საზოგადოება • 1714774829

ხვიჩა კვარაცხელია მიმართვას ავრცელებს

ხვიჩა კვარაცხელია მიმართვას ავრცელებს, რომელსაც უცვლელად გთავაზობთ:„მე ყოველთვის იქ ვდგავარ და მუდამ ვიდგები, სადაც ჩემი საქართველოა! ძალიან განვიცდი იმას, რაც დღეს ჩემს ქვეყანაში ხდება, მიჭირს ამ ყველაფრის ყურება. მინდა, მკაფიოდ დავაფიქსირო ჩემი აზრი და ვთქვა, რომ ჩვენ ვიმსახურებთ ვიყოთ ევროპის ნაწილი და ამაში ხელი არაფერმა უნდა შეგვიშალოს. მინდა, ყველა ისეთი ერთიანი და ბედნიერი ვიყოთ, როგორც 26 მარტს!არ მინდა, ჩემი სიტყვები ვინმემ სასიკეთოდ გამოიყენოს, მით უმეტეს იმ ხალხმა, ვინც ჩემს ყოველ ნაბიჯს აკრიტიკებდა და დამცინავად უყურებდა! მე მიყვარს თითოეული ქართველი, მე მიყვარს ჩემი საქართველო და მთელი ჩემი საქმიანობა და მიღწევებიც ჩემს ქვეყნისთვისაა, მისი წარმატებისთვის და ევროპული მომავლისთვის. ჩემი სიცოცხლის ბოლომდე ასე იქნება. გული მწყდება, რომ დღეს სიტყვებით უფრო ვაფასებთ ადამიანის პატრიოტიზმს, ვიდრე საქციელით. არა ყველაფერს, რაც გვაპირისპირებს! კი, საქართველოს წინსვლას და გამარჯვებას! მე ვარ საქართველო,“ - წერს კვარაცხელია.

მსოფლიო • 1714773284

როგორც ბებო ამზადებდა - სააღდგომო ხაჭოს პასკის რეცეპტი

ხაჭოს პასკა არის დახვეწილი და ძალიან გემრიელი დესერტი, რომელსაც ამზადებენ სააღდგომოდ. ამ მარტივი რეცეპტის მიხედვით, ხაჭოს პასკა მზადდება ორი გემოთი: ვანილის და შოკოლადის. უნდა გვახსოვდეს: კერძის ინგრედიენტები არ ექვემდებარება სითბურ დამუშავებას, ამიტომ ძალზე მნიშვნელოვანია მხოლოდ მაღალი ხარისხის და ძალიან ახალი პროდუქტების გამოყენება.შემადგენლობახაჭო - 500 გ;კარაქი - 150 გ;შაქარი - 110 გ;ვანილის შაქარი - 1 ჩ/კ;კაკაოს ფხვნილი - 4-8 გ (სურვილისამებრ);ნიგოზი - 25 გ;მუქი თესლოვანი ქიშმიში - 30 გ;კონიაკი - 25 მლ (სურვილისამებრ);ერთი ახალი კვერცხი.საფეხურები:პასკის მომზადებამდე 2-3 საათით ადრე გამოიღეთ 150 გრ კარაქი მაცივრიდან, რომ დარბილდეს.მოამზადეთ სუფთა მარლა და პასკის ფორმა. ფორმაში ჩააფინეთ ოდნავ ნესტიანი მარლა.ტაფაზე მოხალეთ ნიგოზი რამდენიმე წუთის განმავლობაში, გააცალეთ კანი და წვრილად დაჭერით. ქიშმიში გარეცხეთ და დაასხით მდუღარე წყალი რამდენიმე წუთის განმავლობაში, შემდეგ გააშრეთ ქაღალდის პირსახოცზე. თუ გსურთ, ქიშმიში შეგიძლიათ კონიაკში, რომში ან სხვა სასმელში დაალბოთ.თუ რეცეპტში იყენებთ ვანილის მარცვლებს, გაჭერით იგი შუაზე ბასრი დანით და ამოიღეთ რბილობი. დაამატეთ იგი შაქარს.გარეცხეთ და გააშრეთ კვერცხი. გააცალკევეთ გული ცილისგან. არ გჭირდებათ ცილა. კოვზით შეურიეთ გულს შაქარი და ვანილის რბილობი (ან ვანილის შაქარი), დაამატეთ დარბილებული კარაქი.თუ რეცეპტში კვერცხს არ იყენებთ, ჯერ კარგად შეურიეთ კარაქი შაქართან და ვანილთან ერთად. შემდეგ დაუმატეთ ხაჭო, ჩაასხით თასში კოვზის (სასურველია ხის) გამოყენებით მცირე ულუფებით წვრილი საცერიდან. აურიეთ, რომ ერთგვაროვანი მასა მიიღოთ.მიღებული ხაჭოს მასა გაყავით ორ უთანასწორო ნაწილად: პატარას (დაახლოებით 200 გ.) დაუმატეთ საცერში გაცრილი კაკაო და წვრილად დაჭრილი თხილი, მეორეს კი ქიშმიში.ხაჭოს ორივე პორცია მოათავსეთ ყალიბში, მოუკარით მარლის თავისუფალი ბოლოები და დააფარეთ დამატებით ორი ფენა პოლიეთილენის საფარი, ზემოდან დაადეთ მძიმე წონა და ფორმა შედგით მაცივარში დაახლოებით 48 საათით. მზა ხაჭოს პასკა მოათავსეთ თეფშზე და გააფორმეთ თქვენი გემოვნებით.წყარო:

