პირადი ცხოვრების საკითხების ასე საჯარო განხილვა, ბავშვების თემების ასე საჯაროდ წარმოჩენა, "ნაციონალური მოძრაობის" ხელწერაა - ტატა ხვედელიანი

"პირადი ცხოვრების საკითხების ასე საჯარო განხილვა, ბავშვების თემების ასე საჯაროდ წარმოჩენა "ნაციონალური მოძრაობის" ხელწერაა," - ასე გამოეხმაურა პარტია "საქართველოსთვის" წევრი, ტატა ხვედელიანი "ერთიანობა-ნაციონალურ მოძრაობასა" და "ფედერალისტებს" შორის არსებულ დაპირისპირებას.

მისივე თქმით, სწორედ ამიტომაა მათთვის წითელი ხაზი "ნაციონალური მოძრაობა".

"ბოიკოტისტმა 8 პარტიამ ახლა უკვე ბოიკოტი ერთმანეთსაც გამოუცხადა, ეს მოსალოდნელი იყო. ზოგადად, ეს პირადი ცხოვრების საკითხების ასე საჯარო განხილვა, ბავშვების თემების ასე საჯაროდ წარმოჩენა "ნაციონალური მოძრაობის" ხელწერაა, ეს არის მიუღებელი. სწორედ ამიტომაც ვამბობთ ჩვენ, რომ ჩვენთვის წითელი ხაზია "ნაციონალური მოძრაობა" და მისი ნებისმიერი განშტოება", - აცხადებს ტატა ხვედელიანი.