შესაფერისი.

„ხანგრძლივმა ფრენამ შეიძლება გამოიწვიოს შებერილობა და შეშუპება, განსაკუთრებით ფეხებში, როდესაც დიდხანს იჯდებით. სხეულის ამ ნაწილში სისხლის მიმოქცევა ცუდია, ამიტომ უნდა ჩაიცვათ ტანსაცმელი, რომელიც არ არის ძალიან მჭიდრო და საკმარისად კომფორტულია“, - ამბობს ის.

სხვათა შორის, ბორტზე ტემპერატურასაც აქვს თავისი სპეციფიკა. ირინა აღნიშნავს, რომ სალონში, როგორც წესი, 22-24°C ტემპერატურაა შენარჩუნებული, რათა თავიდან იქნას აცილებული მგზავრების გადახურება.

აქვე მნიშვნელოვანია იმის გაგება, რომ თვითმფრინავის სალონში ტემპერატურას პილოტები აკონტროლებენ და არა ბორტგამცილებლები. გარდა ამისა, თვითმფრინავში ტემპერატურის რეგულირება საკმაოდ რთული ამოცანაა.

ასე რომ, ირინას რჩევაა ჩაიცვათ სპორტული ტანსაცმელი, მაგალითად, მაისურები. ირინა ასევე გვირჩევს, რომ ტანსაცმლის რამდენიმე ფენა გვქონდეს, რათა ტემპერატურის მიხედვით მისი გახდა ან ჩაცმა შევძლოთ.