მსოფლიო • 1714148880

ქალების მიმართ შიშის გამო, ეს კაცი 56 წელია სამყაროსგან იზოლირებულია

მოხუცი კაცი რუანდიდან ქალების მიმართ შიშის გამო, იძულებული გახდა 56 წლით იზოლირებულ იყოს სამყაროსგან. 71 წლის კალიტქსე ნზამვიტი ჩაიკეტა საკუთარ სახლში, როდესაც ის 16 წლის იყო. ის იძულებული გახდა დისტანცირება მოეხდინა ქალებისგან, რომლებიც, მისი თქმით, მასში „საშინელ შიშს" ბადებდნენ . მოგვიანებით, დამატებითი დაცვის მიზნით, მამაკაცმა თავის ნაკვეთს ოთხნახევარი მეტრის სიმაღლის ღობე შემოავლო.მისი განცხადებით, ბარიერი იმიტომ აღმართა, რომ საპირისპირო სქესის წარმომადგენლები არ მიუახლოვდნენ მას.მამაკაცის ერთ-ერთმა მეზობელმა დაადასტურა, რომ ის ბავშვობიდანვე თითქმის არასდროს ტოვებდა საკუთარ სახლს. ამავე დროს, მამაკაცი გადარჩა მხოლოდ თანასოფლელების წყალობით, რომლებიც მასზე ზრუნავენ.„უცნაურია, მაგრამ მიუხედავად იმისა, რომ მას ქალების ეშინია, ჩვენ ვართ ისინი, ვისაც მისთვის მოაქვს საკვები და სხვა აუცილებელი ნივთები. თუმცა ჩვენ არ შეგვიძლია მასთან მიახლოება და საუბარი. უბრალოდ შესასვლელში ვტოვებთ ყველაფერს, მერე მოდის და საჭმელსა და ნივთებს თავად იღებს“, - ამბობდა ერთ-ერთმა მეზობლის ქალმა.მეზობლები ამბობენ, რომ თუ ნზამვიტი სახლთან ახლოს ხედავს ქალს, ის სახლში შერბის და იქ იკეტება.ამ დაავადებას, რომელიც ამ მამაკაცს აწუხებს გინოფობია ან გინეკოფობია ეწოდება - ეს არის ქალების მიმართ აკვიატებული შიში, სპეციფიკური სოციალური ფობიის ტიპი. ლათინური ტერმინი horror feminae წარსულში ასევე გამოიყენებოდა სხვადასხვა უცხოურ ლიტერატურაში.ამ ფობიით დაავადებულებმა შეიძლება განიცადონ შფოთვა მარტო ქალებზე ფიქრითაც კი.ექიმების დაკვირვებით გინოფობიათი დაავადებულებს ასევე აღენიშნებათ ისეთი სიმპტომები, როგორიცაა ხშირი პანიკური შეტევები, ტკივილი გულმკერდის არეში, ჭარბი ოფლიანობა და პრობლემები საჭმლის მომნელებელ ორგანოებში.

