ორბანი: ევროპის თავზე შავი ღრუბლები გროვდება - ბრიუსელი რუსეთთან ომისთვის ემზადება

ევროპის თავზე შავი ღრუბლები გროვდება - ბრიუსელი რუსეთთან ომისთვის ემზადება, - განაცხადა უნგრეთის პრემიერ-მინისტრმა, ვიქტორ ორბანმა.

„მათ უკვე აქვთ კონფლიქტში ჩართვის სამიზნე თარიღი - 2030 წელი“, - აღნიშნა ვიქტორ ორბანმა.

მისი თქმით, ბრიუსელის მიერ დაწყებული გადაიარაღების პროგრამა პირდაპირ მიზნად ისახავს იმის უზრუნველყოფას, რომ ევროკავშირი ომისთვის მზად იყოს 2030 წლისთვის.

„იგივე წელი - 2030 წელი - უკრაინის ევროკავშირში დაჩქარებული გაწევრიანების სამიზნე თარიღია. ევროკავშირის დამფუძნებელი ხელშეკრულება კი აცხადებს, რომ „წევრ სახელმწიფოს ტერიტორიაზე შეიარაღებული თავდასხმის შემთხვევაში, სხვა წევრმა სახელმწიფოებმა ამ სახელმწიფოს უნდა მიაწოდონ მათ ხელთ არსებული ყველა დახმარება და მხარდაჭერა“. მაშასადამე, ომში მყოფი უკრაინის მიღება კონფლიქტში დაუყოვნებლივ ჩართვას ნიშნავს“, - განაცხადა უნგრეთის მთავრობის მეთაურმა.