იტალიაში ექსტრემალური სიცხის გამო ხუთი ადამიანია დაღუპული, 18 ქალაქში საფრთხის წითელი დონეა გამოცხადებული

იტალიაში ექსტრემალური სიცხის გამო, ბოლო მონაცემებით, ხუთი ადამიანია დაღუპული, მათგან ორი 75 და 60 წლის იყო.

გენუაში, 85 წლის მამაკაცი გულის უკმარისობით საავადმყოფოს გადაუდებელი დახმარების განყოფილებაში გარდაიცვალა , სადაც ის გაუწყლოების დიაგნოზით იყო გადაყვანილი.

იტალიის ჯანდაცვის სამინისტრომ 3 ივლისს 18 ქალაქში, მათ შორის რომში, მილანში, ტურინში, ბოლონიაში, გენუასა და პალერმოში წითელი საფრთხის დონე გამოაცხადა, რაც იმას ნიშნავს, რომ სიცხე ძლიერია.