პროკურატურა

საქართველოს პროკურატურამ ორგანიზებული ჯგუფის მიერ ჩადენილი დიდი ოდენობით თანხის თაღლითურად დაუფლების და უკანონო შემოსავლის ლეგალიზაციის ფაქტებზე ერთი პირი დააკავა, - განცხადებას პროკურატურა ავრცელებს.„ქვემო ქართლის საოლქო პროკურატურის მიერ ჩატარებული გამოძიებით დადგინდა, რომ ბრალდებული თანამზრახველებთან ერთად მოქალაქეებს სწრაფი მოგების მიღების დაპირებით სხვადასხვა სახის აქციების ვირტუალურად შეძენაში თანხის დაბანდებას სთავაზობდნენ. შეცდომაში შეყვანილი მოქალაქეები დანაშაულებრივი ჯგუფის წევრების მიერ მითითებულ საბანკო ანგარიშებზე, მათ შორის ბრალდებულის ანგარიშზე, სხვადასხვა ოდენობის თანხებს რიცხავდნენ.დანაშაულებრივი საქმიანობის ფარგლებში, ბრალდებული ორგანიზებული ჯგუფის სხვა წევრებთან ერთად, 42 პირის კუთვნილ, ჯამში 337 337 ლარს მოტყუებით დაეუფლა. ბრალდებულმა და ორგანიზებული ჯგუფის სხვა წევრებმა, აღნიშნული თანხა მათი რეალური წარმომავლობის დაფარვის მიზნით სხვადასხვა საბანკო ანგარიშზე გადარიცხეს და კრიპტოვალუტაში კონვერტაცია განახორციელეს, რითაც განსაკუთრებით დიდი ოდენობის უკანონო შემოსავლის ლეგალიზება მოახდინეს.დაკავებულს ბრალდება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით, მე-4 ნაწილის „ა“ ქვეპუნქტით (თაღლითობა ჩადენილი დიდი ოდენობით, ორგანიზებული ჯგუფის მიერ) და 194-ე მუხლის მე-3 ნაწილის „ა“ და „გ“ ქვეპუნქტებით (უკანონო შემოსავლის ლეგალიზაცია (ფულის გათეთრება), ჩადენილი ორგანიზებული ჯგუფის მიერ, რასაც თან ახლდა განსაკუთრებით დიდი ოდენობით შემოსავლის მიღება) წარედგინა, რაც სასჯელის სახედ და ზომად 12 წლამდე თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა.სისხლის სამართლის საქმეზე გამოძიება გრძელდება დანაშაულებრივი ჯგუფის სხვა წევრების დადგენის მიზნით.საქართველოს პროკურატურა, მსგავსი კატეგორიის დანაშაულის ჩამდენ პირთა მიმართ მკაცრ სისხლისსამართლებრივ პოლიტიკას ატარებს, რასაც მომავალშიც გააგრძელებს“, - ნათქვამია განცხადებაში.

პოლიტიკა • 1779373200

ირაკლი გოგავა: ბრიუსელი არაერთგზის არის სისტემურ ფავორიტიზმში შემჩნეული. დისკომფორტი აქვთ, რადგან საქართველო გავიდა გარე მართვის მარწუხებიდან

