აშშ-ის ომის მდივანმა ესტონეთში რუსული თვითმფრინავების შეჭრა დაგმო

აშშ-ის ომის მდივანმა პიტ ჰეგსეტმა სოციალურ ქსელ X-ში დაწერა, რომ საუბარი გამართა მის ესტონელ კოლეგასთან ჰანო პევკურთან, რა დროსაც აღნიშნა, რომ ამერიკული მხარისთვის რუსული სამხედრო თვითმფრინავების მიერ ესტონეთის საჰაერო სივრცის დარღვევა მიუღებელია.

„რუსეთის შეჭრა ნატოს საჰაერო სივრცეში - მიუღებელია. ომის დეპარტამენტი სოლიდარობას უცხადებს ესტონეთს და აღნიშნავს სწრაფ და ძლიერ სამოკავშირეო რეაქციას“, - დაწერა ჰეგსეტმა.

ცნობისთვის რუსულმა გამანადგურებლებმა 19 სექტემბერს ფინეთის ყურესთან ესტონეთის საჰაერო სივრცეში შეიჭრნენ და 12 წუთის განმავლობაში იქ იმყოფებოდნენ. ნატოში განაცხადეს, რომ თვითმფრინავების გადაჭერა შეძლეს.