ირანსა და ისრაელს შორის ცეცხლის შეწყვეტის შეთანხმება უნდა შენარჩუნდეს - კირ სტარმერი

ირანსა და ისრაელს შორის ცეცხლის შეწყვეტის შეთანხმება უნდა შენარჩუნდეს, – ამის შესახებ დიდი ბრიტანეთის პრემიერ-მინისტრმა, კირ სტარმერმა განაცხადა.

სტარმერის თქმით, ეს არის შესაძლებლობა, რომ ახლო აღმოსავლეთში უზრუნველყოფილი იყოს სტაბილურობა.

„ირანს არასდროს უნდა მიეცეს ბირთვული იარაღის შექმნის უფლება და ახლა ისინი უნდა დაუბრუნდნენ მოლაპარაკებების მაგიდას, იმუშაონ მდგრადი შეთანხმების მისაღწევად. ეს არის გზავნილი, რომელსაც დღეს ლიდერებთან განვიხილავ“, – წერს სტარმერი სოციალურ ქსელში.