პოლიტიკა • 1716019999

ჩვენი საზოგადოების უდიდესი ნაწილის ცალსახად გაცხადებული პოზიციაა, რომ ქართული სახელმწიფო, მისი სიძლიერე ოჯახსა და ოჯახის სიწმინდეზე დგას - გივი მიქანაძე

განათლების, მეცნიერებისა და ახალგაზრდობის საკითხთა კომიტეტის თავმჯდომარე გივი მიქანაძე ოჯახის სიწმინდისა და მშობლების პატივისცემის დღესთან დაკავშირებით საზოგადოების განწყობას ეხმიანება.„ეს იყო საქართველოს კიდევ ერთხელ გაერთიანების, ერთობის დღე, რომელშიც გამოიხატა ჩვენი საზოგადოების უდიდესი ნაწილის ცალსახად გაცხადებული პოზიცია, რომ საქართველო არის ერთიანი იმ საკითხში, რაც ეხება ეროვნული ღირებულებების დაცვას, რომ ქართული სახელმწიფო, მისი სიძლიერე ოჯახსა და ოჯახის სიწმინდეზე დგას, რომ საქართველოს და ქართულ საზოგადოებას სჭირდება მშვიდობის შენარჩუნება, წინსვლა და ღირსებით სვლა წინ, ევროპული ოჯახისკენ“, - განაცხადა მიქანაძემ.

საზოგადოება • 1716019895

პარლამენტის ეროვნულ ბიბლიოთეკაში 19 წლის აფხაზი გოგოს „სამირას” დღიურების პრეზენტაცია გაიმართა

პარლამენტის ეროვნულ ბიბლიოთეკაში 19 წლის აფხაზი გოგოს „სამირას” დღიურების პრეზენტაცია გაიმართა.როგორია დღეს ენგურს მიღმა აფხაზეთი და რამდენად ერთნაირია აფხაზი სამირას და ებრაელი ანა ფრანკის ყოფა, სადაც ერთი ნაცისტურ რეჟიმს ემალებოდა, მეორეს კი რუსეთის ოკუპაციის პირობებში უწევს დამალვა.წიგნის გამოცემა მიეძღვნა ჯინერი მაჭავარიანის ხსნოვნას.

ქვიზი • 1716019800

როგორია თქვენი სულიერი მეგობარი - ტესტი

შესაძლოა, თქვენს ახლობელს ბევრი ნაკლი ჰქონდეს, მაგრამ ნამდვილად არის რაღაც, რისთვისაც შეგიძლიათ გიყვარდეთ და დააფასოთ ეს ადამიანი. გსურთ იცოდეთ რა თვისებები შეიძლება ჰქონდეს მას? აირჩიეთ ყუთი ბეჭდით და მიეცით ბედს გადაწყვეტილების მიღების უფლება.ვარიანტი 1თქვენი სულიერი მეგობარი ერთ-ერთი ძალიან დამოუკიდებელი პიროვნებაა. ეს არის ადამიანი, რომელიც მიჩვეულია საკუთარი გზის არჩევას. ამავე დროს, ის ყოველთვის გახსენებთ და გიბიძგებთ, რომ გახდეთ საკუთარი თავის საუკეთესო ვერსია.საყვარელი ადამიანი გრძნობებში გენდობათ და ამიტომ არ გიჭირთ საპასუხო ნდობა. მისნაირი ადამიანები ავლენენ ძალასა და წარმატებას.ვარიანტი 2თქვენი სულისკვეთება გამცემია. ის, რაც ამ ადამიანს ნამდვილად სიამოვნებს ცხოვრებაში, არის სხვებზე ზრუნვა. უფრო მეტიც, ის ამას ზოგჯერ ისე გულმოდგინედ აკეთებს, რომ მთლიანად ივიწყებს თავის ინტერესებს - სწორედ აქ უნდა შეხვიდეთ თამაშში.ეს ადამიანი ერთ-ერთია იმ ადამიანთა რიცხვში, რომელთა თვალში ყოველთვის დაინახავთ მოწონებას და აღფრთოვანებას იმით, რასაც აკეთებთ. მიუხედავად იმისა, რომ ისინი ყველაფერში არ შეგაწუხებენ - ის ყოველთვის უპრობლემოდ იცავს თავის თვალსაზრისს, მაგრამ აშკარად იცის, როდის წავიდეს კომპრომისზე. დიახ, შენს სულის მეგობარს უყვარხარ ისეთი, როგორიც ხარ, ყველა ხარვეზით და ეს ძალიან ღირებულია.ვარიანტი 3თქვენი სულიერი მეგობარი ძალიან ჭკვიანი ადამიანია. მან იცის როგორ იგრძნოს თავი კომფორტულად ისეთ სიტუაციაშიც კი, როცა უნდა ნერვიულობდეს. ეს ნდობა თქვენც გადმოგეცემათ – მის გვერდით თავს ისე გრძნობთ თითქოს ქვის კედლის მიღმა ხართ.ის დიდხანს არ იტოვებს წყენას, რადგან ესმის ურთიერთობების ღირებულება და ის, რომ ადამიანები შეცდომებს უშვებენ.ვარიანტი 4შენი სულიერი მეგობარი მეოცნებეა. ამ ადამიანებს დიდი მიზნები აქვთ და უყვართ მათი გაზიარება. ისინი გეხმარებიან თქვენი ოცნებების მიღწევაში და ცდილობენ შეიტანონ იმდენი ღირებულება თქვენს ცხოვრებაში, რამდენიც თქვენ შეგაქვთ მათ ცხოვრებაში.თქვენი წყვილი არის იინი და იანგი: თუ სირთულეებს განიცდით, ეს ადამიანი ყოველთვის მზად არის დაგეხმაროთ. ის დარწმუნდება, რომ სწორ გზაზე ხართ, მაგრამ არ გაკონტროლებთ. ის ყოველთვის მხარს დაუჭერს თქვენს გადაწყვეტილებებს და, ამის წყალობით, გამოავლენს თქვენში საუკეთესოს.

