ძლიერი შტორმი ესპანეთის კუნძულზე - არის მსხვერპლი

ესპანეთის კუნძულ ტენერიფეზე ძლიერი შტორმის შედეგად სამი ადამიანი დაიღუპა, 15 კი დაშავდა, - ამის შესახებ Reuters-ი წერს.

სამაშველო ვერტმფრენმა კუნძულის ჩრდილოეთით მდებარე ლა გუანჩას სანაპიროზე წყალში ჩავარდნილ ერთ-ერთ მამაკაცს მიაკვლია და საავადმყოფოში გადაიყვანა, თუმცა ის კლინიკაში მიყვანისთანავე გარდაიცვალა.

გავრცელებული ინფორმაციით, 15 დაშავებულიდან სამი საავადმყოფოში მძიმე დაზიანებებით შეიყვანეს.