არჩილ გორდულაძე: მნიშვნელოვანია, რომ გიორგი გახარია, რომელიც ევროკავშირის ერთ-ერთ მთავარ ქვეყანას, გერმანიას აფარებს თავს და იქ არის სტიპედიანტი, დაბრუნდეს საქართველოში და აგოს პასუხი კანონის წინაშე

სტრასბურგის სასამართლომ კიდევ ერთხელ დაადასტურა, რომ 19-20 ივნისს ძალადობრივი აქცია იმართებოდა, სადაც პარლამენტის შენობაზე პირდაპირ შტურმი მიმდინარეობდა. სტრასბურგის სასამართლომ აქციის მონაწილეების წინააღმდეგ საპოლიციო საშუალებების გამოყენება ლეგიტიმურად მიიჩნია, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.

მისი თქმით, სასამართლომ პროპორციულობის ნაწილში დარღვევა დაადგინა.

„ასევე, დარღვევა დაადგინა, რომ არ არის დროულად გამოძიებული და შესაბამისი პირები არ არიან პასუხისგებაში მიცემული, ვისი საშუალებითაც ადამიანებს სიცოცხლისა და ჯანმრთელობას საფრთხე შეექმნა. მაგალითად, მაკო გომურს. სწორედ ამიტომ მნიშვნელოვანი იყო, რომ გამოძიება დაიწყო. გახარია გაქცეულია გემანიაში და მას დაუსწრებლად ბრალი წარედგინა. გახარია თავად აღიარებდა, რომ იგი სრულად იღებდა პასუხისმგებლობას მიმდინარე მოვლენებთან დაკავშირებით. გახარია პასუხისმგებლობას გერმანიაშია გაქცეული და გერმანული მხარისგანაც სტიპენდიას იღებს. საინტერესოა, რა განცხადებას გააკეთებს ჩვენი ქვეყნის შიდა საქმეებში ჩარევაში არაერთხელ მხილებული გერმანიის ელჩი? მნიშვნელოვანია რომ ყველა პირი, რომელსაც ბრალი მიუძღვის ადამიანის უფლებების შელახვაში, მხილებული იყოს ისევე, როგორც მხილებულია გიორგი გახარია. მნიშვნელოვანია, რომ გიორგი გახარია, რომელიც ევროკავშირის ერთ-ერთ მთავარ ქვეყანას, გერმანიას აფარებს თავს და იქ არის სტიპედიანტი, დაბრუნდეს საქართველოში და სრული პასუხისმგებლობით აგოს პასუხი კანონის წინაშე“, – განაცხადა გორდულაძემ.

ადამიანის უფლებათა ევროპული სასამართლოს დიდმა პალატამ გამოაცხადა გადაწყვეტილება საქმეზე „ცაავა და სხვები საქართველოს წინააღმდეგ“, რომელიც 2019 წლის 20-21 ივნისის ღამით პოლიციის მიერ პარლამენტის წინ ანტისამთავრობო დემონსტრაციის დაშლას ეხება. 24 მომჩივანის მიმართ სტრასბურგის სასამართლომ დაადგინა ადამიანის უფლებათა ევროპული კონვენციის მე-3 მუხლის ორივე ასპექტის დარღვევა (არაადამიანური ან ღირსების შემლახველი მოპყრობა/ეფექტიანი გამოძიების ნაკლებობა). 14 მომჩივანთან დაკავშირებით სასამართლომ დაადგინა კონვენციის მე-10 მუხლის დარღვევა (გამოხატვის თავისუფლება). ასევე, სასამართლომ დაადგინა, რომ 11 მომჩივანის მიმართ დარღვეულ იქნა კონვენციის მე-11 მუხლი (შეკრების თავისუფლება).

ცნობისთვის, საქართველოს მაშინდელი შინაგან საქმეთა მინისტრის და ყოფილი პრემიერის, გიორგი გახარიას მიმართ საქართველოს პროკურატურამ ორ საქმეზე დაიწყო სისხლისსამართლებრივი დევნა. ერთ-ერთი ეპიზოდი სწორედ 2019 წლის 20-21 ივნისის მოვლენებს უკავშირდება. გახარიას აღკვეთის ღონისძიების სახით პატიმრობა დაუსწრებლად აქვს შეფარდებული.