7 ადგილი, რომელიც შემოდგომის დაწყებამდე უნდა დაალაგოთ

ზაფხული თითქმის მიიწურა და მალე შემოდგომა დადგება. ახალი სეზონისთვის ყველა ადამიანი სხვადასხვანაირად ემზადება. აქ მოცემულია შვიდი ადგილი, რომელიც შემოდგომის დადგომამდე უნდა დაალაგოთ.

1. ფანჯრები და ფანჯრის რაფები

დასუფთავების სპეციალისტის თქმით, ფანჯრებისა და ფანჯრის რაფების გაწმენდა კარგი იდეაა: „გამოიყენეთ მიკროფიბრის ტილოები, რადგან ისინი შესანიშნავად ერგება როგორც ფანჯრებს, ასევე რაფებს“.

2. ჰაერის გამწოვი ხვრელები და ფილტრები

არავის სურს, სახლში შევიდეს და იგრძნოს, რომ სუნთქვა უჭირს ან ჰაერი მტვრითაა სავსე. ამ პრობლემის თავიდან ასაცილებლად ერთ-ერთი უმარტივესი გზაა დარწმუნდეთ, რომ თქვენი გათბობა-კონდიცირების სისტემა კარგ მდგომარეობაშია. მერფი გვირჩევს, ფილტრები სეზონურად შევცვალოთ: „სუფთა სავენტილაციო ხვრელები და ჰაერის ფილტრები ხელს უწყობს ჰაერის უკეთეს ნაკადს და აუმჯობესებს ჰაერის ხარისხს, რადგან უფრო გრილი ამინდისთვის ემზადებით“, - ამბობს ის.

3. შესასვლელები და ტუალეტი

კარგად დალაგებული შესასვლელი თუ გექნებათ, სახლში შესვლისას თავს კარგად გრძნობთ: „სუფთა და ორგანიზებული შესასვლელი ადგილი ხელს უშლის ჭუჭყისა და არეულობის მთელ სახლში გავრცელებას“, - ამბობს მერფი.

4. მტვრიანი კუთხეები და ნაპრალები

„მტვერსასრუტის შლანგის გამოყენებით, გაწმინდეთ დივნის ბალიშების ქვეშ ადგილი და ნებისმიერი ავეჯის უკანა მხარე, რომელიც პირდაპირ იატაკზე არ დევს“, - გვთავაზობს ის. „ეს ყოველთვის კარგი საქციელია, მაგრამ თუ რაიმე სახის მყარი იატაკი გაქვთ , ეს კიდევ უფრო მნიშვნელოვანია, რადგან მტვერი თქვენს სახლში ცირკულირებს მანამ, სანამ არ მოიშორებთ. ხალიჩა მას კიდევ უფრო მეტად აკავებს“.

5. გარე სივრცეები და გარე ავეჯი

შესაძლოა, შემოდგომაზეც შეძლოთ თქვენი ტერასით ან ვერანდით ტკბობა, თუმცა ექსპერტი გვირჩევს, რომ პირველი ყინვის დაწყებამდე ეს სივრცე კარგად დავასუფთაოთ.

6. საძინებლების კარადები

ტეილორის ერთ-ერთი საყვარელი შემოდგომისწინა დალაგების პროექტი მინი კარადის გადალაგებაა: „ზაფხულის ტანსაცმელი, რომელიც ამ ზაფხულს არ ჩაგიცვამთ, სავარაუდოდ, აღარასდროს ჩაიცვამთ, ამიტომ გააჩუქეთ“, - ამბობს ის.

გადატვირთულ კარადაში ორიენტირება რთულია - მოიშორეთ ის, რასაც არ ჩაიცვამთ, რათა ადვილად ნახოთ და იპოვოთ ის, რაც ნამდვილად გჭირდებათ. „და ბოლოს, გამოიღეთ შემოდგომისა და ზამთრის შენახული ტანსაცმელი და მიეცით მათ უფლება, დაიკავონ თავიანთი ადგილი მომავალი სეზონისთვის“, - დასძენს ტეილორი.

7. პალტოების კარადა და სეზონური შესანახი ადგილები

პალტოების კარადის ან სეზონური საცავის დალაგება და ორგანიზება ის არის, რაც აუცილებლად უნდა გააკეთოთ, სანამ შემოდგომა მოვა.