პროკურატურა ეკონომიკის მინისტრის ყოფილი მოადგილისთვის წინასწარ პატიმრობას ითხოვს - დააკმაყოფილებს თუ არა სასამართლო ბრალდების მხარის მოთხოვნას, რამდენიმე საათში გაირკვევა

პროკურატურა ეკონომიკის მინისტრის ყოფილი მოადგილისთვის წინასწარ პატიმრობას ითხოვს. დააკმაყოფილებს თუ არა სასამართლო რომეო მიქაუტაძისთვის ბრალდების მხარის მოთხოვნას - ეს რამდენიმე საათში გაირკვევა. მიქაუტაძეს სამსახურებრივი უფლებამოსილების ბოროტად გამოყენებასა და მილიონობით ლარის უკანონო შემოსავლების ლეგალიზებას ედავებიან.

ანტიკორუფციული სააგენტოს მიერ ჩატარებული გამოძიების ცნობით, ბრალდებული, 8 წლის განმავლობაში, თანამდებობით უკანონოდ სარგებლობდა, შედეგად კი მისი ქონება მილიონობით ლარით გაიზარდა. თავად ბრალდებული თავს დამნაშავედ არ ცნობს.