მსოფლიო • 1714153547

10 წამში იპოვეთ მოსწავლე, რომელიც ჩუმად იწერს - მხიარული თავსატეხი

თუ თქვენ წარმატებით ამოხსნით თავსატეხს, შეგიძლიათ იამაყოთ იმით, რომ გამოცანების ნამდვილი ოსტატი ხართ. 10 წამი გაქვთ იმისთვის, რომ ეშმაკი სკოლის მოსწავლე აღმოაჩინოთ, რომელიც ჩუმად იწერს პასუხებს.ერთი შეხედვით, კლასში მოსწავლეები სხედან და გამოცდას აბარებენ, მასწავლებელი კი იქვეა და თვალყურს ადევნებს მათ. თუმცა ერთი მოსწავლე ჩუმად იწერს პასუხებს. შეიძლება იფიქროთ, რომ ის გოგონა, რომელიც პირველ რიგში ზის და გვერდითა მერხზე მჯდომი კლასელის რვეულში იყურება-იწერს, მაგრამ ასე არ არის.სწორი პასუხი იხილეთ ცოტა ქვემოთ:

პოლიტიკა • 1714152922

„ქართული ოცნების“ სტრატეგიული კომუნიკაციების სამსახური „სტუდია მონიტორს“ პასუხობს - მიზანმიმართულად ხელის შემშლელი და ცენზურასთან გათანაბრებულ გარემოპირობებში, ყველა ლეგიტიმურ გზას გამოვიყენებთ, რომ საზოგადოებას მივაწოდოთ სიმართლე

 „ქართული ოცნების“ სტრატეგიული კომუნიკაციების სამსახური „სტუდია მონიტორის“ მიერ გავრცელებულ მანიპულაციურ ინფორმაციას ეხმიანება, რომლის მიხედვითაც, „ფეისბუკის ოფიციალური მონაცემებით, აპრილში მამუკა მდინარაძემ რუსული კანონის მხარდასაჭერ პოსტებში 4700-დან 6400 დოლარამდე დახარჯა“.კომუნიკაციების სამსახური ადასტურებს, რომ მართლაც იხარჯება პარტიის ბიუჯეტიდან თანხები, მათ შორის, „ქართული ოცნების“ აღმასრულებელი მდივნის, მამუკა მდინარაძის ოფიციალური გვერდის დაბუსტვაში, რათა საზოგადოებას მიეწოდოს სიმართლე, მათ შორის ის, რომ კანონპროექტის “რუსულობის” შესახებ აქამდე ერთმა ადამიანმა ვერ წარმოადგინა ვერანაირი არგუმენტი. შესაბამისად, ხსენებული თანხები იხარჯება საზოგადოების მეტი ინფორმირებისთვის რადიკალური ჯგუფების მიერ ნაწარმოები მდაბიო და ცრუ კამპანიების საწინააღმდეგოდ. “მეტას” კონტრაქტორი “ფაქტ ჩეკის” მიზანმიმართულად ხელის შემშლელი და ცენზურასთან გათანაბრებულ გარემოპირობებში, ყველა ლეგიტიმურ გზას გამოვიყენებთ, რომ საზოგადოებას მივაწოდოთ სიმართლე“- ნათქვამია განცხადებაში.

საზოგადოება • 1714152367

„ფაქტობრივად, სიკვდილსაც ვყოფილვარ გადარჩენილი წარმოუდგენელი ზედოზირებებით“ – სტეფანე