სპორტი • 1714148040

ლაშა შავდათუაშვილმა ევროპის ჩემპიონატზე ბრინჯაოს მედალი მოიპოვა

ხორვატიის დედაქალაქი ზაგრები ძიუდოში ევროპის ჩემპიონატს მასპინძლობს. საქართველოს ნაკრებიდან ტურნირის მეორე საშეჯიბრო დღეს ლაშა შავდათუაშვილმა (73კგ) ბრინჯაოს მედალი მოიპოვა. ოლიმპიურმა, მსოფლიოსა და ევროპის ჩემპიონმა მესამე ადგილისთვის დაპირისპირებაში მოლდოველი ადილ ოსმანოვი დამატებით დროში დაამარცხა.დღეს კონტინენტის პირველობაზე ტატო გრიგალაშვილი (81 კგ) ფინალში იასპარეზებს. მსოფლიოს მოქმედმა ჩემპიონმა ფინალში გასასვლელად იტალიელ ატილიო ესპოზიტოს იპონით სძლია და ნიდერლანდელ ფრანკ დე ვიტს ოქროს მედლისთვის დაუპირისპირდება.დღეს კიდევ ოთხმა ქართველმა ძიუდოისტმა იჭიდავა. გიორგი ჩიხელიძე (73 კგ), ეთერ ასკილაშვილი (63 კგ), მარიამ ჭანტურია და ნინო გულბანი (ორივე – 70 კგ) ტურნირს ადრეულ ეტაპზე გამოეთიშნენ.ევროპის ჩემპიონატის ფინალური ბლოკის პირდაპირ ტელერეპორტაჟს საქართველოს პირველი არხი 19:00 საათიდან გთავაზობთ.შეგახსენებთ, რომ გუშინ, 25 აპრილს ოქროს მედლის მფლობელი ვაჟა მარგველაშვილი (66 კგ) გახდა, ბრინჯაოს მედალი კი ეთერ ლიპარტელიანმა (57 კგ) მოიპოვა.

ჰოროსკოპი • 1714146360

ზოდიაქოს 3 ნიშანი, რომლებიც ყველაზე ხშირად შორდებიან

ზოგიერთი ზოდიაქოს ნიშნის წარმომადგენელისთვის უფრო ადვილია განქორწინება, ვიდრე ძალისხმევა ქორწინებაში არსებული პრობლემების გადასაჭრელად.ვერძიმამაცი და თავგადასავლების მოყვარული ვერძი ცნობილია დამოუკიდებელი სულითა და ძლიერი ნებისყოფით. თუმცა, სწორედ ამ თვისებებმა შეიძლება გამოიწვიოს ზოგჯერ პრობლემები ურთიერთობებში, მათ შორის ქორწინებაში.ვერძი შეიძლება იყოს იმპულსური და ეძებდეს მუდმივ მღელვარებას და სტიმულირებას. ეს შეიძლება თავიდან მიმზიდველი იყოს, მაგრამ ასევე შეიძლება გაართულოს გრძელვადიანი ვალდებულებების შესრულება. მათი ტემპერამენტი იწვევს კონფლიქტებს პარტნიორებთან, რომლებიც ეძებენ სტაბილურობას და უსაფრთხოებას, რამაც შეიძლება გამოიწვიოს გაჭიანურებული დაპირისპირება და საბოლოოდ განქორწინება.ტყუპებიტყუპი ცნობილია ორმაგი ბუნებით და მრავალფეროვნების სიყვარულით. მიუხედავად იმისა, რომ ეს თვისება მათ მომხიბვლელს და ადაპტირებადს ხდის, ასევე შეუძლია სირთულეები შეუქმნას ურთიერთობებში.ტყუპებს სურთ ინტელექტუალური სტიმულაცია და მუდმივად ეძებენ ახალ გამოცდილებას. თუმცა, სიახლის ამ სურვილმა შეიძლება გამოიწვიოს ემოციური სიღრმისა და ერთგულების ნაკლებობა მათ პარტნიორთან. მათმა ურყევობამ და შფოთვამ შეიძლება გაართულოს ქორწინება, ამით ის განქორწინებისკენ მიდრეკილი ზოდიაქოს ნიშნების სიაშია.მშვილდოსანიმშვილდოსნები თავისუფლებისმოყვარე და ოპტიმისტური ადამიანები არიან, რომლებსაც უყვართ თავგადასავალი და ძიება. მიუხედავად იმისა, რომ მათი ენთუზიაზმი გადამდებია, ამან შეიძლება მათ დამკვიდრების სურვილიც გაუჩინოს.მშვილდოსნები ყველაფერზე მეტად აფასებენ თავიანთ თავისუფლებას და დამოუკიდებლობას, რამაც შეიძლება ზოგჯერ პრობლემები შექმნას სერიოზულ ურთიერთობებში, როგორიცაა ქორწინება. მათ შეიძლება შეებრძოლონ ოჯახური ცხოვრების შეზღუდვებს სხვაგან გართობის ძიებით. ახალი ჰორიზონტებისადმი ამ ვნებამ შეიძლება მოიტანოს სირთულეები ცოლ-ქმრული კავშირის შენარჩუნებაში, რამაც შესაძლოა განქორწინება გამოიწვიოს.

