10 წლის განმავლობაში, ერთი და იმავე თერმოსის გამოყენების შემდეგ, კაცი მძიმე მეტალით მოიწამლა და გარდაიცვალა - მედია

ტაივანურმა მედიამ ცოტა ხნის წინ გაავრცელა ინფორმაცია მამაკაცის ტრაგიკული გარდაცვალების შესახებ, რომლის ფილტვების მძიმე ინფექციაც მძიმე მეტალებით მოწამვლის შედეგად გამწვავდა. როგორც ამბობენ, მამაკაცს ჯანმრთელობის პრობლემები დაახლოებით ერთი წლის წინ დაეწყო.  სისხლის ანალიზებმა აჩვენა, რომ ის მძიმე მეტალებით მოწამვლით იტანჯებოდა.

დაბინძურების წყაროს დადგენისას ექიმებმა გაარკვიეს, რომ მამაკაცი ბოლო 10 წლის განმავლობაში ყოველდღიურად იყენებდა ერთსა და იმავე თერმოსს. კონტეინერის შემოწმებისას მათ აღმოაჩინეს, რომ შიგნით ჟანგი წარმოიქმნა.

მიუხედავად იმისა, რომ მამაკაცმა ჟანგი დაინახა და იცოდა, რომ მისი თერმოკონტეინერი აშკარად არ იყო ჟანგგამძლე მასალისგან დამზადებული, პაციენტმა განაგრძო მისი გამოყენება. ის თერმოსში უბრალოდ წყალს ავლებდა. უცნობია, როდის დაიწყო თერმოსმა სასმელებში მძიმე მეტალების გაჟონვა, მაგრამ როდესაც პაციენტი საავადმყოფოში მივიდა, უკვე გვიანი იყო. მოწამვლამ მის იმუნურ სისტემაზე იმოქმედა და ექიმების დიდი ძალისხმევის მიუხედავად, იგი პირველადი დიაგნოზიდან ერთ წელზე ნაკლებ დროში პნევმონიით გარდაიცვალა.

მამაკაცის ტრაგიკული შემთხვევა ტაივანის მთავარმა მედიამ გამაფრთხილებელ მაგალითად გაავრცელა. ჯანდაცვის ექსპერტები ხალხს ურჩევენ, რომ აუცილებლად აირჩიონ 304 უჟანგავი ფოლადის თერმოსი, თავი აარიდონ მის გამოყენებას მჟავე სასმელების გადასატანად და რეგულარულად გაწმინდონ იგი. ასევე, რეკომენდებულია თერმოსის შეცვლა ორი ან სამი წლის განმავლობაში მუდმივი გამოყენების შემდეგ.