 დათო გორგილაძის საავტორო გადაცემის, „გორგილაძის აუტანელი სიმსუბუქის“ გასული ეპიზოდის სტუმარი მუსიკოსი და პროდიუსერი სტეფანე იყო. „90-იანების თაობა, ბევრი რამ რომ არ გვქონდა ცხოვრებაში ნანახი, აქტიურად ვიყავით ჩართულები „ქლაბინგში“ – ძალიან ხშირად დავდიოდი კლუბებში. ფაქტობრივად, სიკვდილსაც ვყოფილვარ გადარჩენილი თბილისშიც, ევროპაშიც, განსაკუთრებით ბერლინში, წარმოუდგენელი ზედოზირებებით, ეს ყველაფერი წარსულს ჩაბარდა.ალბათ, ყველაფერს თავისი პერიოდი აქვს, მე ვერავის ვერაფერს ვურჩევ.ვფიქრობ, ცხოვრებაში პრაქტიკა ძალიან ბევრს შვრება და შეიძლება როცა გამოცდილი არ ხარ, უამრავი სისულელე გააკეთო, მაგრამ შემხვედრია დაბადებიდან ჭკვიანი ადამიანები, რომლებსაც კისერი არ წაუტეხავთ და ნებისმიერ გამოწვევას გამკლლავებიან“, – აღნიშნა სტეფანემ.

ჰოროსკოპი • 1714152340

ერთი წინადადება, რომლის შეხსენება ზოდიაქოს თითოეულ ნიშანს ძალიან სჭირდება

ვერძი - ზოგიერთ ადამიანს არასოდეს მოეწონები და ეს ნორმალურია.კურო - შენი ძალა ყოველთვის უნდა გაითვალისწინო და არ გადაამეტო.ტყუპი - ყოველთვის გულწრფელად ვერ გაიღიმებ, ზოგჯერ სიყალბე აუცილებელია.კირჩხიბი - არსებობს ადამიანი, რომელიც ზუსტად ისეთს მიგიღებს და დაგაფასებს, როგორიც დღეს ხარ.ლომი - გამბედაობა ყოველთვის ყველაზე შორს წაგიყვანს.ქალწული - სიკეთეს არ აქვს უარყოფითი მხარეები, ამიტომ შეწყვიტე მათი ძიება.სასწორი - მნიშვნელოვანია ისწავლო, როგორ ამოიგდო გულიდან და გზა განაგრძო.მორიელი - გახსოვდეს, რომ ყველაზე ძლიერი ზოგჯერ ყველაზე დაუცველია.მშვილდოსანი - პოზიტიური დამოკიდებულება პოზიტიურ ენერგიებს მოიზიდავს, ამიტომ შეწყვიტე ნეგატივით ცხოვრება.თხის რქა - წარმატებას უამრავი განმარტება აქვს, არ არსებობს მისი უნივერსალური ვარიანტი.მერწყული- თუ დაგავიწყდა, გახსოვდეს, რომ შენ ნამდვილად შეგიძლია ხელახლა გამოიგონო.თევზები - როდესაც გულწრფელი ხარ, ამას სხვები აუცილებლად შეიგრძნობენ

სპორტი • 1714152095

ტატო გრიგალაშვილი ევროპის ჩემპიონია

ზაგრებში მიმდინარე ევროპის ჩემპიონატზე ტატო გრიგალაშვილი (81 კგ) ოქროს მედლის მფლობელი გახდა.მსოფლიოს მოქმედმა ჩემპიონმა ფინალში ნიდერლანდელ ფრანკ დე ვიტს იპონით სძლია და ევროპის პირველობა კარიერაში მესამედ მოიგო.ცოტა ხნით ადრე ლაშა შავდათუაშვილმა (73კგ) ბრინჯაოს მედალი მოიპოვა. ოლიმპიურმა, მსოფლიოსა და ევროპის ჩემპიონმა მესამე ადგილისთვის დაპირისპირებაში მოლდოველი ადილ ოსმანოვი დამატებით დროში დაამარცხა.დღეს კიდევ ოთხმა ქართველმა ძიუდოისტმა იჭიდავა. გიორგი ჩიხელიძე (73 კგ), ეთერ ასკილაშვილი (63 კგ), მარიამ ჭანტურია და ნინო გულბანი (ორივე – 70 კგ) ტურნირს ადრეულ ეტაპზე გამოეთიშნენ.შეგახსენებთ, რომ გუშინ, 25 აპრილს ოქროს მედლის მფლობელი ვაჟა მარგველაშვილი (66 კგ) გახდა, ბრინჯაოს მედალი კი ეთერ ლიპარტელიანმა (57 კგ) მოიპოვა.