დედაქალაქი • 1714146148

GWP წყალმომარაგების შეზღუდვის შესახებ ინფორმაციას ავრცელებს

თბილისის ზოგიერთ ქუჩას წყალმომარაგება შეზღუდული აქვს. ამის შესახებ ინფორმაციასა და ქუჩების ჩამონათვალს GWP ავრცელებს:კრწანისის რაიონი, ეგრისის ქუჩაზე სოღანლუღის სატუმბო სადგურში წყალსადენის ქსელზე დაზიანების აღდგენითი სამუშაოების ჩატარების მიზნით 12:15-დან 27/04 09:00 საათამდე წყალმომარაგება შეუწყდება;გიგანტის დასახლებას, სოფ. კრწანისს, იარუჯას სამხედრო ნაწილს და სოფლის ნობათს.მთაწმინდის რაიონი, წავკისში, თაყაიშვილის ქუჩის N 9 თან წყალსადენის ქსელზე დაზიანების აღდგენითი სამუშაოების ჩატარების მიზნით 15:45-დან 23:00-საათამდე წყალმომარაგება შეუწყდება; წავკისში- თაყაიშვილი მარჯანიშვილი, ასათიანი, ტაბიძე, თუმანიშვილი ქუჩებს.გლდანის რაიონი, მუხიანის აგარაკებში, ვარდისუბნის შეს. N 10 თან წყალსადენის ქსელზე დაზიანების აღდგენითი სამუშაოების ჩატარების მიზნით 16:15-დან 23:00-საათამდე წყალმომარაგება შეუწყდება; მუხიანის აგარაკებში- 26 მაისის, ვარდისუბნის ქუჩას ჩიხებს დაშესახვევებს (სრულად). გამარჯვებას, ხვანჭკარას, გურიის აღმართის და საზანოს ქუჩებს.საბურთალოს რაიონი, სოფ.დიღომში, მ.სტილკეს ქუჩის N 4 თან წყალსადენის ქსელზე დაზიანების აღდგენითი სამუშაოების ჩატარების მიზნით 26/04 17:00-დან 27/04 01:00-საათამდე წყალმომარაგება შეუწყდება;სოფელ დიღომში- რაინეგესის N 63-136, მონპერის, მაქს ტილკეს, შმერლინგი, კრისტიან სტივენი, ბარონ დებაი, ჰუგო ჰუბერტი, შერმადინი, ბერტაფონ ზუტნერი, ჰენრი პრინერსკის, კლაპორთის, არქანჯერო ლამბერტი, ხატაეთი, ტიმოთი ბელოის, მარკო პოლოს და კრისტოფორე კასტელის ქუჩებს.

პოლიტიკა • 1714145673

ნინო ვარდოსანიძე - კანონი, რომელიც მოქმედებს რუსეთში, არის რუსული, კანონი რომელიც მუშაობს ამერიკის შეერთებულ შტატებში, არის ამერიკული და კანონი რომელიც მიიღება საქართველოში, არის და იქნება ქართული

