რუსეთში სათამაშო პლატფორმა „რობლოქსის“ აკრძალვის წინააღმდეგ აქცია გაიმართა

რუსეთში სათამაშო პლატფორმის, „რობლოქსის“ აკრძალვის წინააღმდეგ საპროტესტო აქცია გაიმართა. ამის შესახებ „როიტერი“ წერს.

ციმბირის ქალაქ ტომსკში აქციაზე რამდენიმე ათეული ადამიანი იმყოფებოდა.

მოქალაქეებს ხელში ეჭირათ პლაკატები წარწერებით: „ხელები შორს „რობლოქსისგან“. ამასთან, ერთ-ერთ ბანერზე ეწერა „აკრძალვები და დაბლოკვები – სულ ესაა, რისი გაკეთებაც შეგიძლიათ“.

მოსკოვში შეზღუდულია წვდომა გარკვეულ სოციალურ მედიაპლატფორმებზე, როგორებიცაა Snapchat-ი, Facebook-ი, Instagram-ი, WhatsApp-ი და YouTube-ი.

3 დეკემბერს რუსეთში სათამაშო პლატფორმა „რობლოქსიც“ დაბლოკეს.