აკაკი, ვერიკო, სერგო - სამი ქართველი ლეგენდა ალბანურ ფილმ Skanderbeg-ში

18:51 01-13-2020
304

ალბანურ-საბჭოთა დრამატული ფილმი - სკანდერბეგი (Skanderbeg), რუსმა რეჟისორმა სერგეი იუტკევიჩმა, 1953 წელს გადაიღო. ფილმში, მთავარი როლის შესრულება წილად ხვდა უდიდეს ქართველ კინოვარსკვლავ აკაკი ხორავას. მან ბრწყინვალედ შეასრულა ალბანელი გმირის როლი, რომელსაც მთელი ალბანეთი ეთაყვანება. ეს პირველი მხატვრული ფილმია, რომელიც ალბანურ-საბჭოთა თანამშრომლობის ნაყოფია. 

width=600

ისტორიულ ფილმში მოთხრობილია ეროვნული გმირის გეორგ კასტრიო სკანდერბეგის (1405 - 1468) ბიოგრაფია, რომელიც „Skanderbeg“-ის სახელწოდებით არის ცნობილი. ფილმი მოგვითხრობს მე -15 საუკუნის ალბანელ ბატონზე, რომელიც ოსმალეთის იმპერიის წინააღმდეგ, ორ ათწლეულზე მეტი ხნის განმავლობაში, საკუთარ მიწას იცავდა. 

width=600

ფილმში გეორგ კასტიოტი ალბანელ მთავრებს დონიკას დაქორწინებით აერთიანებს, მაგრამ მისი ძმის ჰამზას ღალატს უპირისპირდება. ფილმი ისტორიული ბრძოლების მასიურ სცენებს და კრუჯის ალყას ასახავს.

width=600

ხორავას გარდა, ფილმში კიდევ ორი ქართველი ლეგენდარული მსახიობი მონაწილეობს - გეორგ კასტრიოტი (Skanderbeg) - აკაკი ხორავა, ვერიკო ანჯაფარიძე (დაფინა) და სერგო ზაქარიაძე.

width=600ასევე მონაწილეობენ ბესო იმამი (დონიკა), ადივი ალიბალი (მამიკა), სემიონ სოკოლოვსკი (ჰამზა), გეორგი ჩერნოვოლენკო (მარაშ), ნაიმ ფრაშერი (პალ) ოლეგ ჟაკოვი, ალექსანდრე ვერტინსკი (ვენეცია ​​დოჯო), ვლადიმერ ბელოკოროვი, ვაჰრამა პაპაზიანი, მარი ლოგორეჩი (გრაფინია) და სხვები.

width=600

ალბანეთის დამოუკიდებლობის 100 წლის იუბილესთან დაკავშირებით, 2012 წელს ფილმი განახლეს - ახალი ხმით, მუსიკით და ხმოვანი ეფექტებით შეიცვალა. 

width=600

1954 წელს კანის კინოფესტივალზე, ფილმმა საერთაშორისო პრემია მოიპოვა. იუტკევიჩმა, ასევე მოიპოვა სპეციალური მოხსენიების ჯილდო, მისი მიმართულებისთვის.  

width=600

სკანდერბეგი იგივე გიერგ (გიორგი) კასტრიოტი (ალბანურად Gjergj Kastrioti Skënderbeu) ალბანეთის ეროვნული გმირი და 1443—1468 წლებში კასტრიოტთა ალბანური სამთავროს მმართველი იყო. ადრეული ასაკიდან, ის წარგზავნილ იქნა მძევლად ოსმალეთის სულთნის მურად მე-2-ს კარზე, სადაც მიიღო ისლამი. აღიზარდა კარგ ოფიცრად და მრავალ შეტაკებებში გაითქვა სახელი, რის შემდეგაც მას ოსმალებმა უწოდეს სკანდერბეგი, ალექსანდრე მაკედონელის საპატივცემლოდ,(ალექსანდრე არაბულ-ოსმალურ ენებში გამოითქმის როგორც ისკანდერ).

width=600

თუმცა როგორც კი დაბრუნდა ალბანეთში, უარყო ისლამი, დაუბრუნდა ქრისტიანულ სარწმუნოებას (კათოლიციზმს), შეეკრა ვენეციელებს, უნგრელებს და სხვა ევროპულ სახელმწიფოებს და დაუნდობელი ბრძოლები გააჩაღა ოსმალეთის იმპერიის წინააღმდეგ. მან არაერთგზის დაამარცხა მრისხანე მტერი, თუმცა მას შემდეგ რაც 1457 წელს მეჰმედ მეორემ საბოლოოდ აიღო კონსტანტინოპოლი, სქანდერბეგი იძულებული გახდა ოსმალებთან კომპრომისზე წასულიყო და მას მეჰმედ მეორისგნ, ალბანეთის ფადიშაჰის ანუ მმართველის წოდება მიენიჭა. სკანდერბეგს, ასევე ჰქონდა მინიჭებული სან-პიეტროს ჰერცოგის ტიტული, ნეოპლიტანის მმართველ ფერდინანდ I-გან.

უნდა აღინიშნოს, რომ უდიდესმა კინივარსკვლავმა აკაკი ხორავამ, რომელსაც წილად ხვდა სკანდერბეგის როლის შესრულება ბრწყინვალედ განასახიერა ალბანელი გმირის როლი. მან ალბანელ ხალხში გააცოცხლა ის გმირი, რომელსაც მთელი ალბანეთი ეთაყვანება.

ფილმი ნომინირებული იყო კანის კინოფესტივალზე და სამი ჯილდოს მფლობელი გახდა. 

აკაკი ხორავა უამრავი ჯილდოს ავტორია. დაჯილდოებულია 2 ლენინის ორდენით, 2 შრომის წითელი დროშის ორდენით, 2 წითელი ვარსკვლავის ორდენითა და მედლებით. წარმატებული მსახიობი 1972 წლის 23 ივნისს გარდაიცვალა ქ. თბილისში.width=600

შეგახსენებთ, რომ ალბანეთის მთავარი, ალბანეთის ეროვნული გმირი  სკანდერბეგი(გეორგ კასტრიოტი) 1405 წლის 6 მაისს დაიბადა, გარდაიცვალა - 1468 წლის 17 იანვარს. გეორგ კასტრიოტი ბავშვობაში მძევლად იყო ოსმალეთის სულთან მურად II-სთან. მას მიაღებინეს ისლამი და ჩარიცხეს ოსმალთა ლაშქარში.

width=600როგორც ნიჭიერმა მხედართმთავარმა, ბეის ტიტული მიიღო და ალექსანდრე მაკედონელის სახელი ისკანდერ-ბეი უწოდეს. იგი არ წყვეტდა კავშირს ალბანელ პატრიოტებთან. 1443 წელს, ბალკანეთში ოსმალური არმიის შემადგენლობაში ყოფნის დროს, მოახერხა გაქცევა თანამოაზრეებთან ერთად და სათავეში ჩაუდგა ბრძოლას ოსმალთა წინააღმდეგ. ისკანდერ-ბეიმ განდევნა ოსმალური გარნიზონები ალბანეთიდან. 24 წლის განმავლობაში, გარდაცვალებამდე იგი წარმატებით იგერიებდა თურქთა შემოტევებს. მისი გარდაცვალების შემდეგ დიდებულთა შორის უთანხმოებამ ძლიერ დაასუსტა ალბანეთი. მიუხედავად ამისა სულთანს კიდევ 11 წელი დასჭირდა ალბანეთის დასამოჩილებლად.

ავტორი: რუსა ღვანიძე