გერმანიის არმიის გასაძლიერებლად მდგრადი ინვესტიციები განხორციელდება, სწორედ ამას მოითხოვენ ჩვენგან მეგობრები და პარტნიორები - ფრიდრიხ მერცი

გერმანიის კანცლერი ფრიდრიხ მერცი ევროპაში ყველაზე ძლიერი არმიის შექმნის სურვილს გამოთქვამს.

გერმანიის მთავრობის ხელმძღვანელის თქმით, ქვეყნის არმიის გასაძლიერებლად მდგრადი ინვესტიციები განხორციელდება.

„ეს ევროპის ყველაზე მჭიდროდ დასახლებული და ეკონომიკურად ძლიერი ქვეყნისთვის შესაფერისია. სწორედ ამას ელიან ჩვენგან ჩვენი მეგობრები და პარტნიორები. სინამდვილეში, ისინი ამას აშკარად მოითხოვენ“, – განაცხადა ფრიდრიხ მერცმა.

გერმანიის კანცლერის თქმით, გერმანია კვლავ დაადასტურებს ევროპაში ლიდერის როლს, აღადგენს ნდობას პარტნიორებთან და ცალსახად დაუჭერს მხარს უკრაინას.

„ეს საშინელი ომი და მისი შედეგი არა მხოლოდ უკრაინის ბედს განსაზღვრავს. მისი შედეგი განსაზღვრავს, გააგრძელებს თუ არა კანონი და სამართლიანობა მოქმედებას ევროპასა და მსოფლიოში ან გაიმარჯვებს თუ არა ტირანია, სამხედრო ძალადობა და უძლიერესის შიშველი კანონი. უკრაინაში სასწორზე სხვა არაფერია, თუ არა მთელი ჩვენი კონტინენტის მშვიდობიანი წესრიგი“, – აღნიშნა ფრიდრიხ მერცმა.