ბრიუსელი არაერთგზის არის სისტემურ ფავორიტიზმში შემჩნეული. დისკომფორტი აქვთ, რადგან საქართველო გავიდა გარე მართვის მარწუხებიდან, - განაცხადა გადაცემაში „დღის ქრონიკა“ პოლიტოლოგმა ირაკლი გოგავამ.წამყვანმა ჰკითხა, ხომ არ იწვევს საქართველოს მიმართ ზედმეტად საჯარო და ზეწოლაზე დაფუძნებული რიტორიკა იმ შედეგს, რომ პროევროპული განწყობები სუსტდება და იზრდება პოლარიზაცია თავად ქართულ საზოგადოებაში.„თუ საქართველო გამოუვალ სიტუაციაში იქნება, სულ სხვა გეოპოლიტიკური გადაწყვეტილებები შეიძლება მივიღოთ. თუ ატყობთ, ბოლომდე ესკალაციაზე ისინიც [ბრიუსელი] არ მიდიან, რადგან ეს ესმით. ვფიქრობ, ბრიუსელის ბიუროკრატიის ამ თაობასთან ნორმალური დიალოგის მოლოდინი არ უნდა გვქონდეს.ბრიუსელი არაერთგზის არის სისტემურ ფავორიტიზმში შემჩნეული. დისკომფორტი აქვთ, რადგან საქართველო გავიდა გარე მართვის მარწუხებიდან. პოლიტიკურად დღეს გარე მართვაზე აღარ არის და ახლა უნდათ, რომ დააბრუნონ. შარლ მიშელის შეთანხმების შემდეგ უკან, რევერსის გზა ჩვენთვის აღარ არსებობს, რადგან რეალურად გამოავლინა, რა სურს ევროპას ჩვენგან. მათ სურთ აკონტროლონ სასამართლო, პროკურატურა, ცესკო, აგენტურა ყველა სახელმწიფო სტრუქტურაში ჩასვან. ევროპას უნდა ვასწავლოთ, რომ გვესაუბროს როგორც თანაბარუფლებიანი პარტნიორი“, - აღნიშნა გოგავამ.

მსოფლიო • 1779350151

„დაკავებულები არიან ჟურნალისტები, ცნობილი მსახიობები და შოუბიზნესის წარმომადგენლები“ - მორიგი სპეცოპერაცია თურქეთში

თურქმა სამართალდამცველებმა ნარკოდანაშაულთან ბრძოლის ფარგლებში ჩატარებული საგამოძიებო ღონისძიებების შედეგად 14 ადამიანი დააკავეს, რომელთა შორის არიან ცნობილი მსახიობები, ჟურნალისტები და შოუბიზნესის სხვა წარმომადგენლები. ინფორმაციას თურქული მედია ავრცელებს.მედიის ცნობით, დაკავებულთა შორის არიან მსახიობები და მომღერლები: სერენაი სარიქაია, მეიბლ მატიზი, ფეიზუ ჩიველექი, ვოლქან ბაჰჩეკაპილი და ონურ თუნა.სტამბოლის ბაქირეის რაიონის პროკურატურის განცხადებით, სულ 25 ადამიანის დაკავების ორდერია გამოცემული.სტამბოლის პროკურატურაში აღნიშნავენ, რომ ჩატარებული საგამოძიებო მოქმედებების შედეგად ამოღებულია დიდი ოდენობის „კოკაინი“, რომლის გადაზიდვა საზღვაო გზით ხდებოდა.სტამბოლში გამოვლენილია აგრეთვე ნარკოტიკების კუსტარული საწარმოები.

სამართალი • 1779346592

სასაზღვრო პოლიციამ მიგრანტის უკანონოდ გადაყვანის მომზადების ფაქტზე 2 პირი დააკავა

