ხომ არ იწვევს თქვენი კონდიციონერი ფარულად ავადმყოფობას? - როგორ უნდა გაიგოთ ეს და რა უნდა გააკეთოთ მის შესაჩერებლად

კონდიციონერებში ობის გაჩენა საკმაოდ გავრცელებულია, თუ ისინი სათანადოდ არ არის მოვლილი. თუ დიდი ხანია არ შეგიმოწმებიათ თქვენი კონდიციონერი, ჩვენ გეტყვით რატომ უნდა შეამოწმოთ ეს და რა უნდა გააკეთოთ, თუ აღმოაჩენთ, რომ იქ რაიმე უსიამოვნო ნივთიერებაა.

როგორ გავიგოთ, რომ თქვენს კონდიციონერს შეიძლება ჰქონდეს ობი ან მიკრობული ზრდა

არსებობს რამდენიმე გამაფრთხილებელი ნიშანი, რომელიც შეიძლება მიუთითებდეს, რომ თქვენი კონდიციონერი შესაძლოა პრობლემას იწვევდეს.

თქვენ შეგიძლიათ ნახოთ ზრდა

შესაძლოა, კონდიციონერის გახსნის ან ფილტრის შემოწმების შემდეგ, ობი სხვადასხვა ფერში გამოჩნდეს, მათ შორის თეთრ, მწვანე, ლურჯ, ვარდისფერ, ნაცრისფერ, შავ ან ყავისფერ ფერში. მას ასევე შეუძლია სხვადასხვა ტექსტურის მიღება, მაგალითად, ფხვნილისებრი, ან ლორწოვანი.

მუშაობისას თქვენს კონდიციონერს მიწის ან ნესტის სუნი ასდის

შესაძლოა, მუშაობისას რაღაცის სუნი იგრძნოთ: „ობი ყოველთვის ვიზუალურად არ ვლინდება, მაგრამ ხშირად გამოხატავს გამორჩეულ სუნს. ის გამოყოფს აირებს, რომლებიც ცნობილია როგორც მიკრობული აქროლადი ორგანული ნაერთები (MVOCs), რომლებიც ქმნიან ნაცნობ, ნესტის, ან მიწის სუნს“,- ამბობს ექსპერტი.

შეიძლება ცუდად გრძნობდე თავს

ექსპერტის თქმით, ამ ტიპის მიკრობებთან კონტაქტმა შეიძლება გამოიწვიოს სხვადასხვა სიმპტომი, მათ შორის ტვინის დაბინდვა, დაღლილობა, შეშუპება, ხველა და თავის ტკივილი. „თუ ეს სიმპტომები სახლში ყოფნისას გამწვავდება, ღირს შემდგომი გამოკვლევის ჩატარება“.

რა უნდა გააკეთოთ, თუ კონდიციონერში ობი აღმოაჩენთ

თუ სახლში ობის პრობლემა გქონიათ, იცით, რომ მისი სათანადოდ გაწმენდა ძალიან რთულია. ხოლო თუ საქმე ფანჯრის კონდიციონერს ეხება,ექსპერტი გირჩევთ, უბრალოდ მოაშოროთ იგი: „შეგიძლიათ სცადოთ გაწმენდა, მაგრამ ეს არასდროს იძლევა გარანტიას, რომ ყველა ის ნაწილაკი მოშორდება, რამაც შეიძლება გამოიწვიოს ხანგრძლივი ზემოქმედება ან ობის ხელახლა გაჩენა“.

როგორ ავიცილოთ თავიდან ობის ან სხვა დამაბინძურებლების გამრავლება კონდიციონერში

„რუტინული შემოწმება დაგეხმარებათ პრობლემის ადრეულ ეტაპზე გამოვლენაში, რათა მისი მოგვარება შესაძლებელი იყოს, იქნება ეს ტენიანობა თუ აქტიური მიკრობული ზრდა“, - ამბობს ექსპერტი.

ფილტრების ყოველკვირეული გაწმენდა და შემოწმება დაგჭირდებათ - ეს ორგანული მასალის მოცილებაში დაგეხმარებათ, სანამ ის პრობლემად იქცევა.