პოლიტიკა • 1716019115

ყალბია დიალოგის თხოვნა, ამისთვის მას ჰქონდა დრო, როდესაც კანონი სამი მოსმენით მიღებულია, დიალოგის შედეგი რა იქნება - თეონა აქუბარდია პრემიერის შეთავაზებაზე

ოპოზიციაში აცხადებენ, რომ პრემიერ-მინისტრის შეთავაზება ახალგაზდრებთან "უცხოური გავლენის გამჭვირვალობის" შესახებ კანონპროექტთან დაკავშირებით, დაგვიანებულია."ყალბია დიალოგის თხოვნა, ამისთვის ჰქონდა მას დრო. როდესაც კანონი სამი მოსმენით მიღებულია, დიალოგის შედეგი რა იქნება? - არც არაფერი. დიალოგს და შესაძლებლობას გამოყენება უნდა მაშინ, როდესაც ეს დროში არის შესაძლებელი და არა ახლა,"- აცხადებს საპარლამენტო პოლიტიკური ჯგუფის ”რეფორმების ჯგუფი” წევრი თეონა აქუბარდია."ნაციონალური მოძრაობაში" კი ამბობენ, რომ დისკუსიას აზრი არ აქვს:"ქვეყნის საგარეო პოლიტიკურ კურსზე, ჩვენი ქვეყნის სახელმწიფო ინტერესებზე დისკუსიას, აზრი არ აქვს და ამას ყველაზე კარგად ხვდება ის ახალგაზრდობა, რომლებიც პროტესტის წინა ფლანგზე არიან," - აღნიშნავს ”ერთიანი ნაციონალური მოძრაობის” პოლიტიკური საბჭოს წევრი ლაშა ფარულავა.

საზოგადოება • 1716018817

თსუ-ს სტუდენტი უნივერსიტეტში მომხდარ პროვოკაციაზე -„ნაცმოძრაობის“ ახალგაზრდულმა ორგანიზაციამ სცადა ჩაეშალა სალექციო პროცესი, თუმცა სტუდენტების მეორე მხარემ, რომლებსაც ირაკლი კობახიძის ლექციაზე დასწრება გვსურდა, ხელი შევუშალეთ

თბილისის სახელმწიფო უნივერსიტეტის სტუდენტი, უნივერსიტეტში წინასწარ დაგეგმილ მორიგ პროვოკაციაზე „ქრონიკასთან“ საუბრობს. როგორც სტუდენტი აღნიშნავს „ნაციონალური მოძრაობის“ ახალგაზრდულმა ორგანიზაციამ სცადა ირაკლი კობახიძის ლექციის ჩაშლა, თუმცა იმ სტუდენტებმა, რომლებსაც ლექციაზე დასწრება სურდა, მათ ამის საშუალება არ მისცეს.„წესისამებრ ჩვენ გვსურდა, რომ დავსწრებოდით ბატონი პრემიერის, ირაკლი კობახიძის ლექციას, თუმცა „ნაცმოძრაობის“ ახალგაზრდულმა ორგანიზაციამ შეეცადა პროვოკაცია მოეწყოთ და ჩაეშალათ სალექციო პროცესი, თუმცა სტუდენტების მეორე მხარემ, რომლებსაც ლექციაზე დასწრება გვსურდა ხელი შევუშალეთ. ამას უკვე სისტემატური ხასიათი მიეცა და თითქმის ყოველ შაბათს ცდილობენ, რომ ჩაშალონ სალექციო პროცესი“-განაცხადა თსუ-ს სტუდენტმა.ცნობისთვის, სტუდენტური მოძრაობა „თავისუფლებისთვის“ დამფუძნებელმა, ნიკო მანაგაძემ პრემიერ ირაკლი კობახიძის ლექციის ჩაშლა რამდენიმე დღით ადრე დაგეგმა და სტუდენტებს, ლექციის ჩაშლისკენ მოუწოდა.