ავიაკატასტროფის გამოძიების დასრულებამდე, „აზერბაიჯანის ავიახაზებმა“ გროზნოსა და მახაჩყალის მიმართულებით ფრენები შეაჩერა

ყაზახეთში ავიაკატასტროფის გამოძიების დასრულებამდე, „აზერბაიჯანის ავიახაზებმა“ გროზნოსა და მახაჩყალის მიმართულებით ფრენები შეაჩერა, – ამის შესახებ ინფორმაციას აზერბაიჯანული მედია ავიაკომპანიაზე დაყრდნობით ავრცელებს.

კომპანიაში აღნიშნავენ, რომ დანარჩენი მიმართულებებით „აზერბაიჯანის ავიახაზები“ რეისებს ჩვეული განრიგით განაგრძობს.

შეგახსენებთ, დღეს „აზერბაიჯანის ავიახაზების“ სამგზავრო თვითმფრინავმა კატასტროფა განიცადა.