ნეთანიაჰუს სასამართლო პროცესი დაუყოვნებლივ უნდა გაუქმდეს ან შეწყალება მიეცეს - დონალდ ტრამპი

აშშ-ის პრეზიდენტი დონალდ ტრამპი ისრაელის პრემიერ-მინისტრის, ბენიამინ ნეთანიაჰუს საქმეზე მიმდინარე სასამართლო პროცესის შეწყვეტას ითხოვს.

ტრამპის თქმით, ბენიამინ ნეთანიაჰუს სასამართლო პროცესი დაუყოვნებლივ უნდა გაუქმდეს.

„შოკირებული ვიყავი, როდესაც გავიგე, რომ ისრაელის სახელმწიფო, რომელმაც ახლახან განიცადა ისტორიაში ერთ-ერთი უდიდესი მომენტი და რომელსაც ბიბი ნეთანიაჰუ ხელმძღვანელობს, აგრძელებს სასაცილო კუდიანებზე ნადირობას მათი დიდი ომის დროინდელი პერიოდის პრემიერ-მინისტრის წინააღმდეგ. მე და ბიბიმ ერთად გავიარეთ ჯოჯოხეთი, ვებრძოდით ისრაელის ძალიან სასტიკ და დიდი ხნის მტერს, ირანს და ბიბი ვერ იქნებოდა უკეთესი, უფრო ძლიერი თავისი სიყვარულით წარმოუდგენელი წმინდა მიწის მიმართ. ნებისმიერი სხვა განიცდიდა დანაკარგებს, სირცხვილს და ქაოსს. ბიბი ნეთანიაჰუ იყო მეომარი, ისეთი, როგორიც შესაძლოა, არცერთი სხვა მეომარი არ ყოფილიყო ისრაელის ისტორიაში. შედეგი იყო ის, რაც არავის ეგონა, რომ შესაძლებელი იყო მსოფლიოში ერთ-ერთი ყველაზე დიდი და ძლიერი ბირთვული პროგრამის სრული განადგურება.

ჩვენ ვიბრძოდით ისრაელის გადარჩენისთვის და ისრაელის ისტორიაში არავინ არის, ვინც ბიბი ნეთანიაჰუზე უფრო კომპეტენტურად იბრძოდა. ამ ყველაფრის მიუხედავად, ახლახან გავიგე, რომ ბიბი ორშაბათს სასამართლოში დაიბარეს იმ ხანგრძლივი, პოლიტიკურად მოტივირებული საქმის გასაგრძელებლად, რათა მას დიდი ზიანი მიაყენონ. ჩემთვის წარმოუდგენელია ასეთი კუდიანებზე ნადირობა, ადამიანზე, რომელმაც ამდენი რამ გასცა. ის ამაზე ბევრად მეტს იმსახურებს და ასევე იმსახურებს ისრაელის სახელმწიფო. ბიბი ნეთანიაჰუს სასამართლო პროცესი დაუყოვნებლივ უნდა გაუქმდეს ან შეწყალება მიეცეს დიდ გმირს, რომელმაც ამდენი რამ გააკეთა სახელმწიფოსთვის. სწორედ ამერიკის შეერთებულმა შტატებმა გადაარჩინა ისრაელი და ახლა ამერიკის შეერთებული შტატები გადაარჩენს ბიბი ნეთანიაჰუს“, – წერს დონალდ ტრამპი.