მაჭავარიანის ქუჩისა და მარშალ გელოვანის გამზირის დამაკავშირებელი გზის მშენებლობა იწყება

11:41 07-10-2019

თბილისის მერია დედაქალაქში ახალ ინფრასტრუქტურულ პროექტს იწყებს. დედაქალაქის მერის ინფორმაციით, იწყება მაჭავარიანის ქუჩისა და მარშალ გელოვანის გამზირის დამაკავშირებელი გზის მშენებლობა, რომელიც როგორც კალაძე ამბობს, მნიშვნელოვნად განტვირთავს საცობებს და გადატვირთულ მოძრაობას. პროექტის ღირებულება 15 მილიონია:

„ლისის ტერიტორიაზე ბევრი ადამიანი ცხოვრობს საკმაოდ დატვირთულია ეს გზა და გვინდა რომ კიდევ ერთი ახალი პროექტი განხორციელდეს დედაქალაქში, რომელიც ვეფხი და მოყმის ტერიტორიას დაუკავშირდება. საკმაოდ მასშტაბური პროექტია, 15 მლნ ჯდება მისი განხორციელება, მომდევნო დღეებში დავიწყებთ  მომდევნო დღეებში უკვე ვიწყებთ განხორციელებას. პირველი, რაც გაკეთდება ეს არის პროექტი. 2 კვირის განმავლობაში უნდა იყოს წარმოდგენილი და დავიწყებთ მუშაობას, - განაცხადა კალაძემ.

ინფრასტრუქტურულ პროექტზე საუბრისას კალაძემ ვაშლიჯვრიდან ჩამოსასვლელი პანდუსზე ისაუბრა და აღნიშნა, რომ ამ პატარა მონაკვეთმა მნიშვნელოვნად გამტვირთა მოძრაობა დიღომში.