,,შორს ვართ იმ აზრისგან, რომ რაიმე ფორმით - ან საქმის, ღირსების კუთხით საკანონმდებლო ორგანოს რაიმეს შემატებენ" - დავით მათიკაშვილი პარტია "საქართველოსთვის" ბოიკოტის შეწყვეტაზე

ერთწლიანი პაუზის შემდეგ, პარტია "გახარია საქართველოსთვის" ბოიკოტს წყვეტს. მმართველი გუნდის განცხადებით, ოპონენტების გადაწყვეტილება მოსალოდნელი იყო, თუმცა საპარლამენტო საქმიანობაში მათი აქტიურობის იმედი არ აქვთ.

"პროგნოზირებადიც იყო ეს ამბავი. რა გითხრათ - ჩვენ გვინახავს როგორც გახარიას პარტიის წარმომადგენლები საქართველოს პარლამენტში, ისე - კოლექტიური "ნაცმოძრაობის" ყველა დანაყოფის. თითი თითზე არ დაუდიათ, რეალურად საკანონმდებლო მუშაობისთვის წინა მოწვევების პარლამენტში. შორს ვართ იმ აზრისგან, რომ რაიმე ფორმით - ან საქმის, ღირსების კუთხით საკანონმდებლო ორგანოს რაიმეს შემატებენ," - აცხადებს "ქართული ოცნების" წევრი, დავით მათიკაშვილი.

შეგახსენებთ, რომ პარტიამ "გახარია საქართველოსთვის" საკუთარი გადაწყვეტილება საზოგადოებას 20 ოქტომბერს გამართულ ბრიფინგზე გააცნო.