დონალდ ტუსკი: ევროკავშირის ლიდერები უკრაინის დაფინანსების შესახებ გადაწყვეტილებას დღეს თუ არ მიიღებენ, უკრაინას და ევროპას შესაძლოა, ხვალ სისხლისღვრა ელოდეთ

ევროკავშირის ლიდერები უკრაინის დაფინანსების შესახებ გადაწყვეტილებას დღეს თუ არ მიიღებენ, ხვალ უკრაინას და ევროპას შესაძლოა, სისხლისღვრა ელოდეთ, – ამის შესახებ პოლონეთის პრემიერ-მინისტრმა, დონალდ ტუსკმა ევროპული საბჭოს სხდომის წინ განაცხადა.

მისივე თქმით, უკრაინის დაფინანსების შესახებ გადაწყვეტილების მიუღებლობამ შესაძლოა, საომარი მოქმედებების ესკალაცია გამოიწვიოს.

„ახლა ჩვენ მარტივი არჩევანი გვაქვს: ფული დღეს ან სისხლისღვრა ხვალ. მე ვსაუბრობ არა მხოლოდ უკრაინაზე, არამედ ევროპაზე. ეს გადაწყვეტილება ჩვენ და მხოლოდ ჩვენ უნდა მივიღოთ. ვფიქრობ, ყველა ევროპელი ლიდერი საბოლოოდ ამ დონემდე უნდა მივიდეს. და ეს არის ყველაფერი, რისი თქმაც ახლა შემიძლია“, – აღნიშნა პოლონეთის პრემიერ-მინისტრმა.