„გამჭვირვალობის შესახებ" კანონპროექტს მეორე მოსმენით კენჭს სავარაუდოდ დღეს უყრიან

„უცხოური გავლენის გამჭვირვალობის შესახებ“ კანონპროექტს დღეს პარლამენტში პლენარულ სხდომაზე მეორე მოსმენით განიხილავენ. მმართველ გუნდში აცხადებენ, რომ მათ ოპონენტებს საგნობრივ დისკუსიაში შესვლა არ შეუძლიათ და ოპოზიცია სრულად გაკოტრებულია. „ქართულ ოცნებაში“ კანონპროექტის მიღების საჭიროებაზე კიდევ ერთხელ საუბრობენ.

ცნობისთვის, კანონპროექტით გათვალისწინებულია უცხოური გავლენის გამჭვირვალობის უზრუნველყოფის მიზნით სუბიექტის უცხოური ძალის ინტერესების გამტარებელ ორგანიზაციად რეგისტრაციისა და უცხოური ძალის ინტერესების გამტარებელი ორგანიზაციის საქმიანობის გამჭვირვალობასთან დაკავშირებული სხვა საკითხების მოწესრიგება.