შინაგან საქმეთა სამინისტროს სასაზღვრო პოლიციის ოპერატიულ-საგამოძიებო დეპარტამენტის თანამშრომლებმა, აჭარის ა/რ პროკურატურასთან ერთად მიგრანტის უკანონოდ გადაყვანის მომზადების ფაქტზე 2 პირი დააკავა.სამართალდამცველების მიერ ჩატარებული ოპერატიული ღონისძიებებისა და საგამოძიებო მოქმედებების შედეგად დადგინდა, რომ ერთ-ერთი ბრალდებული გარკვეული თანხის სანაცვლოდ სარფის საბაჟო გამტარ პუნქტზე გვერდის ავლით, მისი მართვის ქვეშ მყოფი სატვირთო ავტომანქანაში მოწყობილი სამალავით აპირებდა მიგრანტების გადაყვანას, თურქეთის რესპუბლიკაში.სასაზღვრო პოლიციის თანამშრომლებმა, ბრალდებულების მხილების მიზნით, მოსამართლის განჩინების საფუძველზე, საგამოძიებო მოქმედებები განახორციელეს და მოახდინეს დანაშაულებრივი განზრახვის ფარული აუდიო-ვიდეო ჩაწერა.სამართალდამცველებმა სარფის გამშვებ პუნქტზე, შეჩერებულ სატვირთო ავტომანქანაში მოწყობილ სამალავში უცხო ქვეყნის მოქალაქე აღმოაჩინეს, რომლიც თურქეთში უკანონოდ გადასვლას ცდილობდა. სატვირთო ავტომანქანის მძღოლი და სამალავში მყოფი უცხო ქვეყნის მოქალაქე ბრალდებულის სახით დააკავეს, ხოლო საკონტროლო შესყიდვის ფარგლებში გადაცემული ფულადი თანხა ნივთმტკიცებად ამოიღეს.გამოძიება მიმდინარეობს საქართველოს სისხლის სამართლის კოდექსის 18-344- ე პრიმა მუხლის მეორე ნაწილის ,,ბ“ და 18-344-ე მუხლის მეორე ნაწილის ,,ა“ ქვეპუქნტებით, სახელმწიფო საზღვარზე ორი ან მეტი მიგრანტის უკანონოდ გადაყვანის მომზადების და ჯფუფურად უკანონოდ გადაკვეთის მომზადების ფაქტზე.

სამართალი • 1779280584

პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და რეალიზაციის ხელშეწყობის ფაქტებზე უცხო ქვეყნის მოქალაქეს ბრალდება წარუდგინა

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და რეალიზაციის ხელშეწყობის ფაქტებზე უცხო ქვეყნის მოქალაქეს ბრალდება წარუდგინა.პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა განსაკუთრებით დიდი ოდენობის ნარკოტიკულ საშუალებებს „მეთადონს“ და „კოკაინს“. უწყების ცნობით, გატარებული ღონისძიებების შედეგად სამართალდამცველებმა აღნიშნული ნარკოტიკული საშუალებები ამოიღეს. ასევე, ბრალდებულის საცხოვრებელი სახლიდან ამოღებულია ნარკოტიკული საშუალების დაფასოებისთვის საჭირო ნივთები და სხვადასხვა ლოკაციაზე განთავსებული ნარკოტიკული საშუალებები.„დაკავებულს ბრალდება საქართველოს სისხლის სამართლის კოდექსის 260-ე მუხლის მე-3 ნაწილის „ა“ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო შეძენა-შენახვა) და 260 კვარტა მუხლის მეექვსე ნაწილის ,,ა’’ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა შეუფარდა“, - წერია ინფორმაციაში.

სამართალი • 1779277630

საქართველოში ტერორისტულ ორგანიზაცია „ისლამურ სახელმწიფოსთან“ კავშირის ბრალდებით სამი პირი დააკავეს

საქართველოს პროკურატურამ უცხო ქვეყნის ტერორისტულ ორგანიზაციაში გაერთიანების და ტერორისტულ საქმიანობაში დახმარების, საბრძოლო მასალის მართლსაწინააღმდეგო შეძენის და შენახვის ფაქტზე ერთ პირს, ხოლო ცეცხლსასროლი იარაღის, საბრძოლო მასალის, ასაფეთქებელი მოწყობილობის და ფეთქებადი ნივთიერების მართლსაწინააღმდეგო შეძენის და შენახვის ფაქტებზე ორ პირს ბრალდება წარუდგინა.სახელმწიფო უსაფრთხოების სამსახურის კონტრტერორისტული ცენტრის მიერ ჩატარებული გამოძიებით დადგინდა, რომ ბრალდებული ტერორისტულ ორგანიზაცია „ისლამურ სახელმწიფოში“ გაერთიანდა და აქტიურ მონაწილეობას იღებდა ტერორისტული ორგანიზაციის მიერ წარმოებულ შეიარაღებულ მოქმედებებში.ასევე მის საცხოვრებელ სახლში მართლსაწინააღმდეგოდ ინახავდა საბრძოლო მასალას. ხოლო ბრალდებულთან კავშირში მყოფი ორი პირი საცხოვრებელ სახლებში მართლსაწინააღმდეგოდ ინახავდნენ ფეთქებად ნივთიერებას, ასაფეთქებელ მოწყობილობებს, საბრძოლო მასალას და ცეცხლსასროლ იარაღებს. ჩხრეკის შედეგად სხვა ნივთებთან ერთად ამოღებულია დროშა, ტერორისტული ორგანიზაციის სიმბოლიკით.