 „რაც შეეხება გამჭვირვალობის კანონს და მის წარმომავლობასთან დაკავშირებით აჟიოტაჟის მცდელობას, ბევრი ითქვა და კიდევ ერთხელ გავიმეორებ, რომ მსგავსი კანონი მოქმედებს და განიხილება არაერთ, მათ შორის, ევროპულ ქვეყანაში, ასევე ამერიკის შეერთებულ შტატებში, სხვათა შორის უფრო მკაცრი მექანიზმებით და რეგულაციებით, ვიდრე ეს ქართულ კანონპროექტშია და კანონისთვის სახელის ხელოვნურად დარქმევა არის დიდი სპეკულაცია“ - ამის შესახებ საკრებულოს სახელდებისა და სიმბოლიკის კომისიის თავმჯდომარემ და უმრავლესობის წევრმა, ნინო ვარდოსანიძემ საკრებულოს სხდომაზე სიტყვით გამოსვლისას განაცხადა.ნინო ვარდოსანიძის თქმით, სხვადასხვა მანიპულაციებით ხდება საზოგადოების შეცდომაში შეყვანა. მისივე თქმით, ობიექტურად დაინტერესებულ პირს შეუძლია შეამოწმოს ყველა სიტყვა, წაიკითხოს „გამჭვირვალობის“ პროექტი, გაეცნოს სხვა ქვეყნების მაგალითებს და ნახავენ, რომ საშიში არაფერია.„მართალია ძალიან მიყვარს თეატრი, მაგრამ აბსურდის თეატრს ვუყურებთ ჩვენ ახლა და ვხედავთ სხვადასხვა სახის მცდელობებს, რომ სხვადასხვა მანიპულაციით მოხდეს მოქალაქეების შეცდომაში შეყვანა. მე მესმის ადამიანების, რომლებიც გარკვეულწილად დეზინფორმაციის გავლენის ქვეშ არიან და ძალიან რთულია მყისიერად ყველა ინფორმაციის გადამოწმება. სამწუხაროდ, ყოველი ფეხის ნაბიჯზე ვაწყდებით სიცრუის გავრცელებას. ვნახეთ გუშინ კახი კალაძის ბრიფინგის შემდეგ ფაქტების და ინფორმაციის დამახინჯება და რთულია, მაგრამ ალბათ სწორია, რომ ყველა მსგავს შემთხვევაზე იყოს რეაგირება და სიცრუის მხილება. ობიექტურად დაინტერესებულ პირს, ახლავე შეუძლია შეამოწმოს ყველა სიტყვა, წაიკითხოს პროექტი, გაეცნოს სხვა ქვეყნების მაგალითებს და ვნახავთ რომ აქ არაფერი საშიში არ არის. საქმე არის მარტივად, კანონი რომელიც მოქმედებს რუსეთში, არის რუსული, კანონი რომელიც მუშაობს ამერიკის შეერთებულ შტატებში, არის ამერიკული და კანონი რომელიც მიიღება საქართველოში, არის და იქნება ქართული“ - განაცხადა ვარდოსანიძემ.სახელდებისა და სიმბოლიკის კომისიის თავმჯდომარე ნინო ვარდოსანიძე გამჭვირვალობაში თავად პრობლემას ვერ ხედავს. ასევე, ნინო ვარდოსანიძე 29 აპრილს დაგეგმილ აქციასთან დაკავშირებით ოპოზიციის განცხადებებს გამოეხმაურა და აღნიშნა, რომ ოპოზიციის რიტორიკა და ჩვეული შეურაცხმყოფელი განცხადებები დამატებითი მოტივაცია იქნება ბევრისთვის. „გამჭირვალობაში და ანგარიშვალდებულებაში პრობლემას ვერ ვხედავ. რაც შეეხება 29 აპრილის აქციას, ვიცი რომ ძალიან ბევრი ადამიანი აპირებს მოსვლას და იმ ღირებულებების მხარდაჭერას, რაც არის ჩვენი ქვეყნის დამოუკიდებლობა, სუვერენიტეტი, ეროვნულობა და თავისუფლება. ოპოზიციის რიტორიკა და ჩვეული შეურაცხმყოფელი განცხადებები კი დამატებითი მოტივაცია იქნება ბევრისთვის. არ იფიქროთ, რომ ამით ვინმეს აზიანებთ, საკუთარი თავის და ისედაც დაბალი რეიტინგის გარდა“,- განაცხადა ნინო ვარდოსანიძემ.