პოლიტიკა • 1774007088

ირაკლი კობახიძემ, საქართველოს კათოლიკოს-პატრიარქის გარდაცვალებასთან დაკავშირებით, გაეროს ტურიზმის ორგანიზაციის გენერალური მდივნის სამძიმრის წერილი მიიღო

 საქართველოს პრემიერ-მინისტრმა ირაკლი კობახიძემ, საქართველოს კათოლიკოს-პატრიარქის გარდაცვალებასთან დაკავშირებით, გაეროს ტურიზმის ორგანიზაციის გენერალური მდივნის შაიხა ნასერ ალ ნოვაისის სამძიმრის წერილი მიიღო.გაეროს ტურიზმის ორგანიზაციის გენერალური მდივანი ღრმა მწუხარებას გამოთქვამს საქართველოს პატრიარქის გარდაცვალების გამო და გულწრფელ სამძიმარს უცხადებს საქართველოს მთავრობასა და ქართველ ხალხს.„ღრმა მწუხარებას გამოვთქვამ მისი უწმინდესობის, საქართველოს პატრიარქის, ილია II-ის გარდაცვალების გამო - ის იყო დიდად პატივცემული სულიერი ლიდერი, რომლის თავდადებულმა მსახურებამ თითქმის ხუთი ათწლეულის მანძილზე წარუშლელი კვალი დატოვა თქვენს ქვეყანასა და ყველა იმ ადამიანზე, ვინც მისი სიბრძნით, თანაგრძნობითა და მშვიდობისაკენ განუხრელი სწრაფვით იყო შთაგონებული.გაეროს ტურიზმის ორგანიზაციისა და ჩემი სახელით, მინდა გულწრფელი სამძიმარი გამოვხატო თქვენი, თქვენი მთავრობისა და ქართველი ხალხის მიმართ  ამ უდიდესი დანაკარგის წუთებში.მისი უწმინდესობა ყველას დაამახსოვრდება არა მხოლოდ სულიერი წინამძღოლობისთვის, არამედ თქვენი ქვეყნის კულტურულ და ზნეობრივ სისტემაში შეტანილი წვლილისთვის, ასევე ისეთი ღირებულებების დაცვისთვის, როგორიცაა ერთიანობა და გულისხმიერება. ჩვენ სოლიდარობას ვუცხადებთ ქართველ ხალხს და პატივს მივაგებთ ჭეშმარიტად გამორჩეული მოღვაწის ცხოვრებასა და მემკვიდრეობას, რომლის ზემოქმედებაც თაობებს გადასწვდება“, -  აღნიშნულია გაეროს ტურიზმის ორგანიზაციის გენერალური მდივნის სამძიმრის წერილში.

საზოგადოება • 1773909698

მისი უწმინდესობის დაკრძალვის დღეს საქართველოში სტუმრად ჩამოვა სხვადასხვა დელეგაცია - დეკანოზი თეიმურაზ თათარაშვილი

ქვეყანა სრულიად საქართველოს კათოლიკოს-პატრიარქს ემშვიდობება. 24 საათის განმავლობაში არ წყდება მოქალაქეების ნაკადი სამების საკათედრო ტაძარში, სადაც უწმინდესისა და უნეტარესის, ილია მეორის ცხედარია დასვენებული. ათასობით ადამიანი ცდილობს პატივი მიაგოს იმ ადამიანის ხსოვნას, რომელიც ათწლეულების განმავლობაში ერის ერთიანობისა და სულიერი სიმტკიცის სიმბოლო იყო.უკვე ცნობილია, რომ ილია მეორის დაკრძალვის ცერემონიას მსოფლიო პატრიარქი ბართლომე დაესწრება. ეს ინფორმაცია "კურიერს" საგარეო საქმეთა სამინისტროში ოფიციალურად დაუდასტურეს. პატრიარქის ანდერძის თანახმად, მას კვირას, 22 მარტს, სიონის საკათედრო ტაძარში დაკრძალავენ - იქ, სადაც მან მრავალწლიანი მოღვაწეობის უმნიშვნელოვანესი წლები გაატარა.სამების საკათედრო ტაძარში საყოველთაო პანაშვიდი გრძელდება. ხალხმრავლობაა, როგორც ტაძრის შიგნით, ისე მის მიმდებარე ტერიტორიაზე."ტაძარი ღიაა 24 საათის განმავლობაში, რაც იმას ნიშნავს, რომ ყოველი მორწმუნე ადამიანი არ არის შეზღუდული დროში, მოვიდეს და პატივი მიაგოს პატრიარქის ხსოვნას. მოდიან ადამიანები სხვადასხვა კუთხეებიდან, მოჰყავთ ბავშვებიც, რადგანაც სურთ, რომ მათმა შვილებმაც გამოსათხოვარი პატივი მიაგონ მის უწმინდესობას. ეს არის ჭეშმარიტად გულიდან წამოსული გლოვა და უდიდესი სევდა, რომელმაც თითქმის ყოველი ქრისტიანი.კათოლიკოს პატრიარქის, ილია მეორის, როგორც ერთ-ერთი მართლმადიდებელი ავტოკეფალიური ეკლესიის მწყემსის გარდაცვალება გახდა ძალიან დიდი წუხილი სხვადასხვა ავტოკეფალიური ეკლესიებისთვისაც.ჩვენ მივიღეთ სამძიმრის წერილები თითქმის ყველა ავტოკეფალიური ეკლესიიდან და ვიცით, რომ მისი უწმინდესობის დაკრძალვის დღეს საქართველოში სტუმრად ჩამოვა სხვადასხვა დელეგაცია. თითქმის დადასტურდა ცნობა, რომ საქართველოში სტუმრად ჩამოვა მისი ყოვლად უწმინდესობა, მთავარეპისკოპოსი კონსტანტინოპოლისა ბართლომეოსი, რომელიც მას წაუკითხავს მიცვალებულის მსახურებისათვის დაკავშირებულ ლოცვას და აღავლენს მართლმადიდებლურ მსახურებას. ამავდროულად, სხვა დელეგაციები სხვადასხვა ქვეყნებიდან. კონკრეტული სია ალბათ გამოქვეყნდება და ყველასთვის გახდება ცნობილი," - განაცხადა დეკანოზმა, სამების საკათედრო ტაძრის მღვდელმსახურმა, მამა თეიმურაზმა (თათარაშვილმა).

საზოგადოება • 1773849968

მეუფე შიო ილია მეორეზე: მისი სახით შევიძინეთ კიდევ ერთი დიდი მფარველი ზეციური საქართველოდან, რომელიც შეგვეწევა, რათა გავაგრძელოთ ჩვენი ცხოვრება ისე როგორც გვიანდერძა, რომ შევძლოთ ერთსულოვნება, ურთიერთსიყვარული, ურთიერთშერიგება

მე მინდა ყველას მოგისამძიმროთ ყველას მისი უწმიდესობის გარდაცვალების გამო. საოცარი ჰქონდა მას თვისება, მისი ეს მამობრივი სიყვარულის მასშტაბი, მისი ფიქრი და ლოცვა ეფინებოდა თითოეულ ადამიანს, რომელსაც ოდესმე ჰქონია მასთან შეხება, ამ ადამიანებში ახდენდა დიდი ფერიცვალებას და ჩვენი ცხოვრება უკეთესობისკენ იცვლებოდა, - განაცხადა სენაკისა და ჩხოროწყუს მიტროპოლიტმა, სრულიად საქართველოს კათოლიკოს-პატრიარქის ტახტის მოსაყდრემ შიო მუჯირმა, წმინდა სამების საკათედრო ტაძარში, სადაც ილია მეორეს სამოქალაქო პანაშვიდი გაიმართა.როგორც მეუფემ აღნიშნა, პატრიარქმა დაგვიტოვა ეკლესია, რომელიც დღეს უმნიშვნელოვანეს როლს ასრულებს ქვეყნისა და საზოგადოებრივ ცხოვრებაში.არ არის შემთხვევით, რომ მან ღვთივ განისვენა სწორედ დიდი მარხვის, ჯვრის თაყვანისცემის კვირაში, როდესაც ეკლესია თაყვანს სცემს თავგანწირული სიყვარულის ამ მთავარ სიმბოლოს, პატიოსან ცხოველსმყოფელს ჯვარს და ჩვენი წმინდა სინოდის მიმართვაში იყო აღნიშნული, რომ ეს არის მინიშნება, რომ მისი უწმინდესობის ღვაწლი ჭეშმარიტად მოწამებრივი იყო. მისი დასაფლავება კვირას მოხდება, როდესაც ეკლესია აღნიშნავს იოანე კიბისაღმწერლის ხსენებას და გვმოძღვრავს სულიერი კიბის შესახებ, რომელიც სათნოებათა გზით მიმყვანებელია სულის ცხონებისკენ. შეიძლება ითქვას, რომ ეს არ არის შემთხვევითი რომ მის უწმიდესობაში იყო შერწყმული მოწამეობრივი გზა, ღვაწლი და სულიერ კიბეზე, უმაღლესი საფეხურის მიღწევა, რომელსაც ჩვენ ვხედავთ. ეს არის სათნოებები, რომელიც მან მოიხვეჭა, დიდი სიყვარული, საოცარი სიმდაბლე, მოთმინება, სიბრძნე და სხვა. ჩვენი გულის სავსეა ემოციებით, სიყვარულით, ფიქრებით, მაგრამ ალბათ მისი უზარმაზარი ღვაწლიდან ერთ-ერთი უმთავრესი არის ის, რომ მან ჩაიბარა საქართველოს ეკლესია დევნილ, დაკნინებულ მდგომარეობაში, საზოგადოებრივ ცხოვრებიდან გარიყულ მდგომარეობაში, მაგრამ მის შვილებს გაძლიერებული, აღშენებული, გამართული ეკლესია დაგვიტოვა, რომელიც დღეს უმნიშვნელოვანეს როლს ასრულებს ქვეყნის და საზოგადოებრივ ცხოვრებაში.დიდი სიყვარულით ქედს ვიხრით მისი მამობრივი ღვაწლის წინაშე და მადლობას ვუხდით მას ამისთვის. ჩვენი გული მწუხარებასთან ერთად ივსება იმედით, რომ უფალი მას ცათა სასუფეველში მართალთა თანა განუსვენებს და მისი სახით შევიძინეთ კიდევ ერთი დიდი მეოხი, მფარველი ზეციური საქართველოდან, რომელიც შეგვეწევა, რომ გავაგრძელოთ ჩვენი საეკლესიო, სახელმწიფოებრივი ცხოვრება, ისე როგორც მან დაგვიბარა და გვიანდერძა, რომ შევძლოთ ერთსულოვნება, ურთიერთსიყვარული, ურთიერთშერიგება და იმ ღირებულებებზე მყარად დაბრუნება, რომლის გავრცელებაში უდიდესი როლი შეასრულა მისმა ღვაწლმა.კიდევ ერთხელ გისამძიმრებთ, ჩემო საყვარელო ადამიანებო, ღმერთმა შეუნდოს და ცათა სასუფეველი მიანიჭოს, დაუმკვიდროს ცათა სასუფეველი და ჩვენ შეგვაძლებინოს ღირსეულად აღვასრულოთ ეს დღეები დაკავშირებული მის დასაფლავებასთან და ღირსეულად შევძლოთ გავაგრძელოთ ცხოვრება, ვისწავლოთ ცხოვრება მის გარეშე. ძნელია დღეს მის გარეშე ეკლესიის წარმოდგენა, მაგრამ ის ჩვენთან არის და ყოველთვის ჩვენთან იქნება, ამის გვწამს და გვჯერა. ჩვენთან არს ღმერთი! “, - განაცხადა მეუფე შიომ.

საზოგადოება • 1773843043

ვრცელდება სინოდის მიმართვა - პატრიარქისადმი სიყვარული უნდა გამოვლინდეს მისი შეგონებების აღსრულებაში

ქრისტესმიერი სიყვარულის აღორძინებით ჩვენ შევძლებთ ქვეყანაში მშვიდობიანი თანაარსებობის დამკვიდრებას და საზოგადოების გამთლიანებას. გავაგრძელოთ სვლა ჩვენი წინაპრების მიერ გაკვალულ გზაზე, რომელთან დაბრუნებაშიც შეუფასებელია ისტორიული როლი საქართველოს კათოლიკოს-პატრიარქის, – ამის შესახებ ნათქვამია წმინდა სინოდის მიერ შემუშავებულ საქართველოსა და მის ფარგლებს გარეთ მცხოვრები საქართველოს მოქალაქეებისადმი მიმართვაში, რომელიც ახალციხისა და ტაო-კლარჯეთის მიტროპოლიტმა, თეოდორე ჭუაძემ წაიკითხა.მიმართვაში ასევე ნათქვამია, რომ დღეს პატრირქისადმი სიყვარული უნდა გამოვლინდეს მისი მრავალწლიანი შეგონებების აღსრულებაში.„საქართველოს ეკლესიის წმინდა სინოდის მიმართვა სრულიად საქართველოს: ქვეყანაში და მის ფარგლებს გარეთ მცხოვრებნო ჩვენო თანამემამულენო, გისამძიმრებთ უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა თბილისის მთავარეპისკოპოსის, ბიჭვინთისა და ცხრუმ-აფხაზეთის მიტროპოლიტის, დიდისა მეუფისა, მამისა ჩვენისა ილია მეორის გარდაცვალებას. მისი უწმინდესობის სიყვარული და მზრუნველობა ვრცელდება საქართველოს თითოეული მოქალაქის მიმართ, განურჩევლად აღმსარებლობისა თუ ეთნიკური ნიშნისა. იგი ჭეშმარიტად იყო, არის და იქნება მამა სრულიად საქართველოსი. უცხოეთიდან შემოსულ სამძიმრის წერილებში აღნიშნულია, რომ იგი დააკლდა არა მარტო საქართველოს, არამედ სრულიად საქრისტიანოსა და მთელ მსოფლიოს. ღვთის განგებით, ჩვენი პატრიარქი აღესრულა დიდ მარხვაში, ჯვრის თაყვანისცემის შვიდეულში. ეს ფაქტი კიდევ ერთხელ მიგვანიშნებს მისი მოწამეობრივი ცხოვრების შესახებ. მისი უწმინდესობის მიერ აღსრულებული სამოციქულო ღვაწლი, ღვთისაგან განშორებული ერის სარწმუნოებისკენ შემობრუნება მხოლოდ ღვთისა და მამულისადმი სრული თავგანწირვით იყო შესაძლებელი. დიდ სიყვარულთან ერთად, კათოლიკოს-პატრიარქი გამოირჩეოდა ღვთივ მინიჭებული სიმდაბლითა და სიბრძნით. 49 წლის განმავლობაში მან ბეწვის ხიდზე ატარა ჩვენი ქვეყანა და მრავალ განსაცდელს გადაარჩინა. ამ უდიდესი მწუხარების წუთებში ჩვენ ასევე გვეუფლება რწმენა იმისა, რომ უწმინდესობა პირნათელი წარდგა ღვთის წინაშე, რომ მის სულს უფალი დაამკვიდრებს ადგილსა ნათლისასა, ადგილსა მწვანილოვანსა, ადგილსა განსასვენებელსა, სადაცა მართალნი განისვენებენ.გვეუფლება სასოება იმისა, რომ მისი ლოცვა კვლავაც განგვაძლიერებს სულიერად და განგვინათებს გონებას, რათა გავაგრძელოთ სვლა მის მიერ გაკვალულ სამეუფო გზაზე და უახლოეს მომავალში მივაღწიოთ ქვეყნის გამთლიანებას, აღორძინებას. დღეს პატრიარქისადმი ჩვენი სიყვარული უნდა გამოვლინდეს მისი მრავალწლიანი შეგონებების აღსრულებაში. უპირველესად ღვთისა და მოყვასის წინაშე საკუთარი ცოდვების აღიარებაში, ურთიერთმიტევებასა და შერიგებაში. ქრისტესმიერი სიყვარულის აღორძინებით ჩვენ შევძლებთ ქვეყანაში მშვიდობიანი თანაარსებობის დამკვიდრებას და საზოგადოების გამთლიანებას. გავაგრძელოთ სვლა ჩვენი წინაპრების მიერ გაკვალულ გზაზე, რომელთან დაბრუნებაშიც შეუფასებელია ისტორიული როლი საქართველოს კათოლიკოს-პატრიარქის. წმინდათა თანა განუსვენოს უფალმა ახლად შესვენებულსა დიდსა მეუფესა მამასა ჩვენსა ილიას და დაუმკვიდროს მას სასუფეველი ცათა“, – ნათქვამია წმინდა სინოდის მიმართვაში.სრულიად საქართველოს კათოლიკოს-პატრიარქი, ილია მეორე 93 წლის ასაკში გარდაიცვალა.პატრიარქის გარდაცვალების გამო, მთავრობის გადაწყვეტილებით, საქართველოში გლოვა გამოცხადდა.ილია II სრულიად საქართველოს კათოლიკოს-პატრიარქად 1977 წლის 23 დეკემბერს იქნა არჩეული.

საზოგადოება • 1773838617

თინათინ რუხაძე: დღეს ჩვენ ყველანი ჭირისუფლები ვართ. ღმერთმა მოგვცეს ძალა, რომ ღირსეულად ვატაროთ ეს დიდი ტკივილი და მისი უწმინდესობის ხსოვნას პატივი მივაგოთ ისე, როგორც მის ნათელ სულს ეკადრება

დღეს ჩვენ ყველანი ჭირისუფლები ვართ. ღმერთმა მოგვცეს ძალა, რომ ღირსეულად ვატაროთ ეს დიდი ტკივილი და მისი უწმინდესობის ხსოვნას პატივი მივაგოთ ისე, როგორც მის ნათელ სულს ეკადრება, - აღნიშნულია საქართველოს კულტურის მინისტრის თინათინ რუხაძის განცხადებაში, რომელიც პატრიარქის გარდაცვალებასთან დაკავშირებით ვრცელდება.„ძალიან მიჭირს, სიტყვებით გადმოვცე ჩემი მწუხარება ჩვენი პატრიარქის, სულიერი წინამძღოლის, ჩვენი სულიერი მამის - ილია ll-ის გარდაცვალების გამო. ის ყოველთვის იყო ქართველი ხალხის ძლიერი საყრდენი და დიდი იმედი.ჩვენი პატრიარქი თავისი ცხოვრებითა და მოღვაწეობით, შინაგანი მრწამსით იყო მაგალითის მიმცემი. ჩვენთვის სამაგალითოა მისი ჭეშმარიტად ქრისტესმიერი სიყვარული, თავმდაბლობა და კაცთმოყვარეობა, სიბრძნე და სიმშვიდე, მასშტაბური აზროვნება, ქვეყნის ერთგულება და მისთვის თავდადება. ის იყო დიდი ადამიანი, რომელიც განსაკუთრებულ პატივისცემასა და მოწიწებას იწვევდა არა მხოლოდ სამშობლოში, არამედ მთელ მსოფლიოში.დღეს ჩვენ ყველანი ჭირისუფლები ვართ. ღმერთმა მოგვცეს ძალა, რომ ღირსეულად ვატაროთ ეს დიდი ტკივილი და მისი უწმინდესობის ხსოვნას პატივი მივაგოთ ისე, როგორც მის ნათელ სულს ეკადრება“, - აღნიშნულია განცხადებაში.

ტაბლოიდი • 1773681830

გიორგი გასვიანის მეუღლე, მარიტა მელიქიშვილი იუბილარია - როგორ მიულოცა გალამ დედიკოს დაბადების დღე

გიორგი გასვიანმა და მარიტა მელიქიშვილმა ერთმანეთს ბედი ხუთი წლის წინ დაუკავშირეს და დაოჯახდნენ. დღეს საოცარი შვილის, გალას მშობლები არიან და მოსიყვარულე, თბილი და იდილიური ოჯახი აქვთ.მარიტა მელიქიშვილი დღეს, 16 მარტს იუბილარია. იგი 24 წლის გახდა და შვილისგან ულამაზესი ვარდების თაიგული მიიღო.„გალას დედიკოს გაუმარჯოს“. „ბედნიერი დაბადების დღე“. „მრავალს დაესწარით“, - წერენ სოციალურ ქსელში.ცნობისთვის, მსახიობი და ტელეწამყვანი გიორგი გასვიანი და მისი მეუღლე მარიტა მელიქიშვილი საზოგადოებაში დიდი პოპულარობით სარგებლობენ. მათ დაოჯახებას ყველა დადებითი ემოციებით შეხვდა და საზოგადოებამ მათი წყვილი მალევე შეიყვარა.

რჩევები • 1772452500

როგორ შევარჩიოთ ძიძა ბავშვისთვის, ზედმეტი რისკების გარეშე - სპეციალისტის რჩევები

როდესაც ოჯახი შვილისთვის ძიძის ძებნას იწყებს, ჩნდება კითხვა, თუ როგორ უნდა აირჩიონ. მშობლები ხშირად მხოლოდ გამოცდილებას, ფასს ან „კარგ შთაბეჭდილებას“ აკვირდებიან, მაგრამ ეს საკმარისი არ არის. უფრო მნიშვნელოვანია კიდევ ერთი რამ: რამდენად კარგად ერგება ძიძა ბავშვს, შეუძლია თუ არა საზღვრების დაცვა, როგორ რეაგირებს სტრესზე და იცავს თუ არა შეთანხმებებს ჩვეულებრივ, ყოველდღიურ სიტუაციებში.გარედან ეს შეიძლება მარტივად მოგეჩვენოთ: განათავსეთ განცხადება, განახორციელეთ რამდენიმე ზარი და მოიწვიეთ კანდიდატი გასაუბრებაზე. პრაქტიკაში, ძიძის შერჩევა უფრო ფხიზელ მიდგომას მოითხოვს. მნიშვნელოვანია გავითვალისწინოთ არა მხოლოდ მზრუნველობის უნარები, არამედ პიროვნება, ჩვევები, კომუნიკაციის სტილი, დისციპლინისადმი დამოკიდებულება, სამედიცინო საკითხები, გაჯეტები და ოჯახური კონფიდენციალურობა. სწორედ ამ ეტაპზე ხდება ყველაზე ხშირად შეცდომების დაშვება, რაც მოგვიანებით იწვევს კონფლიქტებს, პერსონალის ხშირ ცვლილებებს და სტრესს სახლში.საიდან დავიწყოთ ჭკვიანური არჩევანის გაკეთებაპირველი ნაბიჯი არ არის კანდიდატის პოვნა, არამედ ოჯახის მკაფიო მოთხოვნა. მშობლებმა წინასწარ უნდა განსაზღვრონ ზუსტად ვინ სჭირდებათ: ბავშვის ძიძა, სკოლის ასაკის ბავშვის თანმხლები ძიძა, ნახევარ განაკვეთზე მომუშავე ასისტენტი თუ ისეთი ადამიანი, რომელსაც მთელი დღის განმავლობაში შეუძლია მუშაობა. სამუშაო გრაფიკიც მნიშვნელოვანია. დღეში რამდენიმე საათი ერთია, ხოლო ადრე ადგომა,  ნებისმიერ ამინდში გასეირნება, საჭმლის მომზადება და კლასგარეშე აქტივობებში თანხლება სულ სხვაა. რაც უფრო დეტალურია ოჯახის მიერ დავალებების აღწერა, მით უფრო მაღალია შანსი, რომ იპოვოთ ისეთი ადამიანი, რომელიც დათანხმდება რეალისტურ პირობებს და არა ბუნდოვან მოლოდინებს.რა არის ნამდვილად მნიშვნელოვანი გასათვალისწინებელი ძიძის არჩევისასშერჩევის პროცესში მშობლები ხშირად აჭარბებენ „იდეალურ რეზიუმეს“ და არასაკმარისად აფასებენ კანდიდატის პირად ქცევას. თუმცა, სანდოობა საუკეთესოდ არა ლამაზი განცხადებებით, არამედ დეტალებით ვლინდება: პუნქტუალურობა, მკაფიო პასუხები, პატივისცემით აღსავსე ტონი, გაღიზიანების არარსებობა განმარტებების მოთხოვნისას და ბავშვების ემოციებზე მშვიდი რეაგირება.ქვემოთ მოცემულია რამდენიმე კრიტერიუმი, რომელიც, როგორც წესი, კანდიდატის უფრო ობიექტურად და ზედმეტი რომანტიზების გარეშე შეფასებაში გვეხმარება.გამოცდილება ბავშვის ასაკის მიხედვით: ჩვილთან, ორი წლის და სკოლის ასაკის ბავშვთან მუშაობა განსხვავებულ მიდგომებს მოითხოვს. მნიშვნელოვანია ბავშვების კონკრეტული ასაკისა და პასუხისმგებლობების ფარგლების დაზუსტება და არა მხოლოდ საერთო გამოცდილების.უსაფრთხოების უნარები: პირველადი დახმარების საბაზისო ცოდნა, მათ შორის სიცხისა და ალერგიული რეაქციების მართვის უნარი, არ არის „ბონუსი“, არამედ პასუხისმგებლობის აუცილებელი ნაწილი.მშობლებთან კომუნიკაცია: კარგი ძიძა ყველა საკითხზე არ კამათობს, მაგრამ ასევე თავს არ არიდებს კითხვებს. მათ იციან, ბავშვის მდგომარეობის მნიშვნელოვანი ცვლილებების შესახებ ინფორმაციის მიწოდება.პირადი დამოკიდებულება საზღვრების მიმართ: მნიშვნელოვანია, რომ კანდიდატმა ნებართვის გარეშე არ გამოაქვეყნოს ბავშვის ფოტოები, არ განიხილოს ოჯახის საკითხები უცნობებთან და დაიცვას სახლის წესები.ემოციური სტაბილურობა: ბავშვები ტირიან, იქცევიან და იღლებიან. კანდიდატი, რომელიც სწრაფად გამოდის წყობიდან ან ხმას სწევს, შეიძლება არ იყოს შესაფერისი, თუნდაც დიდი გამოცდილებით.გამჭვირვალობის სურვილი: მკაფიო გრაფიკი, პასუხისმგებლობები, ანაზღაურება, საცდელი პერიოდი და ჩანაცვლების პროცედურები - ყველაფერი ეს მშვიდად და წინასწარ უნდა განიხილებოდეს.როგორ ჩავატაროთ ინტერვიუ და თავიდან ავიცილოთ საეჭვო ნიშნებისაუკეთესოა, ძიძასთან ინტერვიუ ორ ეტაპად ჩავატაროთ: პირველი, საუბარი ბავშვის გარეშე, შემდეგ შეხვედრა ბავშვის თანდასწრებით. ამ გზით, ოჯახს უფრო ადვილად შეუძლია შეაფასოს როგორც კანდიდატის პროფესიული პასუხები, ასევე მისი რეაქციები. პირველ ეტაპზე სასარგებლოა სიტუაციური კითხვების დასმა: რა უნდა გააკეთოს, თუ ბავშვი უარს იტყვის ჭამაზე, რა უნდა გააკეთოს, თუ გარეთ ისტერიკა მოხდება, როგორ იქცევა კანდიდატი, თუ მშობლები აგვიანებენ.მეორე ეტაპზე ყურადღება „სიტყვებიდან“ ქცევაზე უნდა გადავიდეს. კარგი ნიშანია მშვიდი, პატივისცემით აღსავსე კომუნიკაცია და ინტრუზიულობის ნაკლებობა. ცუდი ნიშანია ბავშვის დაუყოვნებლივ ჩახშობის, მისი ემოციების იგნორირების ან მშობლების თანდასწრებით ბავშვის დემონსტრაციულად „დისციპლინის“ მცდელობა შთაბეჭდილების მოხდენის მიზნით.განსაკუთრებით მნიშვნელოვანია რეკომენდაციებისა და დოკუმენტების შემოწმება. მაშინაც კი, თუ კანდიდატი მოსწონთ, სავალდებულო რჩება ძირითადი წარსულის შემოწმება. საქმე არ ეხება უნდობლობას, არამედ მშობლის ნორმალურ პასუხისმგებლობას. რაც უფრო მშვიდი და გამჭვირვალეა კანდიდატი წარსულის შემოწმების დროს, მით უფრო ადვილია სამუშაო ურთიერთობის დამყარება.ვის უნდა მოერიდოთ, თუნდაც დროის სიმცირის შემთხვევაში?როდესაც ოჯახი დაიღალა ძებნით, ჩნდება ცდუნება, რომ საქმე უბრალოდ „ნებისმიერს“ მიანდოთ. სწორედ აქ წარმოიქმნება ყველაზე უსიამოვნო სიტუაციები. არსებობს კანდიდატების გარკვეული კატეგორიები, რომელთათვისაც რისკი დროის ან ფულის პოტენციურ დაზოგვაზე მეტია.ფრთხილად იყავით მათთან, ვინც:უგულებელყოფს წარსული გამოცდილების შესახებ კითხვებს, იბნევა ფაქტებით, მკაცრად რეაგირებს რეკომენდაციების თხოვნაზე, მუდმივად ცვლის პირობებს შეთანხმების შემდეგ, უგულებელყოფს მშობლების წესებს („მე უკეთ ვიცი“), ძალიან სწრაფად ერევა ოჯახის პირად სივრცეში ან, პირიქით, დისტანციურად და გულგრილად გამოიყურება ბავშვის მიმართ. გამაფრთხილებელი ნიშნებია უხეშობა, ბავშვების მიმართ სარკაზმი, ფიზიკური დასჯის გამართლება და განხილვის ჩვევა.ადამიანი, რომელიც გპირდებათ „ყველაფრის გაკეთებას“, მაგრამ ვერ ახერხებს ნათლად ახსნას, თუ როგორ უმკლავდება სტანდარტულ სიტუაციებს, ასევე არ არის საუკეთესო არჩევანი. ვერბალური მრავალფეროვნება ხშირად მალავს რეალური უნარების ნაკლებობას. ბავშვებთან მუშაობისას, მშვიდი გულწრფელობა უფრო საიმედოა, ვიდრე გრანდიოზული განცხადებები.პირადი კომფორტის განცდა მართლაც მნიშვნელოვანია, მაგრამ ის არ ცვლის მკაფიო წესებს. მაშინაც კი, თუ ოჯახს მოსწონს კანდიდატი, უმჯობესია ნათლად განისაზღვროს გრაფიკი, ანაზღაურება, პასუხისმგებლობები, კვება, გასვლები, სამსახურში ტელეფონის გამოყენება, ბავშვის ავადმყოფობასთან გამკლავების პროცედურები და ანგარიშგების ფორმატი. ეს ამცირებს გაუგებრობების რისკს და იცავს ორივე მხარეს.გამოცდილება აჩვენებს, რომ წარმატებული ძიძის არჩევა არ არის „იდეალური ადამიანის“ პოვნა, არამედ ღირებულებების, რუტინისა და ბავშვისადმი მიდგომების შესაბამისობა. რაც უფრო ფრთხილად მიუდგება ოჯახი შერჩევის პროცესს, მით უფრო მაღალია ალბათობა იმისა, რომ ისინი იპოვიან ჭეშმარიტად საიმედო დახმარებას და არა სტრესის წყაროს.საბოლოო ჯამში, გონივრული მიდგომა სამ საყრდენზეა აგებული: მკაფიო მოთხოვნა, ფაქტების შემოწმება და რეალურ სიტუაციებში ქცევის დაკვირვება. ეს ფორმატი დაგეხმარებათ გადაწყვეტილებების მიღებაში უფრო მშვიდად, აჩქარების ან მხოლოდ პირველ შთაბეჭდილებაზე დაყრდნობის გარეშე.

ასტროლოგია • 1772433000

როდის დავწვათ ჩეკები მარტის თვეში ვალების დასაფარად - ეზოტერიკოსი ასახელებს

მინეროლოგი და ეზოტერიკოსი, თამარ იოსელიანი ასახელებს თარიღებს, როცა ჩეკების დაწვა ფინანსურ სარგებელს მოგვიტანს. „2026 წლის მარტი: ვწვავთ ჩეკებს 2026 წლის მარტში ჩეკების დაწვა საჭიროა ამ თარიღებში:1, 2, 3, 19, 20, 21, 22, 23, 24, 25წესები:დაწვით მხოლოდ თქვენი ჩეკები.შეინახეთ ისინი ცალკე ადგილას (არა საფულეში).თუ კონკრეტული თარიღი არ იცით, დაწვით მზარდი მთვარის პერიოდში.კლებადი მთვარისას ჩეკები იწვება ვალების დასაფარად (თუმცა, ამ დროს შემოსული მთელი თანხა მხოლოდ ვალებზე უნდა მიმართოთ, წინააღმდეგ შემთხვევაში ფინანსური არხი დაგეხშობათ).ჩეკების ფერფლი უნდა გაატანოთ ქარს!სიტყვები, რომლებიც ჩეკების დაწვისას უნდა თქვათ:„ჩეკებს ვწვავ — სიმდიდრეს ვუხმობ.ჩეკებს ვწვავ — სიმდიდრეს ვამრავლებ.ჩეკებს ვწვავ — სიმდიდრეს ვიმტკიცებ.ჩემს სასიკეთოდ. ყველას სასიკეთოდ. ჭეშმარიტად!“შენიშვნა: რადგან დღეს 1 მარტია, შეგიძლიათ რიტუალი დღესვე ან ხვალ (2 მარტს) შეასრულოთ, რადგან ეს თარიღები სიაშია".  

მიმოხილვა • 1771999816

„ბრიგინ–ბრიგინით მოსული საბჭოთა ხელისუფლება“ და კომუნიზმს შეწირული ჯანდაცვის მდივანი - გურული გლეხის წერილი

1921 წლის 25 თებერვალს საბჭოთა რუსეთის მე-11 წითელი არმია თბილისში შემოიჭრა და პირველი რესპუბლიკის მთავრობა დაამხო. საბჭოთა ოკუპაციის შედეგად საქართველომ დამოუკიდებლობა დაკარგა. დამოუკიდებლობის დაკარგვას სასტიკი რეპრესიები, ათასობით ადამიანის დახვრეტა, გადასახლება და პატიმრობა მოჰყვა. 25 თებერვალს დაწყებული საბჭოთა ოკუპაცია 70 წელს გაგრძელდა. თუმცა, საქართველოს სუვერენიტეტი მარტივად არ დაუთმია - ოკუპაციას წინ 5-კვირიანი სამხედრო ოპერაცია და თავგანწირული ბრძოლა უძღოდა.1921 წლის 25 თებერვლიდან 105 წელია გასული.გთავაზობთ სტატიას პრაიმტაიმის არქივიდან - „კომუნისტური შიზოფრენია“ საქართველოს ოკუპაციის შემდეგ საბჭოთა ხელისუფლება სასწრაფო წესით შეუდგა ქვეყნის მენშევიკებისგან გაწმენდას. ხშირ შემთხვევაში ადამიანების დასაპატიმრებლად განსაკუთრებული მიზეზი არ სჭირდებოდათ.საკმარისი იყო, რამე დაგეწერა, ან გეთქვა ისეთი, რაც ბოლშევიკებს არ მოეწონებოდათ, რომ ადამიანის ბედი ერთ წამში გადაწყვეტილიყო.გურული გლეხის, პავლე კალანდაძის გადასახლების საბაბი ის თეთრი ლექსი გახდა, რომელიც მან საქართველოს გასაბჭოების შემდეგ შეთხზა.თუმცა მიზეზი ის იყო, რომ პავლე კალანდაძე მენშევიკი გახლდათ და მენშევიკების მთავრობაში ჯანდაცვის განყოფილების მდივნის თანამდებობა ეკავა.პავლე კალანდაძე ჩოხატაურის რაიონში, სოფელ ხიდისთავში ცხოვრობდა. ის საკმაოდ განათლებული იყო, ამიტომ კერძო მოწაფეებიც მრავლად ჰყავდა, მოგვიანებით კი ერთ-ერთი მოწაფე, თამარი, ცოლადაც შეირთო და სამი შვილი შეეძინათ.პავლე კალანდაძე 1922 წლის თებერვალში ქ. ფოთში დააპატიმრეს.(ასე მუშაობდა მაშინ „ ჩაშვების“ უნსტიტუტი!) ამას სასწრაფოდ მოჰყვა მისი ბინის ჩხრეკა, მიუსაჯეს იზოლაცია განუსაზღვრელი ვადით.„ამხანაგო ბიძია“იმ დასაქცევ 18 მარტს გევიხედე ბიძია და ნეტაი არ გამეხედა.რაღაცა გააქვს ბრიგინ-ბრიგინი, დრიგინ-დრიგინი, ლიწინ – ლიწინი,პრიწინ-პრიწინი და მოდის, მარა რა მოდის!მოდის უშველებელი რევკომი, პროდკომი და პრედრევკომი,მოდის და მოუძღვება, მოსდევს და რა მოსდევს!მოდსდევს: პარდკომი, პროდკომი, პრუდკომი, პუსკომი, დოიკომი, უჩასტკომი, ფავრიკომი, ზავომი, გუბრატკომი, მესტკომი, სოვნარხოზი, სორნაოზი,ფარნაოზი, გრუკავროსტისი;პრახვოსტი, კომხოზი, ფინონდული, ფარნოდელი, ზუბოდელი, ჟილოდელი ჟანდარმები წინანდელი, კომსოიზი პროფსაუზი, კომსომოლა, სოცაბეზა, ნარკომზდრავი,ზრავოდელი აგენტ-პუქტი,იქით პუნქტი, ზიგიზმუნდი მიგიზმუნდი, ბიგიზმუნდი, ნაჩიბრიგი, ნაჩიდრიგი, ნაჩიდიკი,ფარპოდი – ღეჩეპოდი სანიტარპოდი და უკან მოსდევს დეზ კარმერა და ჩეკა. მოაქვთ, მარა რა მოაქვთ!ნეტავი არ მოჰქონდეს, მოაქვთ: შიმშილობა, წყურვილობა, უფულობა, უპურობა, უხორცობა, უღვინობა,უწამლობა, უბინაობა, უცოლობა, უქმარობა, გაყრა-გამოყრა და გაშტრიგინებული საანკეტო ფურცლები! მოვიდნენ, მარა რა მოვიდნენ! ნეტავ არ მოსულიყვნენ!დალაგდნენ ქალაქში, ვაგზალში, ქუჩაში, დუქანში, სოფელში, ბოსელშ, შენს ოთახშ, ჩემს ოთახშ, მის ოთახშ, შენს ლოგინში, ჩემს ლოგინში, სხვის ლოგინში.დალაგდნენ თუ არა, ჩვენ გაგვათავისუფლეს. გაგვათავისუფლეს ჭამისაგან, სმისაგან , დახურვისაგან, ბინისაგან, წამლობისაგან, სიარულისაგან, მოსვენებისაგან, გავლისაგან, გამოვლისაგან და თავისუფლებისაგან.გაგვათავისუფლეს თუ არა, მერე დააარსეს საქართველოში, მარა რა დააარსეს!  საბჭოთა მთავრობა, სრული უთავობა, შაბათ-კვირაობა, ქუჩის ხვეტა, ეზოს ხვეტა, ჩაის კრება და საანკეტო ფურცლების წერა! მოგვაყენეს გაშტრიგინებული ფურცლები და გვიბრძანეს:-აჰა, ჩასწერეთ: რა იყავით, იყავით, რაზე იყავით, რა ჭამეთ, რისთვის ჭამეთ, ვინ გაჭამა, ვინ გაგაძღო, რაზე გაძეხი,სად ცხოვრობდი, რაზედ ცხოვრობდი, რაზე მოდი ან რა გინდა და შემდეგ წააწერეს, მაგრამ რა წააწერეს:გააძევეთ, ვიკინუტ, დაიჭირეთ, დახვრიტეთ, არესტავაი ვ ჩეკუსაგან! ერთ სიტყვით, ყოლისფერი ბევრი ჩამოიტანეს, მარა ყოველისფერს ჩეკა სჯობია იმით რომ ნიკოლოზის თავს გამოჩეკარეს! (სტილი დაცულია)რა ბედი ეწია შემდგომში პავლე კალანდაძეს, ამის გასარკვევად „პრაიმტაიმი“ სოფელ ხიდისთავში ჩავიდა, თუმცა იქ პავლე კალანდაძე აღარავის ახსოვდა.მოგვიანებით თბილისში დავუკავშირდით პავლე კალანდაძის შვილიშვილს – გივი კალანდაძეს. ბატონმა გივიმ ბაბუის ფოტოები გადმოგვცა.მისი თქმით, ბაბუა, სავარაუდოდ, უზბეკეთში გადაასახლეს, მოგვიანებით კი პატიმრობა თავისუფალი გადასახლებით შეუცვალეს.პავლე კალანდაძე უზბეკ ქალზე დაქორწინდა და ორი ქალიშვილიც შეეძინა.სამშობლოში ის აღარ დაბრუნებულა. („პრაიმტაიმის“ 2012 წლის პროექტი „კომუნისტური შიზოფრენია“. ავტორები მარიტა დამენია, ლია კერესელიძე)

მსოფლიო • 1770999198

ტრამპი: მე ამაყი ვიყავი, როდესაც 2022 წელს მხარი დავუჭირე ვიქტორ ორბანის ხელახალ არჩევას და ჩემთვის პატივია, რომ ამას კვლავ ვაკეთებ

უნგრეთის დიდად პატივსაცემი პრემიერ-მინისტრი, ვიქტორ ორბანი ჭეშმარიტად ძლიერი და გავლენიანი ლიდერია, რომელსაც ფენომენალური შედეგების მიღწევის დადასტურებული გამოცდილება აქვს, - განაცხადა აშშ-ის პრეზიდენტმა, დონალდ ტრამპმა.„ის დაუღალავად იბრძვის თავისი დიადი ქვეყნისა და ხალხისთვის და უყვარს ისინი ისევე, როგორც მე - ამერიკის შეერთებული შტატები. ვიქტორი ბევრს შრომობს უნგრეთის დასაცავად, ეკონომიკის გასაზრდელად, სამუშაო ადგილების შესაქმნელად, ვაჭრობის ხელშესაწყობად, უკანონო მიგრაციის შესაჩერებლად და კანონისა და წესრიგის უზრუნველსაყოფად! ჩემი ადმინისტრაციის პირობებში, უნგრეთსა და ამერიკის შეერთებულ შტატებს შორის ურთიერთობებმა თანამშრომლობისა და შთამბეჭდავი მიღწევების ახალ მწვერვალებს მიაღწია, რაც დიდწილად პრემიერ-მინისტრ ორბანის დამსახურებაა“, - აღნიშნა აშშ-ის პრეზიდენტმა.„მოუთმენლად ველი მასთან მჭიდრო თანამშრომლობის გაგრძელებას, რათა ჩვენმა ორივე ქვეყანამ კიდევ უფრო წინ წაიწიოს წარმატებისა და თანამშრომლობის ამ უზარმაზარ გზაზე. მე ამაყი ვიყავი, როდესაც 2022 წელს მხარი დავუჭირე ორბანის ხელახალ არჩევას და ჩემთვის პატივია, რომ ამას კვლავ ვაკეთებ. ვიქტორ ორბანი ნამდვილი მეგობარი, მებრძოლი და გამარჯვებულია; მას აქვს ჩემი სრული და აბსოლუტური მხარდაჭერა უნგრეთის პრემიერ-მინისტრად ხელახლა ასარჩევად - ის არასოდეს გაუცრუებს იმედს უნგრეთის დიად ხალხს!“ - დასძინა მან.

საზოგადოება • 1770895018

ნოდარ ქუმარიტაშვილის გარდაცვალებიდან 16 წელი გავიდა

12 თებერვალს, ნოდარ ქუმარიტაშვილის გარდაცვალებიდან 16 წელი გავიდა. 2010 წლის ზამთრის ოლიმპიადაზე მყოფი 21 წლის ქართველი მოციგავე, თამაშების ოფიციალურ გახსნამდე რამდენიმე საათით ადრე დაიღუპა.ნოდარ ქუმარიტაშვილი უისტლერის ოლიმპიურ ტრასაზე ერთ-ერთი ბოლო საწვრთნელი დაშვების დროს გარდაიცვალა. 144,3 კმ/სთ-ით მოძრავმა ციგამ მართვა დაკარგა და ბეტონის კონსტრუქციას დაეჯახა. საბედისწერო დაშვების შემდეგ 21 წლის ქართველი სპორტსმენი ვერტმფრენით საავადმყოფოში გადაიყვანეს, თუმცა მისი გადარჩენა ვერ მოხერხდა. საგამოძიებო სამსახურების დასკვნის თანახმად, ინციდენტის მიზეზად ტრასის გაუმართაობა დასახელდა.„საქართველოს ოლიმპიური გუნდის გამორჩეულ და საოცარი პერსპექტივის მქონე სპორტსმენს ნამდვილად დიდი მომავალი ექნებოდა, რომ არა ეს საბედისწერო შემთხვევა. ნოდარ ქუმარიტაშვილის სახელის უკვდავსაყოფად და მისი ხსოვნისადმი პატივის მისაგებად საქართველო და საერთაშორისო ოლიმპიური მოძრაობა მუდამ ერთსულოვანი იქნება“, - აღნიშნულია ეროვნული ოლიმპიური კომიტეტის მიერ დღეს გამოქვეყნებულ განცხადებაში.ქართველი ოლიმპიელი მშობლიურ დაბა ბაკურიანშია დაკრძალული. იქვე გახსნილია მისი სახელობის მემორიალი და მუზეუმი. ქუჩა კი, სადაც ნოდარი ცხოვრობდა, მის სახელს ატარებს.

საზოგადოება • 1770235407

ბათუმში დაკარგული ბიჭის დედა მიმართვას ავრცელებს

ბათუმში დაკარგული ბიჭის, ალექსანდრე მიქელაძის დედა, ნათია დიაკვნიშვილი სოციალურ ქსელში მიმართვას ავრცელებს და იმ ადამიანებს, ვინც მუდმივად ამხნევებს და გულშემატკივრობს, მადლობას უხდის. „მე ვარ, ნათია დიაკვნიშვილი, ალექსანდრეს დედა, რომელიც უდიდეს მადლიერებას გამოვხატავ თითოეული თქვენგანის მიმართ და უფალს ვთხოვ, რომ არასოდეს არავინ გენატრებოდეთ ისე, როგორც მე ჩემი ალექსანდრე.არასოდეს გახდეთ ნატრული იმ ჩახუტების, რასაც დღესდღეობით მე განვიცდი... მთელი გულით და არსებით გმადლობთ, იმ სიტყვებისთვის, რასაც ჩემთვის, ჩვენთვის, უპირობოდ იმეტებთ.გმადლობთ, უპირობო სიყვარულისთვის.გმადლობთ და ბოდიში, რომ ვერ გპასუხობთ ინდივიდუალურად. გადის დღეები, თვეები, უკვე ერთი წელი და მეორე დაბადების დღე ჩემი ალექსანდრესი, რომელსაც პირადად ვერ ვულოცავ.ურთულესია, მაგრამ ვმადლობ უფალს, რომ მოლოდინის რეჟიმში ვარ.რადგან ძალიან კარგად ვიცი, ბევრად უარესებიც ხდება.  უფალო, არასოდეს ვიტყვი: „რატომ მე“, რადგან ამისთვის ენა არ მობრუნდება, მაგრამ გპირდები, რომ შენი მოკვდავი შვილი, მედგრად იდგება და დაელოდება იმ წამს, როცა ინებებ ჩვენს შეხვედრას, როცა ინებებ შენი ჩემდამი საჩუქარი, ჩემი ალექსანდრე ისევ მაჩუქო და გამხადო ღირსი მისი სურნელის ჩასუნთქვის, მისი ჩახუტების.დედაო ღვთისა, შენი მფარველი კალთა გადააფარე და დაიცავი ავისგან, ჩემი შვილი, ჩემი ალექსანდრე.  მიყვარხართ თითოეული თქვენგანი, თქვენ ხართ ჭეშმარიტად ადამიანები, მადლობა, რომ არსებობთ, მიყვარხართ და გიგზავნით უდიდეს სითბოს დამსახურებულად. დაგლოცოთ უფალმა და დედა ღვთისამ“, - წერს ნათია დიაკვნიშვილი სოციალურ ქსელში.შეგახსენებთ, ალექსანდრე მიქელაძე 2025 წლის 16 იანვარს, ღამით, 22:00 საათიდან გაუჩინარდა. მისი კვალი ბათუმში, ხიდთან ქრება. ამ დრომდე, ოჯახი მის შესახებ არანაირ ინფორმაციას არ ფლობს.