პოლიტიკა • 1779274560

ლევან ხაბეიშვილი: საქმეში ჩემი საჯარო განცხადებების გარდა, არაფერი დევს, არ არის დაზარალებული, ობიექტი, ვისაც თანხას გადავცემდი, ფარულად რამის გაკეთებას, დაშავებას არც მედავებიან

საქმეში ჩემი საჯარო განცხადებების გარდა, არაფერი დევს. ფარულად, მალულად რამის გაკეთებას, გაფუჭებას და დაშავებას არც მედავებიან, – ამის შესახებ ქრთამის სახით მოხელეებისთვის ფულადი თანხების საჯარო დაპირებისა და ხელისუფლების დამხობისაკენ მოწოდების ბრალდებით დაკავებულმა „ნაციონალური მოძრაობის“ წევრმა, ლევან ხაბეიშვილმა სასამართლო სხდომაზე დასკვნითი სიტყვისას განაცხადა.მისივე თქმით, „ბევრის მიმანიშნებელი უნდა იყოს ის, რომ ცხრა თვის განმავლობაში პროკურორს საქმეზე განცხადებები არ გაუკეთებია“.„9 თვის განმავლობაში ციხეში ვარ და სამი საათი იყო ჩემი პროცესი. ადმინისტრაციული დავები გრძელდება ხოლმე სამი, ხუთი საათი. ჩემს საქმეში ათი გვერდი იქნება თავი-ბოლო. სამი „მოწმე“ ჰყავდათ გამოძახებული – მოწმე არ არსებობს ამ საქმეში, სამი ადამიანი, ორი არ მოიყვანეს. საქმეში ჩემი საჯარო განცხადებების გარდა, არაფერი დევს. საზოგადოებამ კარგად იცის, რომ ამ ცხრა თვის განმავლობაში პროკურორი საჯაროდ არ ჩანდა, განცხადებებს არ აკეთებდა. ეს ბევრის მიმანიშნებელი უნდა იყოს. არ მინახავს საჯარო განცხადება, რომ დაეცვას თავისი პოზიცია. პროკურატურას არ დაუცავს პოზიცია, რომ მე ვინმეს რამე შევთავაზე. ამ საქმეში არ არის დაზარალებული, არ არის ობიექტი, ვისაც გადავცემდი, არ არსებობს სიკეთე, რომელსაც მე მივიღებდი. პირობითად, როდესაც ადამიანს ედავებიან სამოხელეო დანაშაულს და მე ვიღაცას რაღაცას ვთავაზობ, ბუნებაში არ არსებობს სიკეთე – მატერიალური სიკეთე ან კეთილდღეობა, რომელსაც მივიღებდი. პროკურატურამ არ დამიტოვა შესაძლებლობა იმისა, მაგალითად, რომ გინდოდეს, ბრალი აღიაროს ხაბეიშვილმა. რა უნდა ვაღიარო? საჯარო განცხადებები იყო, იმის იქით არაფერი. ფარულად, მალულად რამის გაკეთებას, გაფუჭებას და დაშავებას არც მედავებიან. ასე აღიქვა და აღქმების გამო პოლიტიკოსი უნდა იყოს ციხეში“, – განაცხადა ხაბეიშვილმა.საქმეზე მოსამართლე გადაწყვეტილებას ხვალ გამოაცხადებს.ცნობისთვის, ლევან ხაბეიშვილი სახელმწიფო უსაფრთხოების სამსახურმა ქრთამის სახით მოხელეებისთვის ფულადი თანხების საჯარო დაპირების ბრალდებით 2025 წლის 11 სექტემბერს დააკავა.მას ბრალდება წარდგენილი აქვს საქართველოს სსკ-ის 339-ე მუხლის მეორე ნაწილით, რაც გულისხმობს უკანონო ქმედების ჩასადენად მოხელისათვის ქრთამის (ფულის გადაცემის) დაპირებას, რათა მან თანამდებობრივი უფლებების განხორციელებისას და მოვალეობების შესრულებისას ქრთამის მიმცემის სასარგებლოდ განახორციელოს რაიმე ქმედება ან თავი შეიკავოს რაიმე ქმედების განხორციელებისაგან.გამოძიების ინფორმაციით, ხაბეიშვილი საჯარო სივრცეში, ტელევიზიასა და სოციალურ ქსელებში ავრცელებდა მოწოდებებს და ძალოვანი სისტემის თანამშრომლებს ჰპირდებოდა ქრთამის მიცემას იმ შემთხვევაში, თუ ხელისუფლების წინააღმდეგ გამართულ აქციებზე შსს-ს განსაკუთრებულ დავალებათა დეპარტამენტის თანამშრომლები უარს იტყოდნენ მათზე დაკისრებული მოვალეობების შესრულებაზე; ასევე, თუ არ გამოიყენებდნენ მათ ხელთ არსებულ, კანონით ნებადართულ სპეციალურ საშუალებებს. ვინც ასეთ ქმედებას განახორციელებდა, ლევან ხაბეიშვილი საჯაროდ ჰპირდებოდა 200 000 აშშ დოლარის გადახდას.გარდა ამისა, გამოძიების ცნობით, ლევან ხაბეიშვილი 200 000 აშშ დოლარის ქრთამის სახით გადახდას საჯაროდ დაჰპირდა პოლიციის იმ თანამშრომლებსაც, რომლებიც მიაწვდიდნენ სამსახურებრივ საქმიანობასთან დაკავშირებულ სხვადასხვა სახის ინფორმაციასა და საიდუმლო მასალას. იგი დასახელებულ თანხას ქრთამის სახით დაჰპირდა განსაკუთრებულ დავალებათა დეპარტამენტის თანამშრომლებს წვრთნასა და ვარჯიშზე უარის თქმის სანაცვლოდაც.ლევან ხაბეიშვილს ასევე ბრალი წარდგენილი აქვს საქართველოს სსკ-ის 317-ე მუხლით, რაც გულისხმობს საქვეყნოდ მოწოდებას სახელმწიფო ხელისუფლების დამხობისაკენ. პროკურატურის ცნობით, ბრალდებული 2025 წლის ივნისიდან სატელევიზიო ეთერებიდან და სოციალური ქსელის საშუალებით მოქალაქეებს სისტემატიურად მოუწოდებდა ისეთი ქმედების ჩადენისაკენ, როგორიცაა სახელმწიფო ხელისუფლების დამხობა, რისთვისაც განსაზღვრავდა კონკრეტულ თარიღსა და ადგილს.დანაშაული 4-დან 7 წლამდე პატიმრობას ითვალისწინებს.

სამართალი • 1779219670

ნათია ბახტაძის მკვლელობისთვის დაკავებულის განაჩენი ცნობილია

ოკუპირებულ აფხაზეთში, 28 წლის ნათია ბახტაძის განზრახ მკვლელობისთვის დაკავებულის განაჩენი ცნობილია.ე.წ. გენერალური პროკურატურის ცნობით, აინარ ცვიჟბას 7 წლითა და ექვსი თვით თავისუფლების აღკვეთა მიესაჯა მკაცრი რეჟიმის კოლონიაში.როგორც ცნობილია, გამოძიება გალის რაიონულმა პროკურატურამ ბახტაძის დედის განცხადების საფუძველზე დაიწყო.შეგახსენებთ, 28 წლის ნათია ბახტაძე 2023 წელს, გალის რაიონში მოკლეს. ახალგაზრდა ქალის განზრახ მკვლელობის ბრალდებით აინარ ცვიჟბა დააკავეს.ამავე თემაზე:„ცოდვის ტირილია გალში... განსაკუთრებული სისასტიკით არის მოკლული ნათია“ - მკვლელობის ახალი დეტალები„არ მჯერა, რომ ჩემი შვილის ცხედარი იქ არის, სადაც ეძებენ...“ მოკლული ნათია ბახტაძის დედა წერილს აქვეყნებს„გალში მოვიდა სალონში თმის შესაჭრელად და მანქანაში ცხედარი ედო...“ - მეათე დღეა ოკუპირებულ გალში ნათია ბახტაძის ცხედარს ეძებენ

მსოფლიო • 1779184203

უკრაინის ანტიკორუფციული ბიურო კორუფციის საქმის ფარგლებში უზენაეს სასამართლოში ჩხრეკას ატარებს

უკრაინის ეროვნული ანტიკორუფციული ბიურო სპეციალურ ანტიკორუფციულ პროკურატურასთან ერთად ქვეყნის უზენაესი სასამართლოს შენობაში ჩხრეკას ატარებს.როგორც ანტიკორუფციული ბიუროს მიერ გავრცელებულ ინფორმაციაშია აღნიშნული, ჩხრეკა აგრეთვე ტარდება უზენაესი სასამართლოს მოქმედი და ყოფილი მოსამართლეების სამუშაო ადგილებზე, საცხოვრებელ სახლებში, ავტომობილებში.საუბარია კორუფციასთან დაკავშირებულ სისხლის სამართლის ერთ-ერთ საქმეზე.საქმის დეტალები უცნობია. უცნობია ისიც, კონკრეტულად ვისთან ტარდება ჩხრეკა და წაუყენეს თუ არა ბრალი რომელიმე მოსამართლეს.

სამართალი • 1779175243

საქართველოს გენერალურმა პროკურორმა გიორგი გვარაკიძემ შიდა ქართლის და მცხეთა-მთიანეთის საოლქო პროკურატურის თანამშრომლებს ახალი ხელმძღვანელი წარუდგინა

საქართველოს გენერალურმა პროკურორმა, გიორგი გვარაკიძემ შიდა ქართლის და მცხეთა-მთიანეთის საოლქო პროკურატურის თანამშრომლებს, ახალი ხელმძღვანელი შიდა ქართლის და მცხეთა-მთიანეთის საოლქო პროკურორი თეიმურაზ ლომთაძე წარუდგინა.თეიმურაზ ლომთაძეს საქართველოს პროკურატურაში მუშაობის 20 წლიანი გამოცდილება აქვს. ბოლოს იგი დასავლეთ საქართველოს ოლქის პროკურორის მოადგილის თანამდებობას იკავებდა.გენერალურმა პროკურორმა, გიორგი გვარაკიძემ თეიმურაზ ლომთაძეს ახალ თანამდებობაზე დანიშვნა მიულოცა და განაცხადა, რომ აღნიშნული საკადრო ცვლილება შიდა ქართლის და მცხეთა-მთიანეთის საოლქო პროკურატურის საქმიანობას კიდევ უფრო ეფექტიანს გახდის.გენერალურმა პროკურორმა თანამშრომლებთან შეხვედრაზე პროკურატურის საქმიანობის მნიშვნელობას გაუსვა ხაზი, საუბარი შეეხო იმ გამოწვევებს, რომელიც რეგიონში დანაშაულთან ბრძოლის მიმართულებით არსებობს. ასევე ისაუბრეს საქართველოს პროკურატურის სისხლის სამართლის პოლიტიკასა და უწყების პრიორიტეტებზე.

მსოფლიო • 1779127155

ექიმი ბავშვებს საავადმყოფოშივე აუპატიურებდა“ - გერმანიაში პედიატრს ბრალი ოფიციალურად წარუდგინეს

46 წლის გერმანელ პედიატრს ასობით დანაშაულებრივ ქმედებაში ედება ბრალი - მათ შორის არასრულწლოვნების მიმართ სექსუალური ძალადობაში. ინფორმაციას უცხოური მედია ავრცელებს. გამოცემის ცნობით, მამაკაცი ბრანდენბურგის საავადმყოფოში მუშაობდა. სავარაუდო დანაშაულები მან 2013-დან 2025 წლამდე პერიოდში ჩაიდინა. გერმანელი პროკურორების განცხადებით, ექიმმა-პედიატრმა,სამედიცინო შემოწმებისა და მკურნალობის სესიების დროს სექსუალურად იძალადა რამდენიმე ბავშვზე, რომლებიც მისი პაციენტები იყვნენ. ის ბავშვებს საავადმყოფოშივე აუპატიურებდა. ინფორმაციაში არ არის დაზუსტებული, თუ რამდენი ბავშვი გახდა მისი მხრიდან ძალადობის მსხვერპლი. ამ შემთხვევამ შოკში ჩააგდო მთელი გერმანია და ქვეყნის ჯანდაცვის სისტემაში ბავშვთა დაცვისა და ზედამხედველობის მდგომარეობის კუთხით, საყოველთაო შეშფოთება გამოიწვია. „ბრალდებულს სექსუალური თავისუფლების წინააღმდეგ მიმართული 130 დანაშაულის ჩადენა ედება ბრალად. მათ შორის არის დამამძიმებელ გარემოებებში ბავშვთა მიმართ სექსუალურ ძალადობისა და გაუპატიურების ბრალდებები“, - აცხადებს პოტსდამის პროკურატურა.46 წლის ექიმი ნოემბრიდან წინასწარ პატიმრობაში იმყოფება. მისი მხილება მას შემდეგ გახდა შესაძლებელი, რაც2025 წლის ნოემბერში, ერთ-ერთი მცირეწლოვანი პაციენტის დედამ საავადმყოფოს პედიატრიულ განყოფილებაშიმკურნალობისას ბავშვზე ძალადობის ეჭვი მიიტანა და პოლიციას მიმართა. სამართალდამცველებმა ექიმი მყისიერად დააკავეს. ჩხრეკისას ამოღებულია ციფრული მატარებლები (მყარი დისკებიდა ფლეშ-ბარათები), რომლებზეც, სავარაუდოდ, დანაშაულის ამსახველი მასალა ინახებოდა.გერმანიის ხელისუფლების ცნობით, ბრალდებული ექიმი ყოველგვარ დანაშაულს უარყოფს და, გერმანულიკანონმდებლობის თანახმად, უდანაშაულოდ ითვლება მანამ, სანამ მისი ბრალეულობა სასამართლოში არ დამტკიცდება.

სამართალი • 1779115251

პროკურატურა განცხადებას ავრცელებს

საქართველოს პროკურატურამ განზრახ მკვლელობის მცდელობის ფაქტზე ერთ პირს ბრალდება წარუდგინა. ამის შესახებ განცხადებას პროკურატურა ავრცელებს.„შინაგან საქმეთა სამინისტროს მიერ ჩატარებული გამოძიებით დადგინდა, რომ 16 მაისს, გურჯაანის მუნიციპალიტეტის სოფელ ბაკურციხეში, ბრალდებულმა დაზარალებულს დანით სიცოცხლისთვის სახიფათო დაზიანებები მიაყენა. გადაუდებელი სამედიცინო დახმარების შედეგად დაზარალებულის გადარჩენა მოხერხდა.დაკავებულს ბრალდება საქართველოს სისხლის სამართლის კოდექსის 19-108-ე მუხლით (განზრახ მკვლელობის მცდელობა) წარედგინა, რაც სასჯელის სახედ და ზომად თხუთმეტ წლამდე თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა“, - ნათქვამია განცხადებაში.