„სიტყვისა და გამოხატვის თავისუფლების შესახებ“ კანონში შესატან ცვლილებებს დღეს პარლამენტი პლენარულ სხდომაზე პირველი მოსმენით განიხილავს

„სიტყვისა და გამოხატვის თავისუფლების შესახებ“ კანონში შესატან ცვლილებებს დღეს პარლამენტი პლენარულ სხდომაზე პირველი მოსმენით განიხილავს. ზუსტდება ცილისწამების განმარტება და განიმარტება, როგორც არსებითად მცდარი ფაქტის შემცველი და პირის სახელის გამტეხი განცხადება.

პროექტით, მოქმედი ნორმების მსგავსად, ცალ-ცალკე მუხლებით რეგულირდება კერძო და საჯარო პირის ცილისწამებასთან დაკავშირებული საკითხები, თუმცა, ზუსტდება ნორმების ფორმულირება, ზიანის მიყენებისა და მტკიცების ტვირთის ახლებური რეგულაციების შესაბამისად.

თუ მოქმედი კანონით, ცილისწამებაზე მტკიცების ტვირთი იმ ადამიანზე იყო, ვისზეც ცრუ ინფორმაცია გავრცელდა, ახალი რეგულაციით, სიმართლის მტკიცება ცილისმწამებელს მოუწევს.