საზოგადოება • 1714772610

„შენთან რა უნდოდა სიკვდილს... ეს არის ტკივილი, რომელსაც დასასრული არ აქვს...“ - ახალგაზრდა კაცს ემოციურად ემშვიდობებიან

საბერძნეთში ქართველი ემიგრანტი, გიორგი ბერაძე გარდაიცვალა.სამწუხარო ინფორმაციას სოციალურ ქსელში ემიგრანტების არხის დამფუძნებელი შოთო სიხარულიძე ავრცელებს. მისივე ინფორმაციით, ახალგაზრდა კაცი ქუთაისიდან იყო. შოთო სიხარულიძე წერს, ემიგრანტის გარდაცვალების მიზეზზეც.„საბერძნეთში, ათენში, გარდაიცვალა ემიგრანტი, ახალგაზრდა, სიცოცხლით სავსე გიორგი ბერაძე - გლოვობს ჩემი ქუთაისი.გული გაუჩერდა, დაიძინა და ვეღარ გააღვიძეს... შენთან რა უნდოდა სიკვდილს...ეს იყო შენი ბედი?? იმდენი რამე მინდა ვუთხრა მის გამწარებულ ოჯახს, მეუღლეს, ხატიას და მის შვილებს, რომელმაც ასეთი ძვირფასი ადამიანი დაკარგეს...“, - წერს შოთო სიხარულიძე სოცუიალურ ქსელში. 

საზოგადოება • 1714772177

რა უნდა გააკეთოს მორწმუნე მრევლმა დიდ შაბათს

დიდი შაბათი იესო ქრისტეს მკვდრეთით აღდგომის წინა დღეა.ვნების შვიდეულის შაბათი ქრისტიანულმა ეკლესიამ იმ დღის აღსანიშნავად დააწესა, როცა პილატესთან მისულმა მღვდელმთავრებმა მისი ნებართვით დარაჯები მიუჩინეს ქრისტეს გვამს, რომელიც მდიდარმა მოწაფემ იოსებ არიმათიელმა კლდეში დაასვენა და მას ლოდი მიაგორა.წმინდა ცეცხლის ლიტანიობა დიდი შაბათის მწუხრის მსახურებას უკავშირდება. ამ დღეს მაცხოვარი სხეულით საფლავში იმყოფებოდა, ხოლო სულით ჯოჯოხეთში მართალთა სულების ამოსაყვანად ჩაბრძანდა.„დიდი შა­ბა­თის ღვთის­მსა­ხუ­რე­ბა მარ­თლმა­დი­დებ­ლუ­რი ლი­ტურ­გი­უ­ლი ტრა­დი­ცი­ის მწვერ­ვა­ლია. ეს არაა იესო ქრის­ტეს სიკ­ვდი­ლი­სა და და­საფ­ლა­ვე­ბის ის­ტო­რი­უ­ლი მოვ­ლე­ნე­ბის დრა­მა­ტუ­ლი გა­თა­მა­შე­ბა ან სა­ხა­რე­ბი­სე­უ­ლი რი­ტუ­ა­ლუ­რი დად­გმა. ეს ღვთის­მსა­ხუ­რე­ბა ღრმა სუ­ლი­ე­რი წვდო­მაა მა­ცხოვ­რის იმ ქმე­დე­ბის მა­რა­დი­ულ არსში, რომ­ლი­თაც მან კა­ცობ­რი­ო­ბა იხ­სნა.ბა­სი­ლი დი­დის საღვთო ლი­ტურ­გია ანუ წირ­ვა ამ დღეს ჩვე­უ­ლებ­რივ­ზე გვი­ან იწყე­ბა და მწუხრს უერ­თდე­ბა. მღვდე­ლი სა­კურ­თხე­ველ­ში ტრა­პეზ­თან კი არ მსა­ხუ­რობს, არა­მედ ტაძ­რის შუ­ა­გულ­ში, გარ­და­მოხ­სნას­თან.მცი­რე შე­სავ­ლი­სა და "ნა­თე­ლი მხი­ა­რუ­ლის" გა­ლო­ბის შემ­დეგ იკი­თხე­ბა 15 სა­წი­ნას­წარ­მე­ტყვე­ლო სა­კი­თხა­ვი ძვე­ლი აღ­თქმი­დან. ყო­ველ მათ­გან­ში ნა­წი­ნას­წარ­მე­ტყვე­ლე­ვია ღვთის მიერ სამ­ყა­როს ხსნა, რაც აღ­თქმუ­ლი მე­სი­ის მოს­ვლით აღ­სრულ­და.წირ­ვის დამ­თავ­რე­ბის შემ­დგომ აკურ­თხე­ბენ ღვი­ნო­სა და პურს მლოც­ველ­თა სა­ნუ­გე­შოდ და გან­სამ­ტკი­ცებ­ლად. ამას "მო­ცი­ქულ­თა საქ­მე­ე­ბის" კი­თხვა მოს­დევს, რაც შუ­ა­ღა­მი­ა­ნის ლოც­ვამ­დე გრძელ­დე­ბა.ღა­მის თორ­მეტ სა­ა­თამ­დე აღეს­რუ­ლე­ბა შუ­ა­ღა­მი­ა­ნი, რომ­ლის დრო­საც იკი­თხე­ბა დიდი შა­ბა­თის კა­ნო­ნი, მის და­სას­რულს კი სამ­ღვდე­ლო­ე­ბა ტაძ­რის შუ­ა­გუ­ლი­დან აღ­სავ­ლის კა­რით უხ­მოდ გა­და­ას­ვე­ნებს გარ­და­მოხ­სნას სა­კურ­თხე­ველ­ში, წმინ­და ტრა­პეზ­ზე, სა­დაც ის უფ­ლის ამაღ­ლე­ბის დღე­სას­წა­უ­ლამ­დე რჩე­ბა, ნიშ­ნად იმი­სა, რომ იესო ქრის­ტემ მკვდრე­თით აღ­დგო­მის შემ­დეგ ორ­მო­ცი დღე დაჰ­ყო ამ­ქვეყ­ნად.ამის შემ­დეგ მორ­წმუ­ნე­ნი სა­სო­ე­ბით ელი­ან შუ­ა­ღა­მის დად­გო­მას, რო­დე­საც ჩვე­ნი უფ­ლის, იესო ქრის­ტეს, ბრწყინ­ვა­ლე აღ­დგო­მის უდი­დე­სი დღე­სას­წა­უ­ლი იწყე­ბა. აღ­დგო­მის სი­ხა­რუ­ლი უდი­დე­სი სი­ხა­რუ­ლი­სა, რომ­ლის მსგავ­სიც დე­და­მი­წის ზურ­გზე არც არის და არც შე­იძ­ლე­ბა იყოს. ეს არის უსას­რუ­ლო სი­ხა­რუ­ლი მა­რა­დი­უ­ლი სი­ცო­ცხლი­სა და ნე­ტა­რე­ბი­სა“ - ვკითხულობთ საეკლესიო ლიტერატურაში.

საზოგადოება • 1714771983

„ცას შეჰღაღადებს დედების გმინვა... სიკვდილიცაა და სიკვდილიც, მიცვალებული რომ სანატრელი გაგიხდება...“ - ტრაგიკულად დაღუპულ ახალგაზრდებს გლოვობენ

მესტიაში, ტრაგიკულად დაღუპულ ახალგაზრდებს გლოვობენ. „თურმე, რამდენის გაძლება შესძლებია ადამიანს, რამდენის, ღმერთო! ცას შეჰღაღადებს დედების გმინვა დღეს ნაკრაში!...  სიკვდილიცაა და სიკვდილიც, მიცვალებული რომ სანატრელი გაგიხდება!  ... სკოლაში, სადაც სულ მალე ბოლო ზარი უნდა დარეკილიყო, სვანური ზარი ახმიანდება! შეძლებენ კი ნაკრის საჯარო სკოლის მასწავლებლები სასწავლო პროცესის გაგრძელებას წლის მიწურულს?! სამი მე-12 კლასელი, სამი თვალმერცხალა გოგო-ბიჭი, მომავლის იმედი ზეცად გაფრინდა!..  ...სიტყვებს თავს ვერ ვუყრი, ან რა გითხრათ, გისამძიმრებთ, ჩემო ნაკრელებო, გისამძიმრებ ჩემო სვანეთო და გისამძიმრებ ჩემო საქართველოვ!....  ეკა ვიბლიანი, გიორგი ვიბლიანი, საბა გვარმიანი...“ - წერს ლალი მარგიანი.ცნობისთვის, მაშველები უკვე რამდენიმე საათია, მესტიის სოფელ ნაკრაში, სამ ახალგაზრდას ეძებენ, რომლებიც ავტომანქანით მდინარეში გუშინ, დღის მეორე ნახევარში გადაცვივდნენ.საძიებო სამუშაოებში, სამაშველო ჯგუფებთან ერთად, ჩართულია ადგილობრივი მოსახლეობაც. საძიებო სამუშაოები რამდენიმე ლოკაციაზე ერთდროულად მიმდინარეობს.ნაპოვნია მხოლოდ ავტომობილი. ადგილობრივების ინფორმაციით, ახალგაზრდები სოფელ ნაკრადან ჭუბერში, მაისობის დღესასწაულზე მიემგზავრებოდნენ, რა დროსაც, მანქანა გზიდან მოცურდა და მდინარეში გადავარდა.საძიებო სამუშაოები მდინარე ენგურშიც მიმდინარეობს.ასევე ნახეთ:„ჩვენი ლამაზთვალება მოსწავლე აღარ გვყავს... მაპატიე, გიო... ვეცდები, შენი თანატოლებისთვის, უკეთესი ვიყო“ - პედაგოგის ემოციური პოსტი