უკრაინა მზად არის რუსეთთან მოლაპარაკებებისთვის, თუ მოსკოვს ნამდვილად სურს ომის დასრულება - ზელენსკი

უკრაინა მზად არის რუსეთთან მოლაპარაკებებისთვის, თუ მოსკოვს ნამდვილად სურს ომის დასრულება, – ამის შესახებ უკრაინის პრეზიდენტმა, ვოლოდიმირ ზელენსკიმ  განაცხადა. ინფორმაციას ამის შესახებ უკრაინული მედია ავრცელებს. 

„ჩვენ არ გვაქვს დრო მოლაპარაკებებისთვის, რომელიც არ მუშაობს. ჩვენ ზუსტად ვიცით, რას ვაკეთებთ. ხაზს ვუსვამ, ჩვენ არ გვაქვს ეჭვები და ჩვენ მზად ვართ, ვილაპარაკოთ მხოლოდ იმ შემთხვევაში, თუ მეორე მხარე მზად არის, ომი დაასრულოს“, – განაცხადა ზელენსკიმ.

მანამდე, უკრაინის პრეზიდენტის ოფისის ხელმძღვანელის მრჩეველმა, მიხაილ პოდოლიაკმა განაცხადა, რომ უკრაინა და რუსეთი აუცილებლად დასხდებიან მოლაპარაკების მაგიდასთან, თუმცა არა დღეს და არა რუსეთის პირობებით.