მეტროსადგურ „ღრმაღელის“ მიმდებარე ტერიტორიაზე კაცი მოკლეს - დაჭრილია ორი პირი

თბილისში, გურამიშვილის გამზირზე, მეტროსადგურ "ღრმაღელის" მიმდებარე ტერიტორიაზე სამი მამაკაცი ცივი იარაღით დაჭრეს, მათგან ერთი საავადმყოფოში გადაყვანის შემდეგ დაიღუპა.

„პრაიმტაიმის“ ინფორმაციით, დამნაშავე დაკავებულია და საქმეზე დაწყებულია გამოძიება.

თვითმხილველების ცნობით, დაჭრას წინ უძღოდა ურთიერთშელაპარაკება.

შემთხვევა გუშინ, ღამის საათებში მოხდა.