“სამხედრო ძილის მეთოდი“, რომელიც ადამიანების 96%-ს სულ რაღაც 2 წუთში აძინებს

TikTok-ზე ჯასტინ აგუსტინის მიერ გავრცელებულმა ვიდეომ დიდი ყურადღება მიიპყრო - ის ე.წ. „სამხედრო ძილის მეთოდს“ აცნობს მომხმარებლებს, რომელიც ადამიანების უმეტესობას მხოლოდ 2 წუთში დაძინებაში ეხმარება.

მეთოდი თავდაპირველად სამხედრო პილოტებისა და ჯარისკაცებისთვის შეიქმნა, რომლებსაც სტრესულ გარემოში სწრაფი დასვენება სჭირდებოდათ. მისი მთავარი პრინციპი სხეულის სრული მოდუნებაა.

ტექნიკა რამდენიმე მარტივ ნაბიჯს მოიცავს:

მოადუნეთ სახე, მხრები და ხელები

ღრმად ისუნთქეთ და სხეული ეტაპობრივად მოადუნეთ

გონება გაათავისუფლეთ დაძაბულობისგან

წარმოიდგინეთ მშვიდი და სასიამოვნო გარემო

მიუხედავად იმისა, რომ თავად მეთოდი ცალკე ფართოდ შესწავლილი არ არის, სპეციალისტები აღნიშნავენ, რომ ღრმა სუნთქვა და ვიზუალიზაცია ნამდვილად ამცირებს სტრესს და ძილის პროცესს ხელს უწყობს.

„სამხედრო ძილის მეთოდი“ განსაკუთრებით საინტერესო შეიძლება იყოს მათთვის, ვისაც ღამით დაძაბული ფიქრები და უძილობა